कोदण्डपाणिसुप्रभातम् Shri Kodandapani Suprabhatam

वन्दे वेङ्कटशेषार्यवत्सवंशशिरोमणिम् ।वात्स्यश्रीवरदाचार्यतनयं करुणानिधिम् ॥श्रीरामचन्द्र करुणावरुणालय श्रीसीतामुखाम्बुजविकासक बालसूर्य!।सौमित्रिमित्र ! भरताभिरताप्तमित्र !शत्रुघ्न हे ! रघुपते ! तव सुप्रभातम् ॥ १॥

vande veṅkaṭaśeṣāryavatsavaṃśaśiromaṇim |vātsyaśrīvaradācāryatanayaṃ karuṇānidhim ||śrīrāmacandra karuṇāvaruṇālaya śrīsītāmukhāmbujavikāsaka bālasūrya!|saumitrimitra ! bharatābhiratāptamitra !śatrughna he ! raghupate ! tava suprabhātam || 1||

भास्वानुदेति विकचानि सरोरुहाणिपश्य स्मरन् मधुरकृजितषड्पदानि ।त्वद्वीक्षणोन्मिषितनाभिसरोजवेधोवेदध्वनेः रघुपते ! तव सुप्रभातम् ॥ २॥

bhāsvānudeti vikacāni saroruhāṇipaśya smaran madhurakṛjitaṣaḍpadāni |tvadvīkṣaṇonmiṣitanābhisarojavedhovedadhvaneḥ raghupate ! tava suprabhātam || 2||

त्वां बोधयन्ति परितः श्रुतयः श्रुतीनांसारेण सानुज! भवत्प्रतिबोधकेन ।श्लोकेन कौशिक मुखोद्गलितेन कर्णपीयूषवद्रघुपते ! तव सुप्रभातम् ॥ ३॥

tvāṃ bodhayanti paritaḥ śrutayaḥ śrutīnāṃsāreṇa sānuja! bhavatpratibodhakena |ślokena kauśika mukhodgalitena karṇapīyūṣavadraghupate ! tava suprabhātam || 3||

त्वां बोधयन्ति विबुधाः श्रुतिभोग्यवेणुवीणामृदङ्गपणवादिततानुवादैः ।स्तोत्रैर्धरासुरवरस्तुतिघोषमित्रैःआकर्ण्यतां रघुपते ! तव सुप्रभातम् ॥ ४॥

tvāṃ bodhayanti vibudhāḥ śrutibhogyaveṇuvīṇāmṛdaṅgapaṇavāditatānuvādaiḥ |stotrairdharāsuravarastutighoṣamitraiḥākarṇyatāṃ raghupate ! tava suprabhātam || 4||

उद्यानवासरसिकाः शुकशारिकाद्याःहृद्या हरेहरिरिति द्विजघोषहृद्यैः ।हृद्यां मुदं विदधतीह तवापदानपद्यैर्द्विजाः रघुपते ! तव सुप्रभातम् ॥ ५॥

udyānavāsarasikāḥ śukaśārikādyāḥhṛdyā harehaririti dvijaghoṣahṛdyaiḥ |hṛdyāṃ mudaṃ vidadhatīha tavāpadānapadyairdvijāḥ raghupate ! tava suprabhātam || 5||

ब्रह्मा शिवश्शतमखश्च मखाशनौघैःत्वद्धाम गोपुरभुवि प्रतिपालयन्ति ।त्वत्पादपङ्कजसिषेविषवोऽविशेषभक्तैर्द्विजै रघुपते ! तव सुप्रभातम् ॥ ६॥

brahmā śivaśśatamakhaśca makhāśanaughaiḥtvaddhāma gopurabhuvi pratipālayanti |tvatpādapaṅkajasiṣeviṣavo'viśeṣabhaktairdvijai raghupate ! tava suprabhātam || 6||

सूर्येन्दुसन्निधिवशादिव देवसङ्घःसोत्फुल्लवक्त्रकमलाञ्जलिकुड्मलोकैः ।मन्दारसुन्दरकरैः प्रतिपाल्यतेऽर्चाबद्धादरैः रघुपते ! तव सुप्रभातम् ॥ ७॥

sūryendusannidhivaśādiva devasaṅghaḥsotphullavaktrakamalāñjalikuḍmalokaiḥ |mandārasundarakaraiḥ pratipālyate'rcābaddhādaraiḥ raghupate ! tava suprabhātam || 7||

