स्तोत्रादि Sri T R Chari’s stotra collection

ॐश्री लक्ष्मीनृसिंह परब्रह्मणे नमः ।श्री पद्मावती समेत वेङ्कटेशाय नमः ।श्री विष्णवे परमात्मने नमः ।श्रीमते रामानुजाय नमः ।श्री निगमान्त महा देशिकाय नमः ।श्री सायिराम् ।ततो युद्धपरिश्रान्तं समरे चिन्तया स्थितम् ।रावणं चाग्रतो दृष्ट्वा युद्धाय समुपस्थितम् ॥ १ ॥

oṃśrī lakṣmīnṛsiṃha parabrahmaṇe namaḥ |śrī padmāvatī sameta veṅkaṭeśāya namaḥ |śrī viṣṇave paramātmane namaḥ |śrīmate rāmānujāya namaḥ |śrī nigamānta mahā deśikāya namaḥ |śrī sāyirām |tato yuddhapariśrāntaṃ samare cintayā sthitam |rāvaṇaṃ cāgrato dṛṣṭvā yuddhāya samupasthitam || 1 ||

दैवतैश्च समागम्य द्रष्टुमभ्यागतो रणम् ।उपगम्याब्रवीद्राममगस्त्यो भगवानृषिः ॥ २ ॥

daivataiśca samāgamya draṣṭumabhyāgato raṇam |upagamyābravīdrāmamagastyo bhagavānṛṣiḥ || 2 ||

राम राम महाबाहो शृणु गुह्यं सनातनम् ।येन सर्वानरीन्वत्स समरे विजयिष्यसि ॥ ३ ॥

rāma rāma mahābāho śṛṇu guhyaṃ sanātanam |yena sarvānarīnvatsa samare vijayiṣyasi || 3 ||

आदित्यहृदयं पुण्यं सर्वशत्रुविनाशनम् ।जयावहं जपेन्नित्यमक्षय्यं परमं शुभम् ॥ ४ ॥

ādityahṛdayaṃ puṇyaṃ sarvaśatruvināśanam |jayāvahaṃ japennityamakṣayyaṃ paramaṃ śubham || 4 ||

सर्वमङ्गळमाङ्गल्यं सर्वपापप्रणाशनम् ।चिन्ताशोक प्रशमनमायुर्वर्धनमुत्तमम् ॥ ५ ॥

sarvamaṅgaḷamāṅgalyaṃ sarvapāpapraṇāśanam |cintāśoka praśamanamāyurvardhanamuttamam || 5 ||

रश्मिमन्तं समुद्यन्तं देवासुर नमस्कृतम् ।पूजयस्व विवस्वन्तं भास्करं भुवनेश्वरम् ॥ ६ ॥

raśmimantaṃ samudyantaṃ devāsura namaskṛtam |pūjayasva vivasvantaṃ bhāskaraṃ bhuvaneśvaram || 6 ||

सर्वदेवात्मको ह्येष तेजस्वी रश्मिभावनः ।येष देवासुरगणान् लोकान् पाति गभस्तिभिः ॥ ७ ॥

sarvadevātmako hyeṣa tejasvī raśmibhāvanaḥ |yeṣa devāsuragaṇān lokān pāti gabhastibhiḥ || 7 ||

येष ब्रह्मा च विष्णुश्च शिवः स्कन्दः प्रजापतिः ।महेन्द्रो धनदः कालो यमः सोमोह्यापाम्पतिः ॥ ८ ॥

yeṣa brahmā ca viṣṇuśca śivaḥ skandaḥ prajāpatiḥ |mahendro dhanadaḥ kālo yamaḥ somohyāpāmpatiḥ || 8 ||

पितरो वसवःसाध्या ह्यश्विनौ मरुतो मनुः ।वायुर्वह्निः प्रजाप्राण ऋतुकर्ता प्रभाकरः ॥ ९ ॥

pitaro vasavaḥsādhyā hyaśvinau maruto manuḥ |vāyurvahniḥ prajāprāṇa ṛtukartā prabhākaraḥ || 9 ||

