पुरुषोत्तमस्तुतिः Narayanishrikrita Purushottama Stuti

श्रीनारायणीश्रीरुवाच ।ॐ नमः श्रीपरब्रह्माऽक्षरातीताय चक्रिणे ।परेशाय ध्वजशूलधनुश्चिह्नाय शार्ङ्गिणे ॥ १॥

śrīnārāyaṇīśrīruvāca |oṃ namaḥ śrīparabrahmā'kṣarātītāya cakriṇe |pareśāya dhvajaśūladhanuścihnāya śārṅgiṇe || 1||

सर्वकान्ताय कान्ताय सर्वान्तर्यामिणे नमः ।मुक्तबन्धाय हृद्याय नमः सर्वावतारिणे ॥ २॥

sarvakāntāya kāntāya sarvāntaryāmiṇe namaḥ |muktabandhāya hṛdyāya namaḥ sarvāvatāriṇe || 2||

यस्मात् सर्वमिदं जातं येन पुष्टिं प्रयाति च ।यत्र स्थितं भवेदन्ते तस्मै कान्ताय ते नमः ॥ ३॥

yasmāt sarvamidaṃ jātaṃ yena puṣṭiṃ prayāti ca |yatra sthitaṃ bhavedante tasmai kāntāya te namaḥ || 3||

यस्मात् सर्वे ह्यवताराः श्रीकृष्णाद्या भवन्त्यपि ।कालो माया यदंशाश्च तस्मै कान्ताय ते नमः ॥ ४॥

yasmāt sarve hyavatārāḥ śrīkṛṣṇādyā bhavantyapi |kālo māyā yadaṃśāśca tasmai kāntāya te namaḥ || 4||

याऽह वै सुखदा लक्ष्मीः विश्वेश्वरसुता तव ।प्रिया भूत्वाऽभवं नारायणीश्रीस्ते नमो नमः ॥ ५॥

yā'ha vai sukhadā lakṣmīḥ viśveśvarasutā tava |priyā bhūtvā'bhavaṃ nārāyaṇīśrīste namo namaḥ || 5||

अनन्ताः कन्यका जाता नारायण्यो हरेः प्रियाः ।अनादिश्रीकृष्णनारायणाय ते नमो नमः ॥ ६॥

anantāḥ kanyakā jātā nārāyaṇyo hareḥ priyāḥ |anādiśrīkṛṣṇanārāyaṇāya te namo namaḥ || 6||

लक्ष्मीकान्ताय कान्ताय राधाकान्ताय ते नमः ।माणिक्यावाहिने रमापतये ते नमो नमः ॥ ७॥

lakṣmīkāntāya kāntāya rādhākāntāya te namaḥ |māṇikyāvāhine ramāpataye te namo namaḥ || 7||

श्रीशायते पद्मावतीपतये च नमो नमः ।ब्रह्मप्रियाशनाद्यानां पतये ते नमो नमः ॥ ८॥

śrīśāyate padmāvatīpataye ca namo namaḥ |brahmapriyāśanādyānāṃ pataye te namo namaḥ || 8||

षष्ठी या मनसा देवी तद्धवाय च ते नमः ।दीपावलीनां पतये तलाजापतये नमः ॥ ९॥

ṣaṣṭhī yā manasā devī taddhavāya ca te namaḥ |dīpāvalīnāṃ pataye talājāpataye namaḥ || 9||

कामधेनुप्रगोपायाऽऽर्जन्तीनां पतये नमः ।क्रोधनेशाय च धरापुत्रीणां पतये नमः ॥ १\।१०॥सूचीकान्ताय च वनदेवीजेशाय ते नमः ।दामनीपतये कङ्कतालिकेशाय ते नमः ॥ ११॥

kāmadhenupragopāyā''rjantīnāṃ pataye namaḥ |krodhaneśāya ca dharāputrīṇāṃ pataye namaḥ || 1\|10||sūcīkāntāya ca vanadevījeśāya te namaḥ |dāmanīpataye kaṅkatālikeśāya te namaḥ || 11||

पितृकन्याप्रकान्ताय जनपितृसुतेशिने ।पितृदासीश्वरायाऽपि बालकृष्णाय ते नमः ॥ १२॥

pitṛkanyāprakāntāya janapitṛsuteśine |pitṛdāsīśvarāyā'pi bālakṛṣṇāya te namaḥ || 12||

रासातलीनां कान्ताय वासन्तिकेश ते नमः ।सालमालीयनारीणामीश्वराय च ते नमः ॥ १३॥

rāsātalīnāṃ kāntāya vāsantikeśa te namaḥ |sālamālīyanārīṇāmīśvarāya ca te namaḥ || 13||

