स्मरगौरीशस्तवः अथवा भजगौरीशस्तवः Smaragaurisha Stava

(४८)ॐ श्रीगणेशाय नमः ।भगवत्पादयतीश्वरममलं परशिवलीलाकलितशरीरम् ।परमतभेदनिरासनचतुरं परमं गुरुवरमाश्रय इह तम् ॥ १॥

(48)oṃ śrīgaṇeśāya namaḥ |bhagavatpādayatīśvaramamalaṃ paraśivalīlākalitaśarīram |paramatabhedanirāsanacaturaṃ paramaṃ guruvaramāśraya iha tam || 1||

स्मर गौरीशं स्मर गौरीशं स्मर गौरीशं पापमते ॥ ध्रुवपदम् ॥यस्मादेतद् विश्वमशेषं समभूद् येन समन्वितमन्ते ।लयमपि गच्छेत् परमानन्दे परशिवरूपपरात्परतत्त्वे ॥ २॥

smara gaurīśaṃ smara gaurīśaṃ smara gaurīśaṃ pāpamate || dhruvapadam ||yasmādetad viśvamaśeṣaṃ samabhūd yena samanvitamante |layamapi gacchet paramānande paraśivarūpaparātparatattve || 2||

स्मर गौरीशं स्मर गौरीशं स्मर गौरीशं पापमते ॥मायाशक्तिः समजनि यस्मात् त्रिगुणव्यक्तिं सृजते कार्यम् ।यदनु क्रमतः सकलं जनितं परशिवरूपे परमाधारे ॥ ३॥

smara gaurīśaṃ smara gaurīśaṃ smara gaurīśaṃ pāpamate ||māyāśaktiḥ samajani yasmāt triguṇavyaktiṃ sṛjate kāryam |yadanu kramataḥ sakalaṃ janitaṃ paraśivarūpe paramādhāre || 3||

स्मर गौरीशं स्मर गौरीशं स्मर गौरीशं पापमते ॥यन्मुखचरणौ हरिधातारौ द्रष्टुं यातौ तिर्यग्भावम् ।दिवि भुवि नेशौ समभूतां तौ परमं दैवं नास्ति यतोऽन्यत् ॥ ४॥

smara gaurīśaṃ smara gaurīśaṃ smara gaurīśaṃ pāpamate ||yanmukhacaraṇau haridhātārau draṣṭuṃ yātau tiryagbhāvam |divi bhuvi neśau samabhūtāṃ tau paramaṃ daivaṃ nāsti yato'nyat || 4||

स्मर गौरीशं स्मर गौरीशं स्मर गौरीशं पापमते ॥यत्प्राप्त्यर्थं कर्म समस्तं नालं योगः साङ्ख्यमतं वा ।भक्तिग्राह्यं परमानन्दं भवरोगैकनिवारणचतुरम् ॥ ५॥

smara gaurīśaṃ smara gaurīśaṃ smara gaurīśaṃ pāpamate ||yatprāptyarthaṃ karma samastaṃ nālaṃ yogaḥ sāṅkhyamataṃ vā |bhaktigrāhyaṃ paramānandaṃ bhavarogaikanivāraṇacaturam || 5||

स्मर गौरीशं स्मर गौरीशं स्मर गौरीशं पापमते ॥लिङ्गे वार्चां कुरुते मर्त्यो यस्य परस्य प्रतिपत्त्यर्थम् ।तस्य समीर्षं वाप्यथ गन्तुं बिभ्यति दूताः शमनस्यापि ॥ ६॥

smara gaurīśaṃ smara gaurīśaṃ smara gaurīśaṃ pāpamate ||liṅge vārcāṃ kurute martyo yasya parasya pratipattyartham |tasya samīrṣaṃ vāpyatha gantuṃ bibhyati dūtāḥ śamanasyāpi || 6||

स्मर गौरीशं स्मर गौरीशं स्मर गौरीशं पापमते ॥यस्माद् भीत्योदेति विवस्वान् वातो वात्यपि भीत्या यस्मात् ।सर्वं शास्ति यदन्तस्तिष्ठन्नन्तर्यामिश्रुतिकथितो यः ॥ ७॥

smara gaurīśaṃ smara gaurīśaṃ smara gaurīśaṃ pāpamate ||yasmād bhītyodeti vivasvān vāto vātyapi bhītyā yasmāt |sarvaṃ śāsti yadantastiṣṭhannantaryāmiśrutikathito yaḥ || 7||

