रुद्राक्षमहिमा Ishvaraprokta Rudrakshamahima

(शिवरहस्यान्तर्गते ईश्वराख्ये)शिवपार्वतीसंवादेईश्वर उवाच ।त्र्यक्षाश्रुप्रभवा भवन्ति विमला रुद्राक्षवृक्षाःक्षितौदृष्टा अप्यघशैलदारणचणाः संसारबन्धापहाः ।पुण्यापुण्यसमीहितार्थकलने स्वाङ्गे च सम्भूषणाःशर्वाणीरमणार्चनासु नियतं धार्या हि मद्भूषणाः ॥ ३३॥

(śivarahasyāntargate īśvarākhye)śivapārvatīsaṃvādeīśvara uvāca |tryakṣāśruprabhavā bhavanti vimalā rudrākṣavṛkṣāḥkṣitaudṛṣṭā apyaghaśailadāraṇacaṇāḥ saṃsārabandhāpahāḥ |puṇyāpuṇyasamīhitārthakalane svāṅge ca sambhūṣaṇāḥśarvāṇīramaṇārcanāsu niyataṃ dhāryā hi madbhūṣaṇāḥ || 33||

रुद्राक्षस्मृतिमात्रतोऽप्यघकुलं नश्येच्च पश्यन्नरोमुच्येतैव हि संसृतेर्जनिजरारोगैः स्पृशन्मुक्तिभाक् ।नामोच्चारणमात्रतोऽतिकृपणः पाणिं कृपाणे (पाणौ कृपाणं) दधत्छिन्द्यादेव हि पापदुर्द्रुमवनं गोदानपुण्यादिभाक् ॥ ३४॥

rudrākṣasmṛtimātrato'pyaghakulaṃ naśyecca paśyannaromucyetaiva hi saṃsṛterjanijarārogaiḥ spṛśanmuktibhāk |nāmoccāraṇamātrato'tikṛpaṇaḥ pāṇiṃ kṛpāṇe (pāṇau kṛpāṇaṃ) dadhatchindyādeva hi pāpadurdrumavanaṃ godānapuṇyādibhāk || 34||

रुद्राक्षोरु किरीट कुण्डल धरस्तस्याङ्गदे कङ्कणेमालाभिर्वरवक्षसा च विमलो भूयाच्छिवे पावनः ।तस्यानुक्षणवीक्षणेन गिरिजे लोकस्य कष्टं मुदासंहृष्टो नितरां हरामि सततं तत्सङ्गसङ्गात्मनाम् ॥ ३५॥

rudrākṣoru kirīṭa kuṇḍala dharastasyāṅgade kaṅkaṇemālābhirvaravakṣasā ca vimalo bhūyācchive pāvanaḥ |tasyānukṣaṇavīkṣaṇena girije lokasya kaṣṭaṃ mudāsaṃhṛṣṭo nitarāṃ harāmi satataṃ tatsaṅgasaṅgātmanām || 35||

यस्मिन् ग्रामे पुरे वा धृतवरविमलोदाररुद्राक्षभूषस्तिष्ठेत्तत्र न पातकान्तकभयं दुःखं कुतस्तत्तनौ ।तत्क्षेत्रं विमलं तदेव हि शिवागारं वरं शाम्भवंतद्देहस्थहृदम्बुजे गिरिजया मद्वास इष्टः सदा ॥ ३६॥

yasmin grāme pure vā dhṛtavaravimalodārarudrākṣabhūṣastiṣṭhettatra na pātakāntakabhayaṃ duḥkhaṃ kutastattanau |tatkṣetraṃ vimalaṃ tadeva hi śivāgāraṃ varaṃ śāmbhavaṃtaddehasthahṛdambuje girijayā madvāsa iṣṭaḥ sadā || 36||

॥ इति शिवरहस्यान्तर्गते ईश्वरप्रोक्ता रुद्राक्षमहिमा सम्पूर्णा ॥॥ श्रीशिवरहस्यम् । ईश्वराख्यः दशमांशः । अध्यायः २२ रुद्राक्षमहिमा । ३३३६॥

|| iti śivarahasyāntargate īśvaraproktā rudrākṣamahimā sampūrṇā |||| śrīśivarahasyam | īśvarākhyaḥ daśamāṃśaḥ | adhyāyaḥ 22 rudrākṣamahimā | 3336||

– ॥ श्रीशिवरहस्यम् ।ईश्वराख्यः दशमांशः ।अध्यायः २२ रुद्राक्षमहिमा ।३३-३६॥

– || śrīśivarahasyam |īśvarākhyaḥ daśamāṃśaḥ |adhyāyaḥ 22 rudrākṣamahimā | 33-36||