भद्राद्रीरामशरणागतिः Shri Bhadradri Rama Sharanagati

श्रीमत्पयोरुहसुधाकलशातपत्रमत्स्यध्वजाङ्कुशधरादिमहार्षचिह्नौ ।पद्मप्रवालमणिविद्रुममञ्जुशोभौभद्राद्रिरामचरणौ शरणं प्रपद्ये ॥ १॥

śrīmatpayoruhasudhākalaśātapatramatsyadhvajāṅkuśadharādimahārṣacihnau |padmapravālamaṇividrumamañjuśobhaubhadrādrirāmacaraṇau śaraṇaṃ prapadye || 1||

वामाङ्कहस्तधृतभूमिसुतारथाङ्गसङ्खाशुगप्रणयिसव्यकराऽब्जनेत्र ।पार्श्वस्थचापधरलक्ष्मण तावकीनौभद्राद्रिरामचरणौ शरणं प्रपद्ये ॥ २॥

vāmāṅkahastadhṛtabhūmisutārathāṅgasaṅkhāśugapraṇayisavyakarā'bjanetra |pārśvasthacāpadharalakṣmaṇa tāvakīnaubhadrādrirāmacaraṇau śaraṇaṃ prapadye || 2||

फुल्लारविन्दरुचिरा वनिशं लसन्तौसंवर्तिकालिसमताललिताङ्गुलीकौ ।तत्सूतमौक्तिकफलायितसन्निभौ तेभद्राद्रिरामचरणौ शरणं प्रपद्ये ॥ ३॥

phullāravindarucirā vaniśaṃ lasantausaṃvartikālisamatālalitāṅgulīkau |tatsūtamauktikaphalāyitasannibhau tebhadrādrirāmacaraṇau śaraṇaṃ prapadye || 3||

भक्त्यर्पितस्फुरदुदारसरोरुहालीसम्यग्विलग्नमकरन्दलवाभिशङ्काम् ।पादाङ्गुलीनखमिषात् परिकल्पयन्तौभद्राद्रिरामचरणौ शरणं प्रपद्ये ॥ ४॥

bhaktyarpitasphuradudārasaroruhālīsamyagvilagnamakarandalavābhiśaṅkām |pādāṅgulīnakhamiṣāt parikalpayantaubhadrādrirāmacaraṇau śaraṇaṃ prapadye || 4||

मुक्तावली लसति विष्णुपदे तवेतिवेदः प्रबोधयति तां नखरालिरक्ष्यात् ।प्रत्यक्षतः प्रकटनेन ततोऽदिकौ तेभद्राद्रिरामचरणौ शरणं प्रपद्ये ॥ ५॥

muktāvalī lasati viṣṇupade tavetivedaḥ prabodhayati tāṃ nakharālirakṣyāt |pratyakṣataḥ prakaṭanena tato'dikau tebhadrādrirāmacaraṇau śaraṇaṃ prapadye || 5||

नीहारबिन्दुदलशोभितनालपद्मेभास्वन्नखाङ्गुलिसुजङ्घतया विजित्य ।विध्यर्चितै रिव सुमैर्विहिताट्टहासौभद्राद्रिरामचरणौ शरणं प्रपद्ये ॥ ६॥

nīhārabindudalaśobhitanālapadmebhāsvannakhāṅgulisujaṅghatayā vijitya |vidhyarcitai riva sumairvihitāṭṭahāsaubhadrādrirāmacaraṇau śaraṇaṃ prapadye || 6||

पूर्णः कलङ्करहितो विधु राननात्मसूर्यप्रभाऽभिभवमुक्तमति प्रसन्नाम् ।तारावली मिव नखावलि मावहस्तौभद्राद्रिरामचरणौ शरणं प्रपद्ये ॥ ७॥

pūrṇaḥ kalaṅkarahito vidhu rānanātmasūryaprabhā'bhibhavamuktamati prasannām |tārāvalī miva nakhāvali māvahastaubhadrādrirāmacaraṇau śaraṇaṃ prapadye || 7||

श्रुत्यङ्गनाकचभरान्तरराजमानसिन्दूररेणुमिलना दिव भक्ताहृत्सु ।वासातिरेकवशतः किल जातरागौभद्राद्रिरामचरणौ शरणं प्रपद्ये ॥ ८॥

śrutyaṅganākacabharāntararājamānasindūrareṇumilanā diva bhaktāhṛtsu |vāsātirekavaśataḥ kila jātarāgaubhadrādrirāmacaraṇau śaraṇaṃ prapadye || 8||

