सदाशिवस्तोत्रम् १ Shri Sadashiva Stotram

पङ्कजोद्भव प्रपूजिताङ्घ्रि पङ्कजद्वयंकिङ्करिकृतमरोगमप्रमेयमव्ययम् ।सङ्कटापहं समस्तलोकपालनोत्सुकंचिन्तयामहे सदाशिवं शिवार्धविग्रहम् ॥ १॥

paṅkajodbhava prapūjitāṅghri paṅkajadvayaṃkiṅkarikṛtamarogamaprameyamavyayam |saṅkaṭāpahaṃ samastalokapālanotsukaṃcintayāmahe sadāśivaṃ śivārdhavigraham || 1||

आगमान्तचारिणं निकृतमतवारणंवागतीतमद्वयं विराजवाहनप्रियम् ।नागभूषणं कुरङ्गधारिणं विरागिनंचिन्तयामहे सदाशिवं शिवार्धविग्रहम् ॥ २॥

āgamāntacāriṇaṃ nikṛtamatavāraṇaṃvāgatītamadvayaṃ virājavāhanapriyam |nāgabhūṣaṇaṃ kuraṅgadhāriṇaṃ virāginaṃcintayāmahe sadāśivaṃ śivārdhavigraham || 2||

भालनेत्रदग्धमन्मथ प्रमुग्धविग्रहंभालस्थिते भानुमौलिमाद्रिराजसायकम् ।नीललोहितं निशीधिनीश निर्मलाङ्गकंचिन्तयामहे सदाशिवं शिवार्धविग्रहम् ॥ ३॥

bhālanetradagdhamanmatha pramugdhavigrahaṃbhālasthite bhānumaulimādrirājasāyakam |nīlalohitaṃ niśīdhinīśa nirmalāṅgakaṃcintayāmahe sadāśivaṃ śivārdhavigraham || 3||

पादयुग्मसार साश्रितद्वयपादपंनादरूपमद्रिजा घनस्तनप्रमर्दिनम् ।वेदवेद्यमादिदेवमुग्रमुक्शवाहनंचिन्तयामहे सदाशिवं शिवार्धविग्रहम् ॥ ४॥

pādayugmasāra sāśritadvayapādapaṃnādarūpamadrijā ghanastanapramardinam |vedavedyamādidevamugramukśavāhanaṃcintayāmahe sadāśivaṃ śivārdhavigraham || 4||

देवनिम्नगा तरङ्ग शीखरोल्लसज्जटंभावनाविधूरगं कपालिनं पिनाकिनम् ।पावनं पुरातनं पुरात्रयप्रभञ्जनम्चिन्तयामहे सदाशिवं शिवार्धविग्रहम् ॥ ५॥

devanimnagā taraṅga śīkharollasajjaṭaṃbhāvanāvidhūragaṃ kapālinaṃ pinākinam |pāvanaṃ purātanaṃ purātrayaprabhañjanamcintayāmahe sadāśivaṃ śivārdhavigraham || 5||

शीतलचलात्मज हृदम्बुज भास्करंवीतराग योगिवृन्द चिदारङ्गनर्तकम् ।सारगं सनातनं समाधिकं सदानतंचिन्तयामहे सदाशिवं शिवार्धविग्रहम् ॥ ६॥

śītalacalātmaja hṛdambuja bhāskaraṃvītarāga yogivṛnda cidāraṅganartakam |sāragaṃ sanātanaṃ samādhikaṃ sadānataṃcintayāmahe sadāśivaṃ śivārdhavigraham || 6||

रामनाममन्त्र तत्त्वचिन्तनैकचेतसांकामनाशनं कृषाणु लोचनं निरञ्जनम् ।व्योमकेशमीश्वरं भवम्भवाब्धि तारकंचिन्तयामहे सदाशिवं शिवार्धविग्रहम् ॥ ७॥

rāmanāmamantra tattvacintanaikacetasāṃkāmanāśanaṃ kṛṣāṇu locanaṃ nirañjanam |vyomakeśamīśvaraṃ bhavambhavābdhi tārakaṃcintayāmahe sadāśivaṃ śivārdhavigraham || 7||

