वराहहयवदनस्तोत्रम् Varaha Hayavadana Stotram

विदारितनिशाचरौ विशदवेदविद्याकरौप्रपन्नजनतावनौ प्रशिथिलीकृताश्वाननौ ।मनोरमतमाकृती मदनमानिताधःकृतीवराहतुरगाननौ वनजलोचनौ नौम्यहम् ॥ १॥

vidāritaniśācarau viśadavedavidyākarauprapannajanatāvanau praśithilīkṛtāśvānanau |manoramatamākṛtī madanamānitādhaḥkṛtīvarāhaturagānanau vanajalocanau naumyaham || 1||

वराभयदरारिभिर्वलयवल्गुहस्तद्युभिःप्रबोधशुभपुस्तकप्रगुणशङ्खमाल्यैर्युतौ ।हरिन्मणिमणिद्युती हरवितायमानस्तुतीवराहतुरगाननौ वनजलोचनौ नौम्यहम् ॥ २॥

varābhayadarāribhirvalayavalguhastadyubhiḥprabodhaśubhapustakapraguṇaśaṅkhamālyairyutau |harinmaṇimaṇidyutī haravitāyamānastutīvarāhaturagānanau vanajalocanau naumyaham || 2||

मनोज्ञपदसारसौ महितजानुमध्योरसौत्रिरेखशुभकन्धरौ त्रिजगदादृतश्रीकरौ ।विभूषणगणाश्रयौ विमलहारमालाश्रयौवराहतुरगाननौ वनजलोचनौ नौम्यहम् ॥ ३॥

manojñapadasārasau mahitajānumadhyorasautrirekhaśubhakandharau trijagadādṛtaśrīkarau |vibhūṣaṇagaṇāśrayau vimalahāramālāśrayauvarāhaturagānanau vanajalocanau naumyaham || 3||

रसामृतरसाङ्कितौ रसिकभक्तवर्गाञ्चितौप्रसादभरितेक्षणौ प्रमथमण्डलीशिक्षणौ ।विरुद्धधुरसङ्गरौ महितशक्तितोऽभङ्गुरौ ।वराहतुरगाननौ वनजलोचनौ नौम्यहम् ॥ ४॥

rasāmṛtarasāṅkitau rasikabhaktavargāñcitauprasādabharitekṣaṇau pramathamaṇḍalīśikṣaṇau |viruddhadhurasaṅgarau mahitaśaktito'bhaṅgurau |varāhaturagānanau vanajalocanau naumyaham || 4||

सुखानुभवविग्रहौ सुजनसङ्घरक्षाग्रहौविनोदजितदानवौ विलसदाकृतीं श्रीनवै ।भवाब्धिभयभञ्जनौ निजपदं सदा ध्यायिनांवराहतुरगाननौ वनजलोचनौ नौम्यहम् ॥ ५॥

sukhānubhavavigrahau sujanasaṅgharakṣāgrahauvinodajitadānavau vilasadākṛtīṃ śrīnavai |bhavābdhibhayabhañjanau nijapadaṃ sadā dhyāyināṃvarāhaturagānanau vanajalocanau naumyaham || 5||

वराहतुरगास्ययोर्वरनुतिं निजैर्वश्ययोःकृपानिलयनेत्रयोः कृपणभक्तहृन्मित्रयोः ।यतिः शमलशान्तये यमिविमृग्यहृद्दान्तयेव्यधत्त विलसत्पदां विमलवादिराजाभिधः ॥ ६॥

varāhaturagāsyayorvaranutiṃ nijairvaśyayoḥkṛpānilayanetrayoḥ kṛpaṇabhaktahṛnmitrayoḥ |yatiḥ śamalaśāntaye yamivimṛgyahṛddāntayevyadhatta vilasatpadāṃ vimalavādirājābhidhaḥ || 6||

इति श्रीमद्वादिराजपूज्यचरणविरचितंश्रीवराहहयवदनस्तोत्रं सम्पूर्णम् ।भारतीरमणमुख्यप्राणान्तर्गत श्रीकृष्णार्पणमस्तु ।

iti śrīmadvādirājapūjyacaraṇaviracitaṃśrīvarāhahayavadanastotraṃ sampūrṇam |bhāratīramaṇamukhyaprāṇāntargata śrīkṛṣṇārpaṇamastu |