नमस्कारविंशतिः Shri Alakharamacharyavirachita Namaskaravimshatih

नमस्ते प्रियपद्माय नमः पद्माप्रियाय ते ।नमः पद्मश्रिये राम नमः पद्मस्थिताय ते ॥ १॥

namaste priyapadmāya namaḥ padmāpriyāya te |namaḥ padmaśriye rāma namaḥ padmasthitāya te || 1||

नमस्ते पद्मनेत्राय नमः पद्ममुखाय ते ।नमस्ते पद्महस्ताय नमः पद्मपदाय ते ॥ २॥

namaste padmanetrāya namaḥ padmamukhāya te |namaste padmahastāya namaḥ padmapadāya te || 2||

नमः पद्येशरूपाय नमो हृत्पद्मवासिने ।नमः पद्मविभूषाय नमः पद्मविकासिने ॥ ३॥

namaḥ padyeśarūpāya namo hṛtpadmavāsine |namaḥ padmavibhūṣāya namaḥ padmavikāsine || 3||

नमस्ते पद्मगन्धाय नमस्ते पद्मकारिणे ।नमस्ते पद्मरूपाय नमः पद्मविहारिणे ॥ ४॥

namaste padmagandhāya namaste padmakāriṇe |namaste padmarūpāya namaḥ padmavihāriṇe || 4||

नमो वर्णितपद्माय नमः श्रीपद्ममालिने ।नमः पद्मजवन्द्याय नमः श्रीपद्मशालिने ॥ ५॥

namo varṇitapadmāya namaḥ śrīpadmamāline |namaḥ padmajavandyāya namaḥ śrīpadmaśāline || 5||

श्रीयुतालखरामार्यद्वाराचार्य विनिर्मिता ।इयं हि विंशतिर्भयाच्छ्रीरामप्रीतिदायिनी ॥ ६॥

śrīyutālakharāmāryadvārācārya vinirmitā |iyaṃ hi viṃśatirbhayācchrīrāmaprītidāyinī || 6||

इति श्रीअलखरामाचार्यविरचिता नमस्कारविंशतिः सम्पूर्णा ।

iti śrīalakharāmācāryaviracitā namaskāraviṃśatiḥ sampūrṇā |