तीर्थाभिषेकपरिशुद्धधियोऽर्चकास्तेपूर्णाभिषेककलशाः परिचारकाश्च ।स्तुत्वा भवन्तमभिषेकमुखोपचारचर्योत्सुका रघुपते ! तव सुप्रभातम् ॥ ८॥

tīrthābhiṣekapariśuddhadhiyo'rcakāstepūrṇābhiṣekakalaśāḥ paricārakāśca |stutvā bhavantamabhiṣekamukhopacāracaryotsukā raghupate ! tava suprabhātam || 8||

सीतामुखेन्दुसविधेऽपि सदा प्रसन्नंमन्दस्मितेन मधुरं सुधयेव लोकैः ।लम्बाळकाळिललितं तव वक्त्रपद्मंसंशोभतां रघुपते ! तव सुप्रभातम् ॥ ९॥

sītāmukhendusavidhe'pi sadā prasannaṃmandasmitena madhuraṃ sudhayeva lokaiḥ |lambāḷakāḷilalitaṃ tava vaktrapadmaṃsaṃśobhatāṃ raghupate ! tava suprabhātam || 9||

श्रीकोसलेश्वरपुराकृतभाग्यराशे !श्रीकोसलेन्द्रतनयानयनाभिराम!।साकेतसाधुकुलकाङ्क्षितकल्पकश्रीः !सीतामनोहरमणे ! तव सुप्रभातम् ॥ १०॥

śrīkosaleśvarapurākṛtabhāgyarāśe !śrīkosalendratanayānayanābhirāma!|sāketasādhukulakāṅkṣitakalpakaśrīḥ !sītāmanoharamaṇe ! tava suprabhātam || 10||

उद्दण्डशौण्डभुजखण्डितखण्डपर्शुकोदण्डचण्डरवपिण्डितसाण्डजाण्ड!।कोदण्डदण्डवरमण्डितबाहुदण्ड !श्रीखण्डचर्चिततनो ! तव सुप्रभातम् ॥ ११॥

uddaṇḍaśauṇḍabhujakhaṇḍitakhaṇḍaparśukodaṇḍacaṇḍaravapiṇḍitasāṇḍajāṇḍa!|kodaṇḍadaṇḍavaramaṇḍitabāhudaṇḍa !śrīkhaṇḍacarcitatano ! tava suprabhātam || 11||

इत्थं वेङ्कटशेषेण सुप्रभातस्तुतिः कृता ।श्रीरामचरणाम्भोजयुगभूषा समर्पिता ॥ १२॥

itthaṃ veṅkaṭaśeṣeṇa suprabhātastutiḥ kṛtā |śrīrāmacaraṇāmbhojayugabhūṣā samarpitā || 12||

नीलोत्पलानि सरसीष्विह सङ्कुचन्तिसापत्रपाणि तव दृग्तुलयोर्विलासे ।धामानि ते च विकचानि सरोरुहाणिश्रीरामचन्द्रदयिते ! तव सुप्रभातम् ॥ १३॥

nīlotpalāni sarasīṣviha saṅkucantisāpatrapāṇi tava dṛgtulayorvilāse |dhāmāni te ca vikacāni saroruhāṇiśrīrāmacandradayite ! tava suprabhātam || 13||

प्रातस्सुवर्णमणिदर्पणनायिकास्यवीक्षां वदन्ति सुधियः शुभमेव पत्युः ।सर्वं त्वदाननविलोकनतोऽस्य सिध्येत्उत्तिष्ठ मैथिलसुते ! तव सुप्रभातम् ॥ १४॥

prātassuvarṇamaṇidarpaṇanāyikāsyavīkṣāṃ vadanti sudhiyaḥ śubhameva patyuḥ |sarvaṃ tvadānanavilokanato'sya sidhyetuttiṣṭha maithilasute ! tava suprabhātam || 14||

॥ इति श्रीकोदण्डपाणिसुप्रभातं समाप्तम् ।

|| iti śrīkodaṇḍapāṇisuprabhātaṃ samāptam |