स्मर गौरीशं स्मर गौरीशं स्मर गौरीशं पापमते ॥वर्णाश्रमिकृतकर्म समस्तं यत्प्रीत्यर्थं क्रियते चेत् तत् ।सम्यग् भवतीत्युक्तमतोऽन्यः को वा देवो भवतीशानात् ॥ ८॥

smara gaurīśaṃ smara gaurīśaṃ smara gaurīśaṃ pāpamate ||varṇāśramikṛtakarma samastaṃ yatprītyarthaṃ kriyate cet tat |samyag bhavatītyuktamato'nyaḥ ko vā devo bhavatīśānāt || 8||

स्मर गौरीशं स्मर गौरीशं स्मर गौरीशं पापमते ॥यो वै रुद्रो भगवानिति यं श्रुतिरपि साध्वी सकलात्मानम् ।प्राह परेशो मोक्षद इति च स्वाहावचनादाथर्वणगात् ॥ ९॥

smara gaurīśaṃ smara gaurīśaṃ smara gaurīśaṃ pāpamate ||yo vai rudro bhagavāniti yaṃ śrutirapi sādhvī sakalātmānam |prāha pareśo mokṣada iti ca svāhāvacanādātharvaṇagāt || 9||

स्मर गौरीशं स्मर गौरीशं स्मर गौरीशं पापमते ॥शतरुद्रीयं जपतां विदुषां सर्वक्लेशविनाशनमूचे ।यदनुग्रहतः सर्वनराणां भुक्तिर्मुक्तिर्भवत इहेति ॥ १०॥

smara gaurīśaṃ smara gaurīśaṃ smara gaurīśaṃ pāpamate ||śatarudrīyaṃ japatāṃ viduṣāṃ sarvakleśavināśanamūce |yadanugrahataḥ sarvanarāṇāṃ bhuktirmuktirbhavata iheti || 10||

स्मर गौरीशं स्मर गौरीशं स्मर गौरीशं पापमते ॥शिव शङ्कर हर भक्तशरण्येत्यनिशं पठतां नतिनुतिसमये ।पापविनाशं कुरुते भगवान् परशिवभावप्रकटनमपि च ॥ ११॥

smara gaurīśaṃ smara gaurīśaṃ smara gaurīśaṃ pāpamate ||śiva śaṅkara hara bhaktaśaraṇyetyaniśaṃ paṭhatāṃ natinutisamaye |pāpavināśaṃ kurute bhagavān paraśivabhāvaprakaṭanamapi ca || 11||

स्मर गौरीशं स्मर गौरीशं स्मर गौरीशं पापमते ॥श्रीमद्व्याघ्रपुरस्थितममलं चित्सुखनटनविराजितचरणम् ।देवमुनीश्वरसेवितविभवं चिन्तकसज्जनभावितसुषमम् ॥ १२॥

smara gaurīśaṃ smara gaurīśaṃ smara gaurīśaṃ pāpamate ||śrīmadvyāghrapurasthitamamalaṃ citsukhanaṭanavirājitacaraṇam |devamunīśvarasevitavibhavaṃ cintakasajjanabhāvitasuṣamam || 12||

स्मर गौरीशं स्मर गौरीशं स्मर गौरीशं पापमते ॥वेदान्तेषु यमाहुरजस्रं विश्वाधिक इति सर्वमुनीन्द्राः ।मूर्त्यष्टकवपुषं कथयन्ते केचित् सुधियः सकलात्मानम् ॥ १३॥

smara gaurīśaṃ smara gaurīśaṃ smara gaurīśaṃ pāpamate ||vedānteṣu yamāhurajasraṃ viśvādhika iti sarvamunīndrāḥ |mūrtyaṣṭakavapuṣaṃ kathayante kecit sudhiyaḥ sakalātmānam || 13||

स्मर गौरीशं स्मर गौरीशं स्मर गौरीशं पापमते ॥विजयी भव हे परमेश्वर भो विश्वोत्तीर्ण विभो परमात्मन् ।मम हृदि भासित मङ्गलमूर्ते कुरु तव चिन्तारसिकं हृदयम् ॥ १४॥

smara gaurīśaṃ smara gaurīśaṃ smara gaurīśaṃ pāpamate ||vijayī bhava he parameśvara bho viśvottīrṇa vibho paramātman |mama hṛdi bhāsita maṅgalamūrte kuru tava cintārasikaṃ hṛdayam || 14||

