शिवस्तवः २ Shivastavah 2

॥ शिवस्तवः ॥ॐ नमः शिवाय शर्वाय देवदेवाय वै नमः ।रुद्राय भुवनेशाय शिवरूपाय वै नमः ॥ १॥

|| śivastavaḥ ||oṃ namaḥ śivāya śarvāya devadevāya vai namaḥ |rudrāya bhuvaneśāya śivarūpāya vai namaḥ || 1||

त्वं शिवस्त्वं महादेव ईश्वरः परमेश्वरः ।ब्रह्मा विष्णुश्च रुद्रश्च पुरुषः प्रकृतिस्तथा ॥ २॥

tvaṃ śivastvaṃ mahādeva īśvaraḥ parameśvaraḥ |brahmā viṣṇuśca rudraśca puruṣaḥ prakṛtistathā || 2||

त्वं कालस्त्वं यमो मृत्युर्वरुणस्त्वं कुबेरकः ।इन्द्रः सूर्यः शशाङ्कश्च ग्रहनक्षत्रतारकः ॥ ३॥

tvaṃ kālastvaṃ yamo mṛtyurvaruṇastvaṃ kuberakaḥ |indraḥ sūryaḥ śaśāṅkaśca grahanakṣatratārakaḥ || 3||

पृथिवी सलिलं त्वं हि त्वमग्निर्वायुरेव च ।आकाशं त्वं परं शून्यं सकलं निष्कलं तथा ॥ ४॥

pṛthivī salilaṃ tvaṃ hi tvamagnirvāyureva ca |ākāśaṃ tvaṃ paraṃ śūnyaṃ sakalaṃ niṣkalaṃ tathā || 4||

अशुचिर्वा शुचिर्वापि सर्वकामगतोऽपि वा ।चिन्तयेद्देवमीशानं स बाह्याभ्यन्तरः शुचिः ॥ ५॥

aśucirvā śucirvāpi sarvakāmagato'pi vā |cintayeddevamīśānaṃ sa bāhyābhyantaraḥ śuciḥ || 5||

नमस्ते देवदेवेश त्वत्प्रसादाद्वदाम्यहम् ।वाक्ये हीनेऽतिरिक्ते वा मां क्षमस्व सुरोत्तम ॥ ६॥

namaste devadeveśa tvatprasādādvadāmyaham |vākye hīne'tirikte vā māṃ kṣamasva surottama || 6||

नमस्ते देवदेवेश ईशान वरदाच्युत ।मम सिद्धिं भूयश्च (सिद्धिः सदा भूयात्) सर्वकार्येषु शंकर ॥ ७॥

namaste devadeveśa īśāna varadācyuta |mama siddhiṃ bhūyaśca (siddhiḥ sadā bhūyāt) sarvakāryeṣu śaṃkara || 7||

ब्रह्मा विष्णुरीश्वरश्च महादेव नमोऽस्तु ते ।सर्वकार्यं प्रसिध्यतां क्षमानुग्रहकारण ॥ ८॥

brahmā viṣṇurīśvaraśca mahādeva namo'stu te |sarvakāryaṃ prasidhyatāṃ kṣamānugrahakāraṇa || 8||

॥ शुभम् ॥नमः शब्दगुणायास्तु व्यतीतेन्द्रियवर्त्मने ।विश्वतो व्यश्नुवानाय व्योमरूपाय शम्भवे ॥ १॥

|| śubham ||namaḥ śabdaguṇāyāstu vyatītendriyavartmane |viśvato vyaśnuvānāya vyomarūpāya śambhave || 1||

उन्मना या सती कान्ता नितान्तशिवसङ्गता ।जगद्धिताय चाशास्तु सा शक्तिरचलात्मजा ॥ २॥

unmanā yā satī kāntā nitāntaśivasaṅgatā |jagaddhitāya cāśāstu sā śaktiracalātmajā || 2||

जयतीन्दु रवि व्योम वाय्वात्म क्ष्मा जलानलैः ।तनोति तनुभिः शम्भुर्योऽष्टभिरखिलं जगत् ॥ ३॥

jayatīndu ravi vyoma vāyvātma kṣmā jalānalaiḥ |tanoti tanubhiḥ śambhuryo'ṣṭabhirakhilaṃ jagat || 3||

यमान्तरं ज्योतिरुपासते बुधाः निरुत्तरं ब्रह्मपदं जिगीषवः ॥ १॥

yamāntaraṃ jyotirupāsate budhāḥ niruttaraṃ brahmapadaṃ jigīṣavaḥ || 1||

तपश्श्रुतेज्याविधयो यदर्पणा\(त्\) भवन्त्यनिर्देश्यफलानुबन्धिनः ।न केवलं तत्फलयोगसंगिनामसंगिनां कर्मफलत्यजामपि ॥ २॥

tapaśśrutejyāvidhayo yadarpaṇā\(t\) bhavantyanirdeśyaphalānubandhinaḥ |na kevalaṃ tatphalayogasaṃgināmasaṃgināṃ karmaphalatyajāmapi || 2||

निसर्गसिद्धैरणिमादिभिर्गुणैरुपेतमंगीकृतशक्तिविस्तरईः (रम्)।धियामतीतं वचसामगोचरमनास्पदं यस्य पदं विदुर्बुधाः ॥ ३॥

nisargasiddhairaṇimādibhirguṇairupetamaṃgīkṛtaśaktivistaraīḥ (ram)|dhiyāmatītaṃ vacasāmagocaramanāspadaṃ yasya padaṃ vidurbudhāḥ || 3||

॥ ॐ तत्सत् ॥

|| oṃ tatsat ||