आदित्यः सविता सूर्यः खगः पूषा गभस्तिमान् ।सुवर्णसदृशो भानुः स्वर्णरेता दिवाकरः ॥ १० ॥

ādityaḥ savitā sūryaḥ khagaḥ pūṣā gabhastimān |suvarṇasadṛśo bhānuḥ svarṇaretā divākaraḥ || 10 ||

हरिदश्वः सहस्रार्चिः सप्तसप्तिर्मरीचिमान् ।तिमिरोन्मथनः शम्भुस्त्वष्टा मार्ताण्ड अंशुमान् ॥ ११ ॥

haridaśvaḥ sahasrārciḥ saptasaptirmarīcimān |timironmathanaḥ śambhustvaṣṭā mārtāṇḍa aṃśumān || 11 ||

हिरण्यगर्भः शिशिरस्तपनो भास्करो रविः ।अग्निगर्भोऽदितेः पुत्रः शङ्खः शिशिरनाशनः ॥ १२ ॥

hiraṇyagarbhaḥ śiśirastapano bhāskaro raviḥ |agnigarbho'diteḥ putraḥ śaṅkhaḥ śiśiranāśanaḥ || 12 ||

व्योमनाथस्तमोभेदी ऋग्यजुस्सामपारगः ।घनवृष्टिरपां मित्रो विन्ध्यवीथीप्लवङ्गमः ॥ १३ ॥

vyomanāthastamobhedī ṛgyajussāmapāragaḥ |ghanavṛṣṭirapāṃ mitro vindhyavīthīplavaṅgamaḥ || 13 ||

आतपी मण्डली मृत्युः पिङ्गलः सर्वतापनः ।कविर्विश्वो महातेजा रक्तः सर्वभवोद्भवः ॥ १४ ॥

ātapī maṇḍalī mṛtyuḥ piṅgalaḥ sarvatāpanaḥ |kavirviśvo mahātejā raktaḥ sarvabhavodbhavaḥ || 14 ||

नक्षत्र ग्रहताराणामधिपो विश्वभावनः ।तेजसामपि तेजस्वी द्वादशात्मन्नमोऽस्तुते ॥ १५ ॥

nakṣatra grahatārāṇāmadhipo viśvabhāvanaḥ |tejasāmapi tejasvī dvādaśātmannamo'stute || 15 ||

नमः पूर्वाय गिरये पश्चिमायाद्रये नमः ।ज्योतिर्गणानां पतये दिनाधिपतये नमः ॥ १६ ॥

namaḥ pūrvāya giraye paścimāyādraye namaḥ |jyotirgaṇānāṃ pataye dinādhipataye namaḥ || 16 ||

जयाय जयभद्राय हर्यश्वाय नमो नमः ।नमो नमः सहस्रांशो आदित्याय नमो नमः ॥ १७ ॥

jayāya jayabhadrāya haryaśvāya namo namaḥ |namo namaḥ sahasrāṃśo ādityāya namo namaḥ || 17 ||

नम उग्राय वीराय सारङ्गाय नमो नमः ।नमः पद्मप्रबोधाय मार्ताण्डाय नमो नमः ॥ १८ ॥

nama ugrāya vīrāya sāraṅgāya namo namaḥ |namaḥ padmaprabodhāya mārtāṇḍāya namo namaḥ || 18 ||

ब्रह्मेशानाच्युतेशाय सूर्यायादित्यवर्चसे ।भास्वते सर्वभक्षाय रौद्राय वपुषे नमः ॥ १९ ॥

brahmeśānācyuteśāya sūryāyādityavarcase |bhāsvate sarvabhakṣāya raudrāya vapuṣe namaḥ || 19 ||

