सुन्दरराजाष्टोत्तरशतनामस्तोत्रम् Sundararaja Ashtottarashatanama Stotram

॥ श्रीरस्तु ॥॥ ॐ श्रीसुन्दरराजपरब्रह्मणे नमः ॥॥ अथ श्रीमत्सुन्दरराजाष्टोत्तरशतनामस्तोत्रप्रारम्भः ॥श्रीमद्वृषभशैलेन्द्रनित्यवासकृतादरम् ।श्रीनिवासाच्युतानन्तगोविन्दाद्ययुताभिधम् ॥ १॥

|| śrīrastu |||| oṃ śrīsundararājaparabrahmaṇe namaḥ |||| atha śrīmatsundararājāṣṭottaraśatanāmastotraprārambhaḥ ||śrīmadvṛṣabhaśailendranityavāsakṛtādaram |śrīnivāsācyutānantagovindādyayutābhidham || 1||

दिव्यौषधीवृताऽरामवनाचलनिकेतनम् ।पारम्यसाम्यविरमपरमस्वामिसंज्ञकम् ॥ २॥

divyauṣadhīvṛtā'rāmavanācalaniketanam |pāramyasāmyaviramaparamasvāmisaṃjñakam || 2||

सर्वलोकैकसौन्दर्यभवनीकृतविग्रहम् ।वैकर्तनतपोयोगप्रेमपुण्यफलोदयम् ॥ ३॥

sarvalokaikasaundaryabhavanīkṛtavigraham |vaikartanatapoyogapremapuṇyaphalodayam || 3||

प्रदीपपादपप्रान्तसोमच्छन्दरथस्थितम् ।सुपर्णद्वयसञ्जुष्टसुपर्णविजयध्वजम् ॥ ४॥

pradīpapādapaprāntasomacchandarathasthitam |suparṇadvayasañjuṣṭasuparṇavijayadhvajam || 4||

स्वमञ्जीरगलत्पुण्यमञ्जीरतटिनीस्थितम् ।सहस्रदलपद्मस्थसहस्रदलपद्युगम् ॥ ५॥

svamañjīragalatpuṇyamañjīrataṭinīsthitam |sahasradalapadmasthasahasradalapadyugam || 5||

रमा विश्वम्भराश्लिष्टपार्श्वद्वन्द्वमनोहरम् ।सुतपानामविप्रेन्द्रचातकाम्बुदमण्डलम् ॥ ६॥

ramā viśvambharāśliṣṭapārśvadvandvamanoharam |sutapānāmaviprendracātakāmbudamaṇḍalam || 6||

दुर्वासश्शापनिर्मुक्तमण्डूकमुनिपूजितम् ।पर्वतध्वजपाण्ड्येन्द्रपरार्थपदपङ्कजम् ॥ ७॥

durvāsaśśāpanirmuktamaṇḍūkamunipūjitam |parvatadhvajapāṇḍyendraparārthapadapaṅkajam || 7||

विमानवामपार्श्वस्थक्षेत्रपालनिषेवितम् ।श्रीमत्सुन्दरराजाख्ययाथार्थ्यद्योतिताऽकृतिम् ॥ ८॥

vimānavāmapārśvasthakṣetrapālaniṣevitam |śrīmatsundararājākhyayāthārthyadyotitā'kṛtim || 8||

तप्तकाञ्चनसङ्काशचारुपीताम्बरावृतम् ।सजीव दिव्यशस्त्रास्त्रसमारूढकटीतटम् ॥ ९॥

taptakāñcanasaṅkāśacārupītāmbarāvṛtam |sajīva divyaśastrāstrasamārūḍhakaṭītaṭam || 9||

नीलनीरदमध्यस्थतटिदाभोपवीतिनम् ।भार्गवीभवनाम्भोजभवनीकृतवक्षसम् ॥ १०॥

nīlanīradamadhyasthataṭidābhopavītinam |bhārgavībhavanāmbhojabhavanīkṛtavakṣasam || 10||

भ्रमद्भमरसङ्घुष्टवनमालाविभूषितम् ।श्रीकौस्तुभमहारत्नपरिशोभितकन्धरम् ॥ ११॥

bhramadbhamarasaṅghuṣṭavanamālāvibhūṣitam |śrīkaustubhamahāratnapariśobhitakandharam || 11||