स्मर गौरीशं स्मर गौरीशं स्मर गौरीशं पापमते ॥गुणवैतृष्ण्यं परवैराग्यं गुणचिन्तानां यमनिष्ठानाम् ।यत्कृपयात्मशिवैक्यपराणां न भवेज्जननीजठरे वासः ॥ १५॥

smara gaurīśaṃ smara gaurīśaṃ smara gaurīśaṃ pāpamate ||guṇavaitṛṣṇyaṃ paravairāgyaṃ guṇacintānāṃ yamaniṣṭhānām |yatkṛpayātmaśivaikyaparāṇāṃ na bhavejjananījaṭhare vāsaḥ || 15||

स्मर गौरीशं स्मर गौरीशं स्मर गौरीशं पापमते ॥कणभुग्वादपरिश्रमतो वा जैमिनितन्त्रकृतश्रमतो वा ।न भवति जन्मशतेष्वपि मुक्तिः शिवचरणं भज मुक्तिनिदानम् ॥ १६॥

smara gaurīśaṃ smara gaurīśaṃ smara gaurīśaṃ pāpamate ||kaṇabhugvādapariśramato vā jaiminitantrakṛtaśramato vā |na bhavati janmaśateṣvapi muktiḥ śivacaraṇaṃ bhaja muktinidānam || 16||

स्मर गौरीशं स्मर गौरीशं स्मर गौरीशं पापमते ॥नित्यं शुद्धं बुद्धं मुक्तं त्वक्षरमनुभवगम्यं पूर्णम् ।यं शिवमेकं पश्यन्तोऽमी सङ्गच्छन्ते कृतकृत्यत्वम् ॥ १७॥

smara gaurīśaṃ smara gaurīśaṃ smara gaurīśaṃ pāpamate ||nityaṃ śuddhaṃ buddhaṃ muktaṃ tvakṣaramanubhavagamyaṃ pūrṇam |yaṃ śivamekaṃ paśyanto'mī saṅgacchante kṛtakṛtyatvam || 17||

स्मर गौरीशं स्मर गौरीशं स्मर गौरीशं पापमते ॥इन्द्रं विष्णुं ब्रह्माणं वा ध्यायन्तस्ते यत्कृपयैव ।क्रमतोऽवाप्य सदाशिवभावं परमोदाराः स्युर्भयहीनाः ॥ १८॥

smara gaurīśaṃ smara gaurīśaṃ smara gaurīśaṃ pāpamate ||indraṃ viṣṇuṃ brahmāṇaṃ vā dhyāyantaste yatkṛpayaiva |kramato'vāpya sadāśivabhāvaṃ paramodārāḥ syurbhayahīnāḥ || 18||

स्मर गौरीशं स्मर गौरीशं स्मर गौरीशं पापमते ॥सामान्यात्मतया हि समस्तं प्रविलाप्यैतत् स्वप्नसदृक्षम् ।यं पश्यन्ति ज्ञानसमाधौ शिवमद्वैतं प्रत्यक्प्रवणाः ॥ १९॥

smara gaurīśaṃ smara gaurīśaṃ smara gaurīśaṃ pāpamate ||sāmānyātmatayā hi samastaṃ pravilāpyaitat svapnasadṛkṣam |yaṃ paśyanti jñānasamādhau śivamadvaitaṃ pratyakpravaṇāḥ || 19||

स्मर गौरीशं स्मर गौरीशं स्मर गौरीशं पापमते ॥जीवन्मुक्ततया कृतकृत्या अपि विद्वांसः परमेशस्य ।प्रारब्धक्षयपर्यन्तं ते भक्तिं कुर्वन्तीति हि शिष्टाः ॥ २०॥

smara gaurīśaṃ smara gaurīśaṃ smara gaurīśaṃ pāpamate ||jīvanmuktatayā kṛtakṛtyā api vidvāṃsaḥ parameśasya |prārabdhakṣayaparyantaṃ te bhaktiṃ kurvantīti hi śiṣṭāḥ || 20||

