अघोरमूर्तिस्तोत्रम् अथवा अघोरस्तोत्रम् Aghoramurti Stotram

अघोरस्तोत्रंॐ श्रीगणेशाय नमः ।श्रीभैरव उवाचकैलाशशिखरासीनं भक्तानुग्रहकाम्यया ।पप्रच्छ प्रणता देवी भैरवं विगतामयम् ॥ १॥

aghorastotraṃoṃ śrīgaṇeśāya namaḥ |śrībhairava uvācakailāśaśikharāsīnaṃ bhaktānugrahakāmyayā |papraccha praṇatā devī bhairavaṃ vigatāmayam || 1||

ब्रह्मादिकारणातीतं स्वशक्त्या नन्दिनिर्भरम् ।नमामि परमेशानं स्वच्छन्दं वीरनायकम् ॥ २॥

brahmādikāraṇātītaṃ svaśaktyā nandinirbharam |namāmi parameśānaṃ svacchandaṃ vīranāyakam || 2||

श्रीदेवी उवाचप्रायश्चित्तेषु सर्वेषु समयोल्लङ्घनेषु च ।महाभयेषु घोरेषु तीव्रोपद्रवभूमिषु ॥ ३॥

śrīdevī uvācaprāyaścitteṣu sarveṣu samayollaṅghaneṣu ca |mahābhayeṣu ghoreṣu tīvropadravabhūmiṣu || 3||

छिद्रस्थानेषु सर्वेषु उपायं वद मे प्रभो ।येनायासेन रहितो निर्दोषश्च भवेन्नरः ॥ ४॥

chidrasthāneṣu sarveṣu upāyaṃ vada me prabho |yenāyāsena rahito nirdoṣaśca bhavennaraḥ || 4||

श्रीभैरव उवाचशृणु देवि परं गुह्यं रहस्यं परमाद्भुतम् ।सर्वपापप्रशमनं सर्वदुःखाभयप्रदम् ॥ ५॥

śrībhairava uvācaśṛṇu devi paraṃ guhyaṃ rahasyaṃ paramādbhutam |sarvapāpapraśamanaṃ sarvaduḥkhābhayapradam || 5||

प्रायश्चित्तेषु सर्वेषु तीव्रेष्वपि विशोधनम् ।सर्वच्छिद्रापहरणं सर्वार्तिविनिवारणम् ॥ ६॥

prāyaścitteṣu sarveṣu tīvreṣvapi viśodhanam |sarvacchidrāpaharaṇaṃ sarvārtivinivāraṇam || 6||

समयोल्लङ्घने घोरे जपादेव विमोचनम् ।भोगमोक्षप्रदं चैव सर्वसिद्धिफलावहम् ॥ ७॥

samayollaṅghane ghore japādeva vimocanam |bhogamokṣapradaṃ caiva sarvasiddhiphalāvaham || 7||

शतं जाप्येन शुद्।ह्ध्यन्ति महापातकिनोऽपि ये ।तदर्द्धं पातकं हन्ति तत्पादेनोपपातकम् ॥ ८॥

śataṃ jāpyena śud|hdhyanti mahāpātakino'pi ye |tadarddhaṃ pātakaṃ hanti tatpādenopapātakam || 8||

कायिकं वाचिकं चैव मानसं स्पर्शदोषजम् ।प्रसादादिच्छया वापि सकृज्जपेन शुद्।ह्ध्यति ॥ ६॥

kāyikaṃ vācikaṃ caiva mānasaṃ sparśadoṣajam |prasādādicchayā vāpi sakṛjjapena śud|hdhyati || 6||

यागारम्भे च यागान्ते पठितव्यं प्रयत्नतः ।नित्ये नैमित्तके काम्ये परस्याप्यात्मनोऽपि वा ॥ १०॥

yāgārambhe ca yāgānte paṭhitavyaṃ prayatnataḥ |nitye naimittake kāmye parasyāpyātmano'pi vā || 10||

