याज्ञवल्क्यमंगलशासनम् Shriyogishvara-yajnavalkya-mangalashasanam

॥ श्रीगुरुभ्यो नमः ॥॥ ॐ श्रीमहागणाधिपतये नमः ॥॥ श्रीमच्चरणवैभवायै नमः ॥॥ श्रीयोगीश्वरयाज्ञवल्क्यमङ्गलाशासनम् ॥ब्रह्मरातमहायोगिबृहत्सुकृतमूर्तये ।सुनन्दासुतरत्नाय सानन्दायास्तु मङ्गलम् ॥ १॥

|| śrīgurubhyo namaḥ |||| oṃ śrīmahāgaṇādhipataye namaḥ |||| śrīmaccaraṇavaibhavāyai namaḥ |||| śrīyogīśvarayājñavalkyamaṅgalāśāsanam ||brahmarātamahāyogibṛhatsukṛtamūrtaye |sunandāsutaratnāya sānandāyāstu maṅgalam || 1||

जननीजठरप्राप्तजलजाक्षदयोदयः ।योऽभूत् परात्मवेत्तास्मै याज्ञवल्क्याय मङ्गलम् ॥ २॥

jananījaṭharaprāptajalajākṣadayodayaḥ |yo'bhūt parātmavettāsmai yājñavalkyāya maṅgalam || 2||

कृपागुरुर्गुरुर्यस्य ह्यकरोदुपनायनम् ।वृद्धव्यासप्रसादात्तवैदुष्यायास्तु मङ्गलम् ॥ ३॥

kṛpāgururgururyasya hyakarodupanāyanam |vṛddhavyāsaprasādāttavaiduṣyāyāstu maṅgalam || 3||

वैशम्पायनप्राप्तादृक्वृजिनच्छेदशक्तये ।वैदेहवसुधानाथवन्दनीयाय मङ्गलम् ॥ ४॥

vaiśampāyanaprāptādṛkvṛjinacchedaśaktaye |vaidehavasudhānāthavandanīyāya maṅgalam || 4||

मैथिलास्थनगस्थूणामञ्जुपल्लवकारिणः ।मन्त्राक्षताः बभुर्यस्य माननीयाय मङ्गलम् ॥ ५॥

maithilāsthanagasthūṇāmañjupallavakāriṇaḥ |mantrākṣatāḥ babhuryasya mānanīyāya maṅgalam || 5||

वैशम्पायनतोऽधीतं ववाम यजुरुज्ज्वलम् ।यस्सभायां तपोभाजां योगिवर्याय मङ्गलम् ॥ ६॥

vaiśampāyanato'dhītaṃ vavāma yajurujjvalam |yassabhāyāṃ tapobhājāṃ yogivaryāya maṅgalam || 6||

स्वशक्तिख्यापनोद्युक्तसप्तसैन्धवशासनात् ।आहर्त्रे बडवाश्वानां अर्कशिष्याय मङ्गलम् ॥ ७॥

svaśaktikhyāpanodyuktasaptasaindhavaśāsanāt |āhartre baḍavāśvānāṃ arkaśiṣyāya maṅgalam || 7||

अयातयाममाम्नायं आम्नायवपुषो हरेः ।अध्यैष्ट यो मुनिस्तस्मा अक्षय्यं भूरि मङ्गलम् ॥ ८॥

ayātayāmamāmnāyaṃ āmnāyavapuṣo hareḥ |adhyaiṣṭa yo munistasmā akṣayyaṃ bhūri maṅgalam || 8||

यस्य चित्ररथः शिष्यो योगिनेतुःप्रसादतः।कात्यायनीप्रियायास्मै कृपासाराय मङ्गलम् ॥ ९॥

yasya citrarathaḥ śiṣyo yoginetuḥprasādataḥ|kātyāyanīpriyāyāsmai kṛpāsārāya maṅgalam || 9||

मिथिलाधिपदत्ताग्रमाननाय महात्मने ।आहर्त्रे सौरभेयीनां अध्वरान्तेस्तु मङ्गलम् ॥ १०॥

mithilādhipadattāgramānanāya mahātmane |āhartre saurabheyīnāṃ adhvarāntestu maṅgalam || 10||

पितामहमनःपुत्रीपरिणेत्रे पटीयसे ।शान्तोद्धालकगर्वाय शान्तिसाराय मङ्गलम् ॥ ११॥

pitāmahamanaḥputrīpariṇetre paṭīyase |śāntoddhālakagarvāya śāntisārāya maṅgalam || 11||

दर्भस्तम्भहृतग्रीवदृप्तशाकल्यजीवनम् ।चकार यः प्रभावेन चित्रचर्याय मङ्गलम् ॥ १२॥

darbhastambhahṛtagrīvadṛptaśākalyajīvanam |cakāra yaḥ prabhāvena citracaryāya maṅgalam || 12||

इति माङ्गलिकैः श्लोकैःउपनदतः कण्वमुख्यसच्छिष्यान् ।अनुगृह्णन् शुक्लयजुःशाखाचार्यो मुनीश्वरो जयति ॥ १३॥

iti māṅgalikaiḥ ślokaiḥupanadataḥ kaṇvamukhyasacchiṣyān |anugṛhṇan śuklayajuḥśākhācāryo munīśvaro jayati || 13||

॥ शुभमस्तु ॥

|| śubhamastu ||