स्मर गौरीशं स्मर गौरीशं स्मर गौरीशं पापमते ॥अन्वहमेतत् परशिवभजनं बुधरमणीयं भवतीत्याहुः ।श्रुतयः स्मृतयः सुधियो लोके कलितरणादिसमस्तपुमर्थम् ॥ २१॥

smara gaurīśaṃ smara gaurīśaṃ smara gaurīśaṃ pāpamate ||anvahametat paraśivabhajanaṃ budharamaṇīyaṃ bhavatītyāhuḥ |śrutayaḥ smṛtayaḥ sudhiyo loke kalitaraṇādisamastapumartham || 21||

स्मर गौरीशं स्मर गौरीशं स्मर गौरीशं पापमते ॥काशीपुरवरवासपराणां कलिकल्मषहरतीर्थरतानाम् ।प्रदिशति भगवानन्तिमसमये भवभयतारकतारकबोधम् ॥ २२॥

smara gaurīśaṃ smara gaurīśaṃ smara gaurīśaṃ pāpamate ||kāśīpuravaravāsaparāṇāṃ kalikalmaṣaharatīrtharatānām |pradiśati bhagavānantimasamaye bhavabhayatārakatārakabodham || 22||

स्मर गौरीशं स्मर गौरीशं स्मर गौरीशं पापमते ॥सवितुर्देवस्यान्तर्हृदये तिष्ठन् भर्गो बुद्धिं नोऽसौ ।ईष्टे सोऽक्षिण्येकतयोक्तो गायत्र्याख्यच्छन्दोवचसाम् ॥ २३॥

smara gaurīśaṃ smara gaurīśaṃ smara gaurīśaṃ pāpamate ||saviturdevasyāntarhṛdaye tiṣṭhan bhargo buddhiṃ no'sau |īṣṭe so'kṣiṇyekatayokto gāyatryākhyacchandovacasām || 23||

स्मर गौरीशं स्मर गौरीशं स्मर गौरीशं पापमते ॥न शिवादधिकं श्रुतिशासनतो न शिवादधिकं स्मृतिशासनतः ।न शिवादधिकं मुनिशासनतो न शिवाधिकं गुरुशासनतः ॥ २४॥

smara gaurīśaṃ smara gaurīśaṃ smara gaurīśaṃ pāpamate ||na śivādadhikaṃ śrutiśāsanato na śivādadhikaṃ smṛtiśāsanataḥ |na śivādadhikaṃ muniśāsanato na śivādhikaṃ guruśāsanataḥ || 24||

स्मर गौरीशं स्मर गौरीशं स्मर गौरीशं पापमते ॥भजगोविन्दस्तुतिरिह कथिता भगवत्पादयतीश्वरगुरुभिः ।तत्कृपयैव शिवस्तवनं मे कृतमिति सन्तः करुणां कुर्युः ॥ २५॥

smara gaurīśaṃ smara gaurīśaṃ smara gaurīśaṃ pāpamate ||bhajagovindastutiriha kathitā bhagavatpādayatīśvaragurubhiḥ |tatkṛpayaiva śivastavanaṃ me kṛtamiti santaḥ karuṇāṃ kuryuḥ || 25||

स्मर गौरीशं स्मर गौरीशं स्मर गौरीशं पापमते ॥सोमकलाधरशम्भोरेतत् स्तोत्रं यः पठतीह मनुष्यः ।स हि भुवि धन्यः स हि भुवि मान्यः स हि भुवि भक्तः स हि भुवि मुक्तः ॥स्मर गौरीशं स्मर गौरीशं स्मर गौरीशं पापमते ॥ २६॥

smara gaurīśaṃ smara gaurīśaṃ smara gaurīśaṃ pāpamate ||somakalādharaśambhoretat stotraṃ yaḥ paṭhatīha manuṣyaḥ |sa hi bhuvi dhanyaḥ sa hi bhuvi mānyaḥ sa hi bhuvi bhaktaḥ sa hi bhuvi muktaḥ ||smara gaurīśaṃ smara gaurīśaṃ smara gaurīśaṃ pāpamate || 26||

इति श्रीस्मरगौरीशस्तवः सम्पूर्णः ।भजगौरीशस्तुतिः

iti śrīsmaragaurīśastavaḥ sampūrṇaḥ |bhajagaurīśastutiḥ