तमोघ्नाय हिमघ्नाय शत्रुघ्नायामितात्मने ।कृतघ्नघ्नाय देवाय ज्योतिषां पतये नमः ॥ २० ॥

tamoghnāya himaghnāya śatrughnāyāmitātmane |kṛtaghnaghnāya devāya jyotiṣāṃ pataye namaḥ || 20 ||

तप्तचामीकराभाय वह्नये विश्वकर्मणे ।नमस्तमोऽभिनिघ्नाय रुचये लोकसाक्षिणे ॥ २१ ॥

taptacāmīkarābhāya vahnaye viśvakarmaṇe |namastamo'bhinighnāya rucaye lokasākṣiṇe || 21 ||

नाशयत्येष वै भूतं तदेव सृजति प्रभुः ।पायत्येष तपत्येष वर्षत्येष गभस्तिभिः ॥ २२ ॥

nāśayatyeṣa vai bhūtaṃ tadeva sṛjati prabhuḥ |pāyatyeṣa tapatyeṣa varṣatyeṣa gabhastibhiḥ || 22 ||

एष सुप्तेषु जागर्ति भूतेषु परिनिष्ठितः ।एष एवाग्निहोत्रञ्च फलञ्चैवाग्निहोत्रिणाम् ॥ २३ ॥

eṣa supteṣu jāgarti bhūteṣu pariniṣṭhitaḥ |eṣa evāgnihotrañca phalañcaivāgnihotriṇām || 23 ||

वेदाश्च क्रतवश्चैव क्रतूनां फलमेव च ।यानि कृत्यानि लोकेषु सर्व एष रविः प्रभुः ॥ २४ ॥

vedāśca kratavaścaiva kratūnāṃ phalameva ca |yāni kṛtyāni lokeṣu sarva eṣa raviḥ prabhuḥ || 24 ||

एनमापत्सु कृच्छ्रेषु कान्तारेषुभयेषुच ।कीर्तयन् पुरुषः कश्चिन्नावसीदति राघव ॥ २५ ॥

enamāpatsu kṛcchreṣu kāntāreṣubhayeṣuca |kīrtayan puruṣaḥ kaścinnāvasīdati rāghava || 25 ||

पूजयस्वैनमेकाग्रो देवदेवं जगत्पतिम् ।एतत् त्रिगुणितं जप्त्वा युद्धेषु विजयिष्यसि ॥ २६ ॥

pūjayasvainamekāgro devadevaṃ jagatpatim |etat triguṇitaṃ japtvā yuddheṣu vijayiṣyasi || 26 ||

अस्मिन् क्षणे महाबाहो रावणं त्वं वधिष्यसि ।एवमुक्त्वा तदाऽगस्त्यो जगाम च यथागतम् ॥ २७ ॥

asmin kṣaṇe mahābāho rāvaṇaṃ tvaṃ vadhiṣyasi |evamuktvā tadā'gastyo jagāma ca yathāgatam || 27 ||

एतच्छ्रुत्वा महातेजा नष्टशोकोऽभवत्तदा ।धारयामास सुप्रीतो राघवः प्रयतात्मवान् ॥ २८ ॥

etacchrutvā mahātejā naṣṭaśoko'bhavattadā |dhārayāmāsa suprīto rāghavaḥ prayatātmavān || 28 ||

आदित्यं प्रेक्ष्य जप्त्वा तु परं हर्षमवाप्तवान् ।त्रिराचम्य शुचिर्भूत्वा धनुरादाय वीर्यवान् ॥ २९ ॥

ādityaṃ prekṣya japtvā tu paraṃ harṣamavāptavān |trirācamya śucirbhūtvā dhanurādāya vīryavān || 29 ||

रावणं प्रेक्ष्य हृष्टात्मा युद्धाय समुपागमत् ।सर्वयत्नेन महता वधे तस्य धृतोऽभवत् ॥ ३० ॥

rāvaṇaṃ prekṣya hṛṣṭātmā yuddhāya samupāgamat |sarvayatnena mahatā vadhe tasya dhṛto'bhavat || 30 ||

