रामकवचम् ३ Shrirama Kavacham

कपिकटकधुरीणः कार्मुकन्यस्तबाणःक्षपितदितिजसैन्यः क्षत्रियेष्वग्रगण्यः ।जलधिरचितसेतुर्जानकीतोषहेतुःपथि पथि गुणसान्द्रः पातु मां रामचन्द्रः ॥ १॥

kapikaṭakadhurīṇaḥ kārmukanyastabāṇaḥkṣapitaditijasainyaḥ kṣatriyeṣvagragaṇyaḥ |jaladhiracitaseturjānakītoṣahetuḥpathi pathi guṇasāndraḥ pātu māṃ rāmacandraḥ || 1||

श्रीमत्किरीटविभ्राजिशिरा रामः शिरोऽवतु ।कुटिलालकसंशोभिललाटान्तः सुरार्थितः ॥ २॥

śrīmatkirīṭavibhrājiśirā rāmaḥ śiro'vatu |kuṭilālakasaṃśobhilalāṭāntaḥ surārthitaḥ || 2||

माणिक्यमौक्तिकोद्भासितिलकः सूर्यवंशजः ।ललाटं पातु सुभूर्मे कौसल्यानन्दनो भ्रूवौ ॥ ३॥

māṇikyamauktikodbhāsitilakaḥ sūryavaṃśajaḥ |lalāṭaṃ pātu subhūrme kausalyānandano bhrūvau || 3||

धनुर्विद्यापारदृश्वा नेत्रे पात्वब्जलोचनः ।लसन्नासापुटो नासां विश्वामित्रवृतोऽवतु ॥ ४॥

dhanurvidyāpāradṛśvā netre pātvabjalocanaḥ |lasannāsāpuṭo nāsāṃ viśvāmitravṛto'vatu || 4||

बिम्बोष्ठोऽव्यान्मदीयौष्ठौ शम्भुकार्मुकभञ्जनः ।कुन्दकोशलसद्दन्तो दन्तान्मे जानकीपतिः ॥ ५॥

bimboṣṭho'vyānmadīyauṣṭhau śambhukārmukabhañjanaḥ |kundakośalasaddanto dantānme jānakīpatiḥ || 5||

मनोज्ञरसनो जिह्वां पातु लोकमयान्तकृत् ।वाचं व्याख्याविदग्धोऽव्याच्यक्तसाम्राज्यसम्भ्रमः ॥ ६॥

manojñarasano jihvāṃ pātu lokamayāntakṛt |vācaṃ vyākhyāvidagdho'vyācyaktasāmrājyasambhramaḥ || 6||

आस्यं चन्द्रोपमास्योऽव्याद्रामचन्द्रो वनेचरः ।कम्बुग्रीवोऽवतु ग्रीवां खरदूषणसैन्यजित् ॥ ७॥

āsyaṃ candropamāsyo'vyādrāmacandro vanecaraḥ |kambugrīvo'vatu grīvāṃ kharadūṣaṇasainyajit || 7||

चारुदीर्घकरः पाणी मारीचमृगलुब्धकः ।कङ्कणाङ्गदमुद्राढयोऽङ्गुलीस्त्यक्तप्रियाकृतिः ॥ ८॥

cārudīrghakaraḥ pāṇī mārīcamṛgalubdhakaḥ |kaṅkaṇāṅgadamudrāḍhayo'ṅgulīstyaktapriyākṛtiḥ || 8||

पातु पीनांसयुग्मोऽसौ हनूमन्नयनोत्सवः ।हारकौस्तुभभृत्कण्ठमूलं सुग्रीवसख्यकृत् ॥ ९॥

pātu pīnāṃsayugmo'sau hanūmannayanotsavaḥ |hārakaustubhabhṛtkaṇṭhamūlaṃ sugrīvasakhyakṛt || 9||

उरः पातु महोरस्कः तालात्मासुरखण्डनः ।मध्यं कृशलसन्मध्यः पातु वाल्यङ्गभेदनः ॥ १०॥

uraḥ pātu mahoraskaḥ tālātmāsurakhaṇḍanaḥ |madhyaṃ kṛśalasanmadhyaḥ pātu vālyaṅgabhedanaḥ || 10||

दर्भशायी विभुः पातु वलीस्त्रिवलिपल्लवः ।तनुदरः पातु कुक्षिं कृतसेतुर्महार्णवे ॥ ११॥

darbhaśāyī vibhuḥ pātu valīstrivalipallavaḥ |tanudaraḥ pātu kukṣiṃ kṛtaseturmahārṇave || 11||

निम्ननाभिः प्रभुः पातु नाभिं कपिचमूपतिः ।पीताम्बरः स्फुरत्काञ्चीद्योतमानकटिद्वयः ॥ १२॥

nimnanābhiḥ prabhuḥ pātu nābhiṃ kapicamūpatiḥ |pītāmbaraḥ sphuratkāñcīdyotamānakaṭidvayaḥ || 12||

