विष्णुवल्लभ वा अष्टषष्टिनामतीर्थस्तोत्रम् Shri Vishnuvallabha Stotra: Sixty-six Vishnu Names and Sacred Places

भरद्वाज उवाचत्वत्तो हि श्रोतुमिच्छामि गुह्यक्षेत्राणि वै हरेः ।नामानि च सुगुह्यानि वद पापहराणि च ॥ १॥

bharadvāja uvācatvatto hi śrotumicchāmi guhyakṣetrāṇi vai hareḥ |nāmāni ca suguhyāni vada pāpaharāṇi ca || 1||

सूत उवाचमन्दरस्थं हरिं देवं ब्रह्मा पृच्छति केशवम् ।भगवन्तं देवदेवं शङ्खचक्रगदाधरम् ॥ २॥

sūta uvācamandarasthaṃ hariṃ devaṃ brahmā pṛcchati keśavam |bhagavantaṃ devadevaṃ śaṅkhacakragadādharam || 2||

ब्रह्मोवाचकेषु केषु च क्षेत्रेषु द्रष्टव्योऽसि मया हरे ।भक्तैरन्यैः सुरश्रेष्ठ मुक्तिकामैर्विशेषतः ॥ ३॥

brahmovācakeṣu keṣu ca kṣetreṣu draṣṭavyo'si mayā hare |bhaktairanyaiḥ suraśreṣṭha muktikāmairviśeṣataḥ || 3||

यानि ते गुह्यनामानि क्षेत्राणि च जगत्पते ।तान्यहं श्रोतुमिच्छामि त्वत्तः पद्मायतेक्षण ॥ ४॥

yāni te guhyanāmāni kṣetrāṇi ca jagatpate |tānyahaṃ śrotumicchāmi tvattaḥ padmāyatekṣaṇa || 4||

किं जपन् सुगतिं याति नरो नित्यमतन्द्रितः ।त्वद्भक्तानां हितार्थाय तन्मे वद सुरेश्वर ॥ ५॥

kiṃ japan sugatiṃ yāti naro nityamatandritaḥ |tvadbhaktānāṃ hitārthāya tanme vada sureśvara || 5||

श्रीभगवानुवाचशृणुष्वावहितो ब्रह्मन् गुह्यनामानि मेऽधुना ।क्षेत्राणि चैव गुह्यानि तव वक्ष्यामि तत्त्वतः ॥ ६॥

śrībhagavānuvācaśṛṇuṣvāvahito brahman guhyanāmāni me'dhunā |kṣetrāṇi caiva guhyāni tava vakṣyāmi tattvataḥ || 6||

कोकामुखे तु वाराहं मन्दरे मधुसूदनम् ।अनन्तं कपिलद्वीपे प्रभासे रविनन्दनम् ॥ ७॥

kokāmukhe tu vārāhaṃ mandare madhusūdanam |anantaṃ kapiladvīpe prabhāse ravinandanam || 7||

माल्योदपाने वैकुण्ठं महेन्द्रे तु नृपात्मजम् ।ऋषभे तु महाविष्णुं द्वारकायां तु भूपतिम् ॥ ८॥

mālyodapāne vaikuṇṭhaṃ mahendre tu nṛpātmajam |ṛṣabhe tu mahāviṣṇuṃ dvārakāyāṃ tu bhūpatim || 8||

पाण्डुसह्ये तु देवेशं वसुरूढे जगत्पतिम् ।वल्लीवटे महायोगं चित्रकूटे नराधिपम् ॥ ९॥

pāṇḍusahye tu deveśaṃ vasurūḍhe jagatpatim |vallīvaṭe mahāyogaṃ citrakūṭe narādhipam || 9||

निमिषे पीतवासं च गवां निष्क्रमणे हरिम् ।शालग्रामे तपोवासमचिन्त्यं गन्धमादने ॥ १०॥

nimiṣe pītavāsaṃ ca gavāṃ niṣkramaṇe harim |śālagrāme tapovāsamacintyaṃ gandhamādane || 10||

