शिवपादादिकेशान्तस्तुतिः Shri Shiva-Padadikeshanta Shtuti

कल्याणं वो विधत्तां कटकतटलसत्कल्पवाटीनिकुञ्जक्रीडासंसक्तविद्याधरनिवहवधूगीतरुद्रापदानः ।तारैर्हेरम्बनादैस्तरलितनिनदत्तारकारातिकेकीकैलासश्शर्वनिर्वृत्यभिजनकपदस्सर्वदा पर्वतेन्द्रः ॥ १॥

kalyāṇaṃ vo vidhattāṃ kaṭakataṭalasatkalpavāṭīnikuñjakrīḍāsaṃsaktavidyādharanivahavadhūgītarudrāpadānaḥ |tārairherambanādaistaralitaninadattārakārātikekīkailāsaśśarvanirvṛtyabhijanakapadassarvadā parvatendraḥ || 1||

यस्य प्राहुस्स्वरूपं सकलदिविषदां सारसर्वस्वयोगंयत्येषुश्शार्ङ्गधन्वा समजनि जगतां रक्षणे जागरूकः ।मौर्वी दर्वीकराणामपि च परिबृढः पूस्त्रयी सा च लक्ष्यंसोऽव्यादव्याजमस्मानशिवभिदनिशं नाकिनां श्रीपिनाकः ॥ २॥

yasya prāhussvarūpaṃ sakaladiviṣadāṃ sārasarvasvayogaṃyatyeṣuśśārṅgadhanvā samajani jagatāṃ rakṣaṇe jāgarūkaḥ |maurvī darvīkarāṇāmapi ca paribṛḍhaḥ pūstrayī sā ca lakṣyaṃso'vyādavyājamasmānaśivabhidaniśaṃ nākināṃ śrīpinākaḥ || 2||

आतङ्कावेगहारी सकलदिविषदामङ्घ्रिपद्माश्रयाणांमातङ्गाद्युग्रदैत्यप्रकरतनुगलद्रक्तधारात्तधारः ।क्रूरः सूरायुतानामपि च परिभवं स्वीयभासा वितन्वन्घोराकारः कुठारो दृढतरदुरिताख्याटवीं पाटयेन्नः ॥ ३॥

ātaṅkāvegahārī sakaladiviṣadāmaṅghripadmāśrayāṇāṃmātaṅgādyugradaityaprakaratanugaladraktadhārāttadhāraḥ |krūraḥ sūrāyutānāmapi ca paribhavaṃ svīyabhāsā vitanvanghorākāraḥ kuṭhāro dṛḍhataraduritākhyāṭavīṃ pāṭayennaḥ || 3||

कालारातेः कराग्रे कृतवसतिरुरश्शाणशातो रिपूणांकाले काले कुलाद्रि प्रवरतनयया कल्पितस्नेहलेपः ।पायान्नः पावकार्चिःप्रसरसखमुखः पापहन्ता नितान्तंशूलश्श्रीपादसेवाभजनपरहृदां पालनैकान्तशीलः ॥ ४॥ भजनरसजुषां

kālārāteḥ karāgre kṛtavasatiruraśśāṇaśāto ripūṇāṃkāle kāle kulādri pravaratanayayā kalpitasnehalepaḥ |pāyānnaḥ pāvakārciḥprasarasakhamukhaḥ pāpahantā nitāntaṃśūlaśśrīpādasevābhajanaparahṛdāṃ pālanaikāntaśīlaḥ || 4|| bhajanarasajuṣāṃ

देवस्याङ्काश्रयायाः कुलगिरिदुहितुर्नेत्रकोणप्रचारप्रस्तारानत्युदारान् पिपठिषुरिव यो नित्यमत्यादरेण ।आधत्ते भङ्गितुङ्गैरनिशमवयवैरन्तरङ्गं समोदंसोमापीडस्य सोऽयं प्रदिशतु कुशलं पाणिरङ्गः कुरङ्गः ॥ ५॥

devasyāṅkāśrayāyāḥ kulagiriduhiturnetrakoṇapracāraprastārānatyudārān pipaṭhiṣuriva yo nityamatyādareṇa |ādhatte bhaṅgituṅgairaniśamavayavairantaraṅgaṃ samodaṃsomāpīḍasya so'yaṃ pradiśatu kuśalaṃ pāṇiraṅgaḥ kuraṅgaḥ || 5||

