रेणुकागीतम् Renuka Geetam

श्री गणेशाय नमः ।

śrī gaṇeśāya namaḥ |

सुर शिरश्चरच्चरण रेणुका ।जगदधीश्वरी जयति रेणुका ॥

sura śiraścaraccaraṇa reṇukā |jagadadhīśvarī jayati reṇukā ||

देवता शिरो देश लालितम् ।रेणुका पादं दिशतु मे मुदम् ॥

devatā śiro deśa lālitam |reṇukā pādaṃ diśatu me mudam ||

कुण्डलीपुरी मण्डनं महः ।किमपि भासतां मम सदा हृदि ॥

kuṇḍalīpurī maṇḍanaṃ mahaḥ |kimapi bhāsatāṃ mama sadā hṛdi ||

मस्तकैतवं वस्तु शाश्वतम् ।अस्ति मे सदा शस्तदं हृदि ॥

mastakaitavaṃ vastu śāśvatam |asti me sadā śastadaṃ hṛdi ||

आदिनारि ते पादपङ्कजम् ।स्फुरतु मे मनः सरसिजे सदा ॥

ādināri te pādapaṅkajam |sphuratu me manaḥ sarasije sadā ||

केवलं पदो सेवकोऽस्मि ते ।वेद्मि नेतरद्वेद सन्नुते ॥

kevalaṃ pado sevako'smi te |vedmi netaradveda sannute ||

हृदय तेणुनः समुचितोऽणुना ।परिचयोऽम्बिका पादरेणुना ॥

hṛdaya teṇunaḥ samucito'ṇunā |paricayo'mbikā pādareṇunā ||

पाहि मुञ्च वा पादपङ्कजम् ।त्रिदश सन्नुते न त्यजामि ते ॥

pāhi muñca vā pādapaṅkajam |tridaśa sannute na tyajāmi te ||

चरणमम्ब ते यो निषेवते ।पुनरयं कुचौ धयति किं कृती ! ॥

caraṇamamba te yo niṣevate |punarayaṃ kucau dhayati kiṃ kṛtī ! ||

अहरहोऽम्ब ते रहसि चिन्तया ।धन्यतां गतो नान्यदर्थये ॥

aharaho'mba te rahasi cintayā |dhanyatāṃ gato nānyadarthaye ||

स्मरजितो यथा शिरसि जाह्नवी ।जननि रेणुके मनसि ते कृपा ॥

smarajito yathā śirasi jāhnavī |janani reṇuke manasi te kṛpā ||

अम्ब पाहि मां दम्ब तापसि ।पादपङ्कजयोः आदिकिङ्करम् ॥

amba pāhi māṃ damba tāpasi |pādapaṅkajayoḥ ādikiṅkaram ||

पुत्रमात्मनः पुण्यकीर्तने ।बहुकृपे कुतो मामुपेक्षसे ॥

putramātmanaḥ puṇyakīrtane |bahukṛpe kuto māmupekṣase ||

अम्ब संस्तुते जम्भ वैरिणा ।पाहि मामिमं मग्नमापदि । तत्त्ववादिनाः सत्त्वशालिनी ॥

amba saṃstute jambha vairiṇā |pāhi māmimaṃ magnamāpadi | tattvavādināḥ sattvaśālinī ||

त्वामजे विन्दुः सत्स्वरूपिणीम् ।त्वां प्रचक्षते सदयवीक्षिते ॥

tvāmaje vinduḥ satsvarūpiṇīm |tvāṃ pracakṣate sadayavīkṣite ||

वेदि वेदिनो मोदरूपिणीम् ।संविदं विदुस्त्वामिदं प्रभुम् ॥

vedi vedino modarūpiṇīm |saṃvidaṃ vidustvāmidaṃ prabhum ||

परमयोगिनः परमदेवते ।जननि कुण्डलीपुर निवासिनि । परशुरामवत्पश्य मामिमम् ॥

paramayoginaḥ paramadevate |janani kuṇḍalīpura nivāsini | paraśurāmavatpaśya māmimam ||

तनयरोदनं श्रवणशालिनि ।शृणुसुरार्चिते यदि दया हृदि ॥

tanayarodanaṃ śravaṇaśālini |śṛṇusurārcite yadi dayā hṛdi ||

याचकः सुतो भजनमीप्सितम् ।तदपिदुर्लभं किमिदमम्बिके ॥

yācakaḥ suto bhajanamīpsitam |tadapidurlabhaṃ kimidamambike ||

मास्तु वेतनं छिन्नमस्तके ।भजनमेव ते याच्यते मया ॥

māstu vetanaṃ chinnamastake |bhajanameva te yācyate mayā ||

तरलतारया ज्वलनदीर्घया । सानुकम्पया शीतपातया ॥

taralatārayā jvalanadīrghayā |sānukampayā śītapātayā ||

केवलं दृशां पश्य रेणुके ।तेन मे शुभं न च तवाशुभम् ॥

kevalaṃ dṛśāṃ paśya reṇuke |tena me śubhaṃ na ca tavāśubham ||

किङ्करीभवत्सुरविलासिनी ।जयति कुण्डली नगरवासिनी ॥

kiṅkarībhavatsuravilāsinī |jayati kuṇḍalī nagaravāsinī ||

मधुरमम्ब ते चरणपङ्कजम् ।तत्र यद्रतैस्त्यज्यतेऽखिलम् ॥

madhuramamba te caraṇapaṅkajam |tatra yadrataistyajyate'khilam ||

चरणमम्ब ते चरतु मे हृदि ।इयमनामये प्रार्थना मम ॥

caraṇamamba te caratu me hṛdi |iyamanāmaye prārthanā mama ||

भुजगकङ्कणप्रभूति संस्तुते ।भुजभुवामरेर्जननि पाहिमाम् ॥

bhujagakaṅkaṇaprabhūti saṃstute |bhujabhuvāmarerjanani pāhimām ||

कुण्डलीपुरी मण्डनायिता ।गणपतिस्तुता जयति रेणुका ॥

kuṇḍalīpurī maṇḍanāyitā |gaṇapatistutā jayati reṇukā ||

इति श्री वसिष्ठ गणपतिमुनि प्रोक्तं रेणुका गीतं सम्पूर्णम् ॥

iti śrī vasiṣṭha gaṇapatimuni proktaṃ reṇukā gītaṃ sampūrṇam ||

— ष्रिरम्

— ṣriram