स्वस्तिकीनागकन्यानां पतये ते नमो नमः ।नागिनीनां च पतये परमेशाय ते नमः ॥ १४॥

svastikīnāgakanyānāṃ pataye te namo namaḥ |nāginīnāṃ ca pataye parameśāya te namaḥ || 14||

शावदीनीप्रकान्ताय परेशाय च ते नमः ।ऐन्द्रजालिककान्तानां पतये ते नमो नमः ॥ १५॥

śāvadīnīprakāntāya pareśāya ca te namaḥ |aindrajālikakāntānāṃ pataye te namo namaḥ || 15||

विद्यानाथाय च सरस्वतीशाय च ते नमः ।लाक्ष्मणीशाय देवाय नाडिकेशाय ते नमः ॥ १६॥

vidyānāthāya ca sarasvatīśāya ca te namaḥ |lākṣmaṇīśāya devāya nāḍikeśāya te namaḥ || 16||

गान्धर्वीणां च पतये जुम्मसेम्लीश ते नमः ।सान्तपनीवरायाऽपि सौरतीपतये नमः ॥ १७॥

gāndharvīṇāṃ ca pataye jummasemlīśa te namaḥ |sāntapanīvarāyā'pi sauratīpataye namaḥ || 17||

महाबालेश्वरीशाय चैलबीलेश ते नमः ।दाक्षजावङ्गरीशाय चौष्णीशाय च ते नमः ॥ १८॥

mahābāleśvarīśāya cailabīleśa te namaḥ |dākṣajāvaṅgarīśāya cauṣṇīśāya ca te namaḥ || 18||

प्राचीनीनां पतये ते पिशङ्गीपतये नमः ।सान्ताणरीश्वर कृष्ण शैबीनां पतये नमः ॥ १९॥

prācīnīnāṃ pataye te piśaṅgīpataye namaḥ |sāntāṇarīśvara kṛṣṇa śaibīnāṃ pataye namaḥ || 19||

थार्कूटस्थीप्रमदेश वीरजारीश ते नमः ।शाक्त्यक्षीप्रमदानाथ पिशाचीश्वर ते नमः ॥ १\।२०॥कालिमाशीश्वर कृष्ण दीनबन्धो च ते नमः ।औरलकैतवीशाय क्राथकीपतये नमः ॥ २१॥

thārkūṭasthīpramadeśa vīrajārīśa te namaḥ |śāktyakṣīpramadānātha piśācīśvara te namaḥ || 1\|20||kālimāśīśvara kṛṣṇa dīnabandho ca te namaḥ |auralakaitavīśāya krāthakīpataye namaḥ || 21||

पृथुपुत्रीस्वामिने ते चोष्ट्रालीपतये नमः ।हाङ्कारीस्वामिने जयकाष्ठजेशाय ते नमः ॥ २२॥

pṛthuputrīsvāmine te coṣṭrālīpataye namaḥ |hāṅkārīsvāmine jayakāṣṭhajeśāya te namaḥ || 22||

तीराणीपतये नाथ चाल्वीनारीश ते नमः ।जीनवर्द्धिसुतेशायाऽनाथानाथाय ते नमः ॥ २३॥

tīrāṇīpataye nātha cālvīnārīśa te namaḥ |jīnavarddhisuteśāyā'nāthānāthāya te namaḥ || 23||

प्रकीर्णप्रमदेशाय परमेशाय ते नमः ।आल्पकैतवीकान्ताय पारीशानीश ते नमः ॥ २४॥

prakīrṇapramadeśāya parameśāya te namaḥ |ālpakaitavīkāntāya pārīśānīśa te namaḥ || 24||

इन्दुरायसुतेशाय मुद्राण्डीपतये नमः ।गण्डभूपसुतेशाय लीनोर्णापतये नमः ॥ २५॥

indurāyasuteśāya mudrāṇḍīpataye namaḥ |gaṇḍabhūpasuteśāya līnorṇāpataye namaḥ || 25||

बार्हच्छारीस्वामिने ते बाललीनीश ते नमः ।वारसिंहीस्वामिने ते रायगामीश ते नमः ॥ २६॥

bārhacchārīsvāmine te bālalīnīśa te namaḥ |vārasiṃhīsvāmine te rāyagāmīśa te namaḥ || 26||

फैनतान्तवीकान्ताय स्तोकहोमीश ते नमः ।काष्ठयानीस्वामिने ते कोलकीपतये नमः ॥ २७॥

phainatāntavīkāntāya stokahomīśa te namaḥ |kāṣṭhayānīsvāmine te kolakīpataye namaḥ || 27||