निछिद्रकरणं प्रोक्तमभावपरिपूरकम् ।द्रव्यहीने मन्त्रहीने ज्ञानयोगविवर्जिते ॥ ११॥

nichidrakaraṇaṃ proktamabhāvaparipūrakam |dravyahīne mantrahīne jñānayogavivarjite || 11||

भक्तिश्रद्धाविरहिते शुद्धिशून्ये विशेषतः ।मनोविक्षेपदोषे च विलोमे पशुवीक्षिते ॥ १२॥

bhaktiśraddhāvirahite śuddhiśūnye viśeṣataḥ |manovikṣepadoṣe ca vilome paśuvīkṣite || 12||

विधिहीने प्रमादे च जप्तव्यं सर्वकर्मसु ।नातः परतरो मन्त्रो नातः परतरा स्तुतिः ॥ १३॥

vidhihīne pramāde ca japtavyaṃ sarvakarmasu |nātaḥ parataro mantro nātaḥ paratarā stutiḥ || 13||

नातः परतरा काचित्सम्यक् सत्यं गिरा प्रिये ।इयं समयविद्यानां राजराजेश्वरी स्तुतिः ॥ १४॥

nātaḥ paratarā kācitsamyak satyaṃ girā priye |iyaṃ samayavidyānāṃ rājarājeśvarī stutiḥ || 14||

परमाप्यायनं देवि भैरवस्य प्रकीर्तितम् ।प्रीणनं सर्वदेवानां सर्वसौभाग्यवर्धनम् ॥ १५॥

paramāpyāyanaṃ devi bhairavasya prakīrtitam |prīṇanaṃ sarvadevānāṃ sarvasaubhāgyavardhanam || 15||

स्तवराजमिमं पुण्यं शृणुष्वावहिता प्रिये ।ॐ नमः परमाकाशशायिने परमात्मने ॥ १६॥

stavarājamimaṃ puṇyaṃ śṛṇuṣvāvahitā priye |oṃ namaḥ paramākāśaśāyine paramātmane || 16||

शिवाय परमं शान्तं गिरानन्दपदाय ते ।अवाच्याय प्रमेयाय प्रमात्रे विश्वहेतवे ॥ १७॥

śivāya paramaṃ śāntaṃ girānandapadāya te |avācyāya prameyāya pramātre viśvahetave || 17||

महासामान्यरूपाय सत्तामात्रैकरूपिणे ।घोषादिदशधा शब्दबीजभूताय शम्भवे ॥ १८॥

mahāsāmānyarūpāya sattāmātraikarūpiṇe |ghoṣādidaśadhā śabdabījabhūtāya śambhave || 18||

नमः शान्तोग्रघोरादि मन्त्रसंरम्भगर्भिणे ।रेवतीस्रज विश्रम्भ समाश्लेषविलासिने ॥ १६॥

namaḥ śāntograghorādi mantrasaṃrambhagarbhiṇe |revatīsraja viśrambha samāśleṣavilāsine || 16||

नमः समरसास्वादपरानन्दोपभोगिने ।भोगपाणये नमस्तुभ्यं योगीश पूजितात्मने ॥ २०॥

namaḥ samarasāsvādaparānandopabhogine |bhogapāṇaye namastubhyaṃ yogīśa pūjitātmane || 20||

द्वयनिर्मूलनोद्योगसमुल्लासितमूर्तये ।हरप्रसरविक्षोभविस्पष्टाक्षरमूर्त्तये ॥ २१॥

dvayanirmūlanodyogasamullāsitamūrtaye |haraprasaravikṣobhavispaṣṭākṣaramūrttaye || 21||

नमो मायास्वरूपाय स्थाणवे परमेष्ठिने ।घोरसंसारसम्भोगदायिने स्थितिकारिणे ॥ २२॥

namo māyāsvarūpāya sthāṇave parameṣṭhine |ghorasaṃsārasambhogadāyine sthitikāriṇe || 22||

