प्रातःस्मरणमङ्गलस्तोत्रम् Pratahsmaranamangalastotram

उत्तिष्ठोत्तिष्ठ गोविन्द उत्तिष्ठ गरुडध्वज ।उत्तिष्ठ कमलाकान्त त्रैलोक्यं मङ्गलं कुरु ॥ १॥

uttiṣṭhottiṣṭha govinda uttiṣṭha garuḍadhvaja |uttiṣṭha kamalākānta trailokyaṃ maṅgalaṃ kuru || 1||

मङ्गलं भगवान् विष्णुः मङ्गलं गरुडध्वजः ।मङ्गलं पुण्डरीकाक्षः मङ्गलायतनं हरिः ॥ २॥

maṅgalaṃ bhagavān viṣṇuḥ maṅgalaṃ garuḍadhvajaḥ |maṅgalaṃ puṇḍarīkākṣaḥ maṅgalāyatanaṃ hariḥ || 2||

मूकं करोति वाचालं पङ्गुं लङ्घयते गिरिम् ।यत्कृपा तमहं वन्दे परमानन्दमाधवम् ॥ ३॥

mūkaṃ karoti vācālaṃ paṅguṃ laṅghayate girim |yatkṛpā tamahaṃ vande paramānandamādhavam || 3||

नमो ब्रह्मण्यदेवाय गो ब्राह्मण हिताय च ।जगद्धिताय कृष्णाय गोविन्दाय नमो नमः ॥ ४॥

namo brahmaṇyadevāya go brāhmaṇa hitāya ca |jagaddhitāya kṛṣṇāya govindāya namo namaḥ || 4||

कृष्णाय वासुदेवाय देवकीनन्दनाय च ।नन्दगोपकुमाराय गोविन्दाय नमो नमः ॥ ५॥

kṛṣṇāya vāsudevāya devakīnandanāya ca |nandagopakumārāya govindāya namo namaḥ || 5||

त्वमेव माता च पिता त्वमेव त्वमेव बन्धुश्च सखा त्वमेव ।त्वमेव विद्या द्रविणं त्वमेव त्वमेव सर्वं मम देवदेव ॥ ६॥

tvameva mātā ca pitā tvameva tvameva bandhuśca sakhā tvameva |tvameva vidyā draviṇaṃ tvameva tvameva sarvaṃ mama devadeva || 6||

इति प्रातःस्मरणमङ्गलस्तोत्रं समाप्तम् ।

iti prātaḥsmaraṇamaṅgalastotraṃ samāptam |