बन्धहीन लोकबन्धु मन्दकान्तकंसिन्दुरास्य बाहुलेय लालनलोलुपम् ।दण्डिचर्मचेलमीहितार्थधं सुखास्पदंचिन्तयामहे सदाशिवं शिवार्धविग्रहम् ॥ ८॥

bandhahīna lokabandhu mandakāntakaṃsindurāsya bāhuleya lālanalolupam |daṇḍicarmacelamīhitārthadhaṃ sukhāspadaṃcintayāmahe sadāśivaṃ śivārdhavigraham || 8||

सत्यचिद्घनं विकल्पहीनमक्शयं परंनित्यमीश्वरं कृशाणुरेतसं निरागसम् ।मृत्युभीतिभेदकं मृगेन्दुपुत्रपालकंचिन्तयामहे सदाशिवं शिवार्धविग्रहम् ॥ ९॥

satyacidghanaṃ vikalpahīnamakśayaṃ paraṃnityamīśvaraṃ kṛśāṇuretasaṃ nirāgasam |mṛtyubhītibhedakaṃ mṛgenduputrapālakaṃcintayāmahe sadāśivaṃ śivārdhavigraham || 9||

विष्टपोद्भवस्थिति प्रनाशकारणं शिवंदुष्टदैत्यसूदनं कपालशूलधारणम् ।शिष्टपालनं गिरीशमष्टमूर्तिमन्वहंचिन्तयामहे सदाशिवं शिवार्धविग्रहम् ॥ १०॥

viṣṭapodbhavasthiti pranāśakāraṇaṃ śivaṃduṣṭadaityasūdanaṃ kapālaśūladhāraṇam |śiṣṭapālanaṃ girīśamaṣṭamūrtimanvahaṃcintayāmahe sadāśivaṃ śivārdhavigraham || 10||

भूतनायकं विभूतिभूषणं विषाशिनंपाथगौकनाशनं पवित्रमस्थिमालिनम् ।जाटरूपकान्तिकाम्यकेशपाशशोभिनंचिन्तयामहे सदाशिवं शिवार्धविग्रहम् ॥ ११॥

bhūtanāyakaṃ vibhūtibhūṣaṇaṃ viṣāśinaṃpāthagaukanāśanaṃ pavitramasthimālinam |jāṭarūpakāntikāmyakeśapāśaśobhinaṃcintayāmahe sadāśivaṃ śivārdhavigraham || 11||

तारकेश शेखरं तमालनील कन्धरंतारकस्वरूपकं त्रिवर्गसिद्धिदायकम् ।तारकारि तोषणैक तत्परं दिगम्बरंचिन्तयामहे सदाशिवं शिवार्धविग्रहम् ॥ १२॥

tārakeśa śekharaṃ tamālanīla kandharaṃtārakasvarūpakaṃ trivargasiddhidāyakam |tārakāri toṣaṇaika tatparaṃ digambaraṃcintayāmahe sadāśivaṃ śivārdhavigraham || 12||

स्तोत्रमेतदुत्तमं समस्तसूरिभावितंगोत्रनन्दिनीपति प्रियङ्करं शिवङ्करम् ।श्रोत्रसौख्यहेतुकं मुदा सदापि यः पठेद्सार्द्रया सुगीत पूतमच्युतं पदं लभेत् ॥ १३॥

stotrametaduttamaṃ samastasūribhāvitaṃgotranandinīpati priyaṅkaraṃ śivaṅkaram |śrotrasaukhyahetukaṃ mudā sadāpi yaḥ paṭhedsārdrayā sugīta pūtamacyutaṃ padaṃ labhet || 13||

इति श्रीसदाशिवस्तोत्रं सम्पूर्णम् ।

iti śrīsadāśivastotraṃ sampūrṇam |