अथ रविरवदन्निरीक्ष्य रामंमुदितमनाः परमं प्रहृष्यमाणः ।निशिचरपतिसङ्क्षयं विदित्वासुरगणमध्यगतो वचस्त्वरेति ॥ ३१ ॥

atha raviravadannirīkṣya rāmaṃmuditamanāḥ paramaṃ prahṛṣyamāṇaḥ |niśicarapatisaṅkṣayaṃ viditvāsuragaṇamadhyagato vacastvareti || 31 ||

सरस्वती नमस्तुभ्यं वरदे कामरूपिणी ।विद्यारम्भं करिष्यामि सिद्धिर्भवतु मे सदा ॥ १ ॥

sarasvatī namastubhyaṃ varade kāmarūpiṇī |vidyārambhaṃ kariṣyāmi siddhirbhavatu me sadā || 1 ||

पद्मपत्र विशालाक्षी पद्म केसरवर्णिनी ।नित्यं पद्मालयादेवी सा माम्पातु सरस्वती ॥ २ ॥

padmapatra viśālākṣī padma kesaravarṇinī |nityaṃ padmālayādevī sā māmpātu sarasvatī || 2 ||

याकुन्देन्दु तुषारहारधवळा याशुभ्र वस्त्रान्वितायावीणा वरदण्डमण्डितकरा या श्वेत पद्मासना ।याब्रह्माच्युत शङ्करप्रभृतिभिर्देवैस्सदा पूजितासामाम्पातु सरस्वती भगवती निश्शेषजाड्यापहा ॥ ३ ॥

yākundendu tuṣārahāradhavaḷā yāśubhra vastrānvitāyāvīṇā varadaṇḍamaṇḍitakarā yā śveta padmāsanā |yābrahmācyuta śaṅkaraprabhṛtibhirdevaissadā pūjitāsāmāmpātu sarasvatī bhagavatī niśśeṣajāḍyāpahā || 3 ||

शुक्लाम्बरधरं विष्णुं शशिवर्णं चतुर्भुजम् ।प्रसन्न वदनं ध्यायेत् सर्व विघ्नोपशान्तये ॥ १ ॥

śuklāmbaradharaṃ viṣṇuṃ śaśivarṇaṃ caturbhujam |prasanna vadanaṃ dhyāyet sarva vighnopaśāntaye || 1 ||

अगजानन पद्मार्कं गजानन महर्निशम् ।अनेकदन्तं भक्तानां एकदन्तमुपास्महे ॥ २ ॥

agajānana padmārkaṃ gajānana maharniśam |anekadantaṃ bhaktānāṃ ekadantamupāsmahe || 2 ||

यं ब्रह्म वेदान्तविदो वदन्तिपरे प्रधानं पुरुषं तथान्ये ।विश्वोद्गतेः कारणमीश्वरंवातस्मै नमो विघ्नविनायकाय ॥ ३ ॥

yaṃ brahma vedāntavido vadantipare pradhānaṃ puruṣaṃ tathānye |viśvodgateḥ kāraṇamīśvaraṃvātasmai namo vighnavināyakāya || 3 ||

एकदन्तं महाकायं तप्तकांचन सन्निभम् ।लम्बोदरं विशालाक्षं वन्देऽहं गणनायकम् ॥ ४ ॥

ekadantaṃ mahākāyaṃ taptakāṃcana sannibham |lambodaraṃ viśālākṣaṃ vande'haṃ gaṇanāyakam || 4 ||

मौञ्जी कृष्णाजिनधरं नाग यज्ञोपवीतिनम् ।बालेन्दु शकलं मौळौ वन्देऽहं गणनायकम् ॥ ५ ॥

mauñjī kṛṣṇājinadharaṃ nāga yajñopavītinam |bālendu śakalaṃ mauḷau vande'haṃ gaṇanāyakam || 5 ||

