हयग्रीवपञ्जरम् १ ह्रीहयग्रीव मूलमंत्रस्तुतिः Shri Hayagriva Panjaram 1

(श्रीहयग्रीव मूलमंत्रस्तुतिः)अस्य कल्पं प्रवक्ष्यामि हयग्रीवस्य पञ्जरम् ।यस्य विज्ञानमात्रेण वाणी गङ्गेव निःसरेत् ॥ १॥

(śrīhayagrīva mūlamaṃtrastutiḥ)asya kalpaṃ pravakṣyāmi hayagrīvasya pañjaram |yasya vijñānamātreṇa vāṇī gaṅgeva niḥsaret || 1||

शुद्धस्फटिकसङ्काशं तुषाराचलसन्निभम् ।श्वेतपर्वतसङ्काशचन्द्रमण्डलमध्यगम् ॥ २॥

śuddhasphaṭikasaṅkāśaṃ tuṣārācalasannibham |śvetaparvatasaṅkāśacandramaṇḍalamadhyagam || 2||

चतुर्भुजमुदाराङ्गं पुण्डरीकायतेक्षणम् ।शङ्खचक्रधरं देवं किरीटमकुटोज्ज्वलम् ॥ ३॥

caturbhujamudārāṅgaṃ puṇḍarīkāyatekṣaṇam |śaṅkhacakradharaṃ devaṃ kirīṭamakuṭojjvalam || 3||

कौस्तुभोद्भासितोरस्कं वनमालाविराजितम् ।पीताम्बरधरं देवं श्रीवत्साङ्कितवक्षसम् ॥ ४॥

kaustubhodbhāsitoraskaṃ vanamālāvirājitam |pītāmbaradharaṃ devaṃ śrīvatsāṅkitavakṣasam || 4||

मुख्यहस्तद्वयेनैव ज्ञानमुद्राक्षपुस्तकम् ।धारयन्तं हयग्रीवं ध्यायेदिष्टार्थसिद्धये ॥ ५॥

mukhyahastadvayenaiva jñānamudrākṣapustakam |dhārayantaṃ hayagrīvaṃ dhyāyediṣṭārthasiddhaye || 5||

(नमस्तुभ्यं जगन्नाथ! लक्ष्मीकान्त! परात्पर!।नमोवाचं पुरश्चक्रे विद्याराजाय विष्णवे॥)ओङ्काराद्गीथरूपाय ऋग्यजुस्साममूर्तये ।नमोऽस्तु देवदेवाय वाञ्छितार्थप्रदायिने ॥ ६॥

(namastubhyaṃ jagannātha! lakṣmīkānta! parātpara!|namovācaṃ puraścakre vidyārājāya viṣṇave||)oṅkārādgītharūpāya ṛgyajussāmamūrtaye |namo'stu devadevāya vāñchitārthapradāyine || 6||

अज्ञानतिमिरं छिन्धि ज्ञानं चाशु प्रयच्छ मे ।देहि मे देवदेवेश हयशीर्ष नमोऽस्तु ते ॥ ७॥

ajñānatimiraṃ chindhi jñānaṃ cāśu prayaccha me |dehi me devadeveśa hayaśīrṣa namo'stu te || 7||

भूतप्रेतपिशाचादीन् छिन्धि देव जनार्दन ।ज्वरादीन्निखिलान् रोगान् नाशयाऽऽशु रमापते ॥ ८॥

bhūtapretapiśācādīn chindhi deva janārdana |jvarādīnnikhilān rogān nāśayā''śu ramāpate || 8||

दारिद्र्यं सकलं छिन्धि कुरु सौभाग्यभाजनम् ।शत्रून्नाशय मे देव हयशीर्ष नमोऽस्तु ते ॥ ९॥

dāridryaṃ sakalaṃ chindhi kuru saubhāgyabhājanam |śatrūnnāśaya me deva hayaśīrṣa namo'stu te || 9||

