रेणुकाकवचम् ३ Renuka Kavacham 3 (Damareshvara Tantra)

॥ श्री गणेशाय नमः ॥

|| śrī gaṇeśāya namaḥ ||

श्री देव्युवाच

śrī devyuvāca

भगवन् ब्रूहि कवचं भुक्तिमुक्तिप्रदायकम् ।त्रैलोक्यमोहनं नाम कृपया मे जगद्गुरो ॥

bhagavan brūhi kavacaṃ bhuktimuktipradāyakam |trailokyamohanaṃ nāma kṛpayā me jagadguro ||

ईश्वर उवाचशृणु देवि वरारोहे कवचं ब्रह्मरूपिणि ।ब्रह्मेशप्रमुखाधीशनारायणमुखाच्युतम् ॥

īśvara uvācaśṛṇu devi varārohe kavacaṃ brahmarūpiṇi |brahmeśapramukhādhīśanārāyaṇamukhācyutam ||

कवचं रेणुकादेव्याः यः पठेत्प्रयतो नरः ।तच्छ्रुत्वा पठनाद्ब्रह्मा सृष्टिकर्ताऽभवत्प्रभुः ॥

kavacaṃ reṇukādevyāḥ yaḥ paṭhetprayato naraḥ |tacchrutvā paṭhanādbrahmā sṛṣṭikartā'bhavatprabhuḥ ||

कृष्णो दूर्वादलश्यामो देवकी गर्भसम्भवः ।ह्यत्पद्मे रेणुकां ध्यात्वा ऋद्धिसिद्धिफलप्रदाम् ॥

kṛṣṇo dūrvādalaśyāmo devakī garbhasambhavaḥ |hyatpadme reṇukāṃ dhyātvā ṛddhisiddhiphalapradām ||

सर्वाः श्यामा भवन्त्येताः जनार्दनविभूतयः ।एवं देवगणाः सर्वे सर्वैश्वर्यमवाप्नुयुः ॥

sarvāḥ śyāmā bhavantyetāḥ janārdanavibhūtayaḥ |evaṃ devagaṇāḥ sarve sarvaiśvaryamavāpnuyuḥ ||

शिष्याय गुरुभक्ताय साधकाय प्रकाशयेत् ।यो ददात्यन्यशिष्याय शठाय पशुरूपिणे ॥

śiṣyāya gurubhaktāya sādhakāya prakāśayet |yo dadātyanyaśiṣyāya śaṭhāya paśurūpiṇe ||

पञ्चत्वं जायते तस्य ह्यथवा वातुलो भवेत् ।कवचस्यास्य सुभगे योगी रुद्र ऋषिः स्वयम् ॥

pañcatvaṃ jāyate tasya hyathavā vātulo bhavet |kavacasyāsya subhage yogī rudra ṛṣiḥ svayam ||

विराट् छन्दो निगदितं देवता रेणुका परा ।धर्मार्थकाममोक्षेषु विनियोग उदाहृतः ॥

virāṭ chando nigaditaṃ devatā reṇukā parā |dharmārthakāmamokṣeṣu viniyoga udāhṛtaḥ ||

क्लीं क्लीं क्लीं मे शिरः पातु भालं नेत्रयुगं तथा ।रेणुका नेत्रयुगलं क्लीं क्लीं नासापुटद्वयम् ॥

klīṃ klīṃ klīṃ me śiraḥ pātu bhālaṃ netrayugaṃ tathā |reṇukā netrayugalaṃ klīṃ klīṃ nāsāpuṭadvayam ||

राममाता च मे पातु सजिह्वां मुखमेव च ।भुजयुग्मं तथा पातु क्लीं क्लीं मे त्र्यक्षरात्मिका ॥

rāmamātā ca me pātu sajihvāṃ mukhameva ca |bhujayugmaṃ tathā pātu klīṃ klīṃ me tryakṣarātmikā ||

कण्ठं च चिबुकं चैव रक्षेन्मे जगदम्बिका ।स्वाहाऽवतु ब्रह्मरन्ध्रं महापुरनिवासिनी ॥

kaṇṭhaṃ ca cibukaṃ caiva rakṣenme jagadambikā |svāhā'vatu brahmarandhraṃ mahāpuranivāsinī ||

क्लीं क्लीं मे रेणुका पश्चात् रक्षेन्मे पादमेव च ।क्लीं क्लीं मे हृदयं पातु क्लीं क्लीं मे पार्श्वमेव च ॥

klīṃ klīṃ me reṇukā paścāt rakṣenme pādameva ca |klīṃ klīṃ me hṛdayaṃ pātu klīṃ klīṃ me pārśvameva ca ||

क्लीं क्लीं मे नाभिकमलं क्लीं क्लीं मे पृष्ठमेव च ।क्लीं क्लीं मे द्विफडन्ते च स्वाहेति परिकीर्तिता ॥

klīṃ klīṃ me nābhikamalaṃ klīṃ klīṃ me pṛṣṭhameva ca |klīṃ klīṃ me dviphaḍante ca svāheti parikīrtitā ||

एकाक्षरी महाविद्या सर्वाङ्गं मे सदाऽवतु ।प्राच्यां रक्षतु मां देवि आग्नेयां मातृका तथा ॥

ekākṣarī mahāvidyā sarvāṅgaṃ me sadā'vatu |prācyāṃ rakṣatu māṃ devi āgneyāṃ mātṛkā tathā ||

