अरुणाचलक्षेत्रवर्णनम् शिवप्रोक्तं Shivaproktam Arunachalakshetravarnanam

(शिवरहस्यान्तर्गते उग्राख्ये)श्रीशिव उवाचशिवे सुक्षेत्रमस्त्येकमरुणाचलनामकम् ।अरुणाचलनाथस्य स्मरणं मङ्गलप्रदम् ॥ १॥

(śivarahasyāntargate ugrākhye)śrīśiva uvācaśive sukṣetramastyekamaruṇācalanāmakam |aruṇācalanāthasya smaraṇaṃ maṅgalapradam || 1||

तत्र सन्ति महान्तो हि शिवशास्त्रविशारदाः ।रुद्राक्षभस्माभरणाः श्रीरुद्राध्यायजापकाः ॥ २॥

tatra santi mahānto hi śivaśāstraviśāradāḥ |rudrākṣabhasmābharaṇāḥ śrīrudrādhyāyajāpakāḥ || 2||

तत्र ब्रह्मसरो नाम सरस्तिष्ठति शोभने ।तत्रैकस्नानमात्रेण मुच्यन्ते सर्वकिल्बिषैः ॥ ३॥

tatra brahmasaro nāma sarastiṣṭhati śobhane |tatraikasnānamātreṇa mucyante sarvakilbiṣaiḥ || 3||

शिवे मकरसङ्क्रान्तावरुणाचलनायकम् ।दृष्ट्वा विमुच्यते पापैरन्तैरपि सर्वथा ॥ ४॥

śive makarasaṅkrāntāvaruṇācalanāyakam |dṛṣṭvā vimucyate pāpairantairapi sarvathā || 4||

तत्रारुणाचलेशस्य रविसङ्क्रमणे शुचिः ।एकं प्रदक्षिणं कृत्वा न पुनर्गर्भभाग्भवेत् ॥ ५॥

tatrāruṇācaleśasya ravisaṅkramaṇe śuciḥ |ekaṃ pradakṣiṇaṃ kṛtvā na punargarbhabhāgbhavet || 5||

विष्णुब्रह्मादयो देवा रविसङ्क्रमणे शिवे ।तत्रारुणाचलेशस्य कुर्वन्त्येव प्रदक्षिणम् ॥ ६॥

viṣṇubrahmādayo devā ravisaṅkramaṇe śive |tatrāruṇācaleśasya kurvantyeva pradakṣiṇam || 6||

अरुणाचलनाथं यो रथारूढं विलोकयेत् ।न तस्य भूयः संसारसागरे पतनं शिवे ॥ ७॥

aruṇācalanāthaṃ yo rathārūḍhaṃ vilokayet |na tasya bhūyaḥ saṃsārasāgare patanaṃ śive || 7||

वेदाः स्तुवन्ति सततमरुणाचलनायकम् ।मुनयः सिद्धगन्धर्वाः स्तुवन्ति सततं शिवे ॥ ८॥

vedāḥ stuvanti satatamaruṇācalanāyakam |munayaḥ siddhagandharvāḥ stuvanti satataṃ śive || 8||

॥ इति शिवरहस्यान्तर्गते शिवप्रोक्तं अरुणाचलक्षेत्रवर्णनं सम्पूर्णम् ॥॥ श्रीशिवरहस्यम् । उग्राख्यः सप्तमांशः । अध्यायः २१। १८॥

|| iti śivarahasyāntargate śivaproktaṃ aruṇācalakṣetravarṇanaṃ sampūrṇam |||| śrīśivarahasyam | ugrākhyaḥ saptamāṃśaḥ | adhyāyaḥ 21| 18||

– ॥ श्रीशिवरहस्यम् ।उग्राख्यः सप्तमांशः ।अध्यायः २१ ।१-८॥

– || śrīśivarahasyam |ugrākhyaḥ saptamāṃśaḥ |adhyāyaḥ 21 | 1-8||