राधास्तुतिः १ Shriradhastutih

॥ श्रीराधा॥मूलप्रकृतिरेका सा पूर्वब्रह्मस्वरूपिणी ।सृष्टौ पञ्चविधा सा च विष्णुमाया सनातनी ॥प्राणाधिष्ठातृदेवी या कृष्णस्य परमात्मनः ।सर्वासां प्रेयसी कान्ता सा राधा च प्रकीर्तिता ॥ब्रह्मवैवर्तपुराण ब्रह्म खण्ड अध्याय ३० १८१९॥ श्रीराधा॥श्रीदेवीभागवतम्गणेशजननी दुर्गा राधा लक्ष्मीः सरस्वती ।सावित्री च सृष्टिविधौ प्रकृतिः पञ्चधा स्मृता ॥स्का । ९। अ४ ४

|| śrīrādhā||mūlaprakṛtirekā sā pūrvabrahmasvarūpiṇī |sṛṣṭau pañcavidhā sā ca viṣṇumāyā sanātanī ||prāṇādhiṣṭhātṛdevī yā kṛṣṇasya paramātmanaḥ |sarvāsāṃ preyasī kāntā sā rādhā ca prakīrtitā ||brahmavaivartapurāṇa brahma khaṇḍa adhyāya 30 1819|| śrīrādhā||śrīdevībhāgavatamgaṇeśajananī durgā rādhā lakṣmīḥ sarasvatī |sāvitrī ca sṛṣṭividhau prakṛtiḥ pañcadhā smṛtā ||skā | 9| a4 4

पञ्चप्राणाधिदेवी या पञ्चप्राणस्वरूपिणी ।प्राणाधिकप्रियतमा सर्वाभ्यः सुन्दरी परा ॥सर्वयुक्ता च सौभाग्यमानिनी गौरवान्विता ।वामाङ्गार्धस्वरूपा च गुणेन तेजसा समा ॥परावरा सारभूता परमाद्या सनातनी ।परमानन्दरूपा च धन्या मान्या च पूजिता ॥रासक्रीडाधिदेवी श्रीकृष्णस्य परमात्मनः ।रासमण्डलसम्भूता रासमण्डलमण्डिता ॥रासेश्वरी सुरसिका रासवासनिवासिनी ।गोलोकवासिनी देवी गोपीवेषविधायिका ॥परमाह्लादरूपा च सन्तोषहर्षरूपिणी ।निर्गुणा च निराकारा निर्लिप्ताऽऽत्मस्वरूपिणी ॥निरीहा निरहङ्कारा भक्तानुग्रहविग्रहा ।वेदानुसारिध्यानेन विज्ञाता सा विचक्षणैः ॥दृष्टिदृष्टा न सा चेशैः सुरेन्द्रैर्मुनिपुङ्गवैः ।वह्निशुद्धांशुकधरा नानालङ्कारभूषिता ॥कोटिचन्द्रप्रभा पुष्टसर्वश्रीयुक्तविग्रहा ।श्रीकृष्णभक्तिदास्यैककारा च सर्वसम्पदाम् ।अवतारे च वाराहे वृषभानुसुता च या ।यत्पादपद्मसंस्पर्शात्पवित्रा च वसुन्धरा ॥ब्रह्मादिभिरदृष्टा या सर्वैर्दृष्टा च भारते ।स्त्रीरत्नसारसम्भूता कृष्णवक्षःस्थले स्थिता ॥यथाम्बरे नवघने लोला सौदामिनी मुने ।षष्टिवर्षसहस्राणि प्रतप्तं ब्रह्मणा पुरा ॥यत्पादपद्मनखरदृष्टये चात्मशुद्धये ।न च दृष्टं च स्वप्नेऽपि प्रत्यक्षस्यापि का कथा ॥तेनैव तपसा दृष्टा भुवि वृन्दावने वने ।कथिता पञ्चमी देवी सा राधा च प्रकीर्तिता ॥श्रीदेवीभागवतं स्कन्धः ९ अ१ श्लोकाः ४३ ५७इति राधास्तुतिः सम्पूर्णा ।सन्ग्रहीतं रा। दत्तगोपालकृष्णः, स्वर्णप्रकाशनम्

pañcaprāṇādhidevī yā pañcaprāṇasvarūpiṇī |prāṇādhikapriyatamā sarvābhyaḥ sundarī parā ||sarvayuktā ca saubhāgyamāninī gauravānvitā |vāmāṅgārdhasvarūpā ca guṇena tejasā samā ||parāvarā sārabhūtā paramādyā sanātanī |paramānandarūpā ca dhanyā mānyā ca pūjitā ||rāsakrīḍādhidevī śrīkṛṣṇasya paramātmanaḥ |rāsamaṇḍalasambhūtā rāsamaṇḍalamaṇḍitā ||rāseśvarī surasikā rāsavāsanivāsinī |golokavāsinī devī gopīveṣavidhāyikā ||paramāhlādarūpā ca santoṣaharṣarūpiṇī |nirguṇā ca nirākārā nirliptā''tmasvarūpiṇī ||nirīhā nirahaṅkārā bhaktānugrahavigrahā |vedānusāridhyānena vijñātā sā vicakṣaṇaiḥ ||dṛṣṭidṛṣṭā na sā ceśaiḥ surendrairmunipuṅgavaiḥ |vahniśuddhāṃśukadharā nānālaṅkārabhūṣitā ||koṭicandraprabhā puṣṭasarvaśrīyuktavigrahā |śrīkṛṣṇabhaktidāsyaikakārā ca sarvasampadām |avatāre ca vārāhe vṛṣabhānusutā ca yā |yatpādapadmasaṃsparśātpavitrā ca vasundharā ||brahmādibhiradṛṣṭā yā sarvairdṛṣṭā ca bhārate |strīratnasārasambhūtā kṛṣṇavakṣaḥsthale sthitā ||yathāmbare navaghane lolā saudāminī mune |ṣaṣṭivarṣasahasrāṇi prataptaṃ brahmaṇā purā ||yatpādapadmanakharadṛṣṭaye cātmaśuddhaye |na ca dṛṣṭaṃ ca svapne'pi pratyakṣasyāpi kā kathā ||tenaiva tapasā dṛṣṭā bhuvi vṛndāvane vane |kathitā pañcamī devī sā rādhā ca prakīrtitā ||śrīdevībhāgavataṃ skandhaḥ 9 a1 ślokāḥ 43 57iti rādhāstutiḥ sampūrṇā |sangrahītaṃ rā| dattagopālakṛṣṇaḥ, svarṇaprakāśanam