रामस्तोत्रम् ०८ पद्यात्मक Shrirama Stotram Padyatmaka

राममाश्रय राममाश्रय राममाश्रय भद्रदम् ।राममाश्रयतां कुतोऽपि भवेत्कुदैवमभद्रदम् ॥ ध्रु\।॥यस्य पादसरोजलग्नरजःकणादपि तत्क्षणम् ।गौतमर्षिवधूद्धृतिः किल यत्कटाक्षनिरीक्षणम् ॥आरवीन्दु बिभीषणाय सुराज्यमर्पयदाशु तम् ।चित्त चिन्तय विश्रुतं न च हन्ति कोऽपि यदाश्रितम् ॥ १॥

rāmamāśraya rāmamāśraya rāmamāśraya bhadradam |rāmamāśrayatāṃ kuto'pi bhavetkudaivamabhadradam || dhru\|||yasya pādasarojalagnarajaḥkaṇādapi tatkṣaṇam |gautamarṣivadhūddhṛtiḥ kila yatkaṭākṣanirīkṣaṇam ||āravīndu bibhīṣaṇāya surājyamarpayadāśu tam |citta cintaya viśrutaṃ na ca hanti ko'pi yadāśritam || 1||

माययापि यदाश्रितस्त्विह कोऽपि नो परिभूयते ।राममार्तिविराममाश्रय कं यतो ह्यनुभूयते ॥यस्य नामवशाच्छिला अपि सिन्धुना हि समुद्धृताः ।ते जडा अजडा भवन्ति न किं वदाऽत्र समुद्धृताः ॥ २॥

māyayāpi yadāśritastviha ko'pi no paribhūyate |rāmamārtivirāmamāśraya kaṃ yato hyanubhūyate ||yasya nāmavaśācchilā api sindhunā hi samuddhṛtāḥ |te jaḍā ajaḍā bhavanti na kiṃ vadā'tra samuddhṛtāḥ || 2||

सर्वदैवतकिंशरोऽखिलशङ्करोऽपि हि शङ्करो ।यस्य नाम विमुक्तिधाम जपत्यकामहितादरः ॥वासुदेवसरस्वती यमगायताखिलकामदम् ।राममाश्रय तं सतां मतमाशु शाश्वतधामदम् ॥ ३॥

sarvadaivatakiṃśaro'khilaśaṅkaro'pi hi śaṅkaro |yasya nāma vimuktidhāma japatyakāmahitādaraḥ ||vāsudevasarasvatī yamagāyatākhilakāmadam |rāmamāśraya taṃ satāṃ matamāśu śāśvatadhāmadam || 3||

इति श्रीवासुदेवानन्दसरस्वतीविरचिता श्रीरामस्तुतिः समाप्ता ।

iti śrīvāsudevānandasarasvatīviracitā śrīrāmastutiḥ samāptā |