कण्ठप्रान्तावसज्जत्कनकमयमहाघण्टिकाघोरघोषैःकण्ठारावैरकुण्ठैरपि भरितजगच्चक्रवालान्तरालः ।चण्डः प्रोद्दण्डशृङ्गः ककुदकबलितोत्तुङ्गकैलासशृङ्गःकण्ठे कालस्य वाहः शमयतु दुरितं शाश्वतः शाक्करेन्द्रः ॥ ६॥ शमयति शमलं

kaṇṭhaprāntāvasajjatkanakamayamahāghaṇṭikāghoraghoṣaiḥkaṇṭhārāvairakuṇṭhairapi bharitajagaccakravālāntarālaḥ |caṇḍaḥ proddaṇḍaśṛṅgaḥ kakudakabalitottuṅgakailāsaśṛṅgaḥkaṇṭhe kālasya vāhaḥ śamayatu duritaṃ śāśvataḥ śākkarendraḥ || 6|| śamayati śamalaṃ

निर्यद्दानाम्बुधारापरिमलतरलीभूतलोलम्बपालीझङ्गारैः शङ्कराद्रेः शिखरशतदरीः पूरयन्भूरिघोषैः ।शार्वस्सौवर्णशैलप्रतिमपृथुवपुस्सर्वविघ्नोपहर्ताशर्वाण्याः पूर्वसूनुस्स भवतु भवतां स्वस्तिदो हस्तिवक्त्रः ॥ ७॥

niryaddānāmbudhārāparimalataralībhūtalolambapālījhaṅgāraiḥ śaṅkarādreḥ śikharaśatadarīḥ pūrayanbhūrighoṣaiḥ |śārvassauvarṇaśailapratimapṛthuvapussarvavighnopahartāśarvāṇyāḥ pūrvasūnussa bhavatu bhavatāṃ svastido hastivaktraḥ || 7||

यः पुण्यैर्देवतानां समजनि शिवयोश्श्लाघ्यवीरैकमत्यात् वर् वीर्यैकमत्यात्]यन्नाम्नि श्रूयमाणे दितिजभटघटा भीतिभारं भजन्ते ।भूयात्सोऽयं विभूत्यै निशितशरशिखापाटितक्रौञ्चशैलस्संसारागाधकूपोदरपतितसमुत्तारकस्तारकारिः ॥ ८॥

yaḥ puṇyairdevatānāṃ samajani śivayośślāghyavīraikamatyāt var vīryaikamatyāt]yannāmni śrūyamāṇe ditijabhaṭaghaṭā bhītibhāraṃ bhajante |bhūyātso'yaṃ vibhūtyai niśitaśaraśikhāpāṭitakrauñcaśailassaṃsārāgādhakūpodarapatitasamuttārakastārakāriḥ || 8||

आरूढप्रौढवेगप्रविजितपवनं तुङ्गतुङ्गं तुरङ्गंचेलं नीलं वसानः करतलविलसत्काण्डकोदण्डदण्डः ।रागद्वेषादिनानाविधमृगपटलीभीतिकृद्भूतभर्ताकुर्वन्नाखेटलीलां परिलसतु मनः कानने मामकीने ॥ ९॥

ārūḍhaprauḍhavegapravijitapavanaṃ tuṅgatuṅgaṃ turaṅgaṃcelaṃ nīlaṃ vasānaḥ karatalavilasatkāṇḍakodaṇḍadaṇḍaḥ |rāgadveṣādinānāvidhamṛgapaṭalībhītikṛdbhūtabhartākurvannākheṭalīlāṃ parilasatu manaḥ kānane māmakīne || 9||

अम्भोजाभ्यां च रम्भारथचरणलताद्वन्द्वकुम्भीन्द्रकुम्भैर्बिम्बेनेन्दोश्च कम्बोरुपरि विलसता विद्रुमेणोत्पलाभ्याम् ।अम्भोदेनापि सम्पादितमुपजनिताडम्बरं शम्बरारेःशम्भोस्सम्भोगयोग्यं किमपि धनमिदं सम्भवेत्सम्पदे नः ॥ १०॥

ambhojābhyāṃ ca rambhārathacaraṇalatādvandvakumbhīndrakumbhairbimbenendośca kamborupari vilasatā vidrumeṇotpalābhyām |ambhodenāpi sampāditamupajanitāḍambaraṃ śambarāreḥśambhossambhogayogyaṃ kimapi dhanamidaṃ sambhavetsampade naḥ || 10||

