शिवस्तोत्रम् (सार्थं सन्ध्याकृतम् शिवपुराणान्तर्गतम् निराकारं ज्ञानगम्यं) Shivastotram by Sandhya with Hindi Translation

सन्ध्योवाच ।निराकारं ज्ञानगम्यं परं यन्नैव स्थूलं नापि सूक्ष्ममेव न चोच्चम् ।अन्तश्चिन्त्यं योगिभिस्तस्य रूपं तस्मै तुभ्यं लोककर्त्रे नमोऽस्तु ॥ १२॥

sandhyovāca |nirākāraṃ jñānagamyaṃ paraṃ yannaiva sthūlaṃ nāpi sūkṣmameva na coccam |antaścintyaṃ yogibhistasya rūpaṃ tasmai tubhyaṃ lokakartre namo'stu || 12||

सर्वं शान्तं निर्मलं निर्विकारं ज्ञानागम्यं स्वप्रकाशेऽविकारम् ।खाध्वप्रख्यं ध्वान्तमार्गात्परस्ताद्रूपं यस्य त्वां नमामि प्रसन्नम् ॥ १३॥

sarvaṃ śāntaṃ nirmalaṃ nirvikāraṃ jñānāgamyaṃ svaprakāśe'vikāram |khādhvaprakhyaṃ dhvāntamārgātparastādrūpaṃ yasya tvāṃ namāmi prasannam || 13||

एकं शुद्धं दीप्यमानं तथाजं चिदानन्दं सहजं चाविकारि ।नित्यानन्दं सत्यभूतिप्रसन्नं यस्य श्रीदं रुपमस्मै नमस्ते ॥ १४॥

ekaṃ śuddhaṃ dīpyamānaṃ tathājaṃ cidānandaṃ sahajaṃ cāvikāri |nityānandaṃ satyabhūtiprasannaṃ yasya śrīdaṃ rupamasmai namaste || 14||

विद्याकारोद्भावनीयं प्रभिन्नं सत्त्वच्छन्दं ध्येयमात्मस्वरूपम् ।सारं पारं पावनानां पवित्रं तस्मै रूपं यस्य चैवं नमस्ते ॥ १५॥

vidyākārodbhāvanīyaṃ prabhinnaṃ sattvacchandaṃ dhyeyamātmasvarūpam |sāraṃ pāraṃ pāvanānāṃ pavitraṃ tasmai rūpaṃ yasya caivaṃ namaste || 15||

यत्त्वाकारं शुद्धरूपं मनोज्ञं रत्नाकल्पं स्वच्छकर्पूरगौरम् ।इष्टाभीती शूलमुण्डे दधानं हस्तैर्नमोयोगयुक्ताय तुभ्यम् ॥ १६॥

yattvākāraṃ śuddharūpaṃ manojñaṃ ratnākalpaṃ svacchakarpūragauram |iṣṭābhītī śūlamuṇḍe dadhānaṃ hastairnamoyogayuktāya tubhyam || 16||

गगनं भूर्दिशश्चैव सलिलं ज्योतिरेव च ।पुनः कालश्च रूपाणि यस्य तुभ्यं नमोऽस्तु ते ॥ १७॥

gaganaṃ bhūrdiśaścaiva salilaṃ jyotireva ca |punaḥ kālaśca rūpāṇi yasya tubhyaṃ namo'stu te || 17||

प्रधान पुरुषौ यस्य कायत्वेन विनिर्गतौ ।तस्मादव्यक्तरूपाय शङ्कराय नमो नमः ॥ १८॥

pradhāna puruṣau yasya kāyatvena vinirgatau |tasmādavyaktarūpāya śaṅkarāya namo namaḥ || 18||

यो ब्रह्मा कुरुते सृष्टिं यो विष्णुः कुरुते स्थितिम् ।संहरिष्यति यो रुद्रस्तस्मै तुभ्यं नमो नमः ॥ १९॥

yo brahmā kurute sṛṣṭiṃ yo viṣṇuḥ kurute sthitim |saṃhariṣyati yo rudrastasmai tubhyaṃ namo namaḥ || 19||

नमो नमः कारणकारणाय दिव्यामृत ज्ञानविभूतिदाय ।समस्त लोकान्तर भूतिदाय प्रकाश रूपाय परात्पराय ॥ २०॥

namo namaḥ kāraṇakāraṇāya divyāmṛta jñānavibhūtidāya |samasta lokāntara bhūtidāya prakāśa rūpāya parātparāya || 20||

