रामलिङ्गाष्टकम् Shri Ramalinga Ashtakam

वेदवृन्दवन्दितं वरेण्यरूपसुन्दरंधेनुदुग्धदोहफेनसन्निभं सदाशिवम् ।ध्यानध्येयमप्रमेयमग्रणे(गण्)यमीश्वरं(श्री) रामलिङ्गमाद्यमीशमीश्वरं स्मराम्यहम् ॥ १॥

vedavṛndavanditaṃ vareṇyarūpasundaraṃdhenudugdhadohaphenasannibhaṃ sadāśivam |dhyānadhyeyamaprameyamagraṇe(gaṇ)yamīśvaraṃ(śrī) rāmaliṅgamādyamīśamīśvaraṃ smarāmyaham || 1||

पञ्चवक्त्रमीदृशं भुजङ्गमेशवन्दितंभानुतारकेश्वरानलत्रिनेत्रधारिणम् ।नागराजभूषणं विभूतिदेहधूसरं(श्री) रामलिङ्गमाद्यमीशमीश्वरं स्मराम्यहम् ॥ २॥

pañcavaktramīdṛśaṃ bhujaṅgameśavanditaṃbhānutārakeśvarānalatrinetradhāriṇam |nāgarājabhūṣaṇaṃ vibhūtidehadhūsaraṃ(śrī) rāmaliṅgamādyamīśamīśvaraṃ smarāmyaham || 2||

पार्वतीपयोधरप्रभाविहारलालसंक्रीडनाय शैलजार्धदेहभागभोगिनम् ।उर्वशीमुखाभिरेव ताण्डवानुरञ्जितं(श्री) रामलिङ्गमाद्यमीशमीश्वरं स्मराम्यहम् ॥ ३॥

pārvatīpayodharaprabhāvihāralālasaṃkrīḍanāya śailajārdhadehabhāgabhoginam |urvaśīmukhābhireva tāṇḍavānurañjitaṃ(śrī) rāmaliṅgamādyamīśamīśvaraṃ smarāmyaham || 3||

घण्टिकात्रिशूलपाशयन्त्रराजधारिणंश्रीवसन्तभैरवादिसर्वरागरागिणम् ।बिल्वरुज्य(रुच्य)पद्ममल्लिकादिपुष्पपूजितं(श्री) रामलिङ्गमाद्यमीशमीश्वरं स्मराम्यहम् ॥ ४॥

ghaṇṭikātriśūlapāśayantrarājadhāriṇaṃśrīvasantabhairavādisarvarāgarāgiṇam |bilvarujya(rucya)padmamallikādipuṣpapūjitaṃ(śrī) rāmaliṅgamādyamīśamīśvaraṃ smarāmyaham || 4||

नेत्रजातवेदसा प्रसूनपञ्चबाणहंदक्षयज्ञवेदगर्भ(?)मन्त्रतानुरञ्जितम् ।श्रीहरं पुरापहं सुरावलीसुखप्रदं(श्री) रामलिङ्गमाद्यमीशमीश्वरं स्मराम्यहम् ॥ ५॥

netrajātavedasā prasūnapañcabāṇahaṃdakṣayajñavedagarbha(?)mantratānurañjitam |śrīharaṃ purāpahaṃ surāvalīsukhapradaṃ(śrī) rāmaliṅgamādyamīśamīśvaraṃ smarāmyaham || 5||

धूर्जटिं त्रिलोचनं मृडाह्वयं सदाशिवंसुन्दरं वृषाधिरूढमम्बयानुरञ्जितम् ।शङ्करं कपर्दिनं महेश्वरं हरं शिवं(श्री) रामलिङ्गमाद्यमीशमीश्वरं स्मराम्यहम् ॥ ६॥

dhūrjaṭiṃ trilocanaṃ mṛḍāhvayaṃ sadāśivaṃsundaraṃ vṛṣādhirūḍhamambayānurañjitam |śaṅkaraṃ kapardinaṃ maheśvaraṃ haraṃ śivaṃ(śrī) rāmaliṅgamādyamīśamīśvaraṃ smarāmyaham || 6||

ज्योतीरूपमिन्दुमौलिमङ्गलप्रदं हरंविश्वसृष्टिरक्षमीषणं महेश्वरं (रक्षणप्रणाशहेतुमीश्वरम्) ।लिङ्गरूपमद्वयं(च)जाह्नवीतटी(जटा)धरं(श्री) रामलिङ्गमाद्यमीशमीश्वरं स्मराम्यहम् ॥ ७॥

jyotīrūpamindumaulimaṅgalapradaṃ haraṃviśvasṛṣṭirakṣamīṣaṇaṃ maheśvaraṃ (rakṣaṇapraṇāśahetumīśvaram) |liṅgarūpamadvayaṃ(ca)jāhnavītaṭī(jaṭā)dharaṃ(śrī) rāmaliṅgamādyamīśamīśvaraṃ smarāmyaham || 7||

तथैव विश्वनाथमेव काशिकापुरे स्थितंश्रीगिरौ च मल्लिकार्जुनेश्वरं सुरेश्वरम् ।तथैव नर्मदातटे त्रिशूलपाणिनं शिवं(श्री) रामलिङ्गमाद्यमीशमीश्वरं स्मराम्यहम् ॥ ८॥

tathaiva viśvanāthameva kāśikāpure sthitaṃśrīgirau ca mallikārjuneśvaraṃ sureśvaram |tathaiva narmadātaṭe triśūlapāṇinaṃ śivaṃ(śrī) rāmaliṅgamādyamīśamīśvaraṃ smarāmyaham || 8||

रामलिङ्गाष्टकं पुण्यं यः पठेच्छिवसन्निधौ ।शिवलोकमवाप्नोति शिवेन सह मोदते ॥ ९॥

rāmaliṅgāṣṭakaṃ puṇyaṃ yaḥ paṭhecchivasannidhau |śivalokamavāpnoti śivena saha modate || 9||

॥ इति श्रीरामलिङ्गाष्टकं सम्पूर्णम् ॥

|| iti śrīrāmaliṅgāṣṭakaṃ sampūrṇam ||