कोटीरकोटिघटना दिव देवतानांकोपादिवाम्बुरुहविद्रुमपल्लवेषु ।भक्तालिवैरिकलना दतिमात्ररक्तौभद्राद्रिरामचरणौ शरणं प्रपद्ये ॥ ९॥

koṭīrakoṭighaṭanā diva devatānāṃkopādivāmburuhavidrumapallaveṣu |bhaktālivairikalanā datimātraraktaubhadrādrirāmacaraṇau śaraṇaṃ prapadye || 9||

भेदोऽस्ति नैव खलु दारुशिलादिकानांआलोच्य चैव मखिलाकरचूर्णभाजौ ।संक्षालितौ सुमनसा तरिजीविना तेभद्राद्रिरामचरणौ शरणं प्रपद्ये ॥ १०॥

bhedo'sti naiva khalu dāruśilādikānāṃālocya caiva makhilākaracūrṇabhājau |saṃkṣālitau sumanasā tarijīvinā tebhadrādrirāmacaraṇau śaraṇaṃ prapadye || 10||

ध्यानैकनिघ्नमुनिमानसवासकालेसक्तानुरागयुतसत्यगुणैकशङ्काम् ।भक्तावलेर्नखरुचा परिकल्पयन्तौभद्राद्रिरामचरणौ शरणं प्रपद्ये ॥ ११॥

dhyānaikanighnamunimānasavāsakālesaktānurāgayutasatyaguṇaikaśaṅkām |bhaktāvalernakharucā parikalpayantaubhadrādrirāmacaraṇau śaraṇaṃ prapadye || 11||

उन्मार्गकर्षिमुनिमानसवारणानांशब्दादिभोगमदवारिमलीमसानाम् ।आलानपाददृढताकरकीलगुल्फौभद्राद्रिरामचरणौ शरणं प्रपद्ये ॥ १२॥

unmārgakarṣimunimānasavāraṇānāṃśabdādibhogamadavārimalīmasānām |ālānapādadṛḍhatākarakīlagulphaubhadrādrirāmacaraṇau śaraṇaṃ prapadye || 12||

मायामृगार्थ मवनीतनयानियोगात्आयासपूर्व मटवीतटदूरचारात् ।आरक्तकोकनदकोमलकान्तिभाजौभद्राद्रिरामचरणौ शरणं प्रपद्ये ॥ १३॥

māyāmṛgārtha mavanītanayāniyogātāyāsapūrva maṭavītaṭadūracārāt |āraktakokanadakomalakāntibhājaubhadrādrirāmacaraṇau śaraṇaṃ prapadye || 13||

भूमीसुताकरतलोदरराजमानकाश्मीरकान्तिमिलना दिव रागवन्तौ ।भक्तौघरक्षणकलातिविचक्षणौ तेभद्राद्रिरामचरणौ शरणं प्रपद्ये ॥ १४॥

bhūmīsutākaratalodararājamānakāśmīrakāntimilanā diva rāgavantau |bhaktaugharakṣaṇakalātivicakṣaṇau tebhadrādrirāmacaraṇau śaraṇaṃ prapadye || 14||

पाथोधिजन्मपरिकल्पितपाद्यधारौफालाक्षमूर्धधऽतपावनतीर्थहेतू ।पाषाण मेणनयनाविभवं नयन्तौभद्राद्रिरामचरणौ शरणं प्रपद्ये ॥ १५॥

pāthodhijanmaparikalpitapādyadhārauphālākṣamūrdhadha'tapāvanatīrthahetū |pāṣāṇa meṇanayanāvibhavaṃ nayantaubhadrādrirāmacaraṇau śaraṇaṃ prapadye || 15||

श्री वेङ्कटार्यपदपङ्कजसेवकेनश्री श्रीनिवास चरमावधिकिङ्क रेण ।प्रोक्ता प्रपत्तिविनुतिं पठतां जनानांभद्राद्रिराड्दिशतु भद्र मनिद्रमेव ॥ १६॥

śrī veṅkaṭāryapadapaṅkajasevakenaśrī śrīnivāsa caramāvadhikiṅka reṇa |proktā prapattivinutiṃ paṭhatāṃ janānāṃbhadrādrirāḍdiśatu bhadra manidrameva || 16||

इति श्री भद्राद्रीराम शरणागतिः समाप्ता ।

iti śrī bhadrādrīrāma śaraṇāgatiḥ samāptā |