ङ्काप्राकारनिर्भेदी रामः पात कटिं मम ।ऊरू करिकरोरुर्मे चारुबाणधनुर्धरः ॥ १३॥

ṅkāprākāranirbhedī rāmaḥ pāta kaṭiṃ mama |ūrū karikarorurme cārubāṇadhanurdharaḥ || 13||

जृम्भिरावणसैन्याब्धिकुम्भसम्भवकोटिधूः ।जानुनी वृत्तविलसज्जानुयुग्मो ममावतु ॥ १४॥

jṛmbhirāvaṇasainyābdhikumbhasambhavakoṭidhūḥ |jānunī vṛttavilasajjānuyugmo mamāvatu || 14||

कम्भकर्णादिनिर्भङ्गदम्भोळासमसायकः ।जङ्धे तुङ्गेभदन्ताभजङ्घायुग्मोऽवतु प्रभुः ॥ १५॥

kambhakarṇādinirbhaṅgadambhoḷāsamasāyakaḥ |jaṅdhe tuṅgebhadantābhajaṅghāyugmo'vatu prabhuḥ || 15||

दशाननशिरोरण्यपरश्वधपराक्रमः ।मुक्ताङ्कुरसमश्रीमद्गुल्फों गुल्फौ ममावतु ॥ १६॥

daśānanaśiroraṇyaparaśvadhaparākramaḥ |muktāṅkurasamaśrīmadgulphoṃ gulphau mamāvatu || 16||

ससम्भ्रमसुरश्रेणीशिरोजुष्टाङ्ध्रिपल्लवः ।पादौ रक्षतु मे नित्यं विभीषणपदप्रदः ॥ १७॥

sasambhramasuraśreṇīśirojuṣṭāṅdhripallavaḥ |pādau rakṣatu me nityaṃ vibhīṣaṇapadapradaḥ || 17||

नखान् पातु नखश्रेणीशशिद्योतितदिङ्मुखः ।अग्निज्वालोदितस्वीयसीतो वीतच्छिदाकृतिः ॥ १८॥

nakhān pātu nakhaśreṇīśaśidyotitadiṅmukhaḥ |agnijvāloditasvīyasīto vītacchidākṛtiḥ || 18||

रक्तपादतलादित्यः पातु पादतले मम ।प्राप्तायोध्यापुरैश्वर्यः प्राच्यां पातु मनोरमः ॥ १९॥

raktapādatalādityaḥ pātu pādatale mama |prāptāyodhyāpuraiśvaryaḥ prācyāṃ pātu manoramaḥ || 19||

धर्मप्रवर्तकः पायादवाच्यां नीरदद्युतिः ।पातु प्रतीच्यां यज्वीन्द्रो हनूमत्पारमेष्ठयदः ॥ २०॥

dharmapravartakaḥ pāyādavācyāṃ nīradadyutiḥ |pātu pratīcyāṃ yajvīndro hanūmatpārameṣṭhayadaḥ || 20||

उदीच्यामुद्गतायोगविदेहतनयाप्रियः ।अधोऽधःकृतपापैघः पातु रामोऽखिलाग्रणीः ॥ २१॥

udīcyāmudgatāyogavidehatanayāpriyaḥ |adho'dhaḥkṛtapāpaighaḥ pātu rāmo'khilāgraṇīḥ || 21||

ऊर्ध्वमुन्नीतसज्जीवनानासङ्घसुखप्रदः ।य इदं रघुनाथस्य कवचं बिभृयान्नरः ॥ २२॥

ūrdhvamunnītasajjīvanānāsaṅghasukhapradaḥ |ya idaṃ raghunāthasya kavacaṃ bibhṛyānnaraḥ || 22||

यतिना वादिराजेन रचितं निर्मलं दृढम् ।स्प्रष्टुं तं नैव रक्षांसि पापानि रिपवोऽपि वा ॥ २३॥

yatinā vādirājena racitaṃ nirmalaṃ dṛḍham |spraṣṭuṃ taṃ naiva rakṣāṃsi pāpāni ripavo'pi vā || 23||

विपदो व्याधयो वाऽपि शक्नुवन्ति शरोपमाः ।अरिं जित्वा तु संसारं यास्यत्यन्तेऽपुनर्भवम् ॥ २४॥

vipado vyādhayo vā'pi śaknuvanti śaropamāḥ |ariṃ jitvā tu saṃsāraṃ yāsyatyante'punarbhavam || 24||

इति श्रीमद्वादिराजपूज्यचरणविरचितंश्रीरामकवचं सम्पूर्णम् ।भारतीरमणमुख्यप्राणान्तर्गत श्रीकृष्णार्पणमस्तु ।

iti śrīmadvādirājapūjyacaraṇaviracitaṃśrīrāmakavacaṃ sampūrṇam |bhāratīramaṇamukhyaprāṇāntargata śrīkṛṣṇārpaṇamastu |