साधनभक्तिदर्पणम् Shri Kiladevacharyavirachitam Sadhanabhaktidarpanam

नत्त्वा भाष्यकृतं रामानन्दं रामं गुरुं तथा ।भक्तानन्दप्रदं कुर्वे साधनभक्तिदर्पणम् ॥ १॥

nattvā bhāṣyakṛtaṃ rāmānandaṃ rāmaṃ guruṃ tathā |bhaktānandapradaṃ kurve sādhanabhaktidarpaṇam || 1||

रामस्य तैलधारावद् विच्छेदरहिता स्मृतिः ।पुरुषार्थात्मिका भक्तिस्तत्साधिका मता नव ॥ २॥

rāmasya tailadhārāvad vicchedarahitā smṛtiḥ |puruṣārthātmikā bhaktistatsādhikā matā nava || 2||

नाम्नो धाम्नश्चरित्रस्य रूपस्य यशसोऽपि च ।श्रवणे रघुनाथस्य प्रोक्ता श्रवणभक्तिता ॥ ३॥

nāmno dhāmnaścaritrasya rūpasya yaśaso'pi ca |śravaṇe raghunāthasya proktā śravaṇabhaktitā || 3||

श्रद्धया रसधाम्नो हि नाम्नो रूपादिकस्य च ।कीर्त्तने रामचन्द्रस्य कीर्त्तनभक्तितोदिता ॥ ४॥

śraddhayā rasadhāmno hi nāmno rūpādikasya ca |kīrttane rāmacandrasya kīrttanabhaktitoditā || 4||

सर्वेशस्य जगद्धेतोर्निदोषस्य गुणाम्बुधेः ।स्मरणे मैथिलीशस्य स्मरणभक्तिता स्मृता ॥ ५॥

sarveśasya jagaddhetornidoṣasya guṇāmbudheḥ |smaraṇe maithilīśasya smaraṇabhaktitā smṛtā || 5||

पापिपावनरामस्य श्रद्धया पादपद्ययोः ।सेवने च मता प्राज्ञैः पादसेवनभक्तिता ॥ ६॥

pāpipāvanarāmasya śraddhayā pādapadyayoḥ |sevane ca matā prājñaiḥ pādasevanabhaktitā || 6||

अमोघार्चनरामस्य मुक्तिदं पापनाशनम् ।अर्चनं श्रद्धया विज्ञैरर्चनत्वेन सम्मतम् ॥ ७॥

amoghārcanarāmasya muktidaṃ pāpanāśanam |arcanaṃ śraddhayā vijñairarcanatvena sammatam || 7||

सर्वदुः खहरे पुंसां सर्वसौख्यकरे तथा ।वन्दने राघवेन्द्रस्य वन्दनभक्तिता मता ॥ ८॥

sarvaduḥ khahare puṃsāṃ sarvasaukhyakare tathā |vandane rāghavendrasya vandanabhaktitā matā || 8||

परितः सेवनं श्रीमद्रामस्य सर्वशेषिणः ।दास्यभक्तितया प्रोक्तं भक्तितत्त्वविशारदैः ॥ ९॥

paritaḥ sevanaṃ śrīmadrāmasya sarvaśeṣiṇaḥ |dāsyabhaktitayā proktaṃ bhaktitattvaviśāradaiḥ || 9||

तनुवित्तसुतादिम्यः सर्वेम्यश्चाधिकश्च यः ।स्नेहः श्रीराघवस्यात्र सख्यभक्तितयोदितः ॥ १०॥

tanuvittasutādimyaḥ sarvemyaścādhikaśca yaḥ |snehaḥ śrīrāghavasyātra sakhyabhaktitayoditaḥ || 10||

वैराग्यपूर्वकं श्रीमद्रामायात्मसमर्पणम् ।बुधैर्नाम्ना हि तत्प्रोक्तं भक्तिरात्मनिवेदनम् ॥ ११॥

vairāgyapūrvakaṃ śrīmadrāmāyātmasamarpaṇam |budhairnāmnā hi tatproktaṃ bhaktirātmanivedanam || 11||

द्वारपीठेश्वरश्रीमत्कीलाचार्येण निर्मितम् ।भक्तमोदावहं भूयात् साधनभक्तिदर्पणम् ॥ १२॥

dvārapīṭheśvaraśrīmatkīlācāryeṇa nirmitam |bhaktamodāvahaṃ bhūyāt sādhanabhaktidarpaṇam || 12||

इति श्रीकीलदेवाचार्यविरचितं साधनभक्तिदर्पणं सम्पूर्णम् ।

iti śrīkīladevācāryaviracitaṃ sādhanabhaktidarpaṇaṃ sampūrṇam |