रुद्रविभूतिस्तोत्रम् Rudra Vibhuti Shtotram

नमः शिवाय रुद्राय कद्रुद्राय प्रचेतसे ।मीढुष्टमाय सर्वाय शिपिविष्टायरंहसे ॥ १॥

namaḥ śivāya rudrāya kadrudrāya pracetase |mīḍhuṣṭamāya sarvāya śipiviṣṭāyaraṃhase || 1||

नमस्ते कालकालाय नमस्ते रुद्र मन्यवे ।नमः शिवाय रुद्राय शङ्कराय शिवाय ते ॥ २॥

namaste kālakālāya namaste rudra manyave |namaḥ śivāya rudrāya śaṅkarāya śivāya te || 2||

उग्रोऽसि सर्वभूतानां नियन्तासि शिवोऽसि नः ।नमः शिवाय शर्वाय शङ्करायार्तिहारिणे ॥ ३॥

ugro'si sarvabhūtānāṃ niyantāsi śivo'si naḥ |namaḥ śivāya śarvāya śaṅkarāyārtihāriṇe || 3||

ग्रहाधिपत्ये भगवानभ्यषिञ्चद्दिवाकरम् ।वृक्षाणां ओषधीनां च सोमं ब्रह्मा प्रजापतिः ॥ ४॥

grahādhipatye bhagavānabhyaṣiñcaddivākaram |vṛkṣāṇāṃ oṣadhīnāṃ ca somaṃ brahmā prajāpatiḥ || 4||

अपां च वरुणं देवं धनानां यक्षपुङ्गवम् ।आदित्यानां तथा विष्णुं वसूनां पावकं तथा ॥ ५॥

apāṃ ca varuṇaṃ devaṃ dhanānāṃ yakṣapuṅgavam |ādityānāṃ tathā viṣṇuṃ vasūnāṃ pāvakaṃ tathā || 5||

प्रजापतीनां दक्षं च मरुतां शक्रमेव च ।दैत्यानां दानवानां च प्रह्लादं दैत्यपुङ्गवम् ॥ ६॥

prajāpatīnāṃ dakṣaṃ ca marutāṃ śakrameva ca |daityānāṃ dānavānāṃ ca prahlādaṃ daityapuṅgavam || 6||

धर्मं पितॄणामधिपं निरृतिं पिशितासिनाम् ।रुद्रं पशूनां भूतानां नन्दीनां गणनायकम् ॥ ७॥

dharmaṃ pitṝṇāmadhipaṃ nirṛtiṃ piśitāsinām |rudraṃ paśūnāṃ bhūtānāṃ nandīnāṃ gaṇanāyakam || 7||

वीराणां विरभद्रं च पिशाचानां भयङ्करम् ।मातॄणां चैव चामुण्डां सर्वदेवनमस्कृताम् ॥ ८॥

vīrāṇāṃ virabhadraṃ ca piśācānāṃ bhayaṅkaram |mātṝṇāṃ caiva cāmuṇḍāṃ sarvadevanamaskṛtām || 8||

रुद्राणां देवदेवेशं नीललोहितमीश्वरम् ।विघ्नानां व्योमजं देवं गजास्यं तु विनायकम् ॥ ९॥

rudrāṇāṃ devadeveśaṃ nīlalohitamīśvaram |vighnānāṃ vyomajaṃ devaṃ gajāsyaṃ tu vināyakam || 9||

स्त्रीणां देवीं उमादेवीं वचसां च सरस्वतीम् ।विष्णुं मायाविनां चैव स्वत्मानां जगतां तथा ॥ १०॥

strīṇāṃ devīṃ umādevīṃ vacasāṃ ca sarasvatīm |viṣṇuṃ māyāvināṃ caiva svatmānāṃ jagatāṃ tathā || 10||

हिमवन्तं गिरीणां तु नदीनां चैव जाह्नवीम् ।समुद्राणां च सर्वेषामधिपं पयसां निधिम् ॥ ११॥

himavantaṃ girīṇāṃ tu nadīnāṃ caiva jāhnavīm |samudrāṇāṃ ca sarveṣāmadhipaṃ payasāṃ nidhim || 11||

वृक्षाणां चैव चाश्वत्थं प्लक्षं च प्रपितामहः ॥ १२॥

vṛkṣāṇāṃ caiva cāśvatthaṃ plakṣaṃ ca prapitāmahaḥ || 12||

गन्धर्वविद्याधरकिन्नराणामीशं पुनाश्चित्ररथं चकार ।नागाधिपं वासुकिमुग्रवीर्यं सर्पाधिपं तक्षकमुग्रवीर्यम् ॥ १३॥

gandharvavidyādharakinnarāṇāmīśaṃ punāścitrarathaṃ cakāra |nāgādhipaṃ vāsukimugravīryaṃ sarpādhipaṃ takṣakamugravīryam || 13||

दिग्वारणानामधिपं चकार गजेन्द्रमैरावतमुग्रवीर्यम् ।सुपर्णमीशं पततामथाश्वराजानामुच्छैःश्रवसं चकार ॥ १४॥

digvāraṇānāmadhipaṃ cakāra gajendramairāvatamugravīryam |suparṇamīśaṃ patatāmathāśvarājānāmucchaiḥśravasaṃ cakāra || 14||

सिंहं मृगाणां वृषभं गावां च मृगाधिपानां शरभं चकार ।सेनाधिपानां गुहमप्रमेयं श्रुतीस्मृतीनां लकुलीशमीशम् ॥ १५॥

siṃhaṃ mṛgāṇāṃ vṛṣabhaṃ gāvāṃ ca mṛgādhipānāṃ śarabhaṃ cakāra |senādhipānāṃ guhamaprameyaṃ śrutīsmṛtīnāṃ lakulīśamīśam || 15||

अभ्यषिञ्चत्सुधर्माणं तथा शङ्खापदं दिशाम् ।केतुमन्तं क्रमेणैव हेमरोमाणमेव च ॥ १६॥

abhyaṣiñcatsudharmāṇaṃ tathā śaṅkhāpadaṃ diśām |ketumantaṃ krameṇaiva hemaromāṇameva ca || 16||

पृथिव्यां पृथुमीशानं सर्वेषां तु महेश्वरम् ।चतुर्मूर्तिषु सर्वज्ञं शङ्करं वृषभध्वजम् ॥ १७॥

pṛthivyāṃ pṛthumīśānaṃ sarveṣāṃ tu maheśvaram |caturmūrtiṣu sarvajñaṃ śaṅkaraṃ vṛṣabhadhvajam || 17||

इति रुद्रविभूतिस्तोत्रं सम्पूर्णम् ।

iti rudravibhūtistotraṃ sampūrṇam |