अघोरमूर्तिसहस्रनामस्तोत्रम् १ Aghora Murti Sahasranama Stotram

अथ अघोरमूर्तिसहस्रनाम लिख्यतेॐ श्रीं ह्रीं क्लीं सौः क्ष्मीं घोर घोराय ज्वल ज्वलप्रज्वल प्रज्वल अघोरास्त्राय फट् स्वाहा ।। इति मूलम् ।श्रीभैरवी उवाचभगवन्सर्वधर्मज्ञ विश्वाभयवरप्रद ।सर्वेश सर्वशास्त्रज्ञ सर्वातीत सनातन ॥ १॥

atha aghoramūrtisahasranāma likhyateoṃ śrīṃ hrīṃ klīṃ sauḥ kṣmīṃ ghora ghorāya jvala jvalaprajvala prajvala aghorāstrāya phaṭ svāhā || iti mūlam |śrībhairavī uvācabhagavansarvadharmajña viśvābhayavaraprada |sarveśa sarvaśāstrajña sarvātīta sanātana || 1||

त्वमेव परमं तत्त्वं त्वमेव परमं पदम् ।त्वत्तोऽप्यन्यं न पश्यामि सारं सारोत्तमोत्तमम् ॥ २॥

tvameva paramaṃ tattvaṃ tvameva paramaṃ padam |tvatto'pyanyaṃ na paśyāmi sāraṃ sārottamottamam || 2||

पुराऽस्माकं वरो दत्तो देवदानवसङ्गरे ।तदद्य कृपया शम्भो वरं नाथ प्रयच्छ मे ॥ ३॥

purā'smākaṃ varo datto devadānavasaṅgare |tadadya kṛpayā śambho varaṃ nātha prayaccha me || 3||

श्रीभैरव उवाचभैरवि प्रेयसि त्वं मे सत्यं दत्तो वरो मया ।यदद्य मनसाभीष्टं तद्याचस्व ददाम्यहम् ॥ ४॥

śrībhairava uvācabhairavi preyasi tvaṃ me satyaṃ datto varo mayā |yadadya manasābhīṣṭaṃ tadyācasva dadāmyaham || 4||

श्रीदेवी उवाचश्रीशिवः परमात्मा च भैरवोऽघोरसंज्ञकः ।त्रिगुणात्मा महारुद्रस्त्रैलोक्योद्धरणक्षमः ॥ ५॥

śrīdevī uvācaśrīśivaḥ paramātmā ca bhairavo'ghorasaṃjñakaḥ |triguṇātmā mahārudrastrailokyoddharaṇakṣamaḥ || 5||

तस्य नामसहस्रं मे वद शीघ्रं कृपानिधे ।वरमेतन्महादेव देहि सत्यं मदीप्सितम् ।अस्माद्वरं न याचेऽहं देहि चेदस्ति मे दया ॥ ६॥

tasya nāmasahasraṃ me vada śīghraṃ kṛpānidhe |varametanmahādeva dehi satyaṃ madīpsitam |asmādvaraṃ na yāce'haṃ dehi cedasti me dayā || 6||

श्रीभैरव उवाचशृणुष्वैकान्तभूदेशे सानौ कैलासभूभृतः ।देवदानवसङ्ग्रामे यत्ते दत्तो वरो मया ।वरं तत्ते प्रयच्छामि चान्यद्वरय मे वरम् ॥ ७॥

śrībhairava uvācaśṛṇuṣvaikāntabhūdeśe sānau kailāsabhūbhṛtaḥ |devadānavasaṅgrāme yatte datto varo mayā |varaṃ tatte prayacchāmi cānyadvaraya me varam || 7||

श्रीदेवी उवाचअतः परं न याचेऽहं वरमन्यन्महेश्वर ।कृपया करुणाम्भोधे वद शीघ्रं सुरार्चित ॥ ८॥

śrīdevī uvācaataḥ paraṃ na yāce'haṃ varamanyanmaheśvara |kṛpayā karuṇāmbhodhe vada śīghraṃ surārcita || 8||

श्रीभैरव उवाचतव भक्त्या ब्रवीम्यद्य अघोरस्य महात्मनः ।नाम्नां सहस्रं परमं त्रैलोक्योद्धरणक्षमम् ॥ ९॥

