रुद्रकवचम् Rudrakavacham

॥ अथ श्री रुद्रकवचम् ॥ॐ अस्य श्रीरुद्रकवचस्तोत्रमहामन्त्रस्यदुर्वासा ऋषिः । अनुष्टुप्छन्दः । त्र्यम्बकरुद्रो देवता ।ह्रां बीजम् । श्रीं शक्तिः । ह्रीं कीलकम् ।मम मानसाभीष्टसिद्ध्यर्थे जपे विनियोगः ॥ह्रामित्यादि षड्दीर्घेष्षडङ्गन्यासः ॥॥ ध्यानम् ॥शान्तं पद्मासनस्थं शशिधरमकुटं पञ्चवक्त्रं त्रिनेत्रंशूलं वज्रञ्च खड्गं परशुमभयदं दक्षभागे महन्तम् । (दक्षिणाङ्गैर्वहन्तम्)नागं पाशं च घण्टां प्रलय हुतवहं साङ्कुशं वामभागे (घण्टां डमरुकसहितं)नानालङ्कारयुक्तं स्फटिकमणिनिभं पार्वतीशं नमामि ॥ (नानालङ्कारदीप्तं)॥ दुर्वासा उवाच ॥प्रणम्य शिरसा देवं स्वयम्भुं परमेश्वरम् ।एकं सर्वगतं देवं सर्वदेवमयं विभुम् ॥ १॥ (एवं)

|| atha śrī rudrakavacam ||oṃ asya śrīrudrakavacastotramahāmantrasyadurvāsā ṛṣiḥ | anuṣṭupchandaḥ | tryambakarudro devatā |hrāṃ bījam | śrīṃ śaktiḥ | hrīṃ kīlakam |mama mānasābhīṣṭasiddhyarthe jape viniyogaḥ ||hrāmityādi ṣaḍdīrgheṣṣaḍaṅganyāsaḥ |||| dhyānam ||śāntaṃ padmāsanasthaṃ śaśidharamakuṭaṃ pañcavaktraṃ trinetraṃśūlaṃ vajrañca khaḍgaṃ paraśumabhayadaṃ dakṣabhāge mahantam | (dakṣiṇāṅgairvahantam)nāgaṃ pāśaṃ ca ghaṇṭāṃ pralaya hutavahaṃ sāṅkuśaṃ vāmabhāge (ghaṇṭāṃ ḍamarukasahitaṃ)nānālaṅkārayuktaṃ sphaṭikamaṇinibhaṃ pārvatīśaṃ namāmi || (nānālaṅkāradīptaṃ)|| durvāsā uvāca ||praṇamya śirasā devaṃ svayambhuṃ parameśvaram |ekaṃ sarvagataṃ devaṃ sarvadevamayaṃ vibhum || 1|| (evaṃ)

रुद्रवर्मं प्रवक्ष्यामि अङ्गप्राणस्य रक्षये ।अहोरात्रमयं देवं रक्षार्थं निर्मितं पुरा ॥ २॥

rudravarmaṃ pravakṣyāmi aṅgaprāṇasya rakṣaye |ahorātramayaṃ devaṃ rakṣārthaṃ nirmitaṃ purā || 2||

रुद्रो मे चाग्रतः पातु पातु पार्श्वौ हरस्तथा ।शिरो मे ईश्वरः पातु ललाटं नीललोहितः ॥ ३॥

rudro me cāgrataḥ pātu pātu pārśvau harastathā |śiro me īśvaraḥ pātu lalāṭaṃ nīlalohitaḥ || 3||

नेत्रयोस्त्र्यम्बकः पातु मुखं पातु महेश्वरः ।कर्णयोः पातु मे शम्भुर्नासिकायां सदाशिवः ॥ ४॥

netrayostryambakaḥ pātu mukhaṃ pātu maheśvaraḥ |karṇayoḥ pātu me śambhurnāsikāyāṃ sadāśivaḥ || 4||

वागीशः पातु मे जिह्वामोष्ठौ पात्वम्बिकापतिः ।श्रीकण्ठः पातु मे ग्रीवां बाहूचैव पिनाकधृत् ॥ ५॥

vāgīśaḥ pātu me jihvāmoṣṭhau pātvambikāpatiḥ |śrīkaṇṭhaḥ pātu me grīvāṃ bāhūcaiva pinākadhṛt || 5||

हृदयं मे महादेव ईश्वरोऽव्यात्स्तनान्तरम् ।नाभिं कटिं च वक्षश्च पातु शर्व उमापतिः ॥ ६॥

hṛdayaṃ me mahādeva īśvaro'vyātstanāntaram |nābhiṃ kaṭiṃ ca vakṣaśca pātu śarva umāpatiḥ || 6||

बाहुमध्यान्तरं चैव सूक्ष्मरूपस्सदाशिवः ।सर्वं रक्षतु मे शर्वो गात्राणि च यथा क्रमम् ॥ ७॥

bāhumadhyāntaraṃ caiva sūkṣmarūpassadāśivaḥ |sarvaṃ rakṣatu me śarvo gātrāṇi ca yathā kramam || 7||

