चिदम्बरक्षेत्रवर्णनम् शिवप्रोक्तं Shivaproktam Chidambarakshetravarnanam

(शिवरहस्यान्तर्गते उग्राख्ये)शिवपार्तवतीसंवादेश्रीशिवःचिदम्बराभिधं क्षेत्रं शिवक्षेत्रमनुत्तमम् ।तदप्येकं महत्स्थानं मम प्रियकरं शिवे ॥ १॥

(śivarahasyāntargate ugrākhye)śivapārtavatīsaṃvādeśrīśivaḥcidambarābhidhaṃ kṣetraṃ śivakṣetramanuttamam |tadapyekaṃ mahatsthānaṃ mama priyakaraṃ śive || 1||

वसामि तत्र सततं ब्रह्मविष्ण्वादिपूजितः ।तत्र मां मुनयः सर्वे सेवन्ते प्रत्यहं शिवे ॥ २॥

vasāmi tatra satataṃ brahmaviṣṇvādipūjitaḥ |tatra māṃ munayaḥ sarve sevante pratyahaṃ śive || 2||

तस्मिन्नेव शिवस्थाने कोटिशः सन्ति शाङ्कराः ।तत्र रम्याणि तीर्थानि सन्ति पापहराणि च ॥ ३॥

tasminneva śivasthāne koṭiśaḥ santi śāṅkarāḥ |tatra ramyāṇi tīrthāni santi pāpaharāṇi ca || 3||

रुद्राक्षवनमस्त्येकं तत्र पापभयापहम् ।तत्र बिल्ववनं चास्ति सर्वदा नवपल्लवम् ॥ ४॥

rudrākṣavanamastyekaṃ tatra pāpabhayāpaham |tatra bilvavanaṃ cāsti sarvadā navapallavam || 4||

नित्यं शिवकथालापाः जायन्ते तत्र वल्लभे ।शिवैकशरणा एव तत्र सन्ति मम प्रियाः ॥ ५॥

nityaṃ śivakathālāpāḥ jāyante tatra vallabhe |śivaikaśaraṇā eva tatra santi mama priyāḥ || 5||

सदा मदासक्तचित्ताः सदा मत्पूजनप्रियाः ।सदा मदेकशरणाः सदा मदुपपादकाः ॥ ६॥

sadā madāsaktacittāḥ sadā matpūjanapriyāḥ |sadā madekaśaraṇāḥ sadā madupapādakāḥ || 6||

केचिद्वदन्ति मामीशं गौरीनाथेति सादरम् ।गौरीनाथेति नाम्नैव पूजयन्ति मुहुर्महुः ॥ ७॥

kecidvadanti māmīśaṃ gaurīnātheti sādaram |gaurīnātheti nāmnaiva pūjayanti muhurmahuḥ || 7||

केचिद्वदन्ति मामीशं शिवेत्यनिशमादरान् ।तन्नाम्नैव नमः पूर्वं बिल्वैरभ्यर्चयन्ति माम् ॥ ८॥

kecidvadanti māmīśaṃ śivetyaniśamādarān |tannāmnaiva namaḥ pūrvaṃ bilvairabhyarcayanti mām || 8||

केचिद्वदन्ति मामीशं शङ्करेत्यनिशं मुदा ।तन्नाम्नैव नमः पूर्वं बिल्वैरभ्यर्चयन्ति माम् ॥ ९॥

kecidvadanti māmīśaṃ śaṅkaretyaniśaṃ mudā |tannāmnaiva namaḥ pūrvaṃ bilvairabhyarcayanti mām || 9||

केचिद्वदन्ति मामीशं चन्द्रचूडेति सादरम् ।तन्नाम्नैव नमः पूर्वं बिल्वैरभ्यर्चयन्ति माम् ॥ १०॥

kecidvadanti māmīśaṃ candracūḍeti sādaram |tannāmnaiva namaḥ pūrvaṃ bilvairabhyarcayanti mām || 10||