कुब्जागारे हृषीकेशं गन्धद्वारे पयोधरम् ।गरुडध्वजं तु सकले गोविन्दं नाम सायके ॥ ११॥

kubjāgāre hṛṣīkeśaṃ gandhadvāre payodharam |garuḍadhvajaṃ tu sakale govindaṃ nāma sāyake || 11||

वृन्दावने तु गोपालं मथुरायां स्वयम्भुवम् ।केदारे माधवं विन्द्याद्वाराणस्यां तु केशवम् ॥ १२॥

vṛndāvane tu gopālaṃ mathurāyāṃ svayambhuvam |kedāre mādhavaṃ vindyādvārāṇasyāṃ tu keśavam || 12||

पुष्करे पुष्कराक्षं तु धृष्टद्युम्ने जयध्वजम् ।तृणबिन्दुवने वीरमशोकं सिन्धुसागरे ॥ १३॥

puṣkare puṣkarākṣaṃ tu dhṛṣṭadyumne jayadhvajam |tṛṇabinduvane vīramaśokaṃ sindhusāgare || 13||

कसेरटे महाबाहुममृतं तैजसे वने ।विश्वासयूपे विश्वेशं नरसिंहं महावने ॥ १४॥

kaseraṭe mahābāhumamṛtaṃ taijase vane |viśvāsayūpe viśveśaṃ narasiṃhaṃ mahāvane || 14||

हलाङ्गरे रिपुहरं देवशालां त्रिविक्रमम् ।पुरुषोत्तमं दशपुरे कुब्जके वामनं विदुः ॥ १५॥

halāṅgare ripuharaṃ devaśālāṃ trivikramam |puruṣottamaṃ daśapure kubjake vāmanaṃ viduḥ || 15||

विद्याधरं वितस्तायां वाराहे धरणीधरम् ।देवदारुवने गुह्यं कावेर्यां नागशायिनम् ॥ १६॥

vidyādharaṃ vitastāyāṃ vārāhe dharaṇīdharam |devadāruvane guhyaṃ kāveryāṃ nāgaśāyinam || 16||

प्रयागे योगमूर्तिं च पयोष्ण्यां च सुदर्शनम् ।कुमारतीर्थे कौमारं लोहिते हयशीर्षकम् ॥ १७॥

prayāge yogamūrtiṃ ca payoṣṇyāṃ ca sudarśanam |kumāratīrthe kaumāraṃ lohite hayaśīrṣakam || 17||

उज्जयिन्यां त्रिविक्रमं लिङ्गकूटे चतुर्भुजम् ।हरिहरं तु भद्रायां दृष्ट्वा पापात् प्रमुच्यते ॥ १८॥

ujjayinyāṃ trivikramaṃ liṅgakūṭe caturbhujam |hariharaṃ tu bhadrāyāṃ dṛṣṭvā pāpāt pramucyate || 18||

विश्वरूपं कुरुक्षेत्रे मणिकुण्डे हलायुधम् ।लोकनाथमयोध्यायां कुण्डिने कुण्डिनेश्वरम् ॥ १९॥

viśvarūpaṃ kurukṣetre maṇikuṇḍe halāyudham |lokanāthamayodhyāyāṃ kuṇḍine kuṇḍineśvaram || 19||

भाण्डारे वासुदेवं तु चक्रतीर्थे सुदर्शनम् ।आढ्ये विष्णुपदं विद्याच्छूकरे शूकरं विदुः ॥ २०॥

bhāṇḍāre vāsudevaṃ tu cakratīrthe sudarśanam |āḍhye viṣṇupadaṃ vidyācchūkare śūkaraṃ viduḥ || 20||

ब्रह्मेशं मानसे तीर्थे दण्डके श्यामलं विदुः ।त्रिकूटे नागमोक्षं च मेरुपृष्ठे च भास्करम् ॥ २१॥

brahmeśaṃ mānase tīrthe daṇḍake śyāmalaṃ viduḥ |trikūṭe nāgamokṣaṃ ca merupṛṣṭhe ca bhāskaram || 21||