वेणीसौभाग्यविस्मापिततपनसुताचारुवेणीविलासान्वाणीनिर्धूतवाणीकरतलविधृतोदारवीणाविरावान् ।एणीनेत्रान्तभङ्गीनिरसननिपुणापाङ्गकोणानुपासेशोणान् प्राणानुदूढप्रतिनवसुषमाकन्दलानिन्दुमौलैः ॥ ११॥

veṇīsaubhāgyavismāpitatapanasutācāruveṇīvilāsānvāṇīnirdhūtavāṇīkaratalavidhṛtodāravīṇāvirāvān |eṇīnetrāntabhaṅgīnirasananipuṇāpāṅgakoṇānupāseśoṇān prāṇānudūḍhapratinavasuṣamākandalānindumaulaiḥ || 11||

नृत्तारम्भेषु हस्ताहतमुरजधिमिद्धिंकृतैरत्युदारैश्चित्तानन्दं विधत्ते सदसि भगवतस्सन्ततं यस्स नन्दी ।चण्डीशाद्यास्तथान्ये चतुरगुणगणप्राणितस्वामिसत्कारोत्कर्षोद्यत्प्रतापाः प्रमथपरिवृढास्सन्तु सन्तोषिणो नः ॥ १२॥

nṛttārambheṣu hastāhatamurajadhimiddhiṃkṛtairatyudāraiścittānandaṃ vidhatte sadasi bhagavatassantataṃ yassa nandī |caṇḍīśādyāstathānye caturaguṇagaṇaprāṇitasvāmisatkārotkarṣodyatpratāpāḥ pramathaparivṛḍhāssantu santoṣiṇo naḥ || 12||

वर् रोत्कर्षोद्यत्प्रसादाः प्रमथपरिवृढाः पान्तुमुक्तामाणिक्यजालैः परिकलितमहासालमालोकनीयंप्रत्युप्तानर्घरत्नैर्दिशि भवनैः कल्पितैर्दिक्पतीनाम् ।उद्यानैरद्रिकन्यापरिजनवनितामाननीयैः परीतंहृद्यं स्तुत्यं सुराणां मम भुवनपतेर्धाम सोमार्धमौलेः ॥ १३॥

var rotkarṣodyatprasādāḥ pramathaparivṛḍhāḥ pāntumuktāmāṇikyajālaiḥ parikalitamahāsālamālokanīyaṃpratyuptānargharatnairdiśi bhavanaiḥ kalpitairdikpatīnām |udyānairadrikanyāparijanavanitāmānanīyaiḥ parītaṃhṛdyaṃ stutyaṃ surāṇāṃ mama bhuvanapaterdhāma somārdhamauleḥ || 13||

वर् हृद्यं हृद्यस्तु नित्यंस्तम्भैर्जम्भारिरत्नप्रवरविरचितैस्सम्भृतोपान्तभागंशुम्भत्सोपानमार्गं शुचिमणिनिचयैर्गुम्भितानल्पशिल्पम् ।कुम्भैस्सम्पूर्णशोभं शिरसि सुघटितैः शातकुम्भैरपङ्कैश्शम्भोस्सम्भावनीयं सकलमुनिजनैस्सर्वदा सुप्रसन्नः ॥ १४॥ जनैः स्वस्तिदं स्यात्सदो नः

var hṛdyaṃ hṛdyastu nityaṃstambhairjambhāriratnapravaraviracitaissambhṛtopāntabhāgaṃśumbhatsopānamārgaṃ śucimaṇinicayairgumbhitānalpaśilpam |kumbhaissampūrṇaśobhaṃ śirasi sughaṭitaiḥ śātakumbhairapaṅkaiśśambhossambhāvanīyaṃ sakalamunijanaissarvadā suprasannaḥ || 14|| janaiḥ svastidaṃ syātsado naḥ

न्यस्तो मध्ये सभायाः परिसरविलसत्पादपीठाभिरामोहृद्यः पादैश्चतुर्भिः कनकमणिमयैरुच्चकैरुज्ज्वलात्मा ।वासोरत्नेन केनाप्यधिकमृदुकरेणास्त्रतो विस्मृतश्रीः वर् तरेणास्तृतोपीठः पीडाधरं नः शमयतु शिवयोस्स्वैरसंवासयोग्यः ॥ १५॥ पीडाभरं

nyasto madhye sabhāyāḥ parisaravilasatpādapīṭhābhirāmohṛdyaḥ pādaiścaturbhiḥ kanakamaṇimayairuccakairujjvalātmā |vāsoratnena kenāpyadhikamṛdukareṇāstrato vismṛtaśrīḥ var tareṇāstṛtopīṭhaḥ pīḍādharaṃ naḥ śamayatu śivayossvairasaṃvāsayogyaḥ || 15|| pīḍābharaṃ

