गयाक्षेत्रसमंमाहात्म्यवर्णनम् वैद्यनाथस्थलस्य Vaidyanathasthalasya Gayakshetrasamam Mahatmyavarnanam

ऋषि अगस्त्यप्रोक्तम्वैद्यनाथस्थले तस्मात् गयाक्षेत्रसमं भुवि ।तदारभ्य मुनिश्रेष्ठा गङ्गाकुण्डमिदं विदुः ॥ ४६॥

ṛṣi agastyaproktamvaidyanāthasthale tasmāt gayākṣetrasamaṃ bhuvi |tadārabhya muniśreṣṭhā gaṅgākuṇḍamidaṃ viduḥ || 46||

ब्रह्मकुण्डमिति ख्यातं ब्रह्महत्यादिपापहम् ।दर्शनं ब्रह्मकुण्डस्य जलपानं च मुक्तिदम् ॥ ४७॥

brahmakuṇḍamiti khyātaṃ brahmahatyādipāpaham |darśanaṃ brahmakuṇḍasya jalapānaṃ ca muktidam || 47||

त्रयस्त्रिंशत्कोटिगणैस्तीर्थैरासेवितोदके ।ब्रह्मकुण्डे नरा स्नान्ति य तु भक्तिसमन्विताः ॥ ४८॥

trayastriṃśatkoṭigaṇaistīrthairāsevitodake |brahmakuṇḍe narā snānti ya tu bhaktisamanvitāḥ || 48||

तेषामष्टविधा सिद्धिः भवत्येव न संशयः ।स्वर्णस्तेयी सुरापायी गुरुतल्पी च वीरहा ॥ ४९॥

teṣāmaṣṭavidhā siddhiḥ bhavatyeva na saṃśayaḥ |svarṇasteyī surāpāyī gurutalpī ca vīrahā || 49||

भ्रूणहा वृषलीभुक्ता ब्रह्मकुण्डाभिषेचनात् ।वैद्यनाथस्थले शुद्धो भवेत्तीर्थस्य वैभवात् ॥ ५०॥

bhrūṇahā vṛṣalībhuktā brahmakuṇḍābhiṣecanāt |vaidyanāthasthale śuddho bhavettīrthasya vaibhavāt || 50||

ब्राह्मणः क्षत्रियो वापि वैश्यः शूद्रोऽन्य एव वा ।वैद्यनाथस्थलं प्राप्य ब्रह्मकुण्डजले शुभे ॥ ५१॥

brāhmaṇaḥ kṣatriyo vāpi vaiśyaḥ śūdro'nya eva vā |vaidyanāthasthalaṃ prāpya brahmakuṇḍajale śubhe || 51||

स्नात्वा नत्वा महादेवं पित्रोर्मृतदिनेऽपि वा ।माघमासेऽथवा ऋक्षे माघाख्ये पितृदेवते ॥ ५२॥

snātvā natvā mahādevaṃ pitrormṛtadine'pi vā |māghamāse'thavā ṛkṣe māghākhye pitṛdevate || 52||

यस्मिन् कस्मिंश्च दिवसे देवर्षिपितृतर्पणम् ।किश्च द्विजान् दक्षिणाभिस्तिलदानैर्यथाविधि ॥ ५३॥

yasmin kasmiṃśca divase devarṣipitṛtarpaṇam |kiśca dvijān dakṣiṇābhistiladānairyathāvidhi || 53||

यः करोति नरो भक्त्या तस्येदं फलमुच्यते ।गयायां पिण्डदानेन प्रयागे पिण्डदानतः ॥ ५४॥

yaḥ karoti naro bhaktyā tasyedaṃ phalamucyate |gayāyāṃ piṇḍadānena prayāge piṇḍadānataḥ || 54||

पिण्डदानेन रामेशे यथा मुक्तिस्तथा द्विजाः ।ये शृण्वन्ति कथामेतां पुण्यामद्भुतवैभवाम् ॥ ५५॥

piṇḍadānena rāmeśe yathā muktistathā dvijāḥ |ye śṛṇvanti kathāmetāṃ puṇyāmadbhutavaibhavām || 55||

पठन्ति वाखिलान् कामान् प्राप्नुयुर्मुनिपङ्गवाः ॥ ५६॥

paṭhanti vākhilān kāmān prāpnuyurmunipaṅgavāḥ || 56||

॥ इति वैद्यनाथस्थलमाहात्म्ये वैद्यनाथस्थलस्य गयाक्षेत्रसमं माहात्म्यवर्णनं सम्पूर्णम् ॥॥ वैद्यनाथस्थलमाहात्म्यम् । सप्तमोऽध्यायः । ४६५६॥

|| iti vaidyanāthasthalamāhātmye vaidyanāthasthalasya gayākṣetrasamaṃ māhātmyavarṇanaṃ sampūrṇam |||| vaidyanāthasthalamāhātmyam | saptamo'dhyāyaḥ | 4656||

– ॥ वैद्यनाथस्थलमाहात्म्यम् ।सप्तमोऽध्यायः ।४६-५६॥

– || vaidyanāthasthalamāhātmyam |saptamo'dhyāyaḥ | 46-56||