राधासायुज्यदायिनीकवचम् Shri Radha Sayujyadayini Kavacham

ॐ अस्य श्रीराधासायुज्यदायिनीकवचस्य ईश्वर ऋषिरहम्,गायत्री छन्दः, श्रीराधिका भुवनेश्वरी देवता, ब्रह्मप्राप्तौ विनियोगः ॥ईश्वर उवाच ।शृणु वत्स प्रवक्ष्यामि कवचं सर्वसिद्धिदम् ।गोपनीयं प्रयत्नेन न प्रकाश्यं दुरात्मना ॥ १॥

oṃ asya śrīrādhāsāyujyadāyinīkavacasya īśvara ṛṣiraham,gāyatrī chandaḥ, śrīrādhikā bhuvaneśvarī devatā, brahmaprāptau viniyogaḥ ||īśvara uvāca |śṛṇu vatsa pravakṣyāmi kavacaṃ sarvasiddhidam |gopanīyaṃ prayatnena na prakāśyaṃ durātmanā || 1||

एकाक्षरी पातु शीर्षं ललाटं भुवनेश्वरी ।शिरोदेशं महामाया भ्रूमध्ये च महेश्वरी ॥ २॥

ekākṣarī pātu śīrṣaṃ lalāṭaṃ bhuvaneśvarī |śirodeśaṃ mahāmāyā bhrūmadhye ca maheśvarī || 2||

नेत्रद्वयं राधिका मे श्रुती पातु वृषात्मजा ।कपोलौ पातु रासेशी नासां पातु सुवर्णका ॥ ३॥

netradvayaṃ rādhikā me śrutī pātu vṛṣātmajā |kapolau pātu rāseśī nāsāṃ pātu suvarṇakā || 3||

ओष्ठौ पातु कृष्णप्रिया दन्तान् पातु सुभाषिणी ।जिह्वां पातु रसज्ञा च मुखं पातु मनोहरा ॥ ४॥

oṣṭhau pātu kṛṣṇapriyā dantān pātu subhāṣiṇī |jihvāṃ pātu rasajñā ca mukhaṃ pātu manoharā || 4||

कण्ठं पातु विशालाक्षी कण्ठमूलं सुगन्धिनी ।स्कन्धौ पातु महाशक्तिः बाहुमूलं सुवर्णिनी ॥ ५॥

kaṇṭhaṃ pātu viśālākṣī kaṇṭhamūlaṃ sugandhinī |skandhau pātu mahāśaktiḥ bāhumūlaṃ suvarṇinī || 5||

हस्तौ पातु सुन्दरी च अङ्गुलीषु च ईश्वरी ।हृदयं पातु गोपीशा वक्षःस्थलनिवासिनी ॥ ६॥

hastau pātu sundarī ca aṅgulīṣu ca īśvarī |hṛdayaṃ pātu gopīśā vakṣaḥsthalanivāsinī || 6||

पार्श्वौ पातु महाभागा जठरं च यशस्विनी ।नाभिं पातु राधिका च कटिदेशं विलासिनी ॥ ७॥

pārśvau pātu mahābhāgā jaṭharaṃ ca yaśasvinī |nābhiṃ pātu rādhikā ca kaṭideśaṃ vilāsinī || 7||

उरू पातु रसज्ञा च जानुद्वयं सुशोभनी ।जङ्घे पातु च गोपीका गुल्फयुग्मं सुमध्यमा ॥ ८॥

urū pātu rasajñā ca jānudvayaṃ suśobhanī |jaṅghe pātu ca gopīkā gulphayugmaṃ sumadhyamā || 8||

पादौ पातु च सर्वाङ्गी पादाङ्गुलीषु पावनी ।नखानि पातु रासेशी रोमकूपेषु योगिनी ॥ ९॥

pādau pātu ca sarvāṅgī pādāṅgulīṣu pāvanī |nakhāni pātu rāseśī romakūpeṣu yoginī || 9||

अधस्तात् पातु मे राधा ऊर्ध्वं पातु परात्परा ।दिक्षु पातु महाविद्या विदिङ्क्षु च महाप्रिया ॥ १०॥

adhastāt pātu me rādhā ūrdhvaṃ pātu parātparā |dikṣu pātu mahāvidyā vidiṅkṣu ca mahāpriyā || 10||

पूर्वे पातु महालक्ष्मीः दक्षिणे च सुलोचना ।पश्चिमे पातु रासेशी उत्तरे च वरप्रदा ॥ ११॥

pūrve pātu mahālakṣmīḥ dakṣiṇe ca sulocanā |paścime pātu rāseśī uttare ca varapradā || 11||

अग्न्यायां पातु सानन्दा नैरृत्यां च सुमेधसा ।वायव्यां पातु गोपीका ईशान्यां सर्वदा स्थिरा ॥ १२॥

agnyāyāṃ pātu sānandā nairṛtyāṃ ca sumedhasā |vāyavyāṃ pātu gopīkā īśānyāṃ sarvadā sthirā || 12||

रात्रौ पातु च सा देवी दिवसे पातु सा पुनः ।स्वप्ने पातु च सा नित्यं जागरे पातु सत्वरा ॥ १३॥

rātrau pātu ca sā devī divase pātu sā punaḥ |svapne pātu ca sā nityaṃ jāgare pātu satvarā || 13||

गच्छन् पातु स्थितां पातु शयानां च विशेषतः ।अरण्ये पातु मे राधा सङ्कटे पातु सुन्दरी ॥ १४॥

gacchan pātu sthitāṃ pātu śayānāṃ ca viśeṣataḥ |araṇye pātu me rādhā saṅkaṭe pātu sundarī || 14||

