विष्ण्वष्टकम् १ Vishnu Ashtakam

श्रीगणेशाय नमः ।पुरः सृष्टाविष्टः पुरुष इति तत्प्रेक्षणमुखःसहस्राक्षो भुक्त्वा फलमनुशयी शास्ति तमुत ।स्वयं शुद्धं शान्तं निरवधिसुखं नित्यमचलंनमामि श्रीविष्णुं जलधितनयासेवितपदम् ॥ १॥

śrīgaṇeśāya namaḥ |puraḥ sṛṣṭāviṣṭaḥ puruṣa iti tatprekṣaṇamukhaḥsahasrākṣo bhuktvā phalamanuśayī śāsti tamuta |svayaṃ śuddhaṃ śāntaṃ niravadhisukhaṃ nityamacalaṃnamāmi śrīviṣṇuṃ jaladhitanayāsevitapadam || 1||

अनन्तं सत्सत्यं भवभयहरं ब्रह्म परमंसदा भातं नित्यं जगदिदमितः कल्पितपरम् ।मुहुर्ज्ञानं यस्मिन् रजतमिव शुक्तौ भ्रमहरं नमामि०॥ २॥

anantaṃ satsatyaṃ bhavabhayaharaṃ brahma paramaṃsadā bhātaṃ nityaṃ jagadidamitaḥ kalpitaparam |muhurjñānaṃ yasmin rajatamiva śuktau bhramaharaṃ namāmi0|| 2||

मतौ यत्सद्रूपं मृगयति बुधोऽतन्निरसनात्न रज्जौ सर्पोऽपि मुकुरजठरे नास्ति वदनम् ।अतोऽपार्थं सर्वं न हि भवति यस्मिंश्च तमहं नमामि०॥ ३॥

matau yatsadrūpaṃ mṛgayati budho'tannirasanātna rajjau sarpo'pi mukurajaṭhare nāsti vadanam |ato'pārthaṃ sarvaṃ na hi bhavati yasmiṃśca tamahaṃ namāmi0|| 3||

भ्रमद्धीविक्षिप्तेन्द्रियपथमनुष्यैर्हृदि विभुंनयं वै वेद स्वेन्द्रियमपि वसन्तं निजमुखम् ।सदा सेव्यं भक्तैर्मुनिमनसि दीप्तं मुनिनुतं नमामि०॥ ४॥

bhramaddhīvikṣiptendriyapathamanuṣyairhṛdi vibhuṃnayaṃ vai veda svendriyamapi vasantaṃ nijamukham |sadā sevyaṃ bhaktairmunimanasi dīptaṃ muninutaṃ namāmi0|| 4||

बुधा यत्तद्रूपं न हि तु नैर्गुण्यममलंयथा ये व्यक्तं ते सततमकलङ्के श्रुतिनुतम् ।यदाहुः सर्वत्रास्खलितगुणसत्ताकमतुलं नमामि०॥ ५॥

budhā yattadrūpaṃ na hi tu nairguṇyamamalaṃyathā ye vyaktaṃ te satatamakalaṅke śrutinutam |yadāhuḥ sarvatrāskhalitaguṇasattākamatulaṃ namāmi0|| 5||

लयादौ यस्मिन्यद्विलयमप्युद्यत्प्रभवतितथा जीवोपेतं गुरुकरुणया बोधजनने ।गतं चात्यन्तान्तं व्रजति सहसा सिन्धुनदवन्नमामि०॥ ६॥

layādau yasminyadvilayamapyudyatprabhavatitathā jīvopetaṃ gurukaruṇayā bodhajanane |gataṃ cātyantāntaṃ vrajati sahasā sindhunadavannamāmi0|| 6||

जडं सङ्घातं यन्निमिषलवलेशेन चपलंयथा स्वं स्वं कार्यं प्रथयति महामोहजनकम् ।मनोवादग्जीवानां न निविशति यं निर्भयपदं नमामि०॥ ७॥

jaḍaṃ saṅghātaṃ yannimiṣalavaleśena capalaṃyathā svaṃ svaṃ kāryaṃ prathayati mahāmohajanakam |manovādagjīvānāṃ na niviśati yaṃ nirbhayapadaṃ namāmi0|| 7||

गुणाख्याने यस्मिन्प्रभवति न वेदोऽपि नितरांनिषिध्यद्वाक्यार्थैश्चकितचकितं योऽस्य वचनम् ।स्वरूपं यद्गत्वा प्रभुरपि च तूष्णीं भवति तंनमामि श्रीविष्णुं जलधितनयासेवितपदम् ॥ ८॥

guṇākhyāne yasminprabhavati na vedo'pi nitarāṃniṣidhyadvākyārthaiścakitacakitaṃ yo'sya vacanam |svarūpaṃ yadgatvā prabhurapi ca tūṣṇīṃ bhavati taṃnamāmi śrīviṣṇuṃ jaladhitanayāsevitapadam || 8||

विण्वष्टकं यः पठति प्रभाते नरोऽप्यखण्डं सुखमश्नुते च ।यन्नित्यबोधाय सुबुद्धिनोक्तं रधूत्तमाख्येन विचार्य सम्यक् ॥ ९॥

viṇvaṣṭakaṃ yaḥ paṭhati prabhāte naro'pyakhaṇḍaṃ sukhamaśnute ca |yannityabodhāya subuddhinoktaṃ radhūttamākhyena vicārya samyak || 9||

इति श्रीविष्ण्वष्टकं सम्पूर्णम् ॥

iti śrīviṣṇvaṣṭakaṃ sampūrṇam ||