śrībhairava uvācatava bhaktyā bravīmyadya aghorasya mahātmanaḥ |nāmnāṃ sahasraṃ paramaṃ trailokyoddharaṇakṣamam || 9||

नातः परतरा विद्या नातः परतरः स्तवः ।नातः परतरं स्तोत्रं सर्वस्वं मम पार्वति ॥ १०॥

nātaḥ paratarā vidyā nātaḥ parataraḥ stavaḥ |nātaḥ parataraṃ stotraṃ sarvasvaṃ mama pārvati || 10||

अकारादि क्षकारान्ता विद्यानिधिमनुत्तमम् ।बीजमन्त्रमयं गोप्यं गोप्तव्यं पशुसङ्कटे ॥ ११॥

akārādi kṣakārāntā vidyānidhimanuttamam |bījamantramayaṃ gopyaṃ goptavyaṃ paśusaṅkaṭe || 11||

ॐ अस्य श्रीअघोरमूर्तिनामसहस्रस्य श्रीमहाकालभैरव ऋषिः,पङ्क्ति छन्दः, अघोरमूर्तिः परमात्मा देवता ।ॐ बीजं, ह्रीं शक्तिः, कुरु कुरु कीलकम् ।अघोर विद्यासिद्।ह्ध्यर्थे जपे पाठे विनियोगः ।अथ न्यासःह्रां अङ्गुष्ठभ्यां नमः ।ह्रीं तर्जनीभ्यां नमः ।ह्रूं मध्यमाभ्यां नमः ।ह्रैं अनामिकाभ्यां नमः ।ह्रौं कनिष्ठिकाभ्यां नमः ।ह्रः करतलकरपृष्ठाभ्यां नमः ।एवं हृदयादि षडङ्गन्यासः ।अपि चॐ नमो भगवते अघोराय शूलपाणये स्वाहा हृदयाय नमः ।रुद्रायामृतमूर्तये मां जीवय जीवय शिरसे स्वाहा ।नीलकण्ठाय चन्द्रजटिने शिखायै वषट् ।त्रिपुरान्तकाय कवचाय हुम् ।त्रिलोचनाय ऋग्यजुःसाममूर्तये नेत्राभ्यां वौषट् ।रुद्रायाग्नित्रयाय ज्वल ज्वल मां रक्ष रक्षअघोरास्त्राय हुं फट् स्वाहा । अस्त्राय फट् ।इति हृदयादि षडङ्गन्यासः एवं करन्यासः ।भूर्भुवः स्वरिति दिग्बन्धः ।अथ ध्यानम् ।श्रीचन्द्रमण्डलगताम्बुजपीतमध्येदेवं सुधास्रविणमिन्दुकलाधरं च ।शुद्धाक्षसूत्रकलशामृतपद्महस्तंदेवं भजामि हृदये भुवनैकनाथम् ॥अपि चमहाकायं महोरस्कं महादंशं महाभुजम् ।सुधास्यं शशिमौलिं च ज्वालाकेशोर्ध्वबन्धनम् ॥किङ्किणीमालया युक्तं सर्पयज्ञोपवीतिनम् ।रक्ताम्बरधरं देवं रक्तमालाविभूषितम् ।पादकिङ्किणीसञ्च्छन्नं नूपुरैरतिशोभितम् ॥ध्यानमार्गस्थितं घोरं पङ्कजासनसंस्थितम् ।भजामि हृदये देवं देवं चाघोरभैरवम् ॥। इति ध्यानम् ।अथ मूलमन्त्रः ।अघोरेभ्योऽथ घोरेभ्यो घोरघोरतरेभ्यः ।सर्वतः सर्वसर्वेभ्यो नमस्ते रुद्ररूपेभ्यः ॥। इति मूलम् ।अथ अघोराय नमः ।ॐ ह्रीं श्रीं क्लीं महारुद्रो ग्लौं ग्लां अघोरभैरवः ।क्ष्मीं कालाग्निः कलानाथः कालः कालान्तकः कलिः ॥ १॥

