शिवस्तुतिः रुद्रगणकृता Rudraganakrita Shiva Stuti

स्कन्दःमणिरुद्रेश्वरं नाम्ना चिन्तामणिगणक्षये ।प्रोद्यत्कुम्भैकवसता पूजितं तं गणेश्वरैः ॥ १२॥

skandaḥmaṇirudreśvaraṃ nāmnā cintāmaṇigaṇakṣaye |prodyatkumbhaikavasatā pūjitaṃ taṃ gaṇeśvaraiḥ || 12||

संस्तुतं परया भक्त्या चान्तिरिक्षे गणैस्तदा ॥ १३॥

saṃstutaṃ parayā bhaktyā cāntirikṣe gaṇaistadā || 13||

रुद्राःसंसारतापजमहारुजमाशु चेश सद्यो विनाशय महेश्वर चारुदृष्ट्या ।रुद्रो भवान् श्रुतिशिखामलगीतकीर्ते पाहीश वेदवचनैर्भिषजां त्वमीशः ॥ १४॥

rudrāḥsaṃsāratāpajamahārujamāśu ceśa sadyo vināśaya maheśvara cārudṛṣṭyā |rudro bhavān śrutiśikhāmalagītakīrte pāhīśa vedavacanairbhiṣajāṃ tvamīśaḥ || 14||

स्कन्दःएवं स्तुवन्ति तं देवं मणिभद्रेश्वरं गणाः ।तद्दक्षिणेऽपि प्राकारं मुक्तारत्नविनिर्मितम् ॥ १५॥

skandaḥevaṃ stuvanti taṃ devaṃ maṇibhadreśvaraṃ gaṇāḥ |taddakṣiṇe'pi prākāraṃ muktāratnavinirmitam || 15||

तन्मध्यगोपुरवरं मणिमाणिक्यनिर्मितम् ।महामणिशिखाकीलकलितं शेखरान्वितं ॥ १६॥

tanmadhyagopuravaraṃ maṇimāṇikyanirmitam |mahāmaṇiśikhākīlakalitaṃ śekharānvitaṃ || 16||

रुद्रावतारचरितैर्वृषभैश्चसमन्वितम् ।एकादशसहस्रं वै तोमरासिवरायुधाः ॥ १७॥

rudrāvatāracaritairvṛṣabhaiścasamanvitam |ekādaśasahasraṃ vai tomarāsivarāyudhāḥ || 17||

महाबलामहोत्साहा दिव्यास्तत्र गणाश्शुभाः ।जटामुकुटशोभाढ्यास्तारानाथकलाधराः ॥ १८॥

mahābalāmahotsāhā divyāstatra gaṇāśśubhāḥ |jaṭāmukuṭaśobhāḍhyāstārānāthakalādharāḥ || 18||

शिवाज्ञाकारिणस्सर्वे यौवनोन्मत्तविग्रहाः ।तत्र सम्पूजयन्त्येव दिव्यरुद्रेश्वरं हि ते ॥ १९॥

śivājñākāriṇassarve yauvanonmattavigrahāḥ |tatra sampūjayantyeva divyarudreśvaraṃ hi te || 19||

मणिधाम्नि महालिङ्गं सम्पूज्य स्तुवन्तीश्वरम् ॥ २०॥

maṇidhāmni mahāliṅgaṃ sampūjya stuvantīśvaram || 20||

रुद्रगणाःदिव्येश्वर त्रिदशवर्गजजातदुःखसन्तापवृन्दपुरनाशन ते विनीतम् ।देवेश ते वरदयारसपात्रमीश त्वस्मान्त्सदाशिव सदैव सुरक्षतान्नः ॥ २१॥

rudragaṇāḥdivyeśvara tridaśavargajajātaduḥkhasantāpavṛndapuranāśana te vinītam |deveśa te varadayārasapātramīśa tvasmāntsadāśiva sadaiva surakṣatānnaḥ || 21||

स्कन्दःएवं स्तुवन्ति ते रुद्रा दिव्यरुद्रेश्वरं तदा ।गोपुरं तच्च प्राकारं रक्षन्ति सततं गणाः ॥ २२॥

skandaḥevaṃ stuvanti te rudrā divyarudreśvaraṃ tadā |gopuraṃ tacca prākāraṃ rakṣanti satataṃ gaṇāḥ || 22||

तत्पश्चान्मणिसङ्कॢप्तप्राकारं मणिगोपुरम् ।रुद्रावतारचरितैर्ललामवृषशेखरैः ॥ २३॥

tatpaścānmaṇisaṅkḷptaprākāraṃ maṇigopuram |rudrāvatāracaritairlalāmavṛṣaśekharaiḥ || 23||