केचिद्वदति मामीशं विश्वनाथेति सादरम् ।तन्नाम्नैव नमः पूर्वं बिल्वैरभ्यर्चयन्ति माम् ॥ १०॥

kecidvadati māmīśaṃ viśvanātheti sādaram |tannāmnaiva namaḥ pūrvaṃ bilvairabhyarcayanti mām || 10||

केचिद्वदन्ति मामीशमुमानाथेति सादरम् ।यावन्तः सन्ति विप्रेन्द्रा नित्यं श्रीमच्चिदम्बरे ॥ १२॥

kecidvadanti māmīśamumānātheti sādaram |yāvantaḥ santi viprendrā nityaṃ śrīmaccidambare || 12||

सर्वे वदन्ति ते नित्यं महादेव शिवेति च ।मन्नामचिह्निताः सर्वे सन्ति श्रीमच्चिदम्बरे ॥ १३॥

sarve vadanti te nityaṃ mahādeva śiveti ca |mannāmacihnitāḥ sarve santi śrīmaccidambare || 13||

मन्नामामृतपाः सर्वे श्रीचिदम्बरवासिनः ।श्रीमच्चिदम्बरे तीर्थे यावन्तः सन्ति साधवः ॥ १४॥

mannāmāmṛtapāḥ sarve śrīcidambaravāsinaḥ |śrīmaccidambare tīrthe yāvantaḥ santi sādhavaḥ || 14||

तावन्तोऽप्यर्चयन्त्येते मन्नामामृतपायिनः ।अमिताः सन्ति शैवेन्द्रा नित्यं श्रीमच्चिदम्बरे ॥ १५॥

tāvanto'pyarcayantyete mannāmāmṛtapāyinaḥ |amitāḥ santi śaivendrā nityaṃ śrīmaccidambare || 15||

चिदम्बरस्थशैवानां न सङ्ख्या विद्यते शिवे ।शिवगङ्गाभिधं तीर्थं तत्रास्त्येकं वरानने ॥ १६॥

cidambarasthaśaivānāṃ na saṅkhyā vidyate śive |śivagaṅgābhidhaṃ tīrthaṃ tatrāstyekaṃ varānane || 16||

तत्र स्नात्वा नरः सद्यो मुच्यते पापकोटिभिः ।आद्रायां पातयुक्तायां तत्र स्नात्वा यथाविधि ॥ १७॥

tatra snātvā naraḥ sadyo mucyate pāpakoṭibhiḥ |ādrāyāṃ pātayuktāyāṃ tatra snātvā yathāvidhi || 17||

दत्वा सुवर्णं शैवाय मुच्यते भवबन्धनात् ।शिवगङ्गातटे रम्ये नाट्यस्थलमुमेऽस्ति मे ॥ १८॥

datvā suvarṇaṃ śaivāya mucyate bhavabandhanāt |śivagaṅgātaṭe ramye nāṭyasthalamume'sti me || 18||

तत्र नाट्यं मया देवि क्रियते तव सन्निधौ ।श्रीमदभ्रसभानाथं नृत्यन्तं मां महेश्वरं (नटेश्वरम्) ॥ १९॥

tatra nāṭyaṃ mayā devi kriyate tava sannidhau |śrīmadabhrasabhānāthaṃ nṛtyantaṃ māṃ maheśvaraṃ (naṭeśvaram) || 19||

ब्रह्मविष्ण्वादयो देवाः सेवन्ते प्रत्यहं शिवे ।नृत्यन्तं मामुमे नित्यं महाताण्डवनायकम् ॥ २०॥

brahmaviṣṇvādayo devāḥ sevante pratyahaṃ śive |nṛtyantaṃ māmume nityaṃ mahātāṇḍavanāyakam || 20||

दृष्ट्वैव दूरतो देवास्तिष्ठन्ति भृशकस्पिताः ।स्वर्गादिकान्सप्त लोकान्भूरादीनखिलानपि ॥ २१॥

dṛṣṭvaiva dūrato devāstiṣṭhanti bhṛśakaspitāḥ |svargādikānsapta lokānbhūrādīnakhilānapi || 21||