वज्रं च शक्तिदं चैव पाशाङ्कुशधरं तथा ।गण्डशूलधरान्नित्यं रक्षतु त्रिदशेश्वरः ॥ ८॥

vajraṃ ca śaktidaṃ caiva pāśāṅkuśadharaṃ tathā |gaṇḍaśūladharānnityaṃ rakṣatu tridaśeśvaraḥ || 8||

प्रस्थानेषु पदे चैव वृक्षमूले नदीतटे ।सन्ध्यायां राजभवने विरूपाक्षस्तु पातु माम् ॥ ९॥

prasthāneṣu pade caiva vṛkṣamūle nadītaṭe |sandhyāyāṃ rājabhavane virūpākṣastu pātu mām || 9||

शीतोष्णादथ कालेषु तुहिनद्रुमकण्टके ।निर्मनुष्ये समे मार्गे पाहि मां वृषभध्वज ॥ १०॥

śītoṣṇādatha kāleṣu tuhinadrumakaṇṭake |nirmanuṣye same mārge pāhi māṃ vṛṣabhadhvaja || 10||

इत्येतद्रुद्रकवचं पवित्रं पापनाशनम् ।महादेवप्रसादेन दुर्वासोमुनिकल्पितम् ॥ ११।

ityetadrudrakavacaṃ pavitraṃ pāpanāśanam |mahādevaprasādena durvāsomunikalpitam || 11|

ममाख्यातं समासेन न भयं तेन विद्यते । (विन्दति)प्राप्नोति परमारोग्यं पुण्यमायुष्यवर्धनम् ॥ १२॥ (वरमारोग्यं)

mamākhyātaṃ samāsena na bhayaṃ tena vidyate | (vindati)prāpnoti paramārogyaṃ puṇyamāyuṣyavardhanam || 12|| (varamārogyaṃ)

विद्यार्थी लभते विद्यां धनार्थी लभते धनम् ।कन्यार्थी लभते कन्यां न भयं विन्दते क्वचित् ॥ १३॥

vidyārthī labhate vidyāṃ dhanārthī labhate dhanam |kanyārthī labhate kanyāṃ na bhayaṃ vindate kvacit || 13||

अपुत्रो लभते पुत्रं मोक्षार्थी मोक्षमाप्नुयात् ।त्राहि त्राहि महादेव त्राहि त्राहि त्रयीमय ॥ १४॥

aputro labhate putraṃ mokṣārthī mokṣamāpnuyāt |trāhi trāhi mahādeva trāhi trāhi trayīmaya || 14||

त्राहि मां पार्वतीनाथ त्राहि मां त्रिपुरान्तक ।पाशं खट्वाङ्गदिव्यास्त्रं त्रिशूलं रुद्रमेव च ॥ १५॥

trāhi māṃ pārvatīnātha trāhi māṃ tripurāntaka |pāśaṃ khaṭvāṅgadivyāstraṃ triśūlaṃ rudrameva ca || 15||

नमस्करोमि देवेश त्राहि मां जगदीश्वर ।शत्रुमध्ये सभामध्ये ग्राममध्ये गृहान्तरे ॥ १६॥

namaskaromi deveśa trāhi māṃ jagadīśvara |śatrumadhye sabhāmadhye grāmamadhye gṛhāntare || 16||

गमनेऽगमने चैव त्राहि मां भक्तवत्सल ।त्वं चित्वमादितश्चैव त्वं बुद्धिस्त्वं परायणम् ॥ १७॥ (चित्वं त्वं मानसं च)

gamane'gamane caiva trāhi māṃ bhaktavatsala |tvaṃ citvamāditaścaiva tvaṃ buddhistvaṃ parāyaṇam || 17|| (citvaṃ tvaṃ mānasaṃ ca)

कर्मणा मनसा चैव त्वं बुद्धिश्च यथा सदा ।सर्वज्वरभयं छिन्धि सर्वज्वरभयं छिन्धि ॥ १८॥

karmaṇā manasā caiva tvaṃ buddhiśca yathā sadā |sarvajvarabhayaṃ chindhi sarvajvarabhayaṃ chindhi || 18||

सर्वग्रहभयं छिन्धि सर्वग्रहभयं छिन्धि ।सर्वशत्रून्निवक्त्यापि सर्वव्याधिनिवारणम् ।रुद्रलोकं सगच्छति रुद्रलोकं सगच्छत्योन्नम इति ॥॥ इति (श्रीस्कन्दपुराणे?) दुर्वासः प्रोक्तं रुद्रकवचं सम्पूर्णम् ॥वे दो नोत् क्नोव् इत्स् लोचतिओन् इन् प्रिन्त्।

sarvagrahabhayaṃ chindhi sarvagrahabhayaṃ chindhi |sarvaśatrūnnivaktyāpi sarvavyādhinivāraṇam |rudralokaṃ sagacchati rudralokaṃ sagacchatyonnama iti |||| iti (śrīskandapurāṇe?) durvāsaḥ proktaṃ rudrakavacaṃ sampūrṇam ||ve do not knov its location in print|