आसीनस्याधिपीठं त्रिजगदधिपतेरङ्घ्रिपीठानुषक्तौपाथोजाभोगभाजौ परिमृदुलतलोल्लासिपद्माभिलेखौ ।पातां पादावुभौ तौ नमदमरकिरीटोल्लसच्चारुहीर्श्रेणीशोणायमानोन्नतनखदशकोद्भासमानौ समानौ ॥ १६॥

āsīnasyādhipīṭhaṃ trijagadadhipateraṅghripīṭhānuṣaktaupāthojābhogabhājau parimṛdulatalollāsipadmābhilekhau |pātāṃ pādāvubhau tau namadamarakirīṭollasaccāruhīrśreṇīśoṇāyamānonnatanakhadaśakodbhāsamānau samānau || 16||

यन्नादो वेदवाचां निगदति निखिलं लक्षणं पक्षिकेतुर्लक्ष्मीसम्भोगसौख्यं विरचयति ययोश्चापदे रूपभेदे ।शम्भोस्सम्भावनीये पदकमलसमासङ्गतस्तुङ्गशोभेमाङ्गल्यं नस्समग्रं सकलसुखकरे नूपुरे पूरयेताम् ॥ १७॥

yannādo vedavācāṃ nigadati nikhilaṃ lakṣaṇaṃ pakṣiketurlakṣmīsambhogasaukhyaṃ viracayati yayoścāpade rūpabhede |śambhossambhāvanīye padakamalasamāsaṅgatastuṅgaśobhemāṅgalyaṃ nassamagraṃ sakalasukhakare nūpure pūrayetām || 17||

अङ्गे शृङ्गारयोनेस्सपदि शलभतां नेत्रवह्नौ प्रयातेशत्रोरुद्धृत्य तस्मादिषुधियुगमधो न्यस्तमग्रे किमेतत् ।शङ्कामित्थं नतानाममरपरिषदामन्तरं कूरयत्तत्सङ्घातं चारुजङ्घायुगमखिलपतेरंहसां संहरेन्नः ॥ १८॥

aṅge śṛṅgārayonessapadi śalabhatāṃ netravahnau prayāteśatroruddhṛtya tasmādiṣudhiyugamadho nyastamagre kimetat |śaṅkāmitthaṃ natānāmamarapariṣadāmantaraṃ kūrayattatsaṅghātaṃ cārujaṅghāyugamakhilapateraṃhasāṃ saṃharennaḥ || 18||

जानुद्वन्द्वेन मीनध्वजनृपरसमुद्रोपमानेन साकंराजन्तौ राजरम्भाकरिकरकनकस्तम्भसम्भावनीयौ ।ऊरू गौरी कराम्भोरुहसरससमामर्दनानन्दभाजौचारू दूरीक्रियास्तां दुरितमुपचितं जन्मजन्मान्तरे नः ॥ १९॥

jānudvandvena mīnadhvajanṛparasamudropamānena sākaṃrājantau rājarambhākarikarakanakastambhasambhāvanīyau |ūrū gaurī karāmbhoruhasarasasamāmardanānandabhājaucārū dūrīkriyāstāṃ duritamupacitaṃ janmajanmāntare naḥ || 19||

आमुक्तानर्घरत्नप्रकरकरपरिष्वक्तकल्याणकाञ्चीदाम्ना बद्धेन दुग्धद्युतिनिचयमुषा चीनपट्टाम्बरेण ।संवीते शैलकन्यासुचरितपरिपाकायमाणे नितम्बेनित्यं नर्नर्तु चित्तं मम निखिलजगत्स्वामिनस्सोममौलेः ॥ २०॥

āmuktānargharatnaprakarakarapariṣvaktakalyāṇakāñcīdāmnā baddhena dugdhadyutinicayamuṣā cīnapaṭṭāmbareṇa |saṃvīte śailakanyāsucaritaparipākāyamāṇe nitambenityaṃ narnartu cittaṃ mama nikhilajagatsvāminassomamauleḥ || 20||

सन्ध्याकालानुरज्यद्दिनकरसरुचा कालधौतेन गाधंव्यानद्धस्स्निग्धवर्णस्सरसमुदरबन्धेन पीतोपमेन । वर् स्निग्धमुग्धःउद्दीप्रैस्स्वप्रकाशैरूपचितमहिमा मन्मथारेरुदारोमध्यो मिथ्यार्थसध्र्यङ्मम दिशतु सदा सङ्गतिं मङ्गलानाम् ॥ २१॥

sandhyākālānurajyaddinakarasarucā kāladhautena gādhaṃvyānaddhassnigdhavarṇassarasamudarabandhena pītopamena | var snigdhamugdhaḥuddīpraissvaprakāśairūpacitamahimā manmathārerudāromadhyo mithyārthasadhryaṅmama diśatu sadā saṅgatiṃ maṅgalānām || 21||