कालादि क्षितिपर्यन्तं पालिने विभवे नमः ।रोहणाय महामोहध्वान्तविध्वंसहेतवे ॥ २३॥

kālādi kṣitiparyantaṃ pāline vibhave namaḥ |rohaṇāya mahāmohadhvāntavidhvaṃsahetave || 23||

हृदयाम्बुजसङ्कोचभेदिने शिव मानवे ।भोगमोक्षफलप्राप्तिहेतुयोगविधायिने ॥ २४॥

hṛdayāmbujasaṅkocabhedine śiva mānave |bhogamokṣaphalaprāptihetuyogavidhāyine || 24||

नमः परमनिर्वाणदायिने चन्द्रमौलये ।घोष्याय सर्वमन्त्राणां सर्ववाङ्मयमूर्तये ॥ २५॥

namaḥ paramanirvāṇadāyine candramaulaye |ghoṣyāya sarvamantrāṇāṃ sarvavāṅmayamūrtaye || 25||

नमः शर्वाय सर्वाय सर्वपापापहारिणे ।रवणाय रवान्ताय नमोऽतरावराविणे ॥ २६॥

namaḥ śarvāya sarvāya sarvapāpāpahāriṇe |ravaṇāya ravāntāya namo'tarāvarāviṇe || 26||

नित्याय सुप्रबुद्धाय सर्वान्तरतमाय ते ।घोषाय परनादान्तचराय खचराय ते ॥ २७॥

nityāya suprabuddhāya sarvāntaratamāya te |ghoṣāya paranādāntacarāya khacarāya te || 27||

नमो वाक्पतये तुभ्यं भगाय पररूपिणे ।रवणाय रतीशार्ङ्गदेहिने चित्रकर्मणे ॥ २८॥

namo vākpataye tubhyaṃ bhagāya pararūpiṇe |ravaṇāya ratīśārṅgadehine citrakarmaṇe || 28||

नमः शैलसुतामात्रे विश्वकर्त्रे महात्मने ।नमो मारप्रतिष्ठाय सर्वन्तिपदगाय ते ॥ २६॥

namaḥ śailasutāmātre viśvakartre mahātmane |namo mārapratiṣṭhāya sarvantipadagāya te || 26||

नमः समस्ततत्त्वाय व्यापिने चित्स्वरूपिणे ।खेद्वाराय भद्राय नमस्ते रूपरूपिणे ॥ ३०॥

namaḥ samastatattvāya vyāpine citsvarūpiṇe |khedvārāya bhadrāya namaste rūparūpiṇe || 30||

परापरपरिस्पन्दमन्दिराय नमोऽस्तु ते ।भरिताखिलविश्वाय योगगम्याय योगिने ॥ ३१॥

parāparaparispandamandirāya namo'stu te |bharitākhilaviśvāya yogagamyāya yogine || 31||

नमः सर्वेश्वरेशाय महाहंसाय शम्भवे ।चर्व्याय चर्वणीयाय चर्वकाय चराय च ॥ ३२॥

namaḥ sarveśvareśāya mahāhaṃsāya śambhave |carvyāya carvaṇīyāya carvakāya carāya ca || 32||

रवीन्दुसन्धिसंस्थाय महाचक्रेश ते नमः ।सर्वानुस्यूतरूपाय सर्वाच्छादकशक्तये ॥ ३३॥

ravīndusandhisaṃsthāya mahācakreśa te namaḥ |sarvānusyūtarūpāya sarvācchādakaśaktaye || 33||

सर्वभक्षाय शर्वाय नमस्ते सर्वरूपिणे ।रम्याय वल्लभाक्रान्तदेहार्धाय विनोदिने ॥ ३४॥

sarvabhakṣāya śarvāya namaste sarvarūpiṇe |ramyāya vallabhākrāntadehārdhāya vinodine || 34||

