राधास्तोत्रम् ०२ Brahmeshasheshadikritam Shriradhastotram

॥ अथ ब्रह्मेशशेषादिकृतम् श्रीराधास्तोत्रम् ॥षष्टिवर्षसहस्राणि दिव्यानि परमेश्वरि ।पुष्करे च तपस्तप्तं पुण्यक्षेत्रे च भारते ॥ १ ॥

|| atha brahmeśaśeṣādikṛtam śrīrādhāstotram ||ṣaṣṭivarṣasahasrāṇi divyāni parameśvari |puṣkare ca tapastaptaṃ puṇyakṣetre ca bhārate || 1 ||

त्वत्पादपद्ममधुरमधुलुब्धेन चेतसा ।मधुव्रतेन लोभेन प्रेरितेन मया सति ॥ २ ॥

tvatpādapadmamadhuramadhulubdhena cetasā |madhuvratena lobhena preritena mayā sati || 2 ||

तथापि न मया लब्धं त्वद्पादपदमीप्सितम् ।न दृष्टमपि स्वप्नेऽपि जाता वागशरीरिणी ॥ ३ ॥

tathāpi na mayā labdhaṃ tvadpādapadamīpsitam |na dṛṣṭamapi svapne'pi jātā vāgaśarīriṇī || 3 ||

वाराहे भारते वर्षे पुण्ये वृन्दावने वने ।सिद्धाश्रमे गणेशस्य पादपद्मं च द्रक्ष्यसि ॥ ४ ॥

vārāhe bhārate varṣe puṇye vṛndāvane vane |siddhāśrame gaṇeśasya pādapadmaṃ ca drakṣyasi || 4 ||

राधामाधवयोर्दास्यं कुतो विषयिणस्तव ।निवर्तस्व महाभाग परमेतत् सुदुर्लभम् ॥ ५ ॥

rādhāmādhavayordāsyaṃ kuto viṣayiṇastava |nivartasva mahābhāga parametat sudurlabham || 5 ||

इति श्रुत्वा निवृत्तोऽहं कुतो विषयिणस्तव ।निवर्तस्व महाभाग परमेतत् सुदुर्लभम् ॥ ६ ॥

iti śrutvā nivṛtto'haṃ kuto viṣayiṇastava |nivartasva mahābhāga parametat sudurlabham || 6 ||

श्रीमहादेव उवाच ।पद्मैः पद्मार्चितं पादपद्मं यस्य सुदुर्लभम् ।ध्यायन्ते ध्याननिष्टाश्च शश्वद् ब्रह्मादयः सुराः ॥ ७ ॥

śrīmahādeva uvāca |padmaiḥ padmārcitaṃ pādapadmaṃ yasya sudurlabham |dhyāyante dhyānaniṣṭāśca śaśvad brahmādayaḥ surāḥ || 7 ||

मुनयो मनवश्चैव सिद्धाः सन्तश्च योगिनः ।द्रष्टुं नैव क्षमाः स्वप्ने भवती तस्य वक्षसि ॥ ८ ॥

munayo manavaścaiva siddhāḥ santaśca yoginaḥ |draṣṭuṃ naiva kṣamāḥ svapne bhavatī tasya vakṣasi || 8 ||

अनत उवाच ।वेदाश्च वेदमाता च पुराणानि च सुव्रते ।अहं सरस्वती सन्तः स्तोतुं नालं च सन्ततम् ॥ ९ ॥

anata uvāca |vedāśca vedamātā ca purāṇāni ca suvrate |ahaṃ sarasvatī santaḥ stotuṃ nālaṃ ca santatam || 9 ||

अस्माकं स्तवने यस्य भ्रभङ्गश्च सुदुर्लभभः ।तवैव भर्त्सने भीतश्चावयोरन्तरं हरिः ॥ १० ॥

asmākaṃ stavane yasya bhrabhaṅgaśca sudurlabhabhaḥ |tavaiva bhartsane bhītaścāvayorantaraṃ hariḥ || 10 ||

॥ इति श्रीब्रह्मवैवर्ते ब्रह्मेशशेषादिकृतंश्रीराधास्तोत्रं सम्पूर्णम् ॥

|| iti śrībrahmavaivarte brahmeśaśeṣādikṛtaṃśrīrādhāstotraṃ sampūrṇam ||