यस्याऽपरं नो जगदुच्यते पदात् क्षितिर्दिशस्सूर्य इन्दुर्मनोजः ।बहिर्मुखा नाभितश्चान्तरिक्षं तस्मै तुभ्यं शम्भवे मे नमोऽस्तु ॥ २१॥

yasyā'paraṃ no jagaducyate padāt kṣitirdiśassūrya indurmanojaḥ |bahirmukhā nābhitaścāntarikṣaṃ tasmai tubhyaṃ śambhave me namo'stu || 21||

त्वं परः परमात्मा च त्वं विद्या विविधा हरः ।सद्ब्रह्म च परं ब्रह्म विचारणपरायणः ॥ २२॥

tvaṃ paraḥ paramātmā ca tvaṃ vidyā vividhā haraḥ |sadbrahma ca paraṃ brahma vicāraṇaparāyaṇaḥ || 22||

यस्य नादिर्न मध्यं च नान्तमस्ति जगद्यतः ।कथं स्तोष्यामि तं देवं वाङ्मनोगोचरं हरम् ॥ २३॥

yasya nādirna madhyaṃ ca nāntamasti jagadyataḥ |kathaṃ stoṣyāmi taṃ devaṃ vāṅmanogocaraṃ haram || 23||

यस्य ब्रह्मादयो देवा मुनयश्च तपोधनाः ।न विप्रण्वन्ति रूपाणि वर्णनीयः कथं स मे ॥ २४॥

yasya brahmādayo devā munayaśca tapodhanāḥ |na vipraṇvanti rūpāṇi varṇanīyaḥ kathaṃ sa me || 24||

स्त्रिया मया ते किं ज्ञेया निर्गुणस्य गुणाः प्रभो ।नैव जानन्ति यद्रूपं सेन्द्रा अपि सुरासुराः ॥ २५॥

striyā mayā te kiṃ jñeyā nirguṇasya guṇāḥ prabho |naiva jānanti yadrūpaṃ sendrā api surāsurāḥ || 25||

नमस्तुभ्यं महेशान नमस्तुभ्यं तपोमय ।प्रसीद शम्भो देवेश भूयो भूयो नमोऽस्तु ते ॥ २६॥

namastubhyaṃ maheśāna namastubhyaṃ tapomaya |prasīda śambho deveśa bhūyo bhūyo namo'stu te || 26||

॥ ॐ शिवार्पणमस्तु ॥हिन्दी भावार्थ हे प्रभो ! आप निराकार ज्ञान से परे हैं, न सूक्ष्मआपको नमस्कार है । एक शुद्ध प्रकाशमान अज चिदानन्द सहजवाले योगयुक्त आपको मेरा तमस्कार है । आकाश पृथ्वी, दिक् जल,ज्योति, समय, रूपवाले आपके लिये मेरा नमस्कार है । जिसके शरीरब्रह्मादिक देवता तप रूप धनवाले मुनि नहीं जान सकते उन्हें मैंसकती हूँ अर्थात् कदापि नहीम् । हे महेशान ! आपके लिए नमस्कार है,इति श्रीशिवमहापुराणे रुद्रसंहितायां सती खण्डे षष्ठोऽध्यायान्तर्गतंसन्ध्याकृतशिवस्तोत्रं सम्पूर्णम् ।शिवपुराण (रुद्र संहिताया २/ सती खण्ड २/ अ। ६/ श्लोक १२-२६)

|| oṃ śivārpaṇamastu ||hindī bhāvārtha he prabho ! āpa nirākāra jñāna se pare haiṃ, na sūkṣmaāpako namaskāra hai | eka śuddha prakāśamāna aja cidānanda sahajavāle yogayukta āpako merā tamaskāra hai | ākāśa pṛthvī, dik jala,jyoti, samaya, rūpavāle āpake liye merā namaskāra hai | jisake śarīrabrahmādika devatā tapa rūpa dhanavāle muni nahīṃ jāna sakate unheṃ maiṃsakatī hūm̐ arthāt kadāpi nahīm | he maheśāna ! āpake lie namaskāra hai,iti śrīśivamahāpurāṇe rudrasaṃhitāyāṃ satī khaṇḍe ṣaṣṭho'dhyāyāntargataṃsandhyākṛtaśivastotraṃ sampūrṇam |śivapurāṇa (rudra saṃhitāyā 2/ satī khaṇḍa 2/ a| 6/ śloka 12-26)