सभापतिस्तोत्रम् Shri Sabhapati Stotram

ॐ श्रीगणेशाय नमः ।यत्कारुण्यकटाक्षवीक्षणमहो जन्मादिदुःखापहंयत्पादाम्बुजसेवनं तनुभृतां स्वात्मावबोधाङ्कुरंयन्नामस्मरणं कृतान्तपरिहृत् संसारिणां तारकंतं वन्दे गिरिजासहायममलं श्रीचित्सभानायकम् ॥ १॥

oṃ śrīgaṇeśāya namaḥ |yatkāruṇyakaṭākṣavīkṣaṇamaho janmādiduḥkhāpahaṃyatpādāmbujasevanaṃ tanubhṛtāṃ svātmāvabodhāṅkuraṃyannāmasmaraṇaṃ kṛtāntaparihṛt saṃsāriṇāṃ tārakaṃtaṃ vande girijāsahāyamamalaṃ śrīcitsabhānāyakam || 1||

लोकानाहूय सर्वान् डमरुकनिनदैर्घोरसंसारमग्नान्दत्त्वाभीतिं दयालुः प्रणतभयहरं कुञ्चितं पादपद्मम् ।उद्धृत्येदं विमुक्तेरयनमिति कराद् दर्शयन् प्रत्ययार्थंबिभ्रद् वह्निं समायां कलयति नटनं यः स पायाच्छिवो नः ॥ २॥

lokānāhūya sarvān ḍamarukaninadairghorasaṃsāramagnāndattvābhītiṃ dayāluḥ praṇatabhayaharaṃ kuñcitaṃ pādapadmam |uddhṛtyedaṃ vimukterayanamiti karād darśayan pratyayārthaṃbibhrad vahniṃ samāyāṃ kalayati naṭanaṃ yaḥ sa pāyācchivo naḥ || 2||

न परं पुरमस्ति पौण्डरीकाच्छिवगङ्गासदृशी न कापि सिन्धुः ।अपि हेमसभानिभा न गोष्ठी नटराजादधिको न कोऽपि देवः ॥ ३॥

na paraṃ puramasti pauṇḍarīkācchivagaṅgāsadṛśī na kāpi sindhuḥ |api hemasabhānibhā na goṣṭhī naṭarājādadhiko na ko'pi devaḥ || 3||

घिभूतेरणुमात्रेण त्रिकालमनुलेपनम् ।रोम रोम भवेल्लिङ्गं तच्छरीरं शिवालयम् ॥ ४॥

ghibhūteraṇumātreṇa trikālamanulepanam |roma roma bhavelliṅgaṃ taccharīraṃ śivālayam || 4||

आर्द्रायामरुणोदयस्य समये चापे च लग्ने युतेपर्वं युक्तमयुक्तमेव नटनं सृष्ट्यादिमष्टोत्तरं (?) ।\।\।\।\।\।\।\।\।\।\।\।\।\।\।\।\।\।\।\।\।\।\।\।\।देवैर्दानवमानुषाः सहगणाः संसेव्य मुक्तिप्रदम् ॥ ५॥

ārdrāyāmaruṇodayasya samaye cāpe ca lagne yuteparvaṃ yuktamayuktameva naṭanaṃ sṛṣṭyādimaṣṭottaraṃ (?) |\|\|\|\|\|\|\|\|\|\|\|\|\|\|\|\|\|\|\|\|\|\|\|\|devairdānavamānuṣāḥ sahagaṇāḥ saṃsevya muktipradam || 5||

तेजो रौद्रमिदं शिवेन जगतो रक्षार्थमुत्पादितंभूतप्रेतपिशाचरोगशमनं कालाग्निरुद्रात् स्वयम् ।इष्टार्थप्रदमिष्टलोकगतिकृत् सिद्धयष्टकापादनंभस्मेदं यदि निर्मलं गुरुकृपालब्धं सदा रक्षतु ॥ ६॥

tejo raudramidaṃ śivena jagato rakṣārthamutpāditaṃbhūtapretapiśācarogaśamanaṃ kālāgnirudrāt svayam |iṣṭārthapradamiṣṭalokagatikṛt siddhayaṣṭakāpādanaṃbhasmedaṃ yadi nirmalaṃ gurukṛpālabdhaṃ sadā rakṣatu || 6||

शिवाच्युतभगे ऋक्षे चापमेषयुगे रवौ ।कन्याकुम्भचतुर्दश्यां सिते स्नानं सभापतेः ॥ ७॥

śivācyutabhage ṛkṣe cāpameṣayuge ravau |kanyākumbhacaturdaśyāṃ site snānaṃ sabhāpateḥ || 7||

धन्या केयं स्थिता ते शिरसि शशिकला किं नु नामैतदस्यानामैवास्यास्तदेतत् परिचितमपि ते विस्मृतं कस्य हेतोः ।नारीं पृच्छामि नेन्दुं कथयतु विजया न प्रमाणं यदीन्दुर्देव्या निह्नोतुमिच्छोरिति सुरसरितं शाठ्यमव्याद् विभोर्वः ॥ ८॥

dhanyā keyaṃ sthitā te śirasi śaśikalā kiṃ nu nāmaitadasyānāmaivāsyāstadetat paricitamapi te vismṛtaṃ kasya hetoḥ |nārīṃ pṛcchāmi nenduṃ kathayatu vijayā na pramāṇaṃ yadīndurdevyā nihnotumicchoriti surasaritaṃ śāṭhyamavyād vibhorvaḥ || 8||

भगवन् भूतभव्येश न जाने हितमात्मनः ।त्वमेव सञ्चिन्त्य विभो हितं मे दातुमर्हसि ॥ ९॥

bhagavan bhūtabhavyeśa na jāne hitamātmanaḥ |tvameva sañcintya vibho hitaṃ me dātumarhasi || 9||

इति श्रीसभापतिस्तोत्रं समाप्तम् ।(४७)

iti śrīsabhāpatistotraṃ samāptam |(47)