चित्ररत्न विचित्राङ्ग चित्रमाला विभूषितम् ।कामरूपधरं देवं वन्देऽहं गणनायकम् ॥ ६ ॥

citraratna vicitrāṅga citramālā vibhūṣitam |kāmarūpadharaṃ devaṃ vande'haṃ gaṇanāyakam || 6 ||

मूषकोत्तममारुह्य देवासुरमहाहवे ।योद्धुकामं महावीर्यं वन्देऽहं गणनायकम् ॥ ७ ॥

mūṣakottamamāruhya devāsuramahāhave |yoddhukāmaṃ mahāvīryaṃ vande'haṃ gaṇanāyakam || 7 ||

गजवक्त्रं सुरश्रेष्ठं कर्णचामर भूषितम् ।पाशाङ्कुशधरं देवं वन्देऽहं गणनायकम् ॥ ८ ॥

gajavaktraṃ suraśreṣṭhaṃ karṇacāmara bhūṣitam |pāśāṅkuśadharaṃ devaṃ vande'haṃ gaṇanāyakam || 8 ||

यक्षकिन्नर गन्धर्व सिद्ध विद्याधरैस्सदा ।स्तूयमानं महाबाहुं वन्देऽहं गणनायकम् ॥ ९ ॥

yakṣakinnara gandharva siddha vidyādharaissadā |stūyamānaṃ mahābāhuṃ vande'haṃ gaṇanāyakam || 9 ||

अम्बिकाहृदयानन्दं मातृभिः परिवेष्टितम् ।भक्तप्रियं मदोन्मत्तं वन्देऽहं गणनायकम् ॥ १० ॥

ambikāhṛdayānandaṃ mātṛbhiḥ pariveṣṭitam |bhaktapriyaṃ madonmattaṃ vande'haṃ gaṇanāyakam || 10 ||

सर्वविघ्नकरं देवं सर्वविघ्न विवर्जितम् ।सर्वसिद्धिप्रदातारं वन्देऽहं गणनायकम् ॥ ११ ॥

sarvavighnakaraṃ devaṃ sarvavighna vivarjitam |sarvasiddhipradātāraṃ vande'haṃ gaṇanāyakam || 11 ||

मूषकवाहन मोदकहस्त चामरकर्ण विलम्बितसूत्र ।वामनरूप महेश्वर पुत्र विघ्नविनायक पादनमस्ते ॥ १२ ॥

mūṣakavāhana modakahasta cāmarakarṇa vilambitasūtra |vāmanarūpa maheśvara putra vighnavināyaka pādanamaste || 12 ||

गजाननं भूतगणाधिसेवितम्कपित्थ जम्बूफलसार भक्षणम् ।उमासुतं शोकविनाशकारणम्नमामि विघ्नेश्वर पादपङ्कजम् ॥ १३ ॥

gajānanaṃ bhūtagaṇādhisevitamkapittha jambūphalasāra bhakṣaṇam |umāsutaṃ śokavināśakāraṇamnamāmi vighneśvara pādapaṅkajam || 13 ||

गणाष्टकमिदम्पुण्यं यःपठेत्सततं नरः ।सिद्ध्यन्ति सर्वकार्याणि विद्यावान् धनवान् भवेत् ॥ १४ ॥

gaṇāṣṭakamidampuṇyaṃ yaḥpaṭhetsatataṃ naraḥ |siddhyanti sarvakāryāṇi vidyāvān dhanavān bhavet || 14 ||

