राधास्तोत्रम् ०३ Ganesh Kritam Shri Radha Stotram

श्रीगणेश उवाच ।तव पूजा जगन्मातर्लोकशिक्षाकरी शुभे।ब्रह्मस्वरूपा भवती कृष्णवक्षःस्थलस्थिता ॥ १॥

śrīgaṇeśa uvāca |tava pūjā jaganmātarlokaśikṣākarī śubhe|brahmasvarūpā bhavatī kṛṣṇavakṣaḥsthalasthitā || 1||

यत्पादपद्ममतुतलं ध्यायन्ते ते सुदुर्लभम् ।सुरा ब्रह्मेशशेषाद्या मुनीन्द्राः सनकादयः ॥ २॥

yatpādapadmamatutalaṃ dhyāyante te sudurlabham |surā brahmeśaśeṣādyā munīndrāḥ sanakādayaḥ || 2||

जिवन्मुक्ताश्च भक्ताश्च सिद्धेन्द्राः कपिलादयः ।तस्य प्राणाधिदेवि त्वं प्रिया प्राणाधिका परा ॥ ३॥

jivanmuktāśca bhaktāśca siddhendrāḥ kapilādayaḥ |tasya prāṇādhidevi tvaṃ priyā prāṇādhikā parā || 3||

वामाङ्गनिर्मिता राधा दक्षिणाङ्गश्च माधवः ।महालक्ष्मीर्जगन्माता तव वामाङ्गनिर्मिता ॥ ४॥

vāmāṅganirmitā rādhā dakṣiṇāṅgaśca mādhavaḥ |mahālakṣmīrjaganmātā tava vāmāṅganirmitā || 4||

वसोः सर्वनिवासस्य प्रसूस्त्वं परमेश्वरी ।वेदानां जगतामेव मूलप्रकृतिरीश्वरी ॥ ५॥

vasoḥ sarvanivāsasya prasūstvaṃ parameśvarī |vedānāṃ jagatāmeva mūlaprakṛtirīśvarī || 5||

सर्वाः प्राकृतिका मातः सृष्ट्यां च त्वद्विभूतयः ।विश्वानि कार्यरूपाणि त्वं च कारणरूपिणी ॥ ६॥

sarvāḥ prākṛtikā mātaḥ sṛṣṭyāṃ ca tvadvibhūtayaḥ |viśvāni kāryarūpāṇi tvaṃ ca kāraṇarūpiṇī || 6||

प्रलये ब्रह्मणः पाते तन्निमेषो हरेरपि ।आदौ राधां समुच्चार्य पश्चात् कृष्णं परात्परम् ॥ ७॥

pralaye brahmaṇaḥ pāte tannimeṣo harerapi |ādau rādhāṃ samuccārya paścāt kṛṣṇaṃ parātparam || 7||

स एव पण्डितो योगी गोलोकं याति लीलया ।व्यतिक्रमे महापी ब्रह्महत्यां लभेद् ध्रुवम् ॥ ८॥

sa eva paṇḍito yogī golokaṃ yāti līlayā |vyatikrame mahāpī brahmahatyāṃ labhed dhruvam || 8||

जगतां भवती माता परमात्मा पिता हरिः ।पितुरेव गुरुर्माता पूज्या वन्द्या परत्परा ॥ ९॥

jagatāṃ bhavatī mātā paramātmā pitā hariḥ |pitureva gururmātā pūjyā vandyā paratparā || 9||

भजते देवमन्यं वा कृष्णं वा सर्वकारणम् ।पुण्यक्षेत्रे महामूढो यदि निन्दा राधीकाम् ॥ १०॥

bhajate devamanyaṃ vā kṛṣṇaṃ vā sarvakāraṇam |puṇyakṣetre mahāmūḍho yadi nindā rādhīkām || 10||

वंशहानिर्भवेत्तस्य दुःखशोकमिहैव च ।पच्यते निरते घोरे याव द्रदिवाकरौ ॥ ११॥

vaṃśahānirbhavettasya duḥkhaśokamihaiva ca |pacyate nirate ghore yāva dradivākarau || 11||

गुरुश्च ज्ञानोद्गिरणाज्ज्ञानं स्यान्मंत्रतंत्रयोः ।स च मन्त्रश्च तत्तन्त्रं भक्तिः स्याद् युवयोर्यतः ॥ १२॥

guruśca jñānodgiraṇājjñānaṃ syānmaṃtrataṃtrayoḥ |sa ca mantraśca tattantraṃ bhaktiḥ syād yuvayoryataḥ || 12||

निशेव्य मन्त्रं देवानां जीवा जन्मनि जन्मनि ।भक्ता भवन्ति दुर्गायाः पादपद्मे सुदुर्लभे ॥ १३॥

niśevya mantraṃ devānāṃ jīvā janmani janmani |bhaktā bhavanti durgāyāḥ pādapadme sudurlabhe || 13||

निषेव्य मन्त्रं शम्भोश्च जगतां कारणस्य च ।तदा प्राप्नोति युवयोः पादपद्मं सुदुर्लभम् ॥ १४॥

niṣevya mantraṃ śambhośca jagatāṃ kāraṇasya ca |tadā prāpnoti yuvayoḥ pādapadmaṃ sudurlabham || 14||

युवयोः पादपद्मं च दुर्लभं प्राप्य पुण्यवान् ।क्षणार्धं षोडशांशं च न हि मुञ्चति दैवतः ॥ १५॥

yuvayoḥ pādapadmaṃ ca durlabhaṃ prāpya puṇyavān |kṣaṇārdhaṃ ṣoḍaśāṃśaṃ ca na hi muñcati daivataḥ || 15||

भक्त्या च युवयोर्मन्त्रं गृहीत्वा वैष्णवादपि ।स्तवं वा कवचं वापि कर्ममूलनिकृन्तनम् ॥ १६॥

bhaktyā ca yuvayormantraṃ gṛhītvā vaiṣṇavādapi |stavaṃ vā kavacaṃ vāpi karmamūlanikṛntanam || 16||

यो जपेत् परया भक्त्या पुण्यक्षेत्रे च भारते ।पुरुषाणां सहस्रं च स्वात्मना सार्धमुद्धरेत् ॥ १७॥

yo japet parayā bhaktyā puṇyakṣetre ca bhārate |puruṣāṇāṃ sahasraṃ ca svātmanā sārdhamuddharet || 17||

गुरुमभ्यर्च्य विधिवद् वस्त्रालंकारचन्दनैः ।कवचं धारयेद् यो हि विष्णुतुल्यो भवेद् ध्रुवम् ॥ १८॥

gurumabhyarcya vidhivad vastrālaṃkāracandanaiḥ |kavacaṃ dhārayed yo hi viṣṇutulyo bhaved dhruvam || 18||

॥ इति श्री ब्रह्मवैवर्ते गणेशकृतं श्रीराधास्तवनं सम्पूर्णम् ॥

|| iti śrī brahmavaivarte gaṇeśakṛtaṃ śrīrādhāstavanaṃ sampūrṇam ||