सुन्दरराजकवचस्तोत्रम् Sundararaja Kavacha Stotram

॥ श्रीरस्तु ॥ श्रीब्रह्मप्रोक्तम् ।॥ श्रीमत्सुन्दरराजकवचस्तोत्रमहामन्त्रम् ॥॥ अथ श्रीसुन्दरराजकवचस्तोत्रप्रारम्भः ॥वन्दे सुन्दरराजानमिन्दिराभूमिनायकम् ।बृन्दारकगणैर्वन्द्यञ्चिन्तिताभीष्टदायकम् ॥ १॥

|| śrīrastu || śrībrahmaproktam ||| śrīmatsundararājakavacastotramahāmantram |||| atha śrīsundararājakavacastotraprārambhaḥ ||vande sundararājānamindirābhūmināyakam |bṛndārakagaṇairvandyañcintitābhīṣṭadāyakam || 1||

सोमच्छन्दविमानस्थम्मध्ये तुरगवाहनम् ।मण्डूकवरदन्देवं सुन्दरं प्रणतोस्म्यहम् ॥ २॥

somacchandavimānasthammadhye turagavāhanam |maṇḍūkavaradandevaṃ sundaraṃ praṇatosmyaham || 2||

सुन्दरायतभुजं भजामहे वृक्षषण्डमयमद्रिमास्थितम् ।यत्र सुप्रथितनू पुरापगातीर्थमर्थित फलप्रदं विदुः ॥॥ अथ श्रीसुन्दरराजकवचमहामन्त्रम् ॥अस्य श्रीसुन्दरराजकवचस्तोत्रमहामन्त्रस्य, विखनसब्रह्मर्षिः,अनुष्टुप्च्छन्दः श्रीसुन्दरराजो देवता, ॐ बीजम्, श्रीं शक्तिः,ह्रीं कीलकम्, मम सुन्दरराजप्रसादसिध्यर्थे जपे विनियोगः ॥अथ करन्यासः ।ॐ नमो भगवते श्रीसुन्दरराजाय अङ्गुष्ठाभ्यां नमः ।ॐ नमो भगवते श्रीवृषभाद्रिवासिने तर्जनीभ्यां नमः ।ॐ नमो भगवते देवशिखामणये मध्यमाभ्यां नमः ।ॐ नमो भगवते परमस्वामिने अनामिकाभ्यां नमः ।ॐ नमो भगवते प्रयोगचक्रिणे कनिष्ठिकाभ्यं नमः ।ॐ नमो भगवते सर्वसम्पत्कराय करतलकरपृष्ठाभ्यां नमः ।इति करन्यासः ।अथ अङ्गन्यासः ।ॐ नमो भगवते श्रीसुन्दरराजाय हृदयाय नमः ।ॐ नमो भगवते श्रीवृषभाद्रिवासिने शिरसे स्वाहा ।ॐ नमो भगवते देवशिखामणये शिखायै वषट् ।ॐ नमो भगवते श्रीपरमस्वामिने कवचाय हुं ।ॐ नमो भगवते प्रयोगचक्रिणे नेत्रत्रयाय वौषट् ।ॐ नमो भगवते सर्वसम्पत्कराय अस्त्राय फट् ।भूर्भुवस्सुवरोमितिदिग्बन्धः ॥इति अङ्गन्यासः ।॥ अथ ध्यानम् ॥मञ्जीराभ्यां लसत्पादं काञ्च्या राजत्कटीतटम् ।श्रीवत्सहारकेयूरैः कौस्तुभेन विराजितम् ॥ १॥

sundarāyatabhujaṃ bhajāmahe vṛkṣaṣaṇḍamayamadrimāsthitam |yatra suprathitanū purāpagātīrthamarthita phalapradaṃ viduḥ |||| atha śrīsundararājakavacamahāmantram ||asya śrīsundararājakavacastotramahāmantrasya, vikhanasabrahmarṣiḥ,anuṣṭupcchandaḥ śrīsundararājo devatā, oṃ bījam, śrīṃ śaktiḥ,hrīṃ kīlakam, mama sundararājaprasādasidhyarthe jape viniyogaḥ ||atha karanyāsaḥ |oṃ namo bhagavate śrīsundararājāya aṅguṣṭhābhyāṃ namaḥ |oṃ namo bhagavate śrīvṛṣabhādrivāsine tarjanībhyāṃ namaḥ |oṃ namo bhagavate devaśikhāmaṇaye madhyamābhyāṃ namaḥ |oṃ namo bhagavate paramasvāmine anāmikābhyāṃ namaḥ |oṃ namo bhagavate prayogacakriṇe kaniṣṭhikābhyaṃ namaḥ |oṃ namo bhagavate sarvasampatkarāya karatalakarapṛṣṭhābhyāṃ namaḥ |iti karanyāsaḥ |atha aṅganyāsaḥ |oṃ namo bhagavate śrīsundararājāya hṛdayāya namaḥ |oṃ namo bhagavate śrīvṛṣabhādrivāsine śirase svāhā |oṃ namo bhagavate devaśikhāmaṇaye śikhāyai vaṣaṭ |oṃ namo bhagavate śrīparamasvāmine kavacāya huṃ |oṃ namo bhagavate prayogacakriṇe netratrayāya vauṣaṭ |oṃ namo bhagavate sarvasampatkarāya astrāya phaṭ |bhūrbhuvassuvaromitidigbandhaḥ ||iti aṅganyāsaḥ ||| atha dhyānam ||mañjīrābhyāṃ lasatpādaṃ kāñcyā rājatkaṭītaṭam |śrīvatsahārakeyūraiḥ kaustubhena virājitam || 1||