समावृत्य मया तत्र कृतं नृत्यं मनोरमे ।तत्र लिङ्ग ममास्त्येकं श्रीमदभ्रसभास्थले ॥ २२॥

samāvṛtya mayā tatra kṛtaṃ nṛtyaṃ manorame |tatra liṅga mamāstyekaṃ śrīmadabhrasabhāsthale || 22||

तद्विलोकनमात्रेण न पुनर्भवबन्धनम् ।आर्द्रायां तस्य लिङ्गस्य दर्शनं यः करिष्यति ॥ २३॥

tadvilokanamātreṇa na punarbhavabandhanam |ārdrāyāṃ tasya liṅgasya darśanaṃ yaḥ kariṣyati || 23||

स महापापराशिभ्यो मुच्यते नात्र संशयः ।यन्मे मूलेश्वरं लिङ्गं मूलस्थाना (नाथा) भिधं शिवे ॥ २४॥

sa mahāpāparāśibhyo mucyate nātra saṃśayaḥ |yanme mūleśvaraṃ liṅgaṃ mūlasthānā (nāthā) bhidhaṃ śive || 24||

यन्मूलं सर्वजगतामुत्पत्यादेश्च कारणम् ।मूलस्थानेश्वरं दृष्ट्वा पातार्द्रासोमवासरे ॥ २५॥

yanmūlaṃ sarvajagatāmutpatyādeśca kāraṇam |mūlasthāneśvaraṃ dṛṣṭvā pātārdrāsomavāsare || 25||

बिल्वपत्रैः समभ्यर्च्य मद्रूपं प्राप्नुयान्नरः ।मूलेश्वरं समभ्यर्च्य जप्त्वा पञ्चाक्षरं ततः ॥ २६॥

bilvapatraiḥ samabhyarcya madrūpaṃ prāpnuyānnaraḥ |mūleśvaraṃ samabhyarcya japtvā pañcākṣaraṃ tataḥ || 26||

रुद्राध्यायं च जप्त्वान्ते मम सायुज्यमाप्नुयात् ।तत्र द्वादशसाहस्रं जप्त्वा पञ्चाक्षरं शिवे ॥ २७॥

rudrādhyāyaṃ ca japtvānte mama sāyujyamāpnuyāt |tatra dvādaśasāhasraṃ japtvā pañcākṣaraṃ śive || 27||

ब्रह्महत्यादिपापेभ्यो मुच्यते नात्र संशयः ।तत्र यन्निष्कमात्रं वा सुवर्णं सोदकं शिवे ॥ २८॥

brahmahatyādipāpebhyo mucyate nātra saṃśayaḥ |tatra yanniṣkamātraṃ vā suvarṇaṃ sodakaṃ śive || 28||

यो दद्याच्छिवभक्ताय स मुक्तो भवति ध्रुवम् । २९\।१॥ इति शिवरहस्यान्तर्गते शिवप्रोक्तं अरुणाचलक्षेत्रवर्णनं सम्पूर्णम् ॥॥ श्रीशिवरहस्यम् । उग्राख्यः सप्तमांशः । अध्यायः २४। १२९\।१॥– ॥ श्रीशिवरहस्यम् । उग्राख्यः सप्तमांशः । अध्यायः २४ । १-२९।१॥

yo dadyācchivabhaktāya sa mukto bhavati dhruvam | 29\|1|| iti śivarahasyāntargate śivaproktaṃ aruṇācalakṣetravarṇanaṃ sampūrṇam |||| śrīśivarahasyam | ugrākhyaḥ saptamāṃśaḥ | adhyāyaḥ 24| 129\|1||– || śrīśivarahasyam | ugrākhyaḥ saptamāṃśaḥ | adhyāyaḥ 24 | 1-29|1||