नाभीचक्रालवालान्नवनवसुषमादोहदश्रीपरीतादुद्गच्छन्ती पुरस्तादुदरपथमतिक्रम्य वक्षः प्रयान्ती ।श्यमा कामागमार्थप्रकथनलिपिवद्भासते या निकामंसा मा सोमार्धमौलेस्सुखयतु सततं रोमवल्लीमतल्ली ॥ २२॥

nābhīcakrālavālānnavanavasuṣamādohadaśrīparītādudgacchantī purastādudarapathamatikramya vakṣaḥ prayāntī |śyamā kāmāgamārthaprakathanalipivadbhāsate yā nikāmaṃsā mā somārdhamaulessukhayatu satataṃ romavallīmatallī || 22||

आश्लेषेष्वद्रिजायाः कठिनकुचतटीलिप्तकाश्मीरपङ्कव्यासङ्गादुद्यदर्कद्युतिभिरुपचितस्पर्धमुद्दामहृद्यम् ।दक्षारातेरुदूढप्रतिनवमणिमालावलीभासमानंवक्षो विक्षोभिताघं सततनतिजुषां रक्षतादक्षतन्नः ॥ २३॥

āśleṣeṣvadrijāyāḥ kaṭhinakucataṭīliptakāśmīrapaṅkavyāsaṅgādudyadarkadyutibhirupacitaspardhamuddāmahṛdyam |dakṣārāterudūḍhapratinavamaṇimālāvalībhāsamānaṃvakṣo vikṣobhitāghaṃ satatanatijuṣāṃ rakṣatādakṣatannaḥ || 23||

वामाङ्के विष्फुरन्त्या करतलविलसच्चारुरक्तोत्पलायाःकान्ताया वामवक्षोरुहभरशिखरोन्मर्दनव्यग्रमेकम् ।अन्यांस्त्रीनप्युदारान्वरपरशुमृगालङ्कृतान्सिन्धुमौले वर् तानिन्दुमौलेर्बाहूनाबद्धहेमाङ्गदमणिकटकानन्तरालोकयामः ॥ २४॥

vāmāṅke viṣphurantyā karatalavilasaccāruraktotpalāyāḥkāntāyā vāmavakṣoruhabharaśikharonmardanavyagramekam |anyāṃstrīnapyudārānvaraparaśumṛgālaṅkṛtānsindhumaule var tānindumaulerbāhūnābaddhahemāṅgadamaṇikaṭakānantarālokayāmaḥ || 24||

सन्भ्रान्तायाश्शिवायाः पतिविलयभयात्सर्वलोकोपतापा वर् भिया सर्वलोकोपतापात्संविग्नस्यापि विष्णोः सरभसमुभयोर्वारणप्रेरणाभ्याम् ।मध्ये त्रैशङ्कवीयामनुभवति दशां यत्र हालाहलोष्मासोऽयं सर्वापदां नः शमयतु निचयं नीलकण्ठस्य कण्ठः ॥ २५॥

sanbhrāntāyāśśivāyāḥ pativilayabhayātsarvalokopatāpā var bhiyā sarvalokopatāpātsaṃvignasyāpi viṣṇoḥ sarabhasamubhayorvāraṇapreraṇābhyām |madhye traiśaṅkavīyāmanubhavati daśāṃ yatra hālāhaloṣmāso'yaṃ sarvāpadāṃ naḥ śamayatu nicayaṃ nīlakaṇṭhasya kaṇṭhaḥ || 25||

हृद्यैरद्रीन्द्रकन्यामृदुदशनपदैर्मुद्रितो विद्रुमश्रीरुद्द्योतन्त्या नितान्तं धवलधवलया मिश्रितो दन्तकान्त्या ।मुक्तामाणिक्यपूरव्वतिकरसदृशा तेजसा भासमान वर् माणिक्यजालस्सद्योजातस्य दद्यादधरमणिरसौ सम्पदां सञ्चयन्नः ॥ २६॥

hṛdyairadrīndrakanyāmṛdudaśanapadairmudrito vidrumaśrīruddyotantyā nitāntaṃ dhavaladhavalayā miśrito dantakāntyā |muktāmāṇikyapūravvatikarasadṛśā tejasā bhāsamāna var māṇikyajālassadyojātasya dadyādadharamaṇirasau sampadāṃ sañcayannaḥ || 26||

