साम्बाष्टकम् Shri Samba Ashtakam

सन्तः पुत्राः सुहृद उत वा सत्कलत्रं सुगेहंवित्ताधीशप्रतिमवसुमान् बोभवीतु प्रकामम् ।कीर्तिच्छटा वा आशास्वास्ताममृतकिरणस्पर्धिसर्वं व्यर्थं मरणसमये साम्ब एकः सहायः ॥ १॥

santaḥ putrāḥ suhṛda uta vā satkalatraṃ sugehaṃvittādhīśapratimavasumān bobhavītu prakāmam |kīrticchaṭā vā āśāsvāstāmamṛtakiraṇaspardhisarvaṃ vyarthaṃ maraṇasamaye sāmba ekaḥ sahāyaḥ || 1||

वादे सर्वानपि विजयतां सत्सभायां नृपाग्रेभोगान्सत्त्वाननुभवतु वा दैवतैरप्यलभ्यान् ।भूमौ नीरे वियति चरितुं वर्ततां योगशक्तिःसर्वं व्यर्थं मरणसमये साम्ब एकः सहायः ॥ २॥

vāde sarvānapi vijayatāṃ satsabhāyāṃ nṛpāgrebhogānsattvānanubhavatu vā daivatairapyalabhyān |bhūmau nīre viyati carituṃ vartatāṃ yogaśaktiḥsarvaṃ vyarthaṃ maraṇasamaye sāmba ekaḥ sahāyaḥ || 2||

रूपं वाऽऽस्तां कुसुमविशिखाखर्वगर्वापहारिशौर्यं वास्ताममरपतिसङ्क्षोभदक्षं नितान्तम् ।पृथ्वीपालप्रवरमकुटाघट्टनं स्यात्पदे वासर्वं व्यर्थं मरणसमये साम्ब एकः सहायः ॥ ३॥

rūpaṃ vā''stāṃ kusumaviśikhākharvagarvāpahāriśauryaṃ vāstāmamarapatisaṅkṣobhadakṣaṃ nitāntam |pṛthvīpālapravaramakuṭāghaṭṭanaṃ syātpade vāsarvaṃ vyarthaṃ maraṇasamaye sāmba ekaḥ sahāyaḥ || 3||

गेहे सन्तु प्रवरभिषजः सर्वरोगापनोदाःदेशे देशे बहुधनयुता बन्धवः सन्तु कामम् ।सर्वे लोका अपि वचनतो दासवत्कर्म कुर्युःसर्वं व्यर्थं मरणसमये साम्ब एकः सहायः ॥ ४॥

gehe santu pravarabhiṣajaḥ sarvarogāpanodāḥdeśe deśe bahudhanayutā bandhavaḥ santu kāmam |sarve lokā api vacanato dāsavatkarma kuryuḥsarvaṃ vyarthaṃ maraṇasamaye sāmba ekaḥ sahāyaḥ || 4||

अध्यास्तां वा सुमणिखचितं दिव्यपारीण पीठं (दिव्यपारीन्द्र)हस्त्यश्वाद्यैरपि परिवृतो द्वारदेशोऽस्तु कामम् ।भूष्यन्तां वाऽऽभरणनिवहैरङ्गकान्यर्घशून्यैःसर्वं व्यर्थं मरणसमये साम्ब एकः सहायः ॥ ५॥

adhyāstāṃ vā sumaṇikhacitaṃ divyapārīṇa pīṭhaṃ (divyapārīndra)hastyaśvādyairapi parivṛto dvāradeśo'stu kāmam |bhūṣyantāṃ vā''bharaṇanivahairaṅgakānyarghaśūnyaiḥsarvaṃ vyarthaṃ maraṇasamaye sāmba ekaḥ sahāyaḥ || 5||

धत्तां मूर्ध्नि प्रवरमणिभिर्जुष्टदीव्यत्किरीटंवस्तां देहं विविधवसनैर्हेमसूत्रावबद्धैः ।आरुह्यासौ विचरतु भुवं तिर्यगान्दोलिकां वासर्वं व्यर्थं मरणसमये साम्ब एकः सहायः ॥ ६॥

dhattāṃ mūrdhni pravaramaṇibhirjuṣṭadīvyatkirīṭaṃvastāṃ dehaṃ vividhavasanairhemasūtrāvabaddhaiḥ |āruhyāsau vicaratu bhuvaṃ tiryagāndolikāṃ vāsarvaṃ vyarthaṃ maraṇasamaye sāmba ekaḥ sahāyaḥ || 6||

सर्वशान्तप्रकटितरवैर्बन्दिभिः स्तूयतां वाभेरीढक्काप्रमुखबिरुदं दिक्षु दंध्वन्यतां वा ।पृथ्वीं सर्वामवतु रिपुभिः क्रान्तपादाग्रपीठःसर्वं व्यर्थं मरणसमये साम्ब एकः सहायः ॥ ७॥

sarvaśāntaprakaṭitaravairbandibhiḥ stūyatāṃ vābherīḍhakkāpramukhabirudaṃ dikṣu daṃdhvanyatāṃ vā |pṛthvīṃ sarvāmavatu ripubhiḥ krāntapādāgrapīṭhaḥsarvaṃ vyarthaṃ maraṇasamaye sāmba ekaḥ sahāyaḥ || 7||

हृद्यां पद्यावलिमपि करोत्वर्थचित्रं सुकव्यंषट्छास्त्रेष्वप्यमितधिषणो ग्रन्थसन्दोहकर्ता ।सर्वेषां स्यादमितहृदयानन्ददो वाङ्मुखैर्वासर्वं व्यर्थं मरणसमये साम्ब एकः सहायः ॥ ८॥

hṛdyāṃ padyāvalimapi karotvarthacitraṃ sukavyaṃṣaṭchāstreṣvapyamitadhiṣaṇo granthasandohakartā |sarveṣāṃ syādamitahṛdayānandado vāṅmukhairvāsarvaṃ vyarthaṃ maraṇasamaye sāmba ekaḥ sahāyaḥ || 8||

इति श्रीसाम्बाष्टकं सम्पूर्णम् ।

iti śrīsāmbāṣṭakaṃ sampūrṇam |