मन्दारविटपाकारबाहुदण्डोपशोभितम् ।शङ्खचक्रगदाखड्गशार्ङ्गचापवरायुधम् ॥ १२॥

mandāraviṭapākārabāhudaṇḍopaśobhitam |śaṅkhacakragadākhaḍgaśārṅgacāpavarāyudham || 12||

उद्योगचक्रविलसद्वामेतरकराम्बुजम् ।निनदद्दक्षिणावर्तदक्षिणेतरपाणिनम् ॥ १३॥

udyogacakravilasadvāmetarakarāmbujam |ninadaddakṣiṇāvartadakṣiṇetarapāṇinam || 13||

अशेषलोकवरद कटिन्यस्तकरद्वयम् ।दोर्दण्डषण्डमध्यस्थतारहारलतान्वितम् ॥ १४॥

aśeṣalokavarada kaṭinyastakaradvayam |dordaṇḍaṣaṇḍamadhyasthatārahāralatānvitam || 14||

पद्मचन्द्रामृतरसप्रबुद्धमुखमण्डलम् ।जपाकुसुमसङ्काशविद्रमाधरपल्लवम् ॥ १५॥

padmacandrāmṛtarasaprabuddhamukhamaṇḍalam |japākusumasaṅkāśavidramādharapallavam || 15||

नितान्तदीर्घललितशफरद्वन्द्वलोचनम् ।नयनाम्बुधिमध्यस्थसेतुभूतसुनासिकम् ॥ १६॥

nitāntadīrghalalitaśapharadvandvalocanam |nayanāmbudhimadhyasthasetubhūtasunāsikam || 16||

मनोभवमहेष्वासनमितभ्रयुगोज्वलम् ।फुल्लपङ्केरुहासीनमधुपायितपुण्ड्रकम् ॥ १७॥

manobhavamaheṣvāsanamitabhrayugojvalam |phullapaṅkeruhāsīnamadhupāyitapuṇḍrakam || 17||

अर्धेन्दुललितोदारफालस्थलमनोहरम् ।अराळनीलतरळमञ्जुळाळकमञ्जुळम् ॥ १८॥

ardhendulalitodāraphālasthalamanoharam |arāḷanīlataraḷamañjuḷāḷakamañjuḷam || 18||

स्मितज्योत्स्नापरीबाहमज्जन्नीलाचलद्युतिम् ।बालार्कशतसाहस्रकिरीटमकुटान्वितम् ॥ १९॥

smitajyotsnāparībāhamajjannīlācaladyutim |bālārkaśatasāhasrakirīṭamakuṭānvitam || 19||

देदीप्यमानकटककुण्डलाङ्गदभासुरम् ।नानामणिगणज्वालाशवळीकृत विग्रहम् ॥ २०॥

dedīpyamānakaṭakakuṇḍalāṅgadabhāsuram |nānāmaṇigaṇajvālāśavaḷīkṛta vigraham || 20||

श्रीमत्कल्याणसौन्दर्यवल्लीचित्तानुवर्तिनम् ।वेदवेदाङ्गतत्वज्ञ विशुद्धमतिगोचरम् ॥ २१॥

śrīmatkalyāṇasaundaryavallīcittānuvartinam |vedavedāṅgatatvajña viśuddhamatigocaram || 21||

शरणागतसन्त्राणकरुणावरुणालयम् ।दुर्वाराश्रितदारिद्र्यविलेशयखगेश्वरम् ॥ २२॥

śaraṇāgatasantrāṇakaruṇāvaruṇālayam |durvārāśritadāridryavileśayakhageśvaram || 22||

पादाननजाक्ष्यादिसर्वावयवसुन्दरम् ।स्वाराधनासक्तचित्तभक्तसंरक्षणोत्सुकम् ॥ २३॥

pādānanajākṣyādisarvāvayavasundaram |svārādhanāsaktacittabhaktasaṃrakṣaṇotsukam || 23||

विखनोमुनिसिद्धान्तसमर्चैकप्रियाशयम् ।प्रणतार्तिप्रणाशैकधुरन्धरवनाद्रिगम् ॥ २४॥

vikhanomunisiddhāntasamarcaikapriyāśayam |praṇatārtipraṇāśaikadhurandharavanādrigam || 24||