सागरे पातु मे राधा पर्वते पातु सर्वदा ।शून्ये पातु महामाया सङ्ग्रामे पातु ईश्वरी ॥ १५॥

sāgare pātu me rādhā parvate pātu sarvadā |śūnye pātu mahāmāyā saṅgrāme pātu īśvarī || 15||

ब्रह्मप्राप्तिविधौ पातु योगिनीवृन्दवन्दिता ।सायुज्यं च प्रदास्यन्ति मदीया सा परात्परा ॥ १६॥

brahmaprāptividhau pātu yoginīvṛndavanditā |sāyujyaṃ ca pradāsyanti madīyā sā parātparā || 16||

एतत्कवचमज्ञात्वा यो जपेत राधिकां प्रिये ।तस्य सिद्धिर्न भवति कल्पकोटिशतैरपि ॥ १७॥

etatkavacamajñātvā yo japeta rādhikāṃ priye |tasya siddhirna bhavati kalpakoṭiśatairapi || 17||

सहस्रकोटिजप्तेन कवचेन च मन्त्रिणा ।वाञ्छितं लभते सर्वं नात्र कार्या विचारणा ॥ १८॥

sahasrakoṭijaptena kavacena ca mantriṇā |vāñchitaṃ labhate sarvaṃ nātra kāryā vicāraṇā || 18||

अष्टसिद्धिप्रदं दिव्यं महाकवचमद्भुतम् ।अकालमृत्युनाशाय व्याधिव्यालविनाशनम् ॥ १९॥

aṣṭasiddhipradaṃ divyaṃ mahākavacamadbhutam |akālamṛtyunāśāya vyādhivyālavināśanam || 19||

ग्रहपीडाप्रशमनं दुःस्वप्नभयनाशनम् ।अग्निचौरभयं न स्यात् शस्त्रास्त्रेभ्यो न कस्यचित् ॥ २०॥

grahapīḍāpraśamanaṃ duḥsvapnabhayanāśanam |agnicaurabhayaṃ na syāt śastrāstrebhyo na kasyacit || 20||

राजद्वारे सभे चैव युद्धे जयमवाप्नुयात् ।स्त्रीणां सौभाग्यदं चैव पुंसां राज्यविवर्धनम् ॥ २१॥

rājadvāre sabhe caiva yuddhe jayamavāpnuyāt |strīṇāṃ saubhāgyadaṃ caiva puṃsāṃ rājyavivardhanam || 21||

विद्यार्थी लभते विद्यां धनी लभते च धनम् ।पुत्रार्थी लभते पुत्रं यशस्विनं कुलोद्भवम् ॥ २२॥

vidyārthī labhate vidyāṃ dhanī labhate ca dhanam |putrārthī labhate putraṃ yaśasvinaṃ kulodbhavam || 22||

यः पठेत् प्रातरुत्थाय शुचिर्भूत्वा समाहितः ।तस्य गृहे सदा लक्ष्मीः स्थिरा वसति निश्चितम् ॥ २३॥

yaḥ paṭhet prātarutthāya śucirbhūtvā samāhitaḥ |tasya gṛhe sadā lakṣmīḥ sthirā vasati niścitam || 23||

यत्र यत्र भवेद्वासास्तत्र तत्र जयाऽऽदिशः ।पिशाचभूतवेतालाः पलायन्ते भयान्विताः ॥ २४॥

yatra yatra bhavedvāsāstatra tatra jayā''diśaḥ |piśācabhūtavetālāḥ palāyante bhayānvitāḥ || 24||

मन्त्रसिद्धिर्महासिद्धिः सायुज्यं परमो गतिः ।तदन्ते कृष्णसारूप्यं लभते राधिकाकृपात् ॥ २५॥

mantrasiddhirmahāsiddhiḥ sāyujyaṃ paramo gatiḥ |tadante kṛṣṇasārūpyaṃ labhate rādhikākṛpāt || 25||

न हि योगेन दानेन न तपस्याशतैरपि ।लभ्यते यत्फलं नित्यं कवचेन च तत्क्षणात् ॥ २६॥

na hi yogena dānena na tapasyāśatairapi |labhyate yatphalaṃ nityaṃ kavacena ca tatkṣaṇāt || 26||

इदं रहस्यं परमं त्रिषु लोकेषु दुर्लभम् ।स्वपुत्राय च शिष्याय परमानन्ददायिने ॥ २७॥

idaṃ rahasyaṃ paramaṃ triṣu lokeṣu durlabham |svaputrāya ca śiṣyāya paramānandadāyine || 27||

दद्यात् सायुज्यसिद्।ह्ध्यर्थं विना पात्रं न दापयेत् ।गोपयेत् कवचं नित्यं यथा स्वहृदयप्रियम् ॥ २८॥

dadyāt sāyujyasid|hdhyarthaṃ vinā pātraṃ na dāpayet |gopayet kavacaṃ nityaṃ yathā svahṛdayapriyam || 28||

इति गुह्यतमं दिव्यं कवचं समुदाहृतम् ।राधासायुज्यदं पुंसां नात्र संशयलेशकः ॥ २९॥

iti guhyatamaṃ divyaṃ kavacaṃ samudāhṛtam |rādhāsāyujyadaṃ puṃsāṃ nātra saṃśayaleśakaḥ || 29||

इति श्रीराधासायुज्यदायिनीकवचं सम्पूर्णम् ।

iti śrīrādhāsāyujyadāyinīkavacaṃ sampūrṇam |