नमः प्रसन्नदुष्प्रापसौभाग्यफलदायिने ।तन्महेशाय तत्त्वाय वेदिने भवभेदिने ॥ ३५॥

namaḥ prasannaduṣprāpasaubhāgyaphaladāyine |tanmaheśāya tattvāya vedine bhavabhedine || 35||

महाभैरवनाथाय भक्तिगम्याय ते नमः ।शक्तिगर्भप्रबोधाय शरण्याय शरीरिणे ॥ ३६॥

mahābhairavanāthāya bhaktigamyāya te namaḥ |śaktigarbhaprabodhāya śaraṇyāya śarīriṇe || 36||

शान्तिपुष्ट्यादिसाध्याय साधकाय नमो नमः ।रवत्कुण्डलिनीगर्भप्रबोधप्राप्तशक्तये ॥ ३७॥

śāntipuṣṭyādisādhyāya sādhakāya namo namaḥ |ravatkuṇḍalinīgarbhaprabodhaprāptaśaktaye || 37||

तत्स्फोटनपटुप्रौढपरमाक्षररूपिणे ।समस्तव्यस्तसङ्ग्रस्तरश्मिजालोदयात्मने ॥ ३८॥

tatsphoṭanapaṭuprauḍhaparamākṣararūpiṇe |samastavyastasaṅgrastaraśmijālodayātmane || 38||

नमस्तुभ्यं महासेनरूपिणे विश्वगर्भिणे ।रेवारवसमुद्भूतवह्निज्वालावभासिने ॥ ३६॥

namastubhyaṃ mahāsenarūpiṇe viśvagarbhiṇe |revāravasamudbhūtavahnijvālāvabhāsine || 36||

घनीभूतविकल्पान्ध्यविश्वबन्धविलापिने ।भोगिनीस्पन्दनारूढप्रौढमालब्धगर्विणे ॥ ४०॥

ghanībhūtavikalpāndhyaviśvabandhavilāpine |bhoginīspandanārūḍhaprauḍhamālabdhagarviṇe || 40||

नमस्ते सर्वभक्षाय परमामृतलोभिने ।नभकोटिसमावेशभरिताखिलसृष्टये ॥ ४१॥

namaste sarvabhakṣāya paramāmṛtalobhine |nabhakoṭisamāveśabharitākhilasṛṣṭaye || 41||

नमः शक्तिशरीराय कोटिद्वितयसङ्गिने ।महामोहसमाक्रान्तजीववर्गविबोधिने ॥ ४२॥

namaḥ śaktiśarīrāya koṭidvitayasaṅgine |mahāmohasamākrāntajīvavargavibodhine || 42||

महेश्वराय जगतां नमः कारणबन्धवे ।स्तेनोन्मूलनदक्षैकत्रितये विश्वमूर्त्तये ॥ ४३॥

maheśvarāya jagatāṃ namaḥ kāraṇabandhave |stenonmūlanadakṣaikatritaye viśvamūrttaye || 43||

नमस्तेऽस्तु महादेवनाम्ने परसुधात्मने ।रुग्द्राविणे महावीर्य रुरुवंशविनाशिने ॥ ४४॥

namaste'stu mahādevanāmne parasudhātmane |rugdrāviṇe mahāvīrya ruruvaṃśavināśine || 44||

रुद्राय द्राविताशेषबन्धनाय नमो नमः ।द्रवत्यररसास्वादचर्वणोद्युक्तये नमः ॥ ४५॥

rudrāya drāvitāśeṣabandhanāya namo namaḥ |dravatyararasāsvādacarvaṇodyuktaye namaḥ || 45||

नमस्त्रिदशपूज्याय सर्वकारणहेतवे ।रूपातीत नमस्तुभ्यं नमस्ते बहुरूपिणे ॥ ४६॥

namastridaśapūjyāya sarvakāraṇahetave |rūpātīta namastubhyaṃ namaste bahurūpiṇe || 46||

