हयग्रीवाष्टकम् २ Shri Hayagriva Ashtakam (2)

हयाननं हयग्रीवं हारनूपुरशोभितम् ।पीताम्बरधरं देवं हयग्रीवमुपास्महे ॥ १॥

hayānanaṃ hayagrīvaṃ hāranūpuraśobhitam |pītāmbaradharaṃ devaṃ hayagrīvamupāsmahe || 1||

कुन्देन्दुशङ्खधवलं पद्मपत्रनिभेक्षणम् ।शङ्खचक्रधरं देवं हयग्रीवमुपास्महे ॥ २॥

kundenduśaṅkhadhavalaṃ padmapatranibhekṣaṇam |śaṅkhacakradharaṃ devaṃ hayagrīvamupāsmahe || 2||

मुक्तादामसमायुक्तं नेमिकोटिसमप्रभम् ।रत्नकुण्डलकेयूरं हयग्रीवमुपास्महे ॥ ३॥

muktādāmasamāyuktaṃ nemikoṭisamaprabham |ratnakuṇḍalakeyūraṃ hayagrīvamupāsmahe || 3||

शेषासन समासीनं लक्ष्मीनीलासमन्वितम् ।श्रीवत्सकौस्तुभधरं हयग्रीवमुपास्महे ॥ ४॥

śeṣāsana samāsīnaṃ lakṣmīnīlāsamanvitam |śrīvatsakaustubhadharaṃ hayagrīvamupāsmahe || 4||

योगासनसमासीनं वेदशास्त्रसमन्वितम् ।सर्ववेदान्ततत्त्वज्ञं हयग्रीवमुपास्महे ॥ ५॥

yogāsanasamāsīnaṃ vedaśāstrasamanvitam |sarvavedāntatattvajñaṃ hayagrīvamupāsmahe || 5||

श्वेतवर्णं चतुर्बाहुं वैजयन्तीविराजितम् ।सर्वाभरणसंयुक्तं हयग्रीवमुपास्महे ॥ ६॥

śvetavarṇaṃ caturbāhuṃ vaijayantīvirājitam |sarvābharaṇasaṃyuktaṃ hayagrīvamupāsmahe || 6||

मणिपीठसमासीनं मकुटोज्ज्वलमण्डितम् ।मुक्ताहारधरं देवं हयग्रीवमुपास्महे ॥ ७॥

maṇipīṭhasamāsīnaṃ makuṭojjvalamaṇḍitam |muktāhāradharaṃ devaṃ hayagrīvamupāsmahe || 7||

ब्रह्माण्डकोटिगर्भस्थं मन्दहाससुशोभितम् ।सर्वविद्याप्रदं देवं हयग्रीवमुपास्महे ॥ ८॥

brahmāṇḍakoṭigarbhasthaṃ mandahāsasuśobhitam |sarvavidyāpradaṃ devaṃ hayagrīvamupāsmahe || 8||

हयग्रीवाष्टकं पुण्यं ये जनाः समुपासते ।आयुर्वृद्धिः बलं धैर्यं विद्याबुद्धिसुखप्रदम् ॥ ९॥

hayagrīvāṣṭakaṃ puṇyaṃ ye janāḥ samupāsate |āyurvṛddhiḥ balaṃ dhairyaṃ vidyābuddhisukhapradam || 9||

आप्नयुस्सकलान् कामान् सर्वत्र विजयं शुभम् ।सर्वपापप्रशमनं हयग्रीवप्रभावतः ॥ १०॥

āpnayussakalān kāmān sarvatra vijayaṃ śubham |sarvapāpapraśamanaṃ hayagrīvaprabhāvataḥ || 10||

इति श्रीहयग्रीवाष्टकं सम्पूर्णम् ।

iti śrīhayagrīvāṣṭakaṃ sampūrṇam |