शिवस्तुतिः परशुरामकृता Shivastuti

परशुराम उवाचनमस्ते देवदेवाय शङ्करायादिमूर्त्तये ।नमः शर्वाय शान्ताय शाश्वताय नमोनमः ॥ १॥

paraśurāma uvācanamaste devadevāya śaṅkarāyādimūrttaye |namaḥ śarvāya śāntāya śāśvatāya namonamaḥ || 1||

नमस्ते नीलकण्ठाय नीललोहितमूर्त्तये ।नमस्ते भूतनाथाय भूतवासाय ते नमः ॥ २॥

namaste nīlakaṇṭhāya nīlalohitamūrttaye |namaste bhūtanāthāya bhūtavāsāya te namaḥ || 2||

व्यक्ताव्यक्तस्वरूपाय महादेवाय मीढुषे ।शिवाय बहुरूपाय त्रिनेत्राय नमोनमः ॥ ३॥

vyaktāvyaktasvarūpāya mahādevāya mīḍhuṣe |śivāya bahurūpāya trinetrāya namonamaḥ || 3||

शरणं भव मे शर्व त्वद्भक्तस्य जगत्पते ।भूयोऽनन्याश्रयाणां तु त्वमेव हि परायणम् ॥ ४॥

śaraṇaṃ bhava me śarva tvadbhaktasya jagatpate |bhūyo'nanyāśrayāṇāṃ tu tvameva hi parāyaṇam || 4||

यन्मयाऽपकृतं देव दुरुक्तं वापि शङ्कर ।अजानता त्वां भगवन्मम तत्क्षन्तुमर्हसि ॥ ५॥

yanmayā'pakṛtaṃ deva duruktaṃ vāpi śaṅkara |ajānatā tvāṃ bhagavanmama tatkṣantumarhasi || 5||

अनन्यवेद्यरुपस्य सद्भावमिह कः पुमान् ।त्वामृते तव सर्वेश सम्यक्शक्नोति वेदितुम् ॥ ६॥

ananyavedyarupasya sadbhāvamiha kaḥ pumān |tvāmṛte tava sarveśa samyakśaknoti veditum || 6||

तस्मात्त्वं सर्वभावेन प्रसीद मम शङ्कर ।नान्यास्ति मे गतिस्तुभ्यं नमो भूयो नमो नमः ॥ ७॥

tasmāttvaṃ sarvabhāvena prasīda mama śaṅkara |nānyāsti me gatistubhyaṃ namo bhūyo namo namaḥ || 7||

॥ इति ब्रह्माण्डपुराणान्तर्गता परशुरामप्रोक्ता शिवस्तुतिः ॥ब्रह्माण्डपुराणम् ॥ मध्यभागः ३ उपोद्घातपादः ।अध्यायः २४ शिवेनायुधादिदानम् । २५३१ ॥

|| iti brahmāṇḍapurāṇāntargatā paraśurāmaproktā śivastutiḥ ||brahmāṇḍapurāṇam || madhyabhāgaḥ 3 upodghātapādaḥ |adhyāyaḥ 24 śivenāyudhādidānam | 2531 ||