रामस्तुतिः ०५ Shrirama Stuti by Naradamuni

श्रीनारद उवाच ।श्रीरामं मुनिविश्रामं जनसद्धामं हृदयारामंसीतारञ्जनसत्यसनातनराजारामं घनश्यामम् ।नारीमस्तुतकालिन्दीनतनिद्राग्रार्थितभूपालंरामं त्वां शिरसा सततं प्रणमामिच्छेदितसत्तालम् ॥ ८८॥

śrīnārada uvāca |śrīrāmaṃ muniviśrāmaṃ janasaddhāmaṃ hṛdayārāmaṃsītārañjanasatyasanātanarājārāmaṃ ghanaśyāmam |nārīmastutakālindīnatanidrāgrārthitabhūpālaṃrāmaṃ tvāṃ śirasā satataṃ praṇamāmiccheditasattālam || 88||

नानाराक्षसहन्तारं शरधारं जनताधारंवालीमर्दनसागरबन्धननानाकौतुककर्तारम् ।पौरानन्ददनारीतोषककस्तूरीयुतसद्भालंरामं त्वां शिरसा सततं प्रणमामि च्छेदितसत्तालम् ॥ ८९॥

nānārākṣasahantāraṃ śaradhāraṃ janatādhāraṃvālīmardanasāgarabandhananānākautukakartāram |paurānandadanārītoṣakakastūrīyutasadbhālaṃrāmaṃ tvāṃ śirasā satataṃ praṇamāmi ccheditasattālam || 89||

श्रीकान्तं जगतीकान्तं स्तुतसद्भक्तं बहुमद्भक्तंसद्भक्तहृदयेप्सितपूरकपद्माक्षं नृपजाकान्तम् ।पृथ्वीजापतिविश्वामित्रसुविद्यादर्शितसच्छीलंरामं त्वां शिरसा सततं प्रणमामि च्छेदितसत्तालम् ॥ ९०॥

śrīkāntaṃ jagatīkāntaṃ stutasadbhaktaṃ bahumadbhaktaṃsadbhaktahṛdayepsitapūrakapadmākṣaṃ nṛpajākāntam |pṛthvījāpativiśvāmitrasuvidyādarśitasacchīlaṃrāmaṃ tvāṃ śirasā satataṃ praṇamāmi ccheditasattālam || 90||

सीतारञ्जितविश्वेशं धरपृथ्वीशं सुरलोकेशंग्रावोद्धारणरावणमर्दनतद्भ्राताकृतलङ्केशम् ।किष्किन्धाकृतसुग्रीवं प्लवगवृन्दाधिपसत्पालंरामं त्वां शिरसा सततं प्रणमामि च्छेदितसत्तालम् ॥ ९१॥

sītārañjitaviśveśaṃ dharapṛthvīśaṃ suralokeśaṃgrāvoddhāraṇarāvaṇamardanatadbhrātākṛtalaṅkeśam |kiṣkindhākṛtasugrīvaṃ plavagavṛndādhipasatpālaṃrāmaṃ tvāṃ śirasā satataṃ praṇamāmi ccheditasattālam || 91||

श्रीनाथं जगतां नाथं जगतीनाथं नृपतीनाथंभूदेवासुरनिर्जरपन्नगगन्धर्वादिकसन्नाथम् ।कोदण्डधृततूणीरान्वितसङ्ग्रामे कृतभूपालंरामं त्वां शिरसा सततं प्रणमामि च्छेदितसत्तालम् ॥ ९२॥

śrīnāthaṃ jagatāṃ nāthaṃ jagatīnāthaṃ nṛpatīnāthaṃbhūdevāsuranirjarapannagagandharvādikasannātham |kodaṇḍadhṛtatūṇīrānvitasaṅgrāme kṛtabhūpālaṃrāmaṃ tvāṃ śirasā satataṃ praṇamāmi ccheditasattālam || 92||

रामेशं जगतामीशं जम्बुद्वीपेशन्नतलोकेशंवाल्मीकीकृतसंस्तवहर्षितसीतालालितवागीशम् ।पृथ्वीशंहृतभूभारन्नतयोगीन्द्रं जगतीपालंरामं त्वां शिरसा सततं प्रणमामि च्छेदितसत्तालम् ॥ ९३॥

rāmeśaṃ jagatāmīśaṃ jambudvīpeśannatalokeśaṃvālmīkīkṛtasaṃstavaharṣitasītālālitavāgīśam |pṛthvīśaṃhṛtabhūbhārannatayogīndraṃ jagatīpālaṃrāmaṃ tvāṃ śirasā satataṃ praṇamāmi ccheditasattālam || 93||