त्र्यम्बकाय त्रिधा मातश्चारिणे च त्रिचक्षुषे ।पेशलोपायलभ्याय भक्तिभाजां महात्मनाम् ॥ ४७॥

tryambakāya tridhā mātaścāriṇe ca tricakṣuṣe |peśalopāyalabhyāya bhaktibhājāṃ mahātmanām || 47||

दुर्लभाय महाक्रान्तचेतसां तु नमो नमः ।भयप्रदाय दुष्टानां भवाय भयभेदिने ॥ ४८॥

durlabhāya mahākrāntacetasāṃ tu namo namaḥ |bhayapradāya duṣṭānāṃ bhavāya bhayabhedine || 48||

भव्याय त्वन्मयानां तु सर्वदाय नमो नमः ।अणूनां मुक्तये घोरघोरसंसारदायिने ॥ ४६॥

bhavyāya tvanmayānāṃ tu sarvadāya namo namaḥ |aṇūnāṃ muktaye ghoraghorasaṃsāradāyine || 46||

घोरातिघोरमूढानां तिरस्कर्त्रे नमोऽस्तु ते ।इत्येवं स्तोत्रराजेन्द्रं महाभैरवभाषितम् ॥ ५०॥

ghorātighoramūḍhānāṃ tiraskartre namo'stu te |ityevaṃ stotrarājendraṃ mahābhairavabhāṣitam || 50||

योगिनीनां परं सारं न दद्याद्यस्य कस्याचित् ।अदीक्षिते शठे क्रूरे निस्सत्ये शुचिवर्जिते ॥ ५१॥

yoginīnāṃ paraṃ sāraṃ na dadyādyasya kasyācit |adīkṣite śaṭhe krūre nissatye śucivarjite || 51||

नास्तिके च खले मूर्खे प्रमत्ते विलुप्तेऽलसे ।गुरुशास्त्रसदाचारदूषके कलहप्रिये ॥ ५२॥

nāstike ca khale mūrkhe pramatte vilupte'lase |guruśāstrasadācāradūṣake kalahapriye || 52||

निर्दये चुम्बके क्षुद्रे समयघ्नेऽथ दाम्भिके ।दाक्षिण्यरहिते पापे धर्महीनेऽथ गर्विते ॥ ५३॥

nirdaye cumbake kṣudre samayaghne'tha dāmbhike |dākṣiṇyarahite pāpe dharmahīne'tha garvite || 53||

पशूनां सन्निधौ देवि नोच्चार्यं सर्वथा क्वचित् ।अस्य संस्मृतमात्रस्य विघ्ना नश्यन्ति सर्वशः ॥ ५४॥

paśūnāṃ sannidhau devi noccāryaṃ sarvathā kvacit |asya saṃsmṛtamātrasya vighnā naśyanti sarvaśaḥ || 54||

गुह्यका यातुधानाश्च वेताला राक्षसादयः ।डामराश्च पिशाचाश्च क्रूरसत्त्वाश्च पूतनाः ॥ ५५॥

guhyakā yātudhānāśca vetālā rākṣasādayaḥ |ḍāmarāśca piśācāśca krūrasattvāśca pūtanāḥ || 55||

ब्याधिदुर्भिक्षदौर्भाग्यमारिमोहविषादयः ।गजव्याघ्रादयो दुष्टाः पलायन्ते च सर्वशः ।सर्वे दुष्टाः प्रणश्यन्ति इत्याज्ञा पारमेश्वरी ॥ ५६॥

byādhidurbhikṣadaurbhāgyamārimohaviṣādayaḥ |gajavyāghrādayo duṣṭāḥ palāyante ca sarvaśaḥ |sarve duṣṭāḥ praṇaśyanti ityājñā pārameśvarī || 56||

॥ इति अघोरस्तोत्रं समाप्तम् ॥॥ शुभमस्तु ॥

|| iti aghorastotraṃ samāptam |||| śubhamastu ||