धाराधरावृताऽरामधराधरधराधरम् ।अकारादिक्षकारान्तमातृकातारकात्मकम् ॥ २५॥

dhārādharāvṛtā'rāmadharādharadharādharam |akārādikṣakārāntamātṛkātārakātmakam || 25||

ध्रुवचन्द्रदिवानाथमध्यमण्डलवर्तिनम् ।नारदव्याससनकशुकादिहृदयेशयम् ॥ २६॥

dhruvacandradivānāthamadhyamaṇḍalavartinam |nāradavyāsasanakaśukādihṛdayeśayam || 26||

देवदानवगन्धर्वसिद्धसङ्घाभिवन्दितम् ।अनुक्षणसमारूढलक्ष्मीसंज्ञाविराजितम् ॥ २७॥

devadānavagandharvasiddhasaṅghābhivanditam |anukṣaṇasamārūḍhalakṣmīsaṃjñāvirājitam || 27||

अनेकाचरसञ्चारभुवनागारशिल्पिनम् ।ब्रह्मरुद्रेन्द्रसङ्घुष्टमहाविभवविस्तरम् ॥ २८॥

anekācarasañcārabhuvanāgāraśilpinam |brahmarudrendrasaṅghuṣṭamahāvibhavavistaram || 28||

पारावारविहारोद्यन्महामत्स्यावतारिणम् ।मधुकैटभदावाग्निप्रशमप्रचराम्बुदम् ॥ २९॥

pārāvāravihārodyanmahāmatsyāvatāriṇam |madhukaiṭabhadāvāgnipraśamapracarāmbudam || 29||

संवर्तसलिलाऽवर्तसमुद्धृतसरस्वतिम् ।अशेषभुवनाऽधारधरणीधरधारिणम् ॥ ३०॥

saṃvartasalilā'vartasamuddhṛtasarasvatim |aśeṣabhuvanā'dhāradharaṇīdharadhāriṇam || 30||

क्षीराब्धिमन्थनीमन्थमन्दराऽधारकच्छपम् ।सागरोत्पादिताब्जाऽदिगजरामामणिद्रुमम् ॥ ३१॥

kṣīrābdhimanthanīmanthamandarā'dhārakacchapam |sāgarotpāditābjā'digajarāmāmaṇidrumam || 31||

सुधाहेतुकदैत्यारिदैत्योग्रकलहास्पदम् ।मोहिताशेषभुवन मोहिनीरूपधारिणम् ॥ ३२॥

sudhāhetukadaityāridaityograkalahāspadam |mohitāśeṣabhuvana mohinīrūpadhāriṇam || 32||

धुतस्कन्धसटालग्ननक्षत्रग्रहमण्डलम् ।हिरण्याक्षघनध्वान्तकवळीकर भास्करम् ॥ ३३॥

dhutaskandhasaṭālagnanakṣatragrahamaṇḍalam |hiraṇyākṣaghanadhvāntakavaḷīkara bhāskaram || 33||

सुरासुरसुधादानप्रियविप्रियकारिणम् ।सूकराकारहुङ्कारनिराकृत पराकृतिम् ॥ ३४॥

surāsurasudhādānapriyavipriyakāriṇam |sūkarākārahuṅkāranirākṛta parākṛtim || 34||

स्वाङ्कसंस्थापितानन्तानन्ततत्वार्थदर्शिनम् ।श्रीमदष्टार्णविलसत्प्रह्लादहृदयालयम् ॥ ३५॥

svāṅkasaṃsthāpitānantānantatatvārthadarśinam |śrīmadaṣṭārṇavilasatprahlādahṛdayālayam || 35||

हिरण्यसदनद्वारनिर्भिन्नस्तम्भसम्भवम् ।कठोरगर्जनध्यान भीतभीतजगत्रयम् ॥ ३६॥

hiraṇyasadanadvāranirbhinnastambhasambhavam |kaṭhoragarjanadhyāna bhītabhītajagatrayam || 36||

घोरवज्रनखर विभिन्नशरभाकृतिम् ।दैत्यश्री हरणासक्तकुहनाब्रह्मचारिणम् ॥ ३७॥

ghoravajranakhara vibhinnaśarabhākṛtim |daityaśrī haraṇāsaktakuhanābrahmacāriṇam || 37||