अस्मद् गुरुभ्यो नमः ।अस्मत्परम गुरुभ्यो नमः ।अस्मत्सर्व गुरुभ्यो नमः ।श्रीमते श्री आदिवण् शठकोप यतीन्द्र महा देशिकाय नमः ।यस्याभवद्भक्त जनार्तिहन्तुःपितृत्वमन्येष्वविचार्य तूर्णम् ।स्तम्भेऽवतारस्तमनन्यलभ्यंलक्ष्मी नृसिंहं शरणं प्रपद्ये ॥श्रीमान् वेङ्कट नाथार्यः कवितार्किक केसरी ।वेदान्ता चार्य वर्योमे सन्निधत्तां सदाहृदि ॥गुरुभ्यस्तद् गुरुभ्यश्च नमोवाकमधीमहे ।वृणीमहे च तत्राद्यौ दम्पती जगतां पती ॥श्रीमन्नभीष्ठ वरद ।त्वामस्मि शरणं गतः ॥स्वशेष भूतेन मया स्वीयैः सर्व परिच्छदैः ।विधातुं प्रीतमात्मानं देवः प्रक्रमते स्वयम् ।शुक्लाम्बरधरं विष्णुं शशिवर्णं चतुर्भुजम् ।प्रसन्नवदनं ध्यायेत् सर्व विघ्नोपशान्तये ॥यस्य द्विरद वक्त्राद्याः पारिषद्याः परःशतम् ।विघ्नं निघ्नन्ति सततं विष्वक्सेनं तमाश्रये ॥श्रीहयग्रीवस्तोत्रम्ज्ञानानन्दमयं देवं निर्मलस्फटिकाकृतिम् ।आधारं सर्वविद्यानां हयग्रीवमुपास्महे ॥ १ ॥

asmad gurubhyo namaḥ |asmatparama gurubhyo namaḥ |asmatsarva gurubhyo namaḥ |śrīmate śrī ādivaṇ śaṭhakopa yatīndra mahā deśikāya namaḥ |yasyābhavadbhakta janārtihantuḥpitṛtvamanyeṣvavicārya tūrṇam |stambhe'vatārastamananyalabhyaṃlakṣmī nṛsiṃhaṃ śaraṇaṃ prapadye ||śrīmān veṅkaṭa nāthāryaḥ kavitārkika kesarī |vedāntā cārya varyome sannidhattāṃ sadāhṛdi ||gurubhyastad gurubhyaśca namovākamadhīmahe |vṛṇīmahe ca tatrādyau dampatī jagatāṃ patī ||śrīmannabhīṣṭha varada |tvāmasmi śaraṇaṃ gataḥ ||svaśeṣa bhūtena mayā svīyaiḥ sarva paricchadaiḥ |vidhātuṃ prītamātmānaṃ devaḥ prakramate svayam |śuklāmbaradharaṃ viṣṇuṃ śaśivarṇaṃ caturbhujam |prasannavadanaṃ dhyāyet sarva vighnopaśāntaye ||yasya dvirada vaktrādyāḥ pāriṣadyāḥ paraḥśatam |vighnaṃ nighnanti satataṃ viṣvaksenaṃ tamāśraye ||śrīhayagrīvastotramjñānānandamayaṃ devaṃ nirmalasphaṭikākṛtim |ādhāraṃ sarvavidyānāṃ hayagrīvamupāsmahe || 1 ||

ज्ञानानन्दमयं देवंस्वतस्सिद्धं शुद्धस्फटिक मणिभूभृत्प्रतिभटंसुधासध्रीचीभिर्धुतिभिरवदातत्रिभुवनम् ।अनन्तैस्त्रय्यन्तैरनुविहित हेषाहलहलंहताशेषावद्यं हयवदनमीडीमहि महः ॥ २ ॥

jñānānandamayaṃ devaṃsvatassiddhaṃ śuddhasphaṭika maṇibhūbhṛtpratibhaṭaṃsudhāsadhrīcībhirdhutibhiravadātatribhuvanam |anantaistrayyantairanuvihita heṣāhalahalaṃhatāśeṣāvadyaṃ hayavadanamīḍīmahi mahaḥ || 2 ||