कर्णालङ्कारनानामणिनिकररुचां सञ्चयैरञ्चितायांवर्ण्यायां स्वर्णपद्मोदरपरिविलसत्कर्णिकासन्निभायाम् ।पद्धत्यां प्राणवायोः प्रणतजनहृदम्भोजवानस्यशम्भोर्नित्यं नश्चित्तमेतद्विरचयतु सुखेनासिकां नासिकायाम् ॥ २७॥

karṇālaṅkāranānāmaṇinikararucāṃ sañcayairañcitāyāṃvarṇyāyāṃ svarṇapadmodaraparivilasatkarṇikāsannibhāyām |paddhatyāṃ prāṇavāyoḥ praṇatajanahṛdambhojavānasyaśambhornityaṃ naścittametadviracayatu sukhenāsikāṃ nāsikāyām || 27||

अत्यन्तं भासमाने रुचिरतररुचां सङ्गमात्सन्मणीनामुद्यच्चण्डांशुधामप्रसरनिरसनस्पष्टदृष्टापदाने ।भूयास्तां भूतये नः करिवरजयिनः कर्णपाशावलम्बेभक्तालीभालसज्जज्जनिमरणलिपेः कुण्डले कुण्डले ते ॥ २८॥

atyantaṃ bhāsamāne ruciratararucāṃ saṅgamātsanmaṇīnāmudyaccaṇḍāṃśudhāmaprasaranirasanaspaṣṭadṛṣṭāpadāne |bhūyāstāṃ bhūtaye naḥ karivarajayinaḥ karṇapāśāvalambebhaktālībhālasajjajjanimaraṇalipeḥ kuṇḍale kuṇḍale te || 28||

याभ्यां कालव्यवस्था भवति तनुमतां यो मुखं देवतानांयेषामाहुस्स्वरूपं जगति मुनिवरा देवतानां त्रयीं ताम् ।रुद्राणीवक्त्रपङ्केरुहसततविहारोस्तुकेन्दिन्दिरेभ्यस्तेभ्यस्त्रिभ्यः प्रणामाञ्जलिमुपरचये त्रीक्षणस्येक्षणेभ्यः ॥ २९॥

yābhyāṃ kālavyavasthā bhavati tanumatāṃ yo mukhaṃ devatānāṃyeṣāmāhussvarūpaṃ jagati munivarā devatānāṃ trayīṃ tām |rudrāṇīvaktrapaṅkeruhasatatavihārostukendindirebhyastebhyastribhyaḥ praṇāmāñjalimuparacaye trīkṣaṇasyekṣaṇebhyaḥ || 29||

वामं वामाङ्कगाया वदनसरसिजे व्यावलद्वल्लभायाव्यानम्नेष्वन्यदन्यत्पुनरलिकभवं वीतनिश्शेषरौक्ष्यम् ।भूयो भूयोऽपि मोदान्निपतदतिदयाशीतलं चूतबाणेदक्षारेरीक्षणानां त्रयमपहरतादाशु तापत्रयन्नः ॥ ३०॥

vāmaṃ vāmāṅkagāyā vadanasarasije vyāvaladvallabhāyāvyānamneṣvanyadanyatpunaralikabhavaṃ vītaniśśeṣaraukṣyam |bhūyo bhūyo'pi modānnipatadatidayāśītalaṃ cūtabāṇedakṣārerīkṣaṇānāṃ trayamapaharatādāśu tāpatrayannaḥ || 30||

यस्मिन्नधेन्दुमुग्धद्युतितिमिरतिरस्कारनिस्तन्द्रकान्तौ वर् धुतिनिचयकाश्मीरक्षोदसङ्कल्पितमिव रुचिरं चित्रकं भाति नेत्रम् ।तस्मिन्नुल्लीलचिल्लीनटवरतरुणीलास्यरङ्गायमाणेकालारेर्भालदेशे विहरतु हृदयं वीतचिन्तान्तरन्नः ॥ ३१॥

yasminnadhendumugdhadyutitimiratiraskāranistandrakāntau var dhutinicayakāśmīrakṣodasaṅkalpitamiva ruciraṃ citrakaṃ bhāti netram |tasminnullīlacillīnaṭavarataruṇīlāsyaraṅgāyamāṇekālārerbhāladeśe viharatu hṛdayaṃ vītacintāntarannaḥ || 31||