दैनमानीस्वामिने ते मम कान्ताय ते नमः ।परेशाय नमो रायकिन्नटीपतये नमः ॥ २८॥

dainamānīsvāmine te mama kāntāya te namaḥ |pareśāya namo rāyakinnaṭīpataye namaḥ || 28||

रायकोटीस्वरीशाय नमस्ते परमात्मने ।रायरणजित्पुत्रीश नमस्ते हरये नमः ॥ २९॥

rāyakoṭīsvarīśāya namaste paramātmane |rāyaraṇajitputrīśa namaste haraye namaḥ || 29||

रायवाकक्षिकेशाय रायमारीशकेशिने ।रायबालेश्वरीशाय रायलम्बारिकेशिने ॥ १\।३०॥नमस्ते रायनवारिकेश श्रीपरमात्मने ।रायहूण्डेशिकेशाय रायकूपेशिकेशिने ॥ ३१॥

rāyavākakṣikeśāya rāyamārīśakeśine |rāyabāleśvarīśāya rāyalambārikeśine || 1\|30||namaste rāyanavārikeśa śrīparamātmane |rāyahūṇḍeśikeśāya rāyakūpeśikeśine || 31||

कालीमण्डीस्वामिने ते वनजेलेशिकेशिने ।पारावारपिबीशाय कोटिशेशाय ते नमः ॥ ३२॥

kālīmaṇḍīsvāmine te vanajeleśikeśine |pārāvārapibīśāya koṭiśeśāya te namaḥ || 32||

सतीशीशाय देवाय त्रेताकर्कशिकेशिने ।आण्डजरास्वामिने ते बाल्यराजसीस्वामिने ॥ ३३॥

satīśīśāya devāya tretākarkaśikeśine |āṇḍajarāsvāmine te bālyarājasīsvāmine || 33||

रायसोमनीस्वामिने ते सर्वेशाय नमो नमः ।उरुगवाक्षिकेशाय पराङ्व्रतनिकेशिने ॥ ३४॥

rāyasomanīsvāmine te sarveśāya namo namaḥ |urugavākṣikeśāya parāṅvratanikeśine || 34||

रायस्वस्त्रीश ते कृष्णनारायण प्रभो नमः ।ऐशानपानीश कान्त राजारायीश ते नमः ॥ ३५॥

rāyasvastrīśa te kṛṣṇanārāyaṇa prabho namaḥ |aiśānapānīśa kānta rājārāyīśa te namaḥ || 35||

मङ्गलादिप्रकान्ताय चाजनाभीश्वराय च ।नमः कौबेरिकेशाय माहेन्द्रीपतये नमः ॥ ३६॥

maṅgalādiprakāntāya cājanābhīśvarāya ca |namaḥ kauberikeśāya māhendrīpataye namaḥ || 36||

यमीनां स्वामिने कृष्ण वायवीशाय ते नमः ।वैश्वकर्मीस्वामिने ते वार्क्षीणां पतये नमः ॥ ३७॥

yamīnāṃ svāmine kṛṣṇa vāyavīśāya te namaḥ |vaiśvakarmīsvāmine te vārkṣīṇāṃ pataye namaḥ || 37||

रौद्रीणां पतये वह्निपुत्रीणां पतये नमः ।श्रावणीनां च पतये खानिजीशाय ते नमः ॥ ३८॥

raudrīṇāṃ pataye vahniputrīṇāṃ pataye namaḥ |śrāvaṇīnāṃ ca pataye khānijīśāya te namaḥ || 38||

सांवत्सरीस्वामिने ते गोपीनां पतये नमः ।प्राचीनीनां स्वामिने ते पिशङ्गीस्वामिने नमः ॥ ३९॥

sāṃvatsarīsvāmine te gopīnāṃ pataye namaḥ |prācīnīnāṃ svāmine te piśaṅgīsvāmine namaḥ || 39||

राशियानीश्वर रोमायनीश्वर च ते नमः ।पारशीपतये कृष्ण धीवरीपतये नमः ॥ १\।४०॥किन्नरीपतये कृष्णाऽमरीणां पतये नमः ।गौरीणां पतये परीपतये ते नमो नमः ॥ ४१॥

rāśiyānīśvara romāyanīśvara ca te namaḥ |pāraśīpataye kṛṣṇa dhīvarīpataye namaḥ || 1\|40||kinnarīpataye kṛṣṇā'marīṇāṃ pataye namaḥ |gaurīṇāṃ pataye parīpataye te namo namaḥ || 41||