मेधां प्रज्ञां बलं विद्यां सम्पदं पुत्रपौत्रकम् ।देहि मे देवदेवेश हयशीर्ष नमोऽस्तु ते ॥ १०॥

medhāṃ prajñāṃ balaṃ vidyāṃ sampadaṃ putrapautrakam |dehi me devadeveśa hayaśīrṣa namo'stu te || 10||

कार्कोटकमुखान्सर्पान् विषादीन्विलयं नय ।अमृतं कुरु मे देव हयशीर्ष नमोऽस्तुते ॥ ११॥

kārkoṭakamukhānsarpān viṣādīnvilayaṃ naya |amṛtaṃ kuru me deva hayaśīrṣa namo'stute || 11||

स्त्रीवश्यं जनवश्यं च राजवश्यं परात्परम् ।कुरु देवाङ्गनावृन्दसेव्यमानपदाम्बुज ॥ १२हंसायपरमेशायचन्द्रमण्डलवासिने ।नमो हयोत्तमाङ्गाय वाञ्छितार्थप्रदायिने ॥ १३॥

strīvaśyaṃ janavaśyaṃ ca rājavaśyaṃ parātparam |kuru devāṅganāvṛndasevyamānapadāmbuja || 12haṃsāyaparameśāyacandramaṇḍalavāsine |namo hayottamāṅgāya vāñchitārthapradāyine || 13||

ऋग्यजुस्सामरूपाय ऋताय महते नमः ।ऋक्षेशबिन्दुमध्यस्थराजीवासनभाजिने ॥ १४॥

ṛgyajussāmarūpāya ṛtāya mahate namaḥ |ṛkṣeśabindumadhyastharājīvāsanabhājine || 14||

वेदवेदान्तवेद्याय वेदाहरणकर्मणे ।सत्त्वासत्त्वमहामोहभेदिने ब्रह्मणे नमः ॥ १५॥

vedavedāntavedyāya vedāharaṇakarmaṇe |sattvāsattvamahāmohabhedine brahmaṇe namaḥ || 15||

प्रज्ञानदायिने नित्यं भजतां भावितात्मनाम् ।प्रणवोद्गीथवपुषे प्रणतिं प्रतिपादये ॥ १६॥

prajñānadāyine nityaṃ bhajatāṃ bhāvitātmanām |praṇavodgīthavapuṣe praṇatiṃ pratipādaye || 16||

मन्दारकुन्दस्फटिकमहनीयोरुवर्चसे ।मनीषाप्रददेवाय महाश्वशिरसे नमः ॥ १७॥

mandārakundasphaṭikamahanīyoruvarcase |manīṣāpradadevāya mahāśvaśirase namaḥ || 17||

इतिद्वादशमन्त्रेण नमस्कुर्याज्जनार्दनम् ।प्रातःप्रसन्नवदनं पूर्वाचार्याभिवन्दितम् ॥ १८॥

itidvādaśamantreṇa namaskuryājjanārdanam |prātaḥprasannavadanaṃ pūrvācāryābhivanditam || 18||

(प्राची सन्ध्या काचिदन्तर्निशायाःप्रज्ञादृष्टे रञ्जनश्रीरपूर्वा ।वक्त्री वेदान्भातु मे वाजिवक्त्रावागीशाख्या वासुदेवस्य मूर्तिः ॥निर्मलज्ञानसन्दोहं ध्वान्तध्वंसनकर्मठम् ।नमामि तुरगग्रीवं हरिं सारस्वतप्रदम् ॥)इति हय्ग्रीवपञ्जरम् १ सम्पूर्णम् ।

(prācī sandhyā kācidantarniśāyāḥprajñādṛṣṭe rañjanaśrīrapūrvā |vaktrī vedānbhātu me vājivaktrāvāgīśākhyā vāsudevasya mūrtiḥ ||nirmalajñānasandohaṃ dhvāntadhvaṃsanakarmaṭham |namāmi turagagrīvaṃ hariṃ sārasvatapradam ||)iti haygrīvapañjaram 1 sampūrṇam |