shivastutiH (13) Vaishakhamasakrite Shiva Stuti Masa2

(शिवरहस्यान्तर्गते महादेवाख्ये)शिवगौरीसंवादेशम्भो भर्ग भवेन्दुशेखर महागङ्गातरङ्गोज्ज्वलल्लीलाभङ्गतरङ्गसुन्दरजटाजूटोत्तमाङ्गोज्ज्वल ।पाहीश प्रमथाधिनाथ गिरिजानाथाव मां शङ्करत्रस्तं भो वरकालहस्तसुमहापाशावबद्धं हर ॥ ६६॥

(śivarahasyāntargate mahādevākhye)śivagaurīsaṃvādeśambho bharga bhavenduśekhara mahāgaṅgātaraṅgojjvalallīlābhaṅgataraṅgasundarajaṭājūṭottamāṅgojjvala |pāhīśa pramathādhinātha girijānāthāva māṃ śaṅkaratrastaṃ bho varakālahastasumahāpāśāvabaddhaṃ hara || 66||

हे शम्बरान्तकहर प्रवरामरेशकाशीपुरीश्वर जगत्परमावकाश ।चर्माम्बरान्तकहर त्रिपुरावमर्दमूर्धन्य पाहि भगवन् हृतशम्बरारे ॥ ६७॥

he śambarāntakahara pravarāmareśakāśīpurīśvara jagatparamāvakāśa |carmāmbarāntakahara tripurāvamardamūrdhanya pāhi bhagavan hṛtaśambarāre || 67||

हे कालकाल धृतशूल वराहिमालकालोज्ज्वलानलविशोषितलोकजाल ।नीलाभकण्ठकलनानिलपापतूलदावाग्निजाल भगवन्नव मां नमस्ते ॥ ६८॥

he kālakāla dhṛtaśūla varāhimālakālojjvalānalaviśoṣitalokajāla |nīlābhakaṇṭhakalanānilapāpatūladāvāgnijāla bhagavannava māṃ namaste || 68||

यक्षाधिपार्चितपदाम्बुज त्र्यक्ष दक्षशिक्षाविनोद भगवन् सुमहोक्षवाह ।वीक्षाविदग्धसुमचापवरोरुकायरक्षाऽधुना पशुपते हर मां हिताक्ष ॥ ६९॥

yakṣādhipārcitapadāmbuja tryakṣa dakṣaśikṣāvinoda bhagavan sumahokṣavāha |vīkṣāvidagdhasumacāpavarorukāyarakṣā'dhunā paśupate hara māṃ hitākṣa || 69||

एवं संस्तुत्य वैशाखे देवदेवं महेश्वरम् ।एककालं त्रिकालं वा पूजयेल्लिङ्ग्ङ्गमैश्वरम् ॥ ७०॥

evaṃ saṃstutya vaiśākhe devadevaṃ maheśvaram |ekakālaṃ trikālaṃ vā pūjayelliṅgṅgamaiśvaram || 70||

दद्याद्गोमिथुनं देवि मासान्ते शाम्भवेषु च ।सदक्षिणं सवत्सं च वस्त्रालङ्कारभूषितम् ॥ ७१॥

dadyādgomithunaṃ devi māsānte śāmbhaveṣu ca |sadakṣiṇaṃ savatsaṃ ca vastrālaṅkārabhūṣitam || 71||

होमः कार्योऽत्रवैशाख्यां प्रागुक्तक्रमतः शिवे ।नक्ताशी भस्मनिष्ठोऽथ भवेन्मासान्तमीश्वरि ॥ ७२॥

homaḥ kāryo'travaiśākhyāṃ prāguktakramataḥ śive |naktāśī bhasmaniṣṭho'tha bhavenmāsāntamīśvari || 72||

वैशाख्यामथ पौर्णम्यां कुर्याच्च दधिकम्बलम् ।घृतकम्बलदानेन विधिः प्रोक्तः पुरा मया ॥ ७३॥

vaiśākhyāmatha paurṇamyāṃ kuryācca dadhikambalam |ghṛtakambaladānena vidhiḥ proktaḥ purā mayā || 73||

एतत्तेऽभिहितं गौरि वैशाखार्चनजं फलम् ।स्नानपूजनमीशानि गन्धपुष्पफलार्ण(म्बर)म् ॥ ७४॥

etatte'bhihitaṃ gauri vaiśākhārcanajaṃ phalam |snānapūjanamīśāni gandhapuṣpaphalārṇa(mbara)m || 74||

पानीयं पानकं तस्मिन् मसि विप्रेषु दापयेत् ।मम प्रीत्यर्थमेवेशि तस्य पुण्यफलं फलं शृणु ॥ ७५॥

pānīyaṃ pānakaṃ tasmin masi vipreṣu dāpayet |mama prītyarthameveśi tasya puṇyaphalaṃ phalaṃ śṛṇu || 75||

काञ्चनेन विमानेन वंशलक्षसमन्वितः ।याति शम्भोः परं धाम सर्वभोगसमन्वितः ॥ ७६॥

kāñcanena vimānena vaṃśalakṣasamanvitaḥ |yāti śambhoḥ paraṃ dhāma sarvabhogasamanvitaḥ || 76||

॥ इति शिवरहस्यान्तर्गते ईश्वरप्रोक्तं वैशाखमासकृते शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः १५ वैशाखमासार्चनकथनम् । ६६७६॥

|| iti śivarahasyāntargate īśvaraproktaṃ vaiśākhamāsakṛte śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 15 vaiśākhamāsārcanakathanam | 6676||

– ॥ श्रीशिवरहस्यम् ।महादेवाख्यः एकादशमांशः ।अध्यायः १५ वैशाखमासार्चनकथनम् ।६६-७६॥

– || śrīśivarahasyam |mahādevākhyaḥ ekādaśamāṃśaḥ |adhyāyaḥ 15 vaiśākhamāsārcanakathanam | 66-76||