कालान्तकाष्टकम् Shrikalantakashtakam
kālāntakāṣṭakam
Shrikalantakashtakam (कालान्तकाष्टकम्): an eight-verse hymn (aṣṭaka) to Śiva, by sachchidAnanda-shivAbhinava-nRisiMhabhAratI. 10 verses in Sanskrit with Devanagari and IAST.
- Stotra
- Aṣṭakam
- Śiva
- Ashtaka
कालान्तकाष्टकम्
1 / 10
(श्रीगरलपुरे)श्रीगणेशाय नमः ॥कमलापतिमुखसुरवरपूजित काकोलभासितग्रीव ।काकोदरपतिभूषण कालान्तक पाहि पार्वतीनाथ ॥ १॥
(śrīgaralapure)śrīgaṇeśāya namaḥ ||kamalāpatimukhasuravarapūjita kākolabhāsitagrīva |kākodarapatibhūṣaṇa kālāntaka pāhi pārvatīnātha || 1||
कमलाभिमानवारणदक्षाङ्घ्रे विमलशेमुषीदायिन् ।नतकामितफलदायक कालान्तक पाहि पार्वतीनाथ ॥ २॥
kamalābhimānavāraṇadakṣāṅghre vimalaśemuṣīdāyin |natakāmitaphaladāyaka kālāntaka pāhi pārvatīnātha || 2||
करुणासागर शम्भो शरणागतलोकरक्षणधुरीण ।कारण समस्तजगतां कालान्तक पाहि पार्वतीनाथ ॥ ३॥
karuṇāsāgara śambho śaraṇāgatalokarakṣaṇadhurīṇa |kāraṇa samastajagatāṃ kālāntaka pāhi pārvatīnātha || 3||
प्रणतार्तिहरणदक्ष प्रणवप्रतिपाद्य पर्वतावास ।प्रणमामि तव पदाब्जे कालान्तक पाहि पार्वतीनाथ ॥ ४॥
praṇatārtiharaṇadakṣa praṇavapratipādya parvatāvāsa |praṇamāmi tava padābje kālāntaka pāhi pārvatīnātha || 4||
मन्दार नतजनानां वृन्दारकवृन्दगेयसुचरित्र ।मुनिपुत्रमृत्युहारिन् कालान्तक पाहि पार्वतीनाथ ॥ ५॥
mandāra natajanānāṃ vṛndārakavṛndageyasucaritra |muniputramṛtyuhārin kālāntaka pāhi pārvatīnātha || 5||
मारारण्यदवानल मायावारीन्द्रकुम्भसञ्जात ।मातङ्गचर्मवासः कालान्तक पाहि पार्वतीनाथ ॥ ६॥
mārāraṇyadavānala māyāvārīndrakumbhasañjāta |mātaṅgacarmavāsaḥ kālāntaka pāhi pārvatīnātha || 6||
मोहान्धकारभानो मोदितगिरिजामनःसरोजात ।मोक्षप्रद प्रणमतां कालान्तक पाहि पार्वतीनाथ ॥ ७॥
mohāndhakārabhāno moditagirijāmanaḥsarojāta |mokṣaprada praṇamatāṃ kālāntaka pāhi pārvatīnātha || 7||
विद्यानायक मह्यं विद्यां दत्त्वा निवार्य चाविद्याम् ।विद्याधरादिसेवित कालान्तक पाहि पार्वतीनाथ ॥ ८॥
vidyānāyaka mahyaṃ vidyāṃ dattvā nivārya cāvidyām |vidyādharādisevita kālāntaka pāhi pārvatīnātha || 8||
कालान्तकाष्टकमिदं पठति जनो यः कृतादरो लोके ।कालान्तकप्रसादात्कालकृता भीर्न सम्भवेत्तस्य ॥ ९॥
kālāntakāṣṭakamidaṃ paṭhati jano yaḥ kṛtādaro loke |kālāntakaprasādātkālakṛtā bhīrna sambhavettasya || 9||
इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितं श्रीकालान्तकाष्टकं सम्पूर्णम् ॥
iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaṃ śrīkālāntakāṣṭakaṃ sampūrṇam ||
॥ इति कालान्तकाष्टकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shrikalantakashtakam?
Shrikalantakashtakam has 10 verses on this page, each shown with its number, Devanagari text and transliteration, and meaning where available.
Can I read Shrikalantakashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shrikalantakashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Shrikalantakashtakam?
sachchidAnanda-shivAbhinava-nRisiMhabhAratI.