त्रिविक्रमक्रमाऽक्रान्तसमस्तभुवनक्रमम् ।सर्वगीर्वाणसामन्तसार्वभौमसहोदरम् ॥ ३८॥

trivikramakramā'krāntasamastabhuvanakramam |sarvagīrvāṇasāmantasārvabhaumasahodaram || 38||

भार्गवार्णवसम्भूतनिष्कळङ्कनिशाकरम् ।स्वजोलवदन्दग्धकार्तवीर्यमहावनम् ॥ ३९॥

bhārgavārṇavasambhūtaniṣkaḷaṅkaniśākaram |svajolavadandagdhakārtavīryamahāvanam || 39||

क्षत्रियक्षतजाक्तितीक्ष्णधारापरश्वधम् ।सौरवंशसमुत्पन्नहरिन्मणिवरोत्तमम् ॥ ४०॥

kṣatriyakṣatajāktitīkṣṇadhārāparaśvadham |sauravaṃśasamutpannaharinmaṇivarottamam || 40||

महानटमहेष्वासभग्नप्राप्तजयश्रियम् ।जानकीचारुवदनचकोरश शालाञ्चनम् ॥ ४१॥

mahānaṭamaheṣvāsabhagnaprāptajayaśriyam |jānakīcāruvadanacakoraśa śālāñcanam || 41||

निर्जितानेकसाहस्रमीनकेतनसुन्दरम् ।उद्यदुत्फुल्लचन्द्राब्जस्फुरन्नीलाचलोपमम् ॥ ४२॥

nirjitānekasāhasramīnaketanasundaram |udyadutphullacandrābjasphurannīlācalopamam || 42||

प्रपन्नापन्नसम्पन्नकरणैकपरायणम् ।शरशोषितसर्वस्वसमुद्रतरणोद्यतम् ॥ ४३॥

prapannāpannasampannakaraṇaikaparāyaṇam |śaraśoṣitasarvasvasamudrataraṇodyatam || 43||

दुष्टेष्टाऽशरकीशेशनिग्रहानुग्रहप्रदम् ।भरताङ्गदभल्लूकसौरवायुसुताऽवृतम् ॥ ४४॥

duṣṭeṣṭā'śarakīśeśanigrahānugrahapradam |bharatāṅgadabhallūkasauravāyusutā'vṛtam || 44||

वसिष्ठवामदेवादिब्रह्मर्षिगणमानितम् ।क्षमावात्सल्यकारुण्याद्युदारगुणवारिधिम् ॥ ४५॥

vasiṣṭhavāmadevādibrahmarṣigaṇamānitam |kṣamāvātsalyakāruṇyādyudāraguṇavāridhim || 45||

शरदिन्दुसुधाशङ्खशुद्ध स्फटिकविग्रहम् ।कोपाऽटोपहलाऽकृष्टयमुनाहस्तिनापुरम् ॥ ४६॥

śaradindusudhāśaṅkhaśuddha sphaṭikavigraham |kopā'ṭopahalā'kṛṣṭayamunāhastināpuram || 46||

गान्धारकर्णगाङ्गेयसुयोधनमुखार्चितम् ।यशोदा देवकीनन्दवसुदेवयशोदयम् ॥ ४७॥

gāndhārakarṇagāṅgeyasuyodhanamukhārcitam |yaśodā devakīnandavasudevayaśodayam || 47||

गोपीगोपालगोबृन्दगोवर्धनधरोद्धरम् ॥बृन्दावनान्तविहरद्गोपीनयन किङ्करम् ॥ ४८॥

gopīgopālagobṛndagovardhanadharoddharam ||bṛndāvanāntaviharadgopīnayana kiṅkaram || 48||

चिन्तयन्तीकुचेलादिचिन्तितार्थबहुप्रदम् ।तृणीकृताश्ववृषभतृणाऽवर्तमदोत्कटम् ॥ ४९॥

cintayantīkucelādicintitārthabahupradam |tṛṇīkṛtāśvavṛṣabhatṛṇā'vartamadotkaṭam || 49||

काळीयकंसनरकबकवाणेशभञ्जनम् ।क्रन्दत्पाञ्चालतनयादुःखोन्मूलनसम्भ्रमम् ॥ ५०॥

kāḷīyakaṃsanarakabakavāṇeśabhañjanam |krandatpāñcālatanayāduḥkhonmūlanasambhramam || 50||