रेणुका दक्षिणे रक्षेद्राममाता च नैरृत्ये ।विरोधिनी प्रतीच्यां मे वायव्यां जगद्म्बिका ॥

reṇukā dakṣiṇe rakṣedrāmamātā ca nairṛtye |virodhinī pratīcyāṃ me vāyavyāṃ jagadmbikā ||

उग्रा रक्षेदुदीच्यां च ईशान्यां मां प्रभावती ।दीप्ता रक्षेत्त्वधोभागे नीला चैवोर्ध्वदेशिके ॥

ugrā rakṣedudīcyāṃ ca īśānyāṃ māṃ prabhāvatī |dīptā rakṣettvadhobhāge nīlā caivordhvadeśike ||

पुत्रमित्रकलत्रादीन् देवी रक्षतु सर्वदा ।इति ते कथितं देवि सर्वमन्मौघविग्रहम् ॥

putramitrakalatrādīn devī rakṣatu sarvadā |iti te kathitaṃ devi sarvamanmaughavigraham ||

त्रैलोक्यमोहनं नाम कवचं ब्रह्मरूपिणी ।ब्रह्मेशप्रमुखाधीशनारायणमुखाच्युतम् ॥

trailokyamohanaṃ nāma kavacaṃ brahmarūpiṇī |brahmeśapramukhādhīśanārāyaṇamukhācyutam ||

कवचं रेणुका देव्याः यः पठेत्प्रयतो नरः ।स सर्वसिद्धमाप्नोति सत्यमेव न संशयः ॥

kavacaṃ reṇukā devyāḥ yaḥ paṭhetprayato naraḥ |sa sarvasiddhamāpnoti satyameva na saṃśayaḥ ||

गाने तु तुम्बरुः साक्षाद्दाने वै वासवो यथा ।दत्तात्रेयसमो ज्ञाने गङ्गेव मलनाशकः ॥

gāne tu tumbaruḥ sākṣāddāne vai vāsavo yathā |dattātreyasamo jñāne gaṅgeva malanāśakaḥ ||

कामदेवसमो रूपे वायुतुल्यः पराक्रमे ।स भवेत्साधकः श्रेष्ठः सत्यं सत्यं मयोदितम् ॥

kāmadevasamo rūpe vāyutulyaḥ parākrame |sa bhavetsādhakaḥ śreṣṭhaḥ satyaṃ satyaṃ mayoditam ||

न हन्यते गतिस्तस्य वायोरिव नभस्तले ।शतमष्टोत्तरं चास्य पुरश्चर्याविधिस्मृतः ॥

na hanyate gatistasya vāyoriva nabhastale |śatamaṣṭottaraṃ cāsya puraścaryāvidhismṛtaḥ ||

हवनं तद्दशांशेन कृत्वा तत्साधयेद्भुवम् ।यदि चेत् सिद्धकवचः शिवतुल्यो भवेत्स्वयम् ॥

havanaṃ taddaśāṃśena kṛtvā tatsādhayedbhuvam |yadi cet siddhakavacaḥ śivatulyo bhavetsvayam ||

पठनाद्धारणात्सर्वा पृथ्वी काशीपुरीसमा ।यत्र कुत्र विपन्नोऽपि वाराणस्यां मृतो भवेत् ॥

paṭhanāddhāraṇātsarvā pṛthvī kāśīpurīsamā |yatra kutra vipanno'pi vārāṇasyāṃ mṛto bhavet ||

न मन्त्रो नौषधं तस्य नाकालमरणं तथा ।भवत्येव महेशानि कवचे हृदि संस्थिते ॥

na mantro nauṣadhaṃ tasya nākālamaraṇaṃ tathā |bhavatyeva maheśāni kavace hṛdi saṃsthite ||

अश्वमेधसहस्राणि वा जपेय शतानि च ।महादानानि यान्येव प्रादक्षिण्यं भुवस्तथा ॥

aśvamedhasahasrāṇi vā japeya śatāni ca |mahādānāni yānyeva prādakṣiṇyaṃ bhuvastathā ||

कलां नार्हन्ति तान्येव सकृदुच्चारणादतः ।पुष्पाञ्जलिं रेणुकायै मूलेनैव सदाऽर्पयेत् ॥

kalāṃ nārhanti tānyeva sakṛduccāraṇādataḥ |puṣpāñjaliṃ reṇukāyai mūlenaiva sadā'rpayet ||

शतवर्षसहस्रायाः पूजायाः फलमाप्नुयात् ।लिखित्वा भूर्जपत्रे तु वध्नीयात्सर्वकार्यके ॥

śatavarṣasahasrāyāḥ pūjāyāḥ phalamāpnuyāt |likhitvā bhūrjapatre tu vadhnīyātsarvakāryake ||

इदं कवचमज्ञात्वा यो जपेद्रेणुकां शिवाम् ।शतलक्षं प्रजप्त्वाऽपि न मन्त्रः सिद्धिदायकः ॥

idaṃ kavacamajñātvā yo japedreṇukāṃ śivām |śatalakṣaṃ prajaptvā'pi na mantraḥ siddhidāyakaḥ ||

इति श्रीडामरेश्वरतन्त्रे ईश्वरपार्वतीसंवादे रेणुकाकवचं समाप्तम् ॥

iti śrīḍāmareśvaratantre īśvarapārvatīsaṃvāde reṇukākavacaṃ samāptam ||