विठ्ठलार्तिक्यम् Shri Viththala Artikyam

जय जय विठ्ठल भगवन् करुणामयमूर्ते! ।(१)धूर्तेतरसकृदुपनतसर्वेप्सितपूर्ते! । ध्रुव०॥(२)श्रुतिशास्त्राचारानधिकारादतिमलिनाजीवास्तव दृष्टस्मृतवन्दितपदनलिनाः ।ते साञ्जलिना दूरान्नमिताः खलु कलिनाकालेनापि कवलिताखिलजगता बलिना । जय जय०॥ १॥

jaya jaya viṭhṭhala bhagavan karuṇāmayamūrte! |(1)dhūrtetarasakṛdupanatasarvepsitapūrte! | dhruva0||(2)śrutiśāstrācārānadhikārādatimalinājīvāstava dṛṣṭasmṛtavanditapadanalināḥ |te sāñjalinā dūrānnamitāḥ khalu kalinākālenāpi kavalitākhilajagatā balinā | jaya jaya0|| 1||

भवताधिष्ठितमानशं भीमरथीतीरंवैकुण्ठीकृतमिह नो रमयति कं धीरं ।जडमपि कुरुषे सुपटुं वाचि यथा कीरंशिरसि बिभर्षि घृतं ते येन चरणनीरम् । जय जय०॥ २॥

bhavatādhiṣṭhitamānaśaṃ bhīmarathītīraṃvaikuṇṭhīkṛtamiha no ramayati kaṃ dhīraṃ |jaḍamapi kuruṣe supaṭuṃ vāci yathā kīraṃśirasi bibharṣi ghṛtaṃ te yena caraṇanīram | jaya jaya0|| 2||

त्वां मेघमिव मयूरा दृष्ट्वा तव भृत्याःप्रेमाश्रुप्लुतनयना भृशविस्मृतकृत्याः ।व्यक्तं मङ्क्षु भवन्ति प्रमुदादृतकृत्यामुक्तिवृणुते (३)तानुरुङ्गाय! मनोवृत्त्या । जय जय०॥ ३॥

tvāṃ meghamiva mayūrā dṛṣṭvā tava bhṛtyāḥpremāśruplutanayanā bhṛśavismṛtakṛtyāḥ |vyaktaṃ maṅkṣu bhavanti pramudādṛtakṛtyāmuktivṛṇute (3)tānuruṅgāya! manovṛttyā | jaya jaya0|| 3||

इति श्रीरामनन्दनमयूरेश्वरकृतं श्रीविठ्ठलार्तिक्यं सम्पूर्णम् ।१। धूर्तेतराः सज्जनाः ।२। श्रुतिशास्त्राचारेष्वनधिकारादधिकाराभावात् अतिमलिनाः स्त्रीशूद्रादयः ।३। उरु गायं कीर्तियम्य तत्सम्बुद्धौ ।

iti śrīrāmanandanamayūreśvarakṛtaṃ śrīviṭhṭhalārtikyaṃ sampūrṇam | 1| dhūrtetarāḥ sajjanāḥ | 2| śrutiśāstrācāreṣvanadhikārādadhikārābhāvāt atimalināḥ strīśūdrādayaḥ | 3| uru gāyaṃ kīrtiyamya tatsambuddhau |