अप्रमेयस्तोत्रम् Aprameya Stotram

नमोऽप्रमेयाय वरप्रदाय सौम्याय नित्याय रघोत्तमाय ।वीराय धीराय मनोपराय देवाधिदेवाय नमो नमस्ते ॥ १॥

namo'prameyāya varapradāya saumyāya nityāya raghottamāya |vīrāya dhīrāya manoparāya devādhidevāya namo namaste || 1||

भवाब्धिपूतं भुवनैकनाथं कृपासमुद्रं शरदिन्दुवासम् ।देवाधिदेवं प्रणतैकबन्धुं नमामि ओमीश्वरमप्रमेयम् ॥ २॥

bhavābdhipūtaṃ bhuvanaikanāthaṃ kṛpāsamudraṃ śaradinduvāsam |devādhidevaṃ praṇataikabandhuṃ namāmi omīśvaramaprameyam || 2||

अप्रमेयाय देवाय दिव्यमङ्गलमूर्तये ।वरप्रदाय सौम्याय नमः कारुण्यरूपिणे ॥ ३॥

aprameyāya devāya divyamaṅgalamūrtaye |varapradāya saumyāya namaḥ kāruṇyarūpiṇe || 3||

आस्तिकार्थित कल्पाय कौस्तुभालङ्कृतोरसे ।ज्ञानशक्त्यादिपूर्णाय देवदेवाय ते नमः ॥ ४॥

āstikārthita kalpāya kaustubhālaṅkṛtorase |jñānaśaktyādipūrṇāya devadevāya te namaḥ || 4||

अप्रमेयाय देवाय मेघश्यामल मूर्तये ।विश्वम्भराय नित्याय नमस्तेऽनन्तशक्तये ॥ ५॥

aprameyāya devāya meghaśyāmala mūrtaye |viśvambharāya nityāya namaste'nantaśaktaye || 5||

भक्तिवर्धनवासाय पद्मवल्लिप्रियाय च ।अप्रमेयाय देवाय नित्यश्री नित्यमङ्गलम् ॥ ६॥

bhaktivardhanavāsāya padmavallipriyāya ca |aprameyāya devāya nityaśrī nityamaṅgalam || 6||

इति अप्रमेयस्तोत्रं सम्पूर्णम् ।

iti aprameyastotraṃ sampūrṇam |