रवलनाथस्तवराजस्तोत्रम् Shri Ravalanatha Shtavaraja Shtotram

श्रीगणेशाय नमः ॥ श्रीरवलनाथाय नमः ॥खड्गशूलडमरुपात्रदधानं रत्नभूधरमणिरणदीक्षि ।तुरङ्गवाहनमयं हतदैत्यं तं नमामि ॥ १॥

śrīgaṇeśāya namaḥ || śrīravalanāthāya namaḥ ||khaḍgaśūlaḍamarupātradadhānaṃ ratnabhūdharamaṇiraṇadīkṣi |turaṅgavāhanamayaṃ hatadaityaṃ taṃ namāmi || 1||

सततं कुलदैवतं देवं दक्षिणकेदारं रत्नाचलनिवासिनम् ।जमदग्निमहं वन्दे रवलेशमभीष्टदम् ॥ २॥

satataṃ kuladaivataṃ devaṃ dakṣiṇakedāraṃ ratnācalanivāsinam |jamadagnimahaṃ vande ravaleśamabhīṣṭadam || 2||

रत्नासुरमिदंशूरं त्रिमूर्तिलिङ्गचिन्हितम् ।ज्योतिरवलनाथं च वन्दे देवारिमर्दनम् ॥ ३॥

ratnāsuramidaṃśūraṃ trimūrtiliṅgacinhitam |jyotiravalanāthaṃ ca vande devārimardanam || 3||

एकवीरापतिं सौम्यं ज्योतिर्लिङ्गम्परन्तपम् ।रवलाख्यं महाभागं वन्दे भक्तार्तिनाशनम् ॥ ४॥

ekavīrāpatiṃ saumyaṃ jyotirliṅgamparantapam |ravalākhyaṃ mahābhāgaṃ vande bhaktārtināśanam || 4||

त्रिशूलं डमरुं खड्गं पात्रं च करपङ्कजैः ।बिभ्राणरेणुकानाथं वन्दे तं रवलेश्वरम् ॥ ५॥

triśūlaṃ ḍamaruṃ khaḍgaṃ pātraṃ ca karapaṅkajaiḥ |bibhrāṇareṇukānāthaṃ vande taṃ ravaleśvaram || 5||

महालक्ष्मीप्रियं शान्तं ब्रह्माविष्णुशिवात्मकम् ।ब्रह्मकर्मरतं दान्तं वन्दे कामप्रदं द्विजम् ॥ ६॥

mahālakṣmīpriyaṃ śāntaṃ brahmāviṣṇuśivātmakam |brahmakarmarataṃ dāntaṃ vande kāmapradaṃ dvijam || 6||

शेषस्थं करुणासिन्धुं कारुण्यं कविताप्रदम् ।दैत्यघ्नं वसुदं विप्रं वन्दे वैरिविमर्दनम् ॥ ७॥

śeṣasthaṃ karuṇāsindhuṃ kāruṇyaṃ kavitāpradam |daityaghnaṃ vasudaṃ vipraṃ vande vairivimardanam || 7||

कुण्डलिनं विरूपीणं शुभं यज्ञोपवीतिनम् ।वाणगी नूपुरारावसंयुक्तं वन्दे पन्नगवाहनम् ॥ ८॥

kuṇḍalinaṃ virūpīṇaṃ śubhaṃ yajñopavītinam |vāṇagī nūpurārāvasaṃyuktaṃ vande pannagavāhanam || 8||

दीनानाथं नाथनाथं सिद्धिदं सिद्धिसेवितम् ।भुक्तिमुक्तिप्रदातारं वन्दे हंसकलात्मकम् ॥ ९॥

dīnānāthaṃ nāthanāthaṃ siddhidaṃ siddhisevitam |bhuktimuktipradātāraṃ vande haṃsakalātmakam || 9||

य इदं स्तवराजं तु रवलेशमहात्मनः ।त्रिकालंयोजपेत्प्राज्ञस्तस्यस्याद्वाञ्छितं फलम् ॥ १०॥

ya idaṃ stavarājaṃ tu ravaleśamahātmanaḥ |trikālaṃyojapetprājñastasyasyādvāñchitaṃ phalam || 10||

शतावृत्या व्याधिनाशं सहस्राद्वर्तनाद्वसु ।विद्यायुष्यं लभेच्छीघ्रं भवत्येव न संशयः ॥ ११॥

śatāvṛtyā vyādhināśaṃ sahasrādvartanādvasu |vidyāyuṣyaṃ labhecchīghraṃ bhavatyeva na saṃśayaḥ || 11||

धर्मार्थकाममोक्षाणां प्राप्तिस्यान्नित्यजाप्यतः ।इति श्रीब्रह्माण्डपुराणे अगस्तिनारदसंवादे श्रीरवलनाथस्तवराजस्तोत्रं सम्पूर्णम् ।श्रीनाथचरणार्पणमस्तु ॥॥ शुभं भवतु ॥

dharmārthakāmamokṣāṇāṃ prāptisyānnityajāpyataḥ |iti śrībrahmāṇḍapurāṇe agastināradasaṃvāde śrīravalanāthastavarājastotraṃ sampūrṇam |śrīnāthacaraṇārpaṇamastu |||| śubhaṃ bhavatu ||