विरजं पुष्पभद्रायां बालं केरलके विदुः ।यशस्करं विपाशायां माहिष्मत्यां हुताशनम् ॥ २२॥

virajaṃ puṣpabhadrāyāṃ bālaṃ keralake viduḥ |yaśaskaraṃ vipāśāyāṃ māhiṣmatyāṃ hutāśanam || 22||

क्षीराब्धौ पद्मनाभं तु विमले तु सनातनम् ।शिवनद्यां शिवकरं गयायां च गदाधरम् ॥ २३॥

kṣīrābdhau padmanābhaṃ tu vimale tu sanātanam |śivanadyāṃ śivakaraṃ gayāyāṃ ca gadādharam || 23||

सर्वत्र परमात्मानं यः पश्यति स मुच्यते ।अष्टषष्टिश्च नामानि कथितानि मया तव ॥ २४॥

sarvatra paramātmānaṃ yaḥ paśyati sa mucyate |aṣṭaṣaṣṭiśca nāmāni kathitāni mayā tava || 24||

क्षेत्राणि चैव गुह्यानि कथितानि विशेषतः ।एतानि मम नामानि रहस्यानि प्रजापते ॥ २५॥

kṣetrāṇi caiva guhyāni kathitāni viśeṣataḥ |etāni mama nāmāni rahasyāni prajāpate || 25||

यः पठेत् प्रातरुत्थाय शृणुयाद्वापि नित्यशः ।गवां शतसहस्रस्य दत्तस्य फलमाप्नुयात् ॥ २६॥

yaḥ paṭhet prātarutthāya śṛṇuyādvāpi nityaśaḥ |gavāṃ śatasahasrasya dattasya phalamāpnuyāt || 26||

दिने दिने शुचिर्भूत्वा नामान्येतानि यः पठेत् ।दुःस्वप्नं न भवेत् तस्य मत्प्रसादान्न संशयः ॥ २७॥

dine dine śucirbhūtvā nāmānyetāni yaḥ paṭhet |duḥsvapnaṃ na bhavet tasya matprasādānna saṃśayaḥ || 27||

अष्टषष्टिस्तु नामानि त्रिकालं यः पठेन्नरः ।विमुक्तः सर्वपापेभ्यो मम लोके स मोदते ॥ २८॥

aṣṭaṣaṣṭistu nāmāni trikālaṃ yaḥ paṭhennaraḥ |vimuktaḥ sarvapāpebhyo mama loke sa modate || 28||

द्रष्टव्यानि यथाशक्त्या क्षेत्राण्येतानि मानवैः ।वैष्णवैस्तु विशेषेण तेषां मुक्तिं ददाम्यहम् ॥ २९॥

draṣṭavyāni yathāśaktyā kṣetrāṇyetāni mānavaiḥ |vaiṣṇavaistu viśeṣeṇa teṣāṃ muktiṃ dadāmyaham || 29||

सूत उवाचहरिं समभ्यर्च्य तदग्रसंस्थितो हरिं स्मरन् विष्णुदिने विशेषतः ।इमं स्तवं यः पठते स मानवः प्राप्नोति विष्णोरमृतात्मकं पदम् ॥ ३०॥

sūta uvācahariṃ samabhyarcya tadagrasaṃsthito hariṃ smaran viṣṇudine viśeṣataḥ |imaṃ stavaṃ yaḥ paṭhate sa mānavaḥ prāpnoti viṣṇoramṛtātmakaṃ padam || 30||

इति श्रीनरसिंहपुराणे आद्ये धर्मार्थमोक्षदयिनि विष्णुवल्लभेपञ्चष्टितमोऽध्यायः ॥ ६५॥

iti śrīnarasiṃhapurāṇe ādye dharmārthamokṣadayini viṣṇuvallabhepañcaṣṭitamo'dhyāyaḥ || 65||