oṃ asya śrīaghoramūrtināmasahasrasya śrīmahākālabhairava ṛṣiḥ,paṅkti chandaḥ, aghoramūrtiḥ paramātmā devatā |oṃ bījaṃ, hrīṃ śaktiḥ, kuru kuru kīlakam |aghora vidyāsid|hdhyarthe jape pāṭhe viniyogaḥ |atha nyāsaḥhrāṃ aṅguṣṭhabhyāṃ namaḥ |hrīṃ tarjanībhyāṃ namaḥ |hrūṃ madhyamābhyāṃ namaḥ |hraiṃ anāmikābhyāṃ namaḥ |hrauṃ kaniṣṭhikābhyāṃ namaḥ |hraḥ karatalakarapṛṣṭhābhyāṃ namaḥ |evaṃ hṛdayādi ṣaḍaṅganyāsaḥ |api caoṃ namo bhagavate aghorāya śūlapāṇaye svāhā hṛdayāya namaḥ |rudrāyāmṛtamūrtaye māṃ jīvaya jīvaya śirase svāhā |nīlakaṇṭhāya candrajaṭine śikhāyai vaṣaṭ |tripurāntakāya kavacāya hum |trilocanāya ṛgyajuḥsāmamūrtaye netrābhyāṃ vauṣaṭ |rudrāyāgnitrayāya jvala jvala māṃ rakṣa rakṣaaghorāstrāya huṃ phaṭ svāhā | astrāya phaṭ |iti hṛdayādi ṣaḍaṅganyāsaḥ evaṃ karanyāsaḥ |bhūrbhuvaḥ svariti digbandhaḥ |atha dhyānam |śrīcandramaṇḍalagatāmbujapītamadhyedevaṃ sudhāsraviṇamindukalādharaṃ ca |śuddhākṣasūtrakalaśāmṛtapadmahastaṃdevaṃ bhajāmi hṛdaye bhuvanaikanātham ||api camahākāyaṃ mahoraskaṃ mahādaṃśaṃ mahābhujam |sudhāsyaṃ śaśimauliṃ ca jvālākeśordhvabandhanam ||kiṅkiṇīmālayā yuktaṃ sarpayajñopavītinam |raktāmbaradharaṃ devaṃ raktamālāvibhūṣitam |pādakiṅkiṇīsañcchannaṃ nūpurairatiśobhitam ||dhyānamārgasthitaṃ ghoraṃ paṅkajāsanasaṃsthitam |bhajāmi hṛdaye devaṃ devaṃ cāghorabhairavam ||| iti dhyānam |atha mūlamantraḥ |aghorebhyo'tha ghorebhyo ghoraghoratarebhyaḥ |sarvataḥ sarvasarvebhyo namaste rudrarūpebhyaḥ ||| iti mūlam |atha aghorāya namaḥ |oṃ hrīṃ śrīṃ klīṃ mahārudro glauṃ glāṃ aghorabhairavaḥ |kṣmīṃ kālāgniḥ kalānāthaḥ kālaḥ kālāntakaḥ kaliḥ || 1||

श्मशानभैरवो भीमो भीतिहा भगवान्प्रभुः ।भाग्यदो मुण्डहस्तश्च मुण्डमालाधरो महान् ॥ २॥

śmaśānabhairavo bhīmo bhītihā bhagavānprabhuḥ |bhāgyado muṇḍahastaśca muṇḍamālādharo mahān || 2||

उग्रोग्ररवोऽत्युग्र उग्रतेजाश्च रोगहा ।रोगदो भोगदो भोक्ता सत्यः शुद्धः सनातनः ॥ ३॥

ugrograravo'tyugra ugratejāśca rogahā |rogado bhogado bhoktā satyaḥ śuddhaḥ sanātanaḥ || 3||

चित्स्वरूपो महाकायो महादीप्तिर्मनोन्मनः ।मान्यो धन्यो यशस्कर्ता हर्ता भर्त्ता महानिधिः ॥ ४॥

citsvarūpo mahākāyo mahādīptirmanonmanaḥ |mānyo dhanyo yaśaskartā hartā bharttā mahānidhiḥ || 4||

चिदानन्दश्चिदाकारश्चिदुल्लासश्चिदीश्वरः ।चिन्त्योऽचिन्त्योऽचिन्त्यरूपः स्वरूपो रूपविग्रही ॥ ५॥

cidānandaścidākāraścidullāsaścidīśvaraḥ |cintyo'cintyo'cintyarūpaḥ svarūpo rūpavigrahī || 5||