रौम्या नाम गणश्रेष्ठा मत्तमातङ्गविक्रमाः ।तत्र ते पूजयन्त्येव रौम्येशं मणिधामगम् ॥ २७॥

raumyā nāma gaṇaśreṣṭhā mattamātaṅgavikramāḥ |tatra te pūjayantyeva raumyeśaṃ maṇidhāmagam || 27||

पूजयन्ति स्तुवन्त्येव रौम्यानाम गणाश्शिवम् ॥ २८॥

pūjayanti stuvantyeva raumyānāma gaṇāśśivam || 28||

रौम्याःत्वद्रोमजातविधयो हरविष्णुसङ्घा रक्षन्ति देव जगतां स्थितिनाशकेऽपि ।त्वत्पादपङ्कजरजश्शिरसा वहन्तः पाहीश नोऽद्य कृपया सरसार्द्रदृष्ट्या ॥ २९॥

raumyāḥtvadromajātavidhayo haraviṣṇusaṅghā rakṣanti deva jagatāṃ sthitināśake'pi |tvatpādapaṅkajarajaśśirasā vahantaḥ pāhīśa no'dya kṛpayā sarasārdradṛṣṭyā || 29||

स्कन्दःइत्थं स्तुवन्तिते रौम्या महेशं भक्तिभाविताः ।उत्तरे भौमकानाम गणाश्शम्भोर्महात्मनः ॥ ३०॥

skandaḥitthaṃ stuvantite raumyā maheśaṃ bhaktibhāvitāḥ |uttare bhaumakānāma gaṇāśśambhormahātmanaḥ || 30||

शिवाज्ञाकारिणो भौमा बलवीर्यपराक्रमाः ।ततोत्तरे च प्राकारे मणिसालोज्वलप्रभे ॥ ३४॥

śivājñākāriṇo bhaumā balavīryaparākramāḥ |tatottare ca prākāre maṇisālojvalaprabhe || 34||

तन्मध्यगोपुरे चापि रुद्रक्रीडावृषैर्युते ।मणिराजन्महाकुम्भे रञ्जिते भानुप्रभे ॥ ३५॥

tanmadhyagopure cāpi rudrakrīḍāvṛṣairyute |maṇirājanmahākumbhe rañjite bhānuprabhe || 35||

तिष्ठन्ति ते च रक्षन्ति प्राकारं तच्च गोपुरम् ।तैश्च भौमेश्वरं नाम्ना मणिधामगतोऽर्चितः ॥ ३६॥

tiṣṭhanti te ca rakṣanti prākāraṃ tacca gopuram |taiśca bhaumeśvaraṃ nāmnā maṇidhāmagato'rcitaḥ || 36||

संस्तुतः परयाभक्त्यालिङ्गसंस्थोमहेश्वरः ॥ ३७॥

saṃstutaḥ parayābhaktyāliṅgasaṃsthomaheśvaraḥ || 37||

भौमाःभौमेश भीमरथतङ्गरथाङ्गदाने सम्मोदितो हरिहराम्बुजलोचनेन ।भूमातिगाखिलगते परिपाहि सोमधामोत्तमाङ्ग ललनाञ्चितचारुदेह ॥ ३८॥

bhaumāḥbhaumeśa bhīmarathataṅgarathāṅgadāne sammodito hariharāmbujalocanena |bhūmātigākhilagate paripāhi somadhāmottamāṅga lalanāñcitacārudeha || 38||

स्कन्दःइति स्तुवन्ति ते भौमा महादेवं घृणानिधिम् ।विंशत्सहस्रं परितः प्राकारमणिगोपुरैः ॥ ३९॥

skandaḥiti stuvanti te bhaumā mahādevaṃ ghṛṇānidhim |viṃśatsahasraṃ paritaḥ prākāramaṇigopuraiḥ || 39||

॥ इति शिवरहस्यान्तर्गते माहेश्वराख्ये रुद्रगणकृता शिवस्तुतिः ॥॥ श्रीशिवरहस्यम् । माहेश्वराख्यः प्रथमांशः । अध्यायः ३१ प्राकारवर्णने रुद्रगणार्चनम् । वावृत्तश्लोकाः ॥– ॥ श्रीशिवरहस्यम् । माहेश्वराख्यः प्रथमांशः । अध्यायः ३१ – प्राकारवर्णने रुद्रगणार्चनम् । वावृत्तश्लोकाः ॥

|| iti śivarahasyāntargate māheśvarākhye rudragaṇakṛtā śivastutiḥ |||| śrīśivarahasyam | māheśvarākhyaḥ prathamāṃśaḥ | adhyāyaḥ 31 prākāravarṇane rudragaṇārcanam | vāvṛttaślokāḥ ||– || śrīśivarahasyam | māheśvarākhyaḥ prathamāṃśaḥ | adhyāyaḥ 31 – prākāravarṇane rudragaṇārcanam | vāvṛttaślokāḥ ||