शैलेशचरणशरणाष्टकम् च Shri Shailesha Charana Sharana Ashtakam

गौरीमनोहर ! सुरासुरमौनिवृन्दसंसेविताङ्घ्रियुग ! चन्द्रकलावतंस !कैलासवास ! करुणाकर ! भक्तबन्धो !श्रीशैलवास ! चरणं शरणं तवास्मि ॥ १॥

gaurīmanohara ! surāsuramaunivṛndasaṃsevitāṅghriyuga ! candrakalāvataṃsa !kailāsavāsa ! karuṇākara ! bhaktabandho !śrīśailavāsa ! caraṇaṃ śaraṇaṃ tavāsmi || 1||

भक्तार्तिहार ! भवबन्धविनाशकेश !दिव्यापगाकलितकान्तजटाकलाप !शेषाहिभूष! वृषवाहन ! व्योमकेश !श्रीशैलवास ! चरणं शरणं तवास्मि ॥ २॥

bhaktārtihāra ! bhavabandhavināśakeśa !divyāpagākalitakāntajaṭākalāpa !śeṣāhibhūṣa! vṛṣavāhana ! vyomakeśa !śrīśailavāsa ! caraṇaṃ śaraṇaṃ tavāsmi || 2||

भृङ्गीशसेवित ! गणेशकुमारतात !मृत्युञ्जय ! त्रिपुरदानवभेदकारिन् !पाणावुपात्तमृगडामरुकत्रिशूल !श्रीशैलवास ! चरणं शरणं तवास्मि ॥ ३॥

bhṛṅgīśasevita ! gaṇeśakumāratāta !mṛtyuñjaya ! tripuradānavabhedakārin !pāṇāvupāttamṛgaḍāmarukatriśūla !śrīśailavāsa ! caraṇaṃ śaraṇaṃ tavāsmi || 3||

नागेन्द्रचर्मवसनाग्निरवीन्दुनेत्र !नारायणीप्रिय ! महेश ! नगेश ! शम्भो !मौनिप्रियाश्रितमहाफलदोग्ररूपश्रीशैलवास ! चरणं शरणं तवास्मि ॥ ४॥

nāgendracarmavasanāgniravīndunetra !nārāyaṇīpriya ! maheśa ! nageśa ! śambho !maunipriyāśritamahāphaladograrūpaśrīśailavāsa ! caraṇaṃ śaraṇaṃ tavāsmi || 4||

सर्वार्तिभञ्जन ! सदाशिव ! दानवारे !पार्थप्रहारकलितोत्तममूर्थभाग !यक्षेशसेवितपदाब्ज ! विभूतिदायिन् !श्रीशैलवास ! चरणं शरणं तवास्मि ॥ ५॥

sarvārtibhañjana ! sadāśiva ! dānavāre !pārthaprahārakalitottamamūrthabhāga !yakṣeśasevitapadābja ! vibhūtidāyin !śrīśailavāsa ! caraṇaṃ śaraṇaṃ tavāsmi || 5||

श्रीभ्रामरीश ! मदनान्तक ! कृत्तिवास !सर्पास्थिरुण्डकलितामलहारधारिन् !भूतेश ! खण्डपरशो ! भवबन्धनाश !श्रीशैलवास ! चरणं शरणं तवास्मि ॥ ६॥

śrībhrāmarīśa ! madanāntaka ! kṛttivāsa !sarpāsthiruṇḍakalitāmalahāradhārin !bhūteśa ! khaṇḍaparaśo ! bhavabandhanāśa !śrīśailavāsa ! caraṇaṃ śaraṇaṃ tavāsmi || 6||

सर्वागमस्तुत ! पवित्रचरित्र ! नाथ !यज्ञप्रिय ! प्रणतदेवगणोत्तमाङ्ग !कल्पद्रुमप्रसवपूजितदिव्यपाद !श्रीशैलवास ! चरणं शरणं तवास्मि ॥ ७॥

sarvāgamastuta ! pavitracaritra ! nātha !yajñapriya ! praṇatadevagaṇottamāṅga !kalpadrumaprasavapūjitadivyapāda !śrīśailavāsa ! caraṇaṃ śaraṇaṃ tavāsmi || 7||

शम्भो ! गिरीश ! हर ! शूलधरान्धकारे !श्रीशैलवास ! भ्रमराम्बिकया समेत !श्री पार्वतीदयित ! साक्षिगणाधिपेड्य !श्रीशैलवास ! चरणं शरणं तवास्मि ॥ ८॥

śambho ! girīśa ! hara ! śūladharāndhakāre !śrīśailavāsa ! bhramarāmbikayā sameta !śrī pārvatīdayita ! sākṣigaṇādhipeḍya !śrīśailavāsa ! caraṇaṃ śaraṇaṃ tavāsmi || 8||

श्रीशैलं, शिखरेश्वरं , गणपतिं, श्रीहाटकेशं पुनस्सारङ्गेश्वर, बिन्दुतीर्थममलं, घण्टार्कसिद्धेश्वरंगङ्गां श्री भ्रमराम्बिकां गिरिसुतामारामवीरेश्वरंशङ्खं चक्रवराहतीर्थकलितं श्रीशैलनाथं भजे ॥ ९॥

śrīśailaṃ, śikhareśvaraṃ , gaṇapatiṃ, śrīhāṭakeśaṃ punassāraṅgeśvara, bindutīrthamamalaṃ, ghaṇṭārkasiddheśvaraṃgaṅgāṃ śrī bhramarāmbikāṃ girisutāmārāmavīreśvaraṃśaṅkhaṃ cakravarāhatīrthakalitaṃ śrīśailanāthaṃ bhaje || 9||

इति श्रीशैलेशचरणशरणाष्टकं सम्पूर्णम् ।

iti śrīśaileśacaraṇaśaraṇāṣṭakaṃ sampūrṇam |