भूतेभ्यो भूतिदो भूत्यं भूतात्मा भूतभावनः ।चिदानन्दः प्रकाशात्मा सनात्माबोधविग्रहः ॥ ६॥

bhūtebhyo bhūtido bhūtyaṃ bhūtātmā bhūtabhāvanaḥ |cidānandaḥ prakāśātmā sanātmābodhavigrahaḥ || 6||

हृद्बोधो बोधवान् बुद्धो बुद्धिदो बुद्धमण्डनः ।सत्यपूर्णः सत्यसन्धः सतीनाथः समाश्रयः ॥ ७॥

hṛdbodho bodhavān buddho buddhido buddhamaṇḍanaḥ |satyapūrṇaḥ satyasandhaḥ satīnāthaḥ samāśrayaḥ || 7||

त्रैगुण्यो निर्गुणो गुण्योऽग्रणीर्गुणविवर्जितः ।सुभावः सुभवः स्तुत्यः स्तोता श्रोता विभाकरः ॥ ८॥

traiguṇyo nirguṇo guṇyo'graṇīrguṇavivarjitaḥ |subhāvaḥ subhavaḥ stutyaḥ stotā śrotā vibhākaraḥ || 8||

कालकालान्धकत्रासकर्ता हर्ता विभीषणः ।विरूपाक्षः सहस्राक्षो विश्वाक्षो विश्वतोमुखः ॥ ९॥

kālakālāndhakatrāsakartā hartā vibhīṣaṇaḥ |virūpākṣaḥ sahasrākṣo viśvākṣo viśvatomukhaḥ || 9||

चराचरात्मा विश्वात्मा विश्वबोधो विनिग्रहः ।सुग्रहो विग्रहो वीरो धीरो धीरभृतां वरः ॥ १०॥

carācarātmā viśvātmā viśvabodho vinigrahaḥ |sugraho vigraho vīro dhīro dhīrabhṛtāṃ varaḥ || 10||

शूरः शूली शूलहर्ता शङ्करो विश्वशङ्करः ।कङ्काली कलिहा कामी हासहा कामवल्लभः ॥ ११॥

śūraḥ śūlī śūlahartā śaṅkaro viśvaśaṅkaraḥ |kaṅkālī kalihā kāmī hāsahā kāmavallabhaḥ || 11||

कान्तारवासी कान्तास्थः कान्ताहृदयधारणः ।काम्यः काम्यनिधिः कान्ताकमनीयः कलाधरः ॥ १२॥

kāntāravāsī kāntāsthaḥ kāntāhṛdayadhāraṇaḥ |kāmyaḥ kāmyanidhiḥ kāntākamanīyaḥ kalādharaḥ || 12||

कलेशः सकलेशश्च विकलः शकलान्तकः ।शान्तो भ्रान्तो महारूपी सुलभो दुर्लभाशयः ॥ १३॥

kaleśaḥ sakaleśaśca vikalaḥ śakalāntakaḥ |śānto bhrānto mahārūpī sulabho durlabhāśayaḥ || 13||

लभ्योऽनन्तो धनाधीनः सर्वगः सामगायनः ।सरोजनयनः साधुः साधूनामभयप्रदः ॥ १४॥

labhyo'nanto dhanādhīnaḥ sarvagaḥ sāmagāyanaḥ |sarojanayanaḥ sādhuḥ sādhūnāmabhayapradaḥ || 14||

सर्वस्तुत्यः सर्वगतिः सर्वातीतोऽप्यगोचरः ।गोप्ता गोप्ततरो गानतत्परः सत्यपरायणः ॥ १५॥

sarvastutyaḥ sarvagatiḥ sarvātīto'pyagocaraḥ |goptā goptataro gānatatparaḥ satyaparāyaṇaḥ || 15||

असहायो महाशान्तो महामूर्तो महोरगः ।महतीरवसन्तुष्टो जगतीधरधारणः ॥ १६॥

asahāyo mahāśānto mahāmūrto mahoragaḥ |mahatīravasantuṣṭo jagatīdharadhāraṇaḥ || 16||

भिक्षुः सर्वेष्टफलदो भयानकमुखः शिवः ।भर्गो भागीरथीनाथो भगमालाविभूषणः ॥ १७॥

bhikṣuḥ sarveṣṭaphalado bhayānakamukhaḥ śivaḥ |bhargo bhāgīrathīnātho bhagamālāvibhūṣaṇaḥ || 17||

