शिवाष्टकम् ७ अगस्त्यप्रोक्तं अथवा अगस्त्याष्टकम् Agastyashtakam

अगस्त्यप्रोक्तं शिवाष्टकम् ।अद्य मे सफलं जन्म चाद्य मे सफलं तपः ।अद्य मे सफलं ज्ञानं शम्भो त्वत्पाददर्शनात् ॥ १॥

agastyaproktaṃ śivāṣṭakam |adya me saphalaṃ janma cādya me saphalaṃ tapaḥ |adya me saphalaṃ jñānaṃ śambho tvatpādadarśanāt || 1||

कृतार्थोऽहं कृतार्थोऽहं कृतार्थोऽहं महेश्वर ।अद्य ते पादपद्मस्य दर्शनात्भक्तवत्सल ॥ २॥

kṛtārtho'haṃ kṛtārtho'haṃ kṛtārtho'haṃ maheśvara |adya te pādapadmasya darśanātbhaktavatsala || 2||

शिवश्शम्भुः शिवश्शम्भुः शिवश्शम्भुः शिवश्शिवः ।इति व्याहरतो नित्यं दिनान्यायान्तु यान्तु मे ॥ ३॥

śivaśśambhuḥ śivaśśambhuḥ śivaśśambhuḥ śivaśśivaḥ |iti vyāharato nityaṃ dinānyāyāntu yāntu me || 3||

शिवे भक्तिश्शिवे भक्तिश्शिवे भक्तिर्भवेभवे ।सदा भूयात् सदा भूयात्सदा भूयात्सुनिश्चला ॥ ४॥

śive bhaktiśśive bhaktiśśive bhaktirbhavebhave |sadā bhūyāt sadā bhūyātsadā bhūyātsuniścalā || 4||

आजन्म मरणं यस्य महादेवान्यदैवतम् ।माजनिष्यत मद्वंशे जातो वा द्राग्विपद्यताम् ॥ ५॥

ājanma maraṇaṃ yasya mahādevānyadaivatam |mājaniṣyata madvaṃśe jāto vā drāgvipadyatām || 5||

जातस्य जायमानस्य गर्भस्थस्याऽपि देहिनः ।माभून्मम कुले जन्म यस्य शम्भुर्नदैवतम् ॥ ६॥

jātasya jāyamānasya garbhasthasyā'pi dehinaḥ |mābhūnmama kule janma yasya śambhurnadaivatam || 6||

वयं धन्या वयं धन्या वयं धन्या जगत्त्रये ।आदिदेवो महादेवो यदस्मत्कुलदैवतम् ॥ ७॥

vayaṃ dhanyā vayaṃ dhanyā vayaṃ dhanyā jagattraye |ādidevo mahādevo yadasmatkuladaivatam || 7||

हर शम्भो महादेव विश्वेशामरवल्लभ ।शिवशङ्कर सर्वात्मन्नीलकण्ठ नमोऽस्तु ते ॥ ८॥

hara śambho mahādeva viśveśāmaravallabha |śivaśaṅkara sarvātmannīlakaṇṭha namo'stu te || 8||

अगस्त्याष्टकमेतत्तु यः पठेच्छिवसन्निधौ ।शिवलोकमवाप्नोति शिवेन सह मोदते ॥ ९॥

agastyāṣṭakametattu yaḥ paṭhecchivasannidhau |śivalokamavāpnoti śivena saha modate || 9||

॥ इत्यगस्त्याष्टकं सम्पूर्णम् ॥

|| ityagastyāṣṭakaṃ sampūrṇam ||