चिद्रूपं जितसद्भूपं नतसद्दिक्पं नतसद्भूपंसप्तद्वीपजवर्षजकामिनिसन्नीराजितपृथ्वीपम् ।नानापार्थिवनानोपायनसम्यक्तोषितसद्भूपंरामं त्वां शिरसा सततं प्रणमामि च्छेदितसत्तालम् ॥ ९४॥

cidrūpaṃ jitasadbhūpaṃ natasaddikpaṃ natasadbhūpaṃsaptadvīpajavarṣajakāminisannīrājitapṛthvīpam |nānāpārthivanānopāyanasamyaktoṣitasadbhūpaṃrāmaṃ tvāṃ śirasā satataṃ praṇamāmi ccheditasattālam || 94||

संसेव्यं मुनिभिर्गेयं कविभिः स्तव्यं हृदि सन्धार्यंनानापण्डिततर्कपुराणजवाक्यादिकृतसत्काव्यम् ।साकेतस्थितकौसल्यासुतगन्धाद्यङ्कितसद्भालंरामं त्वां शिरसा सततं प्रणमामि च्छेदितसत्तालम् ॥ ९५॥

saṃsevyaṃ munibhirgeyaṃ kavibhiḥ stavyaṃ hṛdi sandhāryaṃnānāpaṇḍitatarkapurāṇajavākyādikṛtasatkāvyam |sāketasthitakausalyāsutagandhādyaṅkitasadbhālaṃrāmaṃ tvāṃ śirasā satataṃ praṇamāmi ccheditasattālam || 95||

भूपालं घनसन्नीलं नृपसद्भालं कलिसङ्कालंसीताजानिवरोत्पललोचनमन्त्रीमोचिततत्कालम् ।श्रीसीताकृतपद्मास्वादनसम्यक्शिक्षिततत्कालंरामं त्वां शिरसा सततं प्रणमामि च्छेदितसत्तालम् ॥ ९६॥

bhūpālaṃ ghanasannīlaṃ nṛpasadbhālaṃ kalisaṅkālaṃsītājānivarotpalalocanamantrīmocitatatkālam |śrīsītākṛtapadmāsvādanasamyakśikṣitatatkālaṃrāmaṃ tvāṃ śirasā satataṃ praṇamāmi ccheditasattālam || 96||

हे राजन् नवभिः श्लोकैर्भुवि पापघ्नं नवकं रम्यंमे बुद्।ह्ध्या कृतमुत्तमनूतनमेतद्राघव मर्त्यानाम् ।स्त्रीपौत्रान्नादिकक्षेमप्रदमस्मत्सद्वरदश्चालंरामं त्वां शिरसा सततं प्रणमामि च्छेदितसत्तालम् ॥ ९७॥

he rājan navabhiḥ ślokairbhuvi pāpaghnaṃ navakaṃ ramyaṃme bud|hdhyā kṛtamuttamanūtanametadrāghava martyānām |strīpautrānnādikakṣemapradamasmatsadvaradaścālaṃrāmaṃ tvāṃ śirasā satataṃ praṇamāmi ccheditasattālam || 97||

श्रीरामदास उवाच ।एवं स्तुत्वा रमानाथं राघवं भक्तवत्सलम् ।प्रणम्याज्ञां प्रभोः प्राप्य प्रययौ नारदो मुदा ॥ ९८॥

śrīrāmadāsa uvāca |evaṃ stutvā ramānāthaṃ rāghavaṃ bhaktavatsalam |praṇamyājñāṃ prabhoḥ prāpya prayayau nārado mudā || 98||

इति श्रीशतकोटिरामचरितान्तर्गते श्रीमदानन्दरामायणेवाल्मीकीये राज्यकाण्डे उत्तरार्धे सीतया तुलसीपत्रसन्धिर्नामद्वाविशाध्यायान्तर्गता नारदेन कृता श्रीरामस्तुतिः समाप्ता ।

iti śrīśatakoṭirāmacaritāntargate śrīmadānandarāmāyaṇevālmīkīye rājyakāṇḍe uttarārdhe sītayā tulasīpatrasandhirnāmadvāviśādhyāyāntargatā nāradena kṛtā śrīrāmastutiḥ samāptā |