जटाजूटी स्फुरत्तेजश्चण्डांशुश्चण्डविक्रमः ।दण्डी गणपतिर्गुण्यो गणनीयो गणाधिपः ॥ १८॥

jaṭājūṭī sphurattejaścaṇḍāṃśuścaṇḍavikramaḥ |daṇḍī gaṇapatirguṇyo gaṇanīyo gaṇādhipaḥ || 18||

कोमलाङ्गोऽपि क्रूरास्यो हास्यो मायापतिः सुधीः ।सुखदो दुःखहा दम्भो दुर्जयो विजयी जयः ॥ १९॥

komalāṅgo'pi krūrāsyo hāsyo māyāpatiḥ sudhīḥ |sukhado duḥkhahā dambho durjayo vijayī jayaḥ || 19||

जयोऽजयो ज्वलत्तेजो मन्दाग्निर्मदविग्रहः ।मानप्रदो विजयदो महाकालः सुरेश्वरः ॥ २०॥

jayo'jayo jvalattejo mandāgnirmadavigrahaḥ |mānaprado vijayado mahākālaḥ sureśvaraḥ || 20||

अभयाङ्को वराङ्कश्च शशाङ्ककृतशेखरः ।लेख्यो लिप्यो विलापी च प्रतापी प्रमथाधिपः ॥ २१॥

abhayāṅko varāṅkaśca śaśāṅkakṛtaśekharaḥ |lekhyo lipyo vilāpī ca pratāpī pramathādhipaḥ || 21||

प्रख्यो दक्षो विमुक्तश्च रुक्षो दक्षमखान्तकः ।त्रिलोचनस्त्रिवर्गेशः त्रिगुणी त्रितयीपतिः ॥ २२॥

prakhyo dakṣo vimuktaśca rukṣo dakṣamakhāntakaḥ |trilocanastrivargeśaḥ triguṇī tritayīpatiḥ || 22||

त्रिपुरेशस्त्रिलोकेशस्त्रिनेत्रस्त्रिपुरान्तकः ।त्र्यम्बकस्त्रिगतिः स्वक्षो विशालाक्षो वटेश्वरः ॥ २३॥

tripureśastrilokeśastrinetrastripurāntakaḥ |tryambakastrigatiḥ svakṣo viśālākṣo vaṭeśvaraḥ || 23||

वटुः पटुः परं पुण्यं पुण्यदो दम्भवर्जितः ।दम्भी विलम्भी विषेभिस्संरम्भी सङ्ग्रही सखा ॥ २४॥

vaṭuḥ paṭuḥ paraṃ puṇyaṃ puṇyado dambhavarjitaḥ |dambhī vilambhī viṣebhissaṃrambhī saṅgrahī sakhā || 24||

विहारी चाररूपश्च हारी माणिक्यमण्डितः ।विद्येश्वरो विवादी च वादभेद्यो विभेदवान् ॥ २५॥

vihārī cārarūpaśca hārī māṇikyamaṇḍitaḥ |vidyeśvaro vivādī ca vādabhedyo vibhedavān || 25||

भयान्तको बलनिधिर्बलिकः स्वर्णविग्रहः ।महासीनो विशाखी च पृषट्की पृतनापतिः ॥ २६॥

bhayāntako balanidhirbalikaḥ svarṇavigrahaḥ |mahāsīno viśākhī ca pṛṣaṭkī pṛtanāpatiḥ || 26||

अनन्तरूपोऽनन्तश्रीः षष्टिभागो विशाम्पतिः ।प्रांशुः शीतांशुर्मुकुटो निरंशः स्वांशविग्रहः ॥ २७॥

anantarūpo'nantaśrīḥ ṣaṣṭibhāgo viśāmpatiḥ |prāṃśuḥ śītāṃśurmukuṭo niraṃśaḥ svāṃśavigrahaḥ || 27||

निश्चेतनो जगत्त्राता हरो हरिणसम्भृतः ।नागेन्द्रो नागत्वग्वासाः श्मशानालयचारकः ॥ २८॥

niścetano jagattrātā haro hariṇasambhṛtaḥ |nāgendro nāgatvagvāsāḥ śmaśānālayacārakaḥ || 28||