स्वामिन् गङ्गामिवाङ्गीकुरु तव शिरसा मामपीत्यर्थयन्तींधन्यां कन्यां खरांशोश्शिरसि वहति किन्वेष कारुण्यशाली ।इत्थं शङ्कां जनानां जनयदतिघनं कैशिकं कालमेघच्छायं भूयादुदारं त्रिपुरविजयिनः श्रेयसे भूयसेनः ॥ ३२॥

svāmin gaṅgāmivāṅgīkuru tava śirasā māmapītyarthayantīṃdhanyāṃ kanyāṃ kharāṃśośśirasi vahati kinveṣa kāruṇyaśālī |itthaṃ śaṅkāṃ janānāṃ janayadatighanaṃ kaiśikaṃ kālameghacchāyaṃ bhūyādudāraṃ tripuravijayinaḥ śreyase bhūyasenaḥ || 32||

शृङ्गाराकल्पयोग्यैश्शिखरिवरसुतासत्सखीहस्तलूनैस्सूनैराबद्धमालावलिपरिविलसत्सौरभाकृष्टभृङ्गम् ।तुङ्गं माणिक्यकान्त्या परिहसितसुरावासशैलेन्द्रशृङ्गंसङ्घन्नः सङ्कटानां विघटयतु सदा काङ्कटीकं किरीटम् ॥ ३३॥

śṛṅgārākalpayogyaiśśikharivarasutāsatsakhīhastalūnaissūnairābaddhamālāvaliparivilasatsaurabhākṛṣṭabhṛṅgam |tuṅgaṃ māṇikyakāntyā parihasitasurāvāsaśailendraśṛṅgaṃsaṅghannaḥ saṅkaṭānāṃ vighaṭayatu sadā kāṅkaṭīkaṃ kirīṭam || 33||

वक्राकारः कलङ्की जडतनुरहमप्यङ्घ्रिसेवानुभावादुत्तंसत्वं प्रयातस्सुलभतरघृणास्यन्दिनश्चन्द्रमौलेः ।तत्सेवन्तां जनौघाश्शिवमिति निजयावस्थयापि ब्रुवाणं वर् निजयावस्थयैववन्दे देवस्य शम्भोर्मकुटसुघटितं मुग्धपीयूषभानुम् ॥ ३४॥

vakrākāraḥ kalaṅkī jaḍatanurahamapyaṅghrisevānubhāvāduttaṃsatvaṃ prayātassulabhataraghṛṇāsyandinaścandramauleḥ |tatsevantāṃ janaughāśśivamiti nijayāvasthayāpi bruvāṇaṃ var nijayāvasthayaivavande devasya śambhormakuṭasughaṭitaṃ mugdhapīyūṣabhānum || 34||

कान्त्या सम्फुल्लमल्लीकुसुमधवलया व्याप्य विश्वं विराजन्वृत्ताकारो वितन्वन्मुहुरपि च परां निर्वृतिं पादभाजाम् ।सानन्दं नन्दिदोष्णा मणिकटकवता वाह्यमानः पुरारेःश्वेतच्छत्राख्यशीतद्युतिरपहरतादापदस्तापदा नः ॥ ३५॥

kāntyā samphullamallīkusumadhavalayā vyāpya viśvaṃ virājanvṛttākāro vitanvanmuhurapi ca parāṃ nirvṛtiṃ pādabhājām |sānandaṃ nandidoṣṇā maṇikaṭakavatā vāhyamānaḥ purāreḥśvetacchatrākhyaśītadyutirapaharatādāpadastāpadā naḥ || 35||

दिव्याकल्पोज्ज्वलानां शिवगिरिसुतयोः पार्श्वयोराश्रितानांरुद्राणीसत्सखीनामतितरलकटाक्षाञ्चलैरञ्चितानाम् । वर् सखीनां मदतरलउद्वेल्लद्बाहुवल्लीविलसनसमये चामरान्दोलनीनामुद्भूतः कङ्कणालीवलयकलकलो वारयेदापदो नः ॥ ३६॥

divyākalpojjvalānāṃ śivagirisutayoḥ pārśvayorāśritānāṃrudrāṇīsatsakhīnāmatitaralakaṭākṣāñcalairañcitānām | var sakhīnāṃ madataralaudvelladbāhuvallīvilasanasamaye cāmarāndolanīnāmudbhūtaḥ kaṅkaṇālīvalayakalakalo vārayedāpado naḥ || 36||

स्वर्गौकस्सुन्दरीणां सुललितवपुषां स्वामिसेवापराणांवल्गद्भूषाणि वक्त्राम्बुजपरिविगलन्मुग्धगीतामृतानि ।नित्यं नृत्तान्युपासे भुजविधुतिपदन्यासभावावलोकप्रत्युद्यत्प्रीतिमाद्यत्प्रथमनटनटीदत्तसम्भावनानि ॥ ३७॥

svargaukassundarīṇāṃ sulalitavapuṣāṃ svāmisevāparāṇāṃvalgadbhūṣāṇi vaktrāmbujaparivigalanmugdhagītāmṛtāni |nityaṃ nṛttānyupāse bhujavidhutipadanyāsabhāvāvalokapratyudyatprītimādyatprathamanaṭanaṭīdattasambhāvanāni || 37||

