ग्रन्थकर्तुःप्रार्थना Shri Shrigranthakartuh Prarthana

सुबलसखाधरपल्लवसमुदितमधुमुग्धमधुरीलुब्धाम् ।रुचिजितकञ्चनचित्रांकाञ्चन चित्रां पिकीं वन्दे ॥ १॥

subalasakhādharapallavasamuditamadhumugdhamadhurīlubdhām |rucijitakañcanacitrāṃkāñcana citrāṃ pikīṃ vande || 1||

वृषरविजाधराबिम्बीफलरसपानोत्कमद्भुतं भ्रमरम् ।धृतशिखिपिञ्छकचूलंपीतदुकूलं चिरं नौमि ॥ २॥

vṛṣaravijādharābimbīphalarasapānotkamadbhutaṃ bhramaram |dhṛtaśikhipiñchakacūlaṃpītadukūlaṃ ciraṃ naumi || 2||

जितः सुधांशुर्यशसा ममेतिगर्वं मूढ मा बत गोष्ठवीर ।तवारिनरीनयनाम्बुपालीजिगाय तातं प्रसभं यतोऽस्य ॥ ३॥

jitaḥ sudhāṃśuryaśasā mametigarvaṃ mūḍha mā bata goṣṭhavīra |tavārinarīnayanāmbupālījigāya tātaṃ prasabhaṃ yato'sya || 3||

कुञ्जे कुञ्जे पशुपवनितावाहिनीभिः समस्तात्स्वैरं कृष्णः कुसुमधनुषो राज्यचर्चां करोतु ।एतत्प्रार्थ्यं सखि मम यथा चित्तहारी स धूर्तोबद्धं चेतस्त्यजति किमु वा प्राणमोषां करोति ॥ ४॥

kuñje kuñje paśupavanitāvāhinībhiḥ samastātsvairaṃ kṛṣṇaḥ kusumadhanuṣo rājyacarcāṃ karotu |etatprārthyaṃ sakhi mama yathā cittahārī sa dhūrtobaddhaṃ cetastyajati kimu vā prāṇamoṣāṃ karoti || 4||

इति श्रीरघुनाथदासगोस्वामिविरचितस्तवावल्यांश्रीश्रीग्रन्थकर्तुः प्रार्थना समाप्ता ।

iti śrīraghunāthadāsagosvāmiviracitastavāvalyāṃśrīśrīgranthakartuḥ prārthanā samāptā |