विचारी सुमतिः शम्भुः सर्वः खर्वोरुविक्रमः ।ईशः शेषः शशी सूर्यः शुद्धसागर ईश्वरः ॥ २९॥

vicārī sumatiḥ śambhuḥ sarvaḥ kharvoruvikramaḥ |īśaḥ śeṣaḥ śaśī sūryaḥ śuddhasāgara īśvaraḥ || 29||

ईशानः परमेशानः परापरगतिः परम् ।प्रमोदी विनयी वेद्यो विद्यारागी विलासवान् ॥ ३०॥

īśānaḥ parameśānaḥ parāparagatiḥ param |pramodī vinayī vedyo vidyārāgī vilāsavān || 30||

स्वात्मा दयालुर्धनदो धनदार्चनतोषितः ।पुष्टिदस्तुष्टिदस्तार्क्ष्यो ज्येष्ठः श्रेष्ठो विशारदः ॥ ३१॥

svātmā dayālurdhanado dhanadārcanatoṣitaḥ |puṣṭidastuṣṭidastārkṣyo jyeṣṭhaḥ śreṣṭho viśāradaḥ || 31||

चामीकरोच्चयगतः सर्वगः सर्वमण्डनः ।दिनेशः शर्वरीशश्च सन्मदोन्माददायकः ॥ ३२॥

cāmīkaroccayagataḥ sarvagaḥ sarvamaṇḍanaḥ |dineśaḥ śarvarīśaśca sanmadonmādadāyakaḥ || 32||

हायनो वत्सरो नेता गायनः पुष्पसायकः ।पुण्येश्वरो विमानस्थो विमान्यो विमना विधुः ॥ ३३॥

hāyano vatsaro netā gāyanaḥ puṣpasāyakaḥ |puṇyeśvaro vimānastho vimānyo vimanā vidhuḥ || 33||

विधिः सिद्धिप्रदो दान्तो गाता गीर्वाणवन्दितः ।श्रान्तो वान्तो विवेकाक्षो दुष्टो भ्रष्टो निरष्टकः ॥ ३४॥

vidhiḥ siddhiprado dānto gātā gīrvāṇavanditaḥ |śrānto vānto vivekākṣo duṣṭo bhraṣṭo niraṣṭakaḥ || 34||

चिन्मयो वाङ्मयो वायुः शून्यः शान्तिप्रदोऽनघः ।भारभृद्भूतभृद्गीतो भीमरूपो भयानकः ॥ ३५॥

cinmayo vāṅmayo vāyuḥ śūnyaḥ śāntiprado'naghaḥ |bhārabhṛdbhūtabhṛdgīto bhīmarūpo bhayānakaḥ || 35||

तच्चण्डदीप्तिश्चण्डाक्षो दलत्केशः स्खलद्रतिः ।अकारोऽथ निराकार इलेश ईश्वरः परः ॥ ३६॥

taccaṇḍadīptiścaṇḍākṣo dalatkeśaḥ skhaladratiḥ |akāro'tha nirākāra ileśa īśvaraḥ paraḥ || 36||

उग्रमूर्तिरुत्सवेश ऊष्मांशुरृणहा ऋणी ।कल्लिहस्तो महाशूरो लिङ्गमूर्तिर्लसद्दृशः ॥ ३७॥

ugramūrtirutsaveśa ūṣmāṃśurṛṇahā ṛṇī |kallihasto mahāśūro liṅgamūrtirlasaddṛśaḥ || 37||

लीलाज्योतिर्महारौद्रो रुद्ररूपो जनाशनः ।एणत्वगासनो धूर्त्तो धूलिरागानुलेपनः ॥ ३८॥

līlājyotirmahāraudro rudrarūpo janāśanaḥ |eṇatvagāsano dhūrtto dhūlirāgānulepanaḥ || 38||

ऐं बीजामृतपूर्णाङ्गः स्वर्णाङ्गः पुण्यवर्धनः ।ॐकारोकाररूपश्च तत्सर्वो अङ्गनापतिः ॥ ३९॥

aiṃ bījāmṛtapūrṇāṅgaḥ svarṇāṅgaḥ puṇyavardhanaḥ |oṃkārokārarūpaśca tatsarvo aṅganāpatiḥ || 39||