स्थानप्राप्त्या स्वराणां किमपि विशदतां व्यञ्जयन्मञ्जुवीणास्वानावच्छिन्नतालक्रमममृतमिवास्वाद्यमानं शिवाभ्याम् ।नानारागादिहृद्यं नवरसमधुरस्तोत्रजातानुविद्धंगानं वीणामहर्षेः कलमतिललितं कर्णपूरायतान्नः ॥ ३८॥

sthānaprāptyā svarāṇāṃ kimapi viśadatāṃ vyañjayanmañjuvīṇāsvānāvacchinnatālakramamamṛtamivāsvādyamānaṃ śivābhyām |nānārāgādihṛdyaṃ navarasamadhurastotrajātānuviddhaṃgānaṃ vīṇāmaharṣeḥ kalamatilalitaṃ karṇapūrāyatānnaḥ || 38||

चेतो जातप्रमोदं सपदि विदधति प्राणिनां वाणिनीनांपाणिद्वन्द्वाग्रकूजत्सुललितविलसत्स्वर्णतालानुकूला ।वर् पाणिद्वन्द्वाग्रजाग्रत्सुललितरणितस्वर्णस्वीयारावेण पाथोधररवपटुना नादयन्तीं मयूरींमायूरी मन्दभावं मणिमुरजभवा मार्जना मार्जयेन्नः ॥ ३९॥

ceto jātapramodaṃ sapadi vidadhati prāṇināṃ vāṇinīnāṃpāṇidvandvāgrakūjatsulalitavilasatsvarṇatālānukūlā |var pāṇidvandvāgrajāgratsulalitaraṇitasvarṇasvīyārāveṇa pāthodhararavapaṭunā nādayantīṃ mayūrīṃmāyūrī mandabhāvaṃ maṇimurajabhavā mārjanā mārjayennaḥ || 39||

देवेभ्यो दानवेभ्यः पितृमुनिपरिषत्सिद्धविद्याधरेभ्यस्साध्येभ्यश्चारणेभ्यो मनुजपशुलसज्जातिकीटादिकेभ्यः । वर् पशुपतज्जातिश्रीकैलासप्ररूढास्तृणविटपिमुखाश्चापि ये सन्ति तेभ्यस्सर्वेभ्यो निर्विचारं नतिमुपरचये शर्वपादाश्रयेभ्यः ॥ ४०॥

devebhyo dānavebhyaḥ pitṛmunipariṣatsiddhavidyādharebhyassādhyebhyaścāraṇebhyo manujapaśulasajjātikīṭādikebhyaḥ | var paśupatajjātiśrīkailāsaprarūḍhāstṛṇaviṭapimukhāścāpi ye santi tebhyassarvebhyo nirvicāraṃ natimuparacaye śarvapādāśrayebhyaḥ || 40||

इत्थं ध्यायन् प्रभाते प्रतिदिवसमिदं स्तोत्ररत्नं पठेद्यः वर् ध्यन्नित्थंकिं वा ब्रूमस्तदीयं सुचरितमथवा कीर्तयामस्समासात् ।सम्पज्जातं समग्रं सदसि बहुमतिं सर्वलोकप्रियत्वंसम्प्राप्यायुश्शतान्ते पदमयति परब्रह्मणो मन्मथारेः ॥ ४१॥

itthaṃ dhyāyan prabhāte pratidivasamidaṃ stotraratnaṃ paṭhedyaḥ var dhyannitthaṃkiṃ vā brūmastadīyaṃ sucaritamathavā kīrtayāmassamāsāt |sampajjātaṃ samagraṃ sadasi bahumatiṃ sarvalokapriyatvaṃsamprāpyāyuśśatānte padamayati parabrahmaṇo manmathāreḥ || 41||

इति श्रीमत्परमहंसपरिव्राजकाचार्यस्यश्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौश्रीशिवपादादिकेशान्तवर्णनस्तोत्रं सम्पूर्णम् ॥नीललोहितपादादिकेशान्तस्तोत्रं

iti śrīmatparamahaṃsaparivrājakācāryasyaśrīgovindabhagavatpūjyapādaśiṣyasya śrīmacchaṅkarabhagavataḥ kṛtauśrīśivapādādikeśāntavarṇanastotraṃ sampūrṇam ||nīlalohitapādādikeśāntastotraṃ