यज्ञसूत्रञ्च तुळसीमाला धृतभुजान्तरम् ।रत्नकुण्डलशोभाढ्य कर्णद्वन्द्वमनोहरम् ॥ २॥

yajñasūtrañca tuḷasīmālā dhṛtabhujāntaram |ratnakuṇḍalaśobhāḍhya karṇadvandvamanoharam || 2||

सर्वलक्षणलक्षिण्यं सुशीर्षमकुटोज्वलम् ।सुन्दरस्य च सौन्दर्यं वन्दे सुन्दरनायकम् ॥ ३॥

sarvalakṣaṇalakṣiṇyaṃ suśīrṣamakuṭojvalam |sundarasya ca saundaryaṃ vande sundaranāyakam || 3||

पीताम्बरं वरदशीतलदृष्टिपातमाजानुलम्बिभुजमायत कर्णपाशम् ।श्रीमन्महावनगिरीन्द्रनिवासदीक्षंलक्ष्मीधरं किमपि वस्तु ममाऽविरस्तु ॥ ४॥

pītāmbaraṃ varadaśītaladṛṣṭipātamājānulambibhujamāyata karṇapāśam |śrīmanmahāvanagirīndranivāsadīkṣaṃlakṣmīdharaṃ kimapi vastu mamā'virastu || 4||

सुन्दरं सुन्दरभुजं परमस्वामिनं हरिम् ।श्रीभूमिनीळारमणं वृषाद्रीशन्नमाम्यहम् ॥ ५॥

sundaraṃ sundarabhujaṃ paramasvāminaṃ harim |śrībhūminīḷāramaṇaṃ vṛṣādrīśannamāmyaham || 5||

॥ अथ रक्षाविधिः ॥प्राच्यां मे सुन्दरः पातु आग्नेय्यां गरुडध्वजः ।दक्षिणे पातु देवेशो नैऋत्यां पातु विश्वदृक् ॥ १॥

|| atha rakṣāvidhiḥ ||prācyāṃ me sundaraḥ pātu āgneyyāṃ garuḍadhvajaḥ |dakṣiṇe pātu deveśo naiṛtyāṃ pātu viśvadṛk || 1||

वारुण्यां वरदः पातु वायव्यां पातु वामनः ।त्रिविक्रमोत्तरं पातु चैशान्यां पातु केशवः ॥ २॥

vāruṇyāṃ varadaḥ pātu vāyavyāṃ pātu vāmanaḥ |trivikramottaraṃ pātu caiśānyāṃ pātu keśavaḥ || 2||

ऊर्ध्वं मे पातु गोविन्दः हृषीकेशस्तथाह्यधः ।परितः पातु मे शार्ङ्ग चान्तर्नारायणो मम ॥ ३॥

ūrdhvaṃ me pātu govindaḥ hṛṣīkeśastathāhyadhaḥ |paritaḥ pātu me śārṅga cāntarnārāyaṇo mama || 3||

शेषशायी शिरः पातु फालं भक्तजनप्रियः ।नासां रसाधिपः पातु श्रोत्रौ रात्रिचरान्तकः ॥ ४॥

śeṣaśāyī śiraḥ pātu phālaṃ bhaktajanapriyaḥ |nāsāṃ rasādhipaḥ pātu śrotrau rātricarāntakaḥ || 4||

दृशौ मे पुण्डरीकाक्षश्चिबुकं करुणानिधिः ।दशनान्पातु दैत्यारिः जिह्वां वाचं शिखास्तथा ॥ ५॥

dṛśau me puṇḍarīkākṣaścibukaṃ karuṇānidhiḥ |daśanānpātu daityāriḥ jihvāṃ vācaṃ śikhāstathā || 5||

परमेष्ठीच पात्वोष्ठौ कपोलौ करिरक्षकः ।कण्ठं वैकुण्ठवासी मे वक्षौ वृषगिरीश्वरः ॥ ६॥

parameṣṭhīca pātvoṣṭhau kapolau karirakṣakaḥ |kaṇṭhaṃ vaikuṇṭhavāsī me vakṣau vṛṣagirīśvaraḥ || 6||