उद्धवाक्रूरविदुरभीष्मपाण्डवसेवितम् ।रुक्मिणीसत्यभामादिस्त्रैणदृष्टिमनोहरम् ॥ ५१॥

uddhavākrūravidurabhīṣmapāṇḍavasevitam |rukmiṇīsatyabhāmādistraiṇadṛṣṭimanoharam || 51||

महाभारतशार्दूलविजयप्रियसारथिम् ।धनञ्जयाद्रिगीतार्थसुधावर्षिमहाघनम् ॥ ५२॥

mahābhārataśārdūlavijayapriyasārathim |dhanañjayādrigītārthasudhāvarṣimahāghanam || 52||

समस्त विद्याभवनतुरङ्गमवराननम् ।हेषात्रयी महाघोषचन्द्रमण्डलमन्दुरम् ॥ ५३॥

samasta vidyābhavanaturaṅgamavarānanam |heṣātrayī mahāghoṣacandramaṇḍalamanduram || 53||

निगमाऽगमशास्त्रादिसर्ववागीश्वरेश्वरम् ।स्वांशावतारबाहुळ्यसंरक्षितजगत्त्रयम् ॥ ५४॥

nigamā'gamaśāstrādisarvavāgīśvareśvaram |svāṃśāvatārabāhuḷyasaṃrakṣitajagattrayam || 54||

श्रीमदाऽरामजीमूतप्रख्यातनगपुङ्गवम् ।अणिमाद्यष्टसंसिद्धयमाद्यष्टाङ्गसिद्धिदम् ॥ ५५॥

śrīmadā'rāmajīmūtaprakhyātanagapuṅgavam |aṇimādyaṣṭasaṃsiddhayamādyaṣṭāṅgasiddhidam || 55||

श्रीमद्वषाद्रिनिलयं श्रीनिवासाभिधानकम् ।नरनारायणाऽख्यात हंसहंसोत्तमेश्वरम् ॥ ५६॥

śrīmadvaṣādrinilayaṃ śrīnivāsābhidhānakam |naranārāyaṇā'khyāta haṃsahaṃsottameśvaram || 56||

श्रीममद्वृषाद्रिनिलयं श्रीमद्वेङ्कटनायकम् ।श्रीमत्कुञ्जरराजेन्द्रवरदं प्रणमाम्यहम् ॥ ५७॥

śrīmamadvṛṣādrinilayaṃ śrīmadveṅkaṭanāyakam |śrīmatkuñjararājendravaradaṃ praṇamāmyaham || 57||

समस्तजगदाधारं सर्वमङ्गळदायकम् ।सर्वलोकैकशरणं वरदं प्रणमाम्यहम् ॥ ५८॥

samastajagadādhāraṃ sarvamaṅgaḷadāyakam |sarvalokaikaśaraṇaṃ varadaṃ praṇamāmyaham || 58||

सर्वारिष्टविनाशार्थं सर्वऽपद्विनिवृत्तये ।श्रीविष्णुभक्तिलाभाय मायासन्तारणाय च ॥ ५९॥

sarvāriṣṭavināśārthaṃ sarva'padvinivṛttaye |śrīviṣṇubhaktilābhāya māyāsantāraṇāya ca || 59||

सर्वसम्पत्समृध्यर्थमाधुरारोग्यवृद्धये ।सत्कळत्रगृहक्षेत्र पुत्रमित्रादिवृद्धये ॥ ६०॥

sarvasampatsamṛdhyarthamādhurārogyavṛddhaye |satkaḷatragṛhakṣetra putramitrādivṛddhaye || 60||

सुन्दरं परमन्देवं देवीं कल्याणसुन्दरीम् ।नमामि भूयोभूयोऽहम्भूयोभूयो नमाम्यहम् ॥ ६१॥

sundaraṃ paramandevaṃ devīṃ kalyāṇasundarīm |namāmi bhūyobhūyo'hambhūyobhūyo namāmyaham || 61||

इति स्तुत्वा दिने रात्रौ सर्वसिद्धिं लभेन्नरः ॥ ६२॥

iti stutvā dine rātrau sarvasiddhiṃ labhennaraḥ || 62||

इति श्रीमत्सुन्दरराजाष्टोत्तरशतनामस्तोत्रं सम्पूर्णमितिशम् ॥

iti śrīmatsundararājāṣṭottaraśatanāmastotraṃ sampūrṇamitiśam ||