आब्रिक्तीस्वामिने हारितीशाय ते नमो नमः ।पातालीपतये स्वर्गीपतये ते नमो नमः ॥ ४२॥

ābriktīsvāmine hāritīśāya te namo namaḥ |pātālīpataye svargīpataye te namo namaḥ || 42||

अप्सरसां दिनेशाय ब्रह्मसरोऽधिशासिने ।गान्धर्वीणां पतये ते कुशलेशाय ते नमः ॥ ४३॥

apsarasāṃ dineśāya brahmasaro'dhiśāsine |gāndharvīṇāṃ pataye te kuśaleśāya te namaḥ || 43||

विद्युन्मणिस्वामिने ते भौमीनां पतये नमः ।दानवीनां पतये ते शक्तीनां पतये नमः ॥ ४४॥

vidyunmaṇisvāmine te bhaumīnāṃ pataye namaḥ |dānavīnāṃ pataye te śaktīnāṃ pataye namaḥ || 44||

काशिकाकन्याकानाथ धेनुपालीश ते नमः ।कान्ताकान्तेश सर्वेश मम प्राणेश ते नमः ॥ ४५॥

kāśikākanyākānātha dhenupālīśa te namaḥ |kāntākānteśa sarveśa mama prāṇeśa te namaḥ || 45||

नमः श्रीकम्भरापुत्र सन्तुष्टाऽनुज ते नमः ।त्वया व्याप्तमिदं सर्वं सर्वान्तर्यामिणे नमः ॥ ४६॥

namaḥ śrīkambharāputra santuṣṭā'nuja te namaḥ |tvayā vyāptamidaṃ sarvaṃ sarvāntaryāmiṇe namaḥ || 46||

श्रीकृष्णाय विष्णवे स्वामिने मत्पतये नमः ।लक्ष्मीशेशस्त्वमेवर्षिसत्तमस्त्वं नृपोत्तमः ॥ ४७॥

śrīkṛṣṇāya viṣṇave svāmine matpataye namaḥ |lakṣmīśeśastvamevarṣisattamastvaṃ nṛpottamaḥ || 47||

त्वं यज्ञस्त्वं जाठरश्च तृप्तिदस्त्वं परेश्वर ।प्राप्य त्वां त्वर्बुदाद्याश्च नार्यो मुक्तिं गतास्त्विह ॥ ४८॥

tvaṃ yajñastvaṃ jāṭharaśca tṛptidastvaṃ pareśvara |prāpya tvāṃ tvarbudādyāśca nāryo muktiṃ gatāstviha || 48||

मुक्ताश्च मुक्तिमापन्ना नरा जाताः परार्धगाः ।त्वां भजित्वा स्वः प्रयान्ति जनं सत्यं प्रयान्ति च ॥ ४९॥

muktāśca muktimāpannā narā jātāḥ parārdhagāḥ |tvāṃ bhajitvā svaḥ prayānti janaṃ satyaṃ prayānti ca || 49||

त्वां भजित्वा च वैकुण्ठं वैराजक्ष्मां प्रयान्ति च ।त्वां भजित्वाऽमृतलोकं गोलोकं च प्रयान्ति वै ।अक्षरं परमं धाम त्वां भजित्वा प्रयान्ति हि ॥ १\।५०॥इति श्रीलक्ष्मीनारायणीयसंहितायाः द्वापरयुगसन्तानात्मकस्य तृतीयखण्डेप्रथमाध्यायान्तर्गतं नारायणीश्रीकृता पुरुषोत्तमस्तुतिः ।लक्ष्मीनारायणीयसंहिता । खण्ड ३। अध्याय १/१५०॥लक्ष्मीनारायणीयसंहिता । खण्ड ३। अध्याय १/१-५०॥

tvāṃ bhajitvā ca vaikuṇṭhaṃ vairājakṣmāṃ prayānti ca |tvāṃ bhajitvā'mṛtalokaṃ golokaṃ ca prayānti vai |akṣaraṃ paramaṃ dhāma tvāṃ bhajitvā prayānti hi || 1\|50||iti śrīlakṣmīnārāyaṇīyasaṃhitāyāḥ dvāparayugasantānātmakasya tṛtīyakhaṇḍeprathamādhyāyāntargataṃ nārāyaṇīśrīkṛtā puruṣottamastutiḥ |lakṣmīnārāyaṇīyasaṃhitā | khaṇḍa 3| adhyāya 1/150||lakṣmīnārāyaṇīyasaṃhitā | khaṇḍa 3| adhyāya 1/1-50||