भुजौ मे सुन्दरभुजः पाणी मे पार्थसारथिः ।नखान्पातु महावीरः अमेयात्माऽङ्गुलीर्मम ॥ ७॥

bhujau me sundarabhujaḥ pāṇī me pārthasārathiḥ |nakhānpātu mahāvīraḥ ameyātmā'ṅgulīrmama || 7||

पक्षीन्द्रवाहनः कक्षौ कुक्षिं त्रैलोक्यरक्षकः ।क्षीराब्धिशायी पार्श्वौ मे पृष्टं मे कमठीवपुः ॥ ८॥

pakṣīndravāhanaḥ kakṣau kukṣiṃ trailokyarakṣakaḥ |kṣīrābdhiśāyī pārśvau me pṛṣṭaṃ me kamaṭhīvapuḥ || 8||

नाभिं मे पद्मनाभश्च कटिं कैटभनाशनः ।वनाद्रिनिलयो मध्यमूरू दामोदरो मम ॥ ९॥

nābhiṃ me padmanābhaśca kaṭiṃ kaiṭabhanāśanaḥ |vanādrinilayo madhyamūrū dāmodaro mama || 9||

जानुनी जन्महा पातु जङ्घे शङ्खासिपद्मधृत् ।पादौ मे परमस्वामी शुभाङ्गः पातु मेऽङ्गुळीः ॥ १०॥

jānunī janmahā pātu jaṅghe śaṅkhāsipadmadhṛt |pādau me paramasvāmī śubhāṅgaḥ pātu me'ṅguḷīḥ || 10||

पार्ष्णी शतमखस्तोत्री नखरान्मे हिरण्मयः ।माधवः पातु मेऽङ्गानि सर्वदेवशिखामणिः ॥ ११॥

pārṣṇī śatamakhastotrī nakharānme hiraṇmayaḥ |mādhavaḥ pātu me'ṅgāni sarvadevaśikhāmaṇiḥ || 11||

चर्मण्यस्थीनि रोमाणि मांसानि रुधिराणि च ।अनन्तः पातु मे बाह्यं परितोऽभ्यन्तराणि च ॥ १२॥

carmaṇyasthīni romāṇi māṃsāni rudhirāṇi ca |anantaḥ pātu me bāhyaṃ parito'bhyantarāṇi ca || 12||

शुद्धात्मा दिवसे बुद्धिं मङ्गलाङ्गो मनो मम ।वाचं वाणीपतिस्तुत्यो प्राणान्सुन्दरवल्लभः ॥ १३॥

śuddhātmā divase buddhiṃ maṅgalāṅgo mano mama |vācaṃ vāṇīpatistutyo prāṇānsundaravallabhaḥ || 13||

इन्द्रियाणि च सर्वाणि शरीराणि हरिर्मम ।सूर्यात्मा दिवसे पातु सोमात्मा निशि सर्वदा ॥ १४॥

indriyāṇi ca sarvāṇi śarīrāṇi harirmama |sūryātmā divase pātu somātmā niśi sarvadā || 14||

उभयो सन्ध्ययोः पातु चोग्रसिह्योऽसुरासुहृत् ।वराहः पातु भूमौ मां जले जलचरप्रभुः ॥ १५॥

ubhayo sandhyayoḥ pātu cograsihyo'surāsuhṛt |varāhaḥ pātu bhūmau māṃ jale jalacaraprabhuḥ || 15||

विपिने पातु गोपालः शैले दाशरथीषुघृत् ।आस्थाने कामजनकः यात्रादौ मे जनार्दनः ॥ १६॥

vipine pātu gopālaḥ śaile dāśarathīṣughṛt |āsthāne kāmajanakaḥ yātrādau me janārdanaḥ || 16||

दिक्षु सर्वासु कार्येषु सर्वभूतहितेरतः ।मित्रं पातु श्रियं पातु सौमित्रेरग्रजो मम ॥ १७॥

dikṣu sarvāsu kāryeṣu sarvabhūtahiterataḥ |mitraṃ pātu śriyaṃ pātu saumitreragrajo mama || 17||

भूतराक्षसयक्षेभ्यः क्षुद्रेभ्यः पातु मौसली ।क्षयशूलातिसारेभ्यः कुष्ठेभ्यो भूतमारणः ॥ १८॥

bhūtarākṣasayakṣebhyaḥ kṣudrebhyaḥ pātu mausalī |kṣayaśūlātisārebhyaḥ kuṣṭhebhyo bhūtamāraṇaḥ || 18||

अपस्मारज्वरादिभ्यः पातु मां भक्तवत्सलः ।शार्ङ्गी गदाधरः पातु चक्री पातु महाबलः ॥ १९॥

apasmārajvarādibhyaḥ pātu māṃ bhaktavatsalaḥ |śārṅgī gadādharaḥ pātu cakrī pātu mahābalaḥ || 19||

बलध्वंसी च मे पातु जागरे शयने सदा ।इत्याह भगवान्ब्रह्म नारदाय महात्मने ॥ २०॥

baladhvaṃsī ca me pātu jāgare śayane sadā |ityāha bhagavānbrahma nāradāya mahātmane || 20||

इदं श्रुत्वा महाप्राज्ञः नारदो मुनिसत्तमः ।स्वशिष्येभ्यश्च सर्वेभ्योह्युपदेशं करोति सः ॥ २१॥

idaṃ śrutvā mahāprājñaḥ nārado munisattamaḥ |svaśiṣyebhyaśca sarvebhyohyupadeśaṃ karoti saḥ || 21||

बहवो ऋषयश्चेदं जप्त्वा खयफलङ्गताः ।इत्याश्चर्यकरन्दिव्यं कवचं यो जपन्सदा ॥ २२॥

bahavo ṛṣayaścedaṃ japtvā khayaphalaṅgatāḥ |ityāścaryakarandivyaṃ kavacaṃ yo japansadā || 22||

॥ फलश्रुतिः ॥सर्वान्कामानवाप्नोति विष्णुसायुज्यमाप्नुयात् ।सुन्दराख्यस्य कवचं यो वा भृतकळेवरे ॥ २३॥

|| phalaśrutiḥ ||sarvānkāmānavāpnoti viṣṇusāyujyamāpnuyāt |sundarākhyasya kavacaṃ yo vā bhṛtakaḷevare || 23||

न रोगो न भयं क्वापि न भूतप्रेतबाधकः ।न शक्यो बाधितुं लोकैस्सर्वत्र विजयी भवेत् ॥ २४॥

na rogo na bhayaṃ kvāpi na bhūtapretabādhakaḥ |na śakyo bādhituṃ lokaissarvatra vijayī bhavet || 24||

महारणे सभामध्ये चोरव्याघ्रसमूहके ।यस्स्मरन्सुन्दरभुजं तक्षणाज्जयमश् ?नुते ॥ २५॥

mahāraṇe sabhāmadhye coravyāghrasamūhake |yassmaransundarabhujaṃ takṣaṇājjayamaś ?nute || 25||

वज्रेणापि न भिद्यन्ते हरेनामामृताऽप्लुताः ।पुत्रार्थी लभते पुत्रान्धर्मार्थी धर्ममश्नु?ते ॥ २६॥

vajreṇāpi na bhidyante harenāmāmṛtā'plutāḥ |putrārthī labhate putrāndharmārthī dharmamaśnu?te || 26||

कामार्थी काममाप्नोति धनार्थी लभते धनान् ।जयार्थी जयमाप्नोति वश्यार्थी वश्यमाप्नुयात् ॥ २७॥

kāmārthī kāmamāpnoti dhanārthī labhate dhanān |jayārthī jayamāpnoti vaśyārthī vaśyamāpnuyāt || 27||

न भयं राक्षसेभ्यश्च रोगार्तो मुच्यते रुजः ।रात्रौ च कवचं जप्त्वा दुस्स्वप्नमादिन्द्रियस्खलात् ॥ २८॥

na bhayaṃ rākṣasebhyaśca rogārto mucyate rujaḥ |rātrau ca kavacaṃ japtvā dussvapnamādindriyaskhalāt || 28||

श्रीवश्यं शत्रुवश्यश्च राजवश्यं मृगादिभिः ।वाक्सिद्धिं कायसिद्धिञ्च मनस्सिद्धिश्च विन्दति ॥ २९॥

śrīvaśyaṃ śatruvaśyaśca rājavaśyaṃ mṛgādibhiḥ |vāksiddhiṃ kāyasiddhiñca manassiddhiśca vindati || 29||

सप्तकोटिमहामन्त्रं बहुयत्नेन सिद्धिदम् ।सुन्दरेशस्य कवचं शीघ्रसिद्धिप्रदं शुभम् ॥ ३०॥

saptakoṭimahāmantraṃ bahuyatnena siddhidam |sundareśasya kavacaṃ śīghrasiddhipradaṃ śubham || 30||

इति श्रीनारदाय ब्रह्मप्रोक्तंश्रीमत्सुन्दरराजकवचस्तोत्रमहामन्त्रं समाप्तिमगादितिशम् ॥ॐ तत्सत् । श्रीमत्सुन्दरराजार्पणमस्तु ॥

iti śrīnāradāya brahmaproktaṃśrīmatsundararājakavacastotramahāmantraṃ samāptimagāditiśam